Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Në sallën e seancave plenare është rikthyer aksioni opozitar, kaosi dhe tensioni. • Ashtu siç u paralajmërua menjëherë pas dënimit dhe burgosjes së kolegut të tyre Ervin Salianjit, deputetët e Partisë Demokratike kanë penguar zhvillimin normal të seancës së sotme plenare. • Në hapje të seancës nga kryetarja e Kuvendit, Elisa Spiropali deputetët demokratë u mblodhën rreth foltores, ndërsa pjesa ku ulen ministrat u rrethua nga punonjësit e Gardës. • Ndërkohë teksa Spiropali po lexonte vendimin për heqjen e mandatit të Salianjit, deputetët e opozitës nxorrën jashtë karriget e tyre dhe iu vunë flakën. • Kreu i grupit të PD-së, Gazment Bardhi tha se janë aty jo për karriget e tyre por për të mbrojtur interesin publik. Ai shtoi se nuk kanë djegur mandatet, pasi nuk shmangen nga beteja e tyre. • Pas kësaj, deputetët demokratë janë rikthyer sërish në sallë. • Deputeti Flamur Noka pati një përplasje me deputetin Petro Koço, madje në një moment e ka shtyrë në krahë. • Kjo e detyroi kryeparlamentaren Spiropali që ta përjashtonte nga seanca. Pas përjashtimit të Nokës, Spiropali njoftoi edhe mbylljen e seancës plenare. • Noka ka folur pas mbylljes së seancës për mediat jashtë Kuvendit, ku akuzoi kryeministrin Edi Rama se po tenton të likuidojë opozitën, sipas tij duke burgosur dhe kërcënuar me burg liderët e partive opozitare. • Ai njoftoi se aksioni opozitar dhe kaosi do të jetë prezent në çdo seancë plenare, ndërsa shtoi se pa qeveri teknike, Shqipëria nuk ka qetësi.
15 artikuj për këtë temë.
TIRANË- Deputetët e Partisë Demokratike kanë rikthyer në Kuvend aksionin opozitar. Në hapje të seancës plenare nga kryetarja e Kuvendit, deputetët demokratë u mblodhën rreth foltores, ndërsa pjesa ku ulen ministrat u rrethua nga punonjësit e Gardës.
Ndërkohë teksa Spiropali po lexonte vendimin për heqjen e mandatit të Salianjit, në një moment deputeti dhe kryetari i Grupit Parlamentar të PD, Gazment Bardhi hodhi këmbën e karriges, e cila kaloi mbi kokën e kryetares së Kuvendit, Elisa Spiropali. Ka qenë punonjës i gardës, i cili i ka ardhur në ndihmë kryetares së Kuvendit.
Pas kësaj, opozita nxorri jashtë karriget e tyre dhe iu vunë flakën. Kreu i grupit të PD-së, Gazment Bardhi tha se janë aty jo për karriget e tyre por për të mbrojtur interesin publik. Ai shtoi se nuk kanë djegur mandatet, pasi nuk shmangen nga beteja e tyre.
Pas kësaj, deputetët demokratë janë rikthyer sërish në sallë. Deputeti Flamur Noka pati një përplasje me deputetin Petro Koço, madje në një moment e ka shtyrë në krahë. Kjo e detyroi kryeparlamentaren Spiropali që ta përjashtonte nga seanca.
TIRANË- Kryetarja e Kuvendit, Elisa Spiropali ka reaguar pasi Deputetët e Partisë Demokratike i vunë zjarrin karrigeve. Përmes një postimi në rrjetet sociale, Spiropali thotë se opozita e ktheu sot Kuvendin në një skenë krimi.
Gjithashtu sipas Spiropalit karriget qe sot u dogjën janë për tu respektuar duke u ulur mbi to me peshën e besimit të marrë prej qytetarëve. Më tej ajo shtroi se fatkeqësisht zjarrin mbi parlamentet e kanë vënë vetëm përbuzësit dhe shkatërruesit më të mëdhenj të demokracisë në historinë e saj.
REAGIMI I ELISA SPIROPALIT
“Karriget tona janë të qytetarëve” tha një deputet i opozitës! Kjo është shumë e vërtetë dhe prandaj ato karrige janë për t’u respektuar duke u ulur mbi to me peshën e besimit të marrë prej qytetarëve. Djegia e tyre dëshmon nivelin më ekstrem të mungesës së respektit për qytetarët, ligjin dhe institucionet e shtetit demokratik. Fatkeqësisht zjarrin mbi parlamentet e kanë vënë vetëm përbuzësit dhe shkatërruesit më të mëdhenj të demokracisë në historinë e saj. Edhe më fatkeqësisht zjarrvënia e sotme, dhe aktet ekstreme të dhunës brenda sallës, e kanë kthyer Kuvendin në një skenë krimi, për t'u marrë në kqyrje nga organet ligjzbatuese.
Keqardhje e thellë!
TIRANË- Ervin Salianji ka reaguar pasi kryetarja e Kuvendit, Elisa Spiropali lexoi në seancë vendimin për heqjen e mandatit të tij. Në një postim në Facebook, ish-deputeti shkruan se edhe nga burgu do të vazhdojë, beteja e tij politike dhe se asgjë nuk e ndal.
Seanca e sotme, e cila zgjati vetëm rreth 15 minuta u shoqërua nga nisja e deri në përfundim me kaos dhe tension. Opozita lajmëroi pas mbylljes së seancës se e njëjta panoramë do të jetë sa herë të ketë mbledhje parlamentare.
POSTIMI I SALIANJIT:
Sot me vendimin politik të Edi Ramës, socialistët vendosin ta fshijnë emrin tim nga rradhët e opozitës në Parlament, duke hequr mandatin e dhënë nga qytetarët e Korçës!
Jam krenar që në çdo ditë të ekzistencës time politike i kam shërbyer vetëm interesit të qytetarëve! Edhe nga burgu politik do të vazhdoj të jem tmerri i atyre që mendojnë se me izolimin tim do të më mbyllin gojën.
Asgjë nuk më ndal! Beteja politike vazhdon!
TIRANË- Deputeti i PD-së, Dashnor Sula ka mbajtur fjalën e tij pas mbarimit të seancës së sotme parlamentare. Sula u shpreh se kryeministri Edi Rama dhe Fatmir Xhafaj janë hakmarrë personalisht, duke dënuar deputetin Ervin Salianjin.
Ai më tej theksoi se shqiptarët nuk do të bëhen palë me regjimin e ata do të protestojnë, duke kërkuar lirinë dhe demokracinë e shumëdëshiruar.
“Ervin Salianji është i burgosur politik. Kanë bërë hakmarrje primitive e personale, duke nisur nga Rama e Xhafaj. Ndryshimi i Salianjit nga PS është se ato për zonjën Xhaçka nuk ekzekutuan vendimin, ndërsa Ervin Salianji po vuan dënimin në burgun e Fierit, pavarësisht se vendimi është i një regjimi.
Një pjesë e sistemit të drejtësisë janë hanxhar në duart e qeverisë. Ne nuk do të tutemi. Ne nuk duhet të kemi frikë. Zjarri opozitar do të duhet të nisë sot. Shqiptarët më 7 tetor, ora 18:00 në Tiranë t’i japim fund regjimit”, tha Sula.
TIRANË- Në seancat plenare në Kuvend është rikthyer kaosi. Deputetët e opozitës kanë risjellë në Kuvend aksionin opozitar, pas dënimit dhe burgosjes së kolegut të tyre, Ervin Salianji.
Deputeti Flamur Noka pati një përplasje me deputetin Petro Koço, madje në një moment e ka shtyrë në krahë. Kjo e detyroi kryeparlamentaren Spiropali që ta përjashtonte nga seanca. Pas përjashtimit të Nokës, Spiropali njoftoi edhe mbylljen e seancës plenare.
TIRANË- Deputetja e PD, Dhurata Çupi paralajmëroi se skenat që ndodhën ditën e sot në Parlament do të jenë prezentë në çdo seancë. Në një deklaratë për mediat pas përfundimit të parlamentit, që u shoqërua me kaos Çupi u shpreh se këto pamje i ka detyruar Edi Rama, i cili ka djegur Kushteutën dhe ka shitur Shqipërinë.
“Këto pamje i ka detyruar Edi Rama, i cili ka djegur Kushteutën, ka shitur Shqipërinë. Nuk ka asnjë lloj normaliteti me Edi Ramën kryeministër. Do të na ketë përballë, këtë pamje do ta shikoni çdo të hënë dhe çdo të enjte”, u shpreh ajo.
TIRANË- Nënkryetari i PD dhe deputeti Agron Gjekmarkaj tha se nuk do ta pranojnë planin ogurzi për të arrestuar sali Berishën dhe për të burgosur Ervin Salianjin. Gjekmarkaj gjatë deklaratës për mediat pas përfundimit të parlamentit u shpreh se opozita është në agresion për tu zhdukur. Gjithashtu ai i bëri thirrje të gjithë shqiptarëve që ti bashkohen protestës së opozitës më 7 tetor.
Ne nuk jemi të gatshëm të dorëzojmë liritë, pluralizimin, ne nuk pranojmë planin ogurzi për shpërbërjen e opozitës që ka filluar me arrestimin e Berisha apo të Ervin Salianjit. Shqiptarët ditën e hënë data 7, ora 18:00 do të jemi në rrugë për të mbrojtur pluralizimin, demokracinë dhe opozitën që është nën agresion për tu zhbërë me qëllim që në Shqipëri të jetë vetëm një person," tha ai.
TIRANË- Deputeti i Partisë Demokratike, Flamur Noka ka folur pas mbylljes së seancës për mediat jashtë Kuvendit. Noka ka akuzuar kryeministrin Edi Rama se po tenton të likuidojë opozitën, sipas tij duke burgosur dhe kërcënuar me burg liderët e partive opozitare.
Noka njoftoi se aksioni opozitar dhe kaosi do të jetë prezent në çdo seancë plenare, ndërsa shtoi se pa qeveri teknike, Shqipëria nuk ka qetësi.
Flamur Noka: Edi Rama i ka vënë flakën demokracisë në Shqipër për xhepat e tij. Jemi për të kryer misionin e e dhënë nga demokratët. Edi Rama kërcënon me burg kreun e PL dhe Partisë Republikane. Kushdo që i nxjerr të palarat Edi Ramës, kërcënohet me burg. Ta harrojë që mund të likuidojë opozitës. Opozita do të jetë të hënën në ballë të aksionit opozitar dhe qytetar. Sa herë të ketë parlament e njëjta panoramë do të jetë. Pa qeveri teknike, Shqipëria nuk ka qetësi.
TIRANË- Pas ndërprerjes 5 minuta Kuvendi ka rinisur seancën plenare. Ndërprerja u krye për të qetësuar situatën në Kuvend ndërsa opozita nuk është ndalur edhe pas pushimit të kërkuar nga kryetai i Grupit Parlamentar të PS-së, Niko Peleshi.
Pas pushimit situata agravoi sërish ndërsa kryeparlamentarja, Elisa Spiropali përjashtoi deputetin Flamur Noka. Por situata ishte e papërballueshme prandaj seanca plenare u mbyll parakohe. Deputetët e opozitës u shprehën se kjo situatë do të vijojë edhe në seancat e ardhshme.
TIRANË- Kryetarja e Kuvendit, Elisa Spiropali ka vendosur ndërprerjen e seancës plenare për 10 minuta, pas kaosit të shkaktuar nga deputetët e opozitës. Deputetët e opozitës në fillim kanë bllokuar foltoren ndërsa kanë hedhur sende në drejtim të maxhorancës. Gjithashtu deputetët kanë patur edhe përplasje me gardën.
Deputetët gjithashtu kanë marrë një tjetër akt për të përshkallëzuar protestën e tyre për arrestimin e deputetit, Ervin Saliani. Ata me radhë kanë marrë karriget e tyre ndërsa janë drejtuar drejt ambienteve të jashtme të Kuvendit. Pasi kanë grumbulluar karriget deputeti Flamur Noka ka ndezu objektet. Ndërkohë zjarri dhe tymi ka pushtuar ambientet e jashtme të Kuvendit.
TIRANË- Deputetët e Partisë Demokratike, teksa Spiropali lexonte vendimin për Ervin Salianjin, kanë nxjerrë karriget e tyre jashtë Kuvendit dhe iu kanë vë flakën.
Kreu i grupit të PD-së, Gazment Bardhi tha se janë aty jo për karriget e tyre por për të mbrojtur interesin publik. Ai shtoi se nuk kanë djegur mandatet, pasi nuk shmangen nga beteja e tyre.
"Ne po djegim karriget tona. Ne nuk jemi këtu për karriget tona. Jemi këtu për të mbrojtur interesin publik. Salianji denoncoi lidhjet e Fatmir Xhafajt me krimin. Karriget tona janë të qytetarëve. Edi Rama ka djegur parlamentin. Ne jemi këtu për të thënë se jemi për interes publik. Jo, ne nuk kemi djegur mandatet. Ne nuk shmangemi nga beteja, do na kenë përballë në çdo moment.", u shpreh Bardhi.
TIRANË- Pas përplasjeve në foltore, deputetët e opozitës kanë marrë një tjetër akt për të përshkallëzuar protestën e tyre për arrestimin e deputetit, Ervin Saliani. Deputetët me radhë kanë marrë karriget e tyre ndërsa janë drejtuar drejt ambienteve të jashtme të Kuvendit.
Pasi kanë grumbulluar karriget deputeti Flamur Noka ka ndezu objektet. Ndërkohë zjarri dhe tymi ka pushtuar ambientet e jashtme të Kuvendit.
TIRANË- Seanca e sotme plenare ka nisur me tensione. Deputetët e opozitës janë mbledhur në foltore ndërsa kanë hedhur sende drejt maxhorancës. Garda ka krijuar një gardh para foltores ndërsa ka tentuar të ndalojë tensionet e opozitës.
Ndërsa në foltore është kaos kryeparlamentarja Elisa Spiropali lexoi vendimin për deputetin Ervin Salianji. Kjo ka sjellë akoma më shumë tensione ndërsa deputetët janë nervozuar akoma më shumë për leximin e vendimit për kolegun e tyre.
TIRANË- Ditën e sotme po mbahet seanca e radhës plenare. Seanca ka nisur me tensione ndërsa opozita ka bllokuar foltoren.
Gjithashtu deputetët e PD-së kanë hedhur sende në drejtim të maxhorancës. Gjithashtu deputetët e PD-së janë përplasur edhe me gardën e Kuvendit.
TIRANË- Deputetët e Partisë Demokratike kanë lënë selinë pas përfundimit të mbledhjes së grupit dhe i janë drejtuar Kuvendit. Për pak minuta pritet të nisë seanca plenare, ndërsa pritet të shoqërohet me debate dhe tension.
Pas burgosjes së deputetit demokrat Ervin Salianji, opozita ka paralajmëruar mosbindje civile kudo. Po ashtu kanë lajmëruar se do të braktisin çdo mbledhje parlamentare. Kjo ka nisur që sot me braktisjen e komisioneve hetimore parlamentare.
Në tryezën e opsioneve të demokratëve janë disa variante që mund të ndiqen duke nisur që nga ngujimi afatgjatë i ligjvënësve demokratë te protestat brenda sallës së Kuvendit me synim paralizimin e funksionimit normal.
