Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Samiti i liderëve të Bashkimit Europian dhe Ballkanit Perëndimor ka nisur në Shkup. • Sot udhëheqësit e vendeve do të diskutojnë zbatimin e planit të rritjes për rajonin. • Kryeministri i Shqipërisë, Edi Rama dhe ai i Kosovës, Albin Kurti janë të pranishëm në tryzën e diskutimeve, ndërsa vihet re mungesa e presidentit serb, Aleksandër Vuçiç. • Përveç Ramës dhe Kurtit, në samit janë të pranishëm edhe kryeministri i Malit të Zi Milojko Spajiq, kryetarja e Këshillit të Ministrave të Bosnjë e Hercegovinës Borjana Krishto, ministri për Integrimin Evropian i Serbisë Nemanja Staroviq. • Dy panele do të mbahen si pjesë e takimit të liderëve, i pari prej të cilëve do t’i kushtohet Planit të Rritjes së Ballkanit Perëndimor, ku do të mbajnë fjalimet e tyre kryeministri i Maqedonisë së Veriut, Hristijan Mickoski dhe Komisionerja Evropiane për Zgjerimin, Marta Kos. • Kjo e fundit gjatë fjalës së saj, është shprehur se për herë të parë në historinë e Evropës, nëse punohet me vendosmëri në procesin e zgjerimit, Evropa mund të bashkohët, por sipas saj kjo nuk ndodh pa vendet e Ballkanit Perëndimor. • Komisionerja europiane tha se aktualisht ka konsensus për një zgjerim të mëtejshëm të BE-së, ndërsa shtoi se në të kaluarën kjo ka munguar. • Lidhur me procesin e integrimit të Shqipërisë në BE, ajo tha se nëse Shqipëria ecën me këtë ritëm, mund të mbyllë të gjithë kapitujt deri në fund të këtij viti. • Paneli i dytë do t’i kushtohet mekanizmave specifikë dhe mbështetjes për zbatimin e Planit të Rritjes. • Ky samit dy ditor, i cili u zhvillua edhe dje, ka për qëllim të forcojë bashkëpunimin ekonomik mes vendeve të rajonit dhe të nxisë iniciativa të përbashkëta brenda kuadrit të tregut të përbashkët rajonal
6 artikuj për këtë temë.
SHKUP- Kryeministri i Maqedonisë së Veriut, Hristijan Mickoski në fjalën hapëse të Samitit të Liderëve të Bashkimit Evropian-Ballkani Perëndimor tha se së bashku mund të ndërtojnë një rajon evropian të begatë. Mickoski tha se forca e tyre qëndron në unitetin dhe stabilitetin nëpërmjet forcimit të marrëdhënieve me fqinjët e tyre dhe me Bashkimin Evropian (BE), duke hapur tregje të reja, vende të reja pune, miqësi të reja, duke hequr barrierat tregtare, duke përmirësuar infrastrukturën dhe duke rritur investimet. Mickoski tha se Maqedonia e Veriut është vendi i parë në Ballkanin Perëndimor që përfundon një marrëveshje paraprake financimi në kuadër të Planit të Rritjes.
“Ballkani Perëndimor është një rajon i pasur me potencial dhe ambicie, megjithëse shumë shpesh ka narrativa përçarjeje. Por kur shikoj përreth, mund të shoh se ka një histori tjetër. Rajoni përcaktohet nga fryma e tij dhe refuzon të lihet pas dore. Ky Samit i kushtohet një vizioni të përbashkët, një vizioni ku investimet lulëzojnë dhe inovacioni ofron mundësi për të gjithë. Një vizion ku Ballkani Perëndimor nuk është më një dhomë pritjeje, por një rajon që është në zhvillim. Ne të gjithë kemi një të ardhme të përbashkët dhe për të siguruar unitetin dhe stabilitetin duhet të punojmë së bashku si fqinjë, si partnerë, si rajon. Së bashku mund të ndërtojmë një rajon të fortë dhe të lidhur që është i begatë, gjithëpërfshirës dhe evropian", tha Mickoski.
SHKUP- Kryeministri Edi Rama në samitin e Shkupit ka deklaruar se vendi ynë është shumë afër anëtarësimit në Bashkimin Evropian. Duke folur për mediat, Rama ka theksuar se plani i përbashkët do të realizohet plotësisht.
“Kurrë nuk kemi qenë më afër realizimit të një aspirate shumë shekullore dhe më vjen mirë që ka një atmosferë pozitive në këtë drejtim. Jemi shumë afër anëtarësimit dhe besoj fort që do t’i përmbushim të gjitha detyrimet tona. Plani i përbashkët do të realizohet plotësisht,” tha Rama.
SHKUP- Kryeministri Edi Rama ndodhet në Shkup për samitin e liderëve të Bashkimit Evropian dhe Ballkanit Perëndimor. Para nisjes së samitit dhe panelit të parë të diskutimeve, Rama ka bërë një dalje për mediat atje, ku ka pasur një "përplasje" me një gazetare nga Kosova.
Gazetarja ishte ulur në gjunjë teksa i bënte pyetje Ramës, ndërsa ai i thotë të ngrihet, ajo përgjigjet duke i thënë se e bëri për shkak të hapësirës.
REPLIKAT:
Gazetarja: Për shkak të hapësirës, nuk ka telash.
Rama: Ka shumë telash se gjithë këta çuna që kanë mbetur ty me u ul në gjunjë dhe vetë rrinë në këmbë, duhen marrë dhe duhen çuar për riedukim.
Gazetarja: Ama fuqia është te zëri zoti Rama, jo të gjithë gjatësisë.
Rama: Jo nuk është gjatësia e qëndrimit në këmbë, megjithatë cila ishte pyetja?
SHKUP- Komisionerja e BE për Zgjerimin, Marta Kos ka mbajtur fjalën e saj në panelin e parë në samitin e liderëve të Bashkimit Europian dhe Ballkanit Perëndimor. Kos është shprehur se për herë të parë në historinë e Evropës, nëse punohet me vendosmëri në procesin e zgjerimit, Evropa mund të bashkohët, por sipas saj kjo nuk ndodh pa vendet e Ballkanit Perëndimor.
Komisionerja europiane tha se aktualisht ka konsensus për një zgjerim të mëtejshëm të BE-së, ndërsa shtoi se në të kaluarën kjo ka munguar. Lidhur me procesin e integrimit të Shqipërisë në BE, ajo tha se nëse Shqipëria ecën me këtë ritëm, mund të mbyllë të gjithë kapitujt deri në fund të këtij viti.
Marta Kos: Duhet të forcojmë konkurrencën tonë, të mbrojmë demokracinë kundër palëve të treta dhe të marrim sigurinë në duart tona. Hapat e fundit drejt unifikimit të Evropës nënkuptojnë zgjerim, bashkim dhe përqafim të vlerave të përbashkëta. Kur jemi solidarë, jemi më të fuqishëm. Për herë të parë në historinë e Evropës, nëse punojmë me vendosmëri në procesin e zgjerimit, mund ta bashkojmë kontinentin. Dhe Evropa nuk mund të bashkohet pa Ballkanin Perëndimor.
Ka konsensus për një zgjerim të mëtejshëm të BE-së, diçka që nuk ka qenë gjithmonë e pranishme në të kaluarën. Kjo është një mundësi që nuk duhet humbur, pasi nuk do të zgjasë pafundësisht. Shoh një zhvillim të dukshëm. Shqipëria, i nderuar Kryeministër Edi Rama, ka hapur tre kapituj në vetëm gjashtë muaj. Ju faleminderit që keni ndikuar pozitivisht në këtë proces. Nëse ecet me këtë ritëm, të gjithë kapitujt mund të hapen deri në fund të këtij viti. Mezi pres të festojmë së bashku hapjen e kapitullit të fundit.
SHKUP- Samiti i liderëve të Bashkimit Europian dhe Ballkanit Perëndimor ka nisur në Shkup. Në ditën e sotme udhëheqësit e vendeve do të diskutojnë zbatimin e planit të rritjes për rajonin.
Kryeministri i Shqipërisë, Edi Rama dhe ai i Kosovës, Albin Kurti janë të pranishëm në tryzën e diskutimeve, ndërsa vihet re mungesa e presidentit serb, Aleksandër Vuçiç.
Përveç Ramës dhe Kurtit, në samit janë të pranishëm edhe kryeministri i Malit të Zi Milojko Spajiq, kryetarja e Këshillit të Ministrave të Bosnjë e Hercegovinës Borjana Krishto, ministri për Integrimin Evropian i Serbisë Nemanja Staroviq.
Dy panele do të mbahen si pjesë e takimit të liderëve, i pari prej të cilëve do t’i kushtohet Planit të Rritjes së Ballkanit Perëndimor, ku do të mbajnë fjalimet e tyre kryeministri i Maqedonisë së Veriut, Hristijan Mickoski dhe Komisionerja Evropiane për Zgjerimin, Marta Kos. Paneli i dytë do t’i kushtohet mekanizmave specifikë dhe mbështetjes për zbatimin e Planit të Rritjes.
Ky samit dy ditor, i cili u zhvillua edhe dje, ka për qëllim të forcojë bashkëpunimin ekonomik mes vendeve të rajonit dhe të nxisë iniciativa të përbashkëta brenda kuadrit të tregut të përbashkët rajonal
SHKUP- Takimi mes liderëve të Bashkimit Evropian dhe Ballkanit Perëndimor kushtuar Planit të Rritjes do të mbahet sot në Shkup, i cili do të jetë një mundësi për të vlerësuar progresin e arritur dhe për të përcaktuar hapat e ardhshëm që do ndihmojnë në forcimin e integrimit evropian të rajonit.
Në takim marrin pjesë Komisionerja Evropiane për Zgjerim dhe Politikë të Fqinjësisë së Mirë, Marta Kos, dhe udhëheqës nga Ballkani Perëndimor, si dhe ministra, përfaqësues të lartë nga Bashkimi Evropian, organizata rajonale dhe institucione ndërkombëtare.
Dy panele do të mbahen si pjesë e takimit të liderëve, i pari prej të cilëve do t’i kushtohet Planit të Rritjes së Ballkanit Perëndimor, ku do të mbajnë fjalimet e tyre kryeministri i Maqedonisë së Veriut, Hristijan Mickoski dhe Komisionerja Evropiane për Zgjerimin, Marta Kos. Paneli i dytë do t’i kushtohet mekanizmave specifikë dhe mbështetjes për zbatimin e Planit të Rritjes.
