Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Kreu i Komisionit Qëndror të Zgjedhjeve Ilirjan Celibashi ka deklaruar ditën e sotme se ndryshimi i Kodit Zgjedhor është në interes të partive politike. • Gjatë fjalës së tij në bashkëbisedimin me gazetarët, Celibashi theksoi se i kanë kërkuar gjithashtu Kuvendit që të miratojë sa më parë buxhetin për partitë politike në vend që do të marrin pjesë në zgjedhje. • Në lidhje me votën e diasporës Celibashi u shpreh se Italia, Greqia dhe Gjermania janë shtetet me numrin më të lartë të aplikimeve respektivisht me 37%, 27% dhe 11.9%. • Kreu i KQZ, Ilirjan Celibashi gjatë konferencës për shtyp me gazetarët u ndal edhe te propozimi i opozitës për të votuar emigrantët pa dokument identifikimi shqiptar. • Lidhur me këtë Celibashi u shpreh se sistemi aktual nuk e mundëson këtë gjë, por nëse palët politike bien dakord KQZ ka për detyrim ti zbatojë. • Celibashi tha se nëse palët bien dakord që identifikimi mund të bëhet edhe përmes dokumenteve të tjera, do të duhet të bëhet një sistem tjetër ose të zhvillohet ky sistem.
3 artikuj për këtë temë.
TIRANË - Kreu i KQZ, Ilirjan Celibashi gjatë konferencës për shtyp me gazetarët u ndal edhe te propozimi i opozitës për të votuar emigrantët pa dokument identifikimi shqiptar. Lidhur me këtë Celibashi u shpreh se sistemi aktual nuk e mundëson këtë gjë, por nëse palët politike bien dakord KQZ ka për detyrim ti zbatojë.
Celibashi tha se nëse palët bien dakord që identifikimi mund të bëhet edhe përmes dokumenteve të tjera, do të duhet të bëhet një sistem tjetër ose të zhvillohet ky sistem.
Celibashi: PER është ndërtuar për të identifikuar dokumentet e identifikimit të lëshuara nga Republika e Shqipërisë. Nëse palët bien dakord që identifikimi mund të bëhet edhe përmes dokumenteve të tjera, do të duhet të bëhet një sistem tjetër ose të zhvillohet ky sistem. Nuk do më takon të komentoj propozimet që partitë kanë në lidhje me ndryshime të mundshme të kodit. Nëse bien dakord ato, ne kemi detyrimin për t’i zbatuar”, theksoi Komisioneri.
TIRANË- Kreu i Komisionit Qëndror të Zgjedhjeve Ilirjan Celibashi ka deklaruar ditën e sotme se ndryshimi i Kodit Zgjedhor është në interes të partive politike. Gjatë fjalës së tij në bashkëbisedimin me gazetarët, Celibashi theksoi se i kanë kërkuar gjithashtu Kuvendit që të miratojë sa më parë buxhetin për partitë politike në vend që do të marrin pjesë në zgjedhje. Celibashi shton se ky buxhet duhet tu vihet në dispozicion subjekteve zgjedhore më para fushatës.
“I kemi kërkuar Kuvendit që sa më parë të miratojë buxhetin për partitë politike të cilat do të marrin pjesë në zgjedhje. Me siguri ky buxhet do tu vihet në dispozicion subjekteve zgjedhore më para fushatës, pasi ky buxhet u është vënë në dispozicion në zgjedhjet e mëparshme shumë pak ditë para nisjes së fushatës ose në ndonjë rast edhe kur fushata kishte filluar”, tha Celibashi.
TIRANË - Kreu i Komisionit Qendror të Zgjedhjeve (KQZ), Ilirjan Celibashi ka dhënë mesditën e sotme detaje në lidhje me votën e diasporës. Në një konferencë për shtyp me gazetarët, Celibashi u shpreh se Italia, Greqia dhe Gjermania janë shtetet me numrin më të lartë të aplikimeve respektivisht me 37%, 27% dhe 11.9%.
Celibashi u shpreh se data 2 shkurt ka qënë data me numrin më të lartë të aplikimeve me 9774 aplikime dhe data 14 janar data me numrin më të ulët të aplikimeve në 3588. Kreu i KQZ sqaron se në 4 mars përfundon procesi i aplikimit dhe në 9 mars del lista e zgjedhësve të votuesve nga jashtë.
Celibashi: Data dy shkurt data me numrin më të lartë të aplikimevë me 9774 aplikime në ditë. Përgjithësisht në ditën e dielë është numri më i madh i aplikimeve, ndërsa dita me më pak aplikime është 14 janari, me 3588 aplikime. Dhe përgjithësisht dita e martë është dita më nr më të vogël të aplikimeve. Shtete me numrin më të lartë të aplikimeve janë Italia, Greqia, Gjermani, respektivisht me 37 %, 27% dhe 11.9%.
Po kështu këto janë 3 shtetet me numrin më të madh të miratimeve. 33.4% e totalit të zgjedhësve të cilëve u është miratuar kërkesa nga Italia, 22% nga Greqia, dhe 12.6% nga Gjermani. Në 4 mars përfundon procesi i aplikimit dhe në 9 mars kemi listën e zgjedhësve të votuesve nga jashtë. 24 Mars përfundon procesi i paraqitjes së kandidatëve për deputetë dhe ne mendojmë që menjëherë pas muajit Mars të fillojmë të përgatisim, do bëhet printimi i fletës së votimit që do vijë me kutinë e votimit dhe informacionin tjetër zgjedhor për votuesit jashtë.
