"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Tre ditë para nisjes zyrtare të fushatës elektorale të zgjedhjeve vendore që do të mbahen më 14 maj, i dërguari special i Shteteve të Bashkuara të Amerikës për Ballkanin Perëndimor, Gabriel Escobar ka mbërritur në Shqipëri. • Escobar ka mbërritur në Tiranë, e në vendin tonë do të qendorojë deri më 13 prill. Një ditë para nisjes zyrtare të fushatës elektorale për zgjedhjet lokale të 14 majit. • Në orën 16.00, Escobar ka shkuar në Kryeministri, për të takuar Edi Ramën. E një orë më pas ka shkuar në Presidencë. • Nga pamjet që kanë dalë nga takimet, Escobar në takimet e tij po shoqërohet nga ambasadorja amerikane në Shqipëri, Yuri Kim. • Ambasada amerikane në Shqipëri, ka thënë se thirrja e Escobarit për liderët ka qenë që ”të sigurojnë që kandidatët të përmbushin kërkesat e ligjit dhe të përmbushin pritshmëritë e qytetarëve shqiptarë për integritet të lartë”. • Nesër vazhdojnë takimet nga opozita. • Nga opozita pritet që të takohet me kreun e komanduar të Partisë Demokratike Enkelejd Alibeajn, Gazment Bardhin e Jorida Tabakun, ndërsa siç edhe pritej do të shmangë takimin me Sali Berishën, i shpallur non grata nga SHBA.
5 artikuj për këtë temë.
TIRANË- Ambasada Amerikane në Shqipëri ka dhënë detaje lidhur me takimet që ka zhvilluar i dërguari i Posaçëm për Ballkanin Perëndimor, Gabriel Escobar sot në Tiranë. Po ashtu, kanë dalë edhe pamje nga takimet me kryeministrin Edi Rama dhe presidentin Bajram Begaj.
Sipas Ambasadës, Escobar do të nënvizojë rëndësinë e zgjedhjeve të ardhshme vendore në Shqipëri, por gjithashtu krëkoi që pjesëmarrësit në zgjedhje të sigurohen që kandidatët të përmbushin kërkesat e ligjit si dhe pritshmëritë e qytetarëve shqiptarë për integritet të lartë.
"Gabriel Escobar, Zëvendës Ndihmës Sekretari i SHBA-së për Çështjet Evropiane dhe Përfaqësuesi Special për Ballkanin Perëndimor, mbërriti sot në Tiranë për takime me Presidentin Begaj, kryeministrin Rama, ministren e Jashtme Xhaçka dhe liderë të tjerë. Zëvendës Ndihmës Sekretari Escobar do të nënvizojë rëndësinë e zgjedhjeve të ardhshme bashkiake në Shqipëri, nevojën për të zbatuar rekomandimet e ODIHR-it dhe nevojën që partitë politike dhe liderët të sigurojnë që kandidatët të përmbushin kërkesat e ligjit dhe të përmbushin pritshmëritë e shqiptarëve. qytetarët për integritet të lartë. Ai do të diskutojë gjithashtu bashkëpunimin SHBA-Shqipëri për prioritetet rajonale dhe globale, duke përfshirë refuzimin e pushtimit rus të Ukrainës,"-ka bwrw me dije Ambasada Amerikane.
TIRANË- Takimi mes presidentit Bajram Begaj me të dërguarin special të Shteteve të Bashkuara të Amerikës për Ballkanin Perëndimor, Gabriel Escobar ka pasur shumë të qeshura. Por nuk dihet sepse. Nga fotot e shkrepura nga LSA, duken momentet e hilaritetit mes Escobar, Begaj dhe Yuri Kim. Kjo e fundit nuk ka mundur dot as të kontrollojë gazin, duke vendosur dorën para gojës që të mos kapej nga kamera.
Megjithatë misteri ende nuk është zgjidhur: Pse qeshi kaq shumë?!
TIRANË- Presidenti Bajram Begaj ka zhvilluar një takim me të dërguarin special të Shteteve të Bashkuara të Amerikës për Ballkanin Perëndimor, Gabriel Escobar. Ai është takuar me presidentin Begaj, e ndërsa është i shoqëruar edhe nga ambasadorja e SHBA-së, Yuri Kim. Zhvillimet në Ballkanin Perëndimor kanë qenë në qendër të takimit mes tyre, duke u ndalur për një kohë të gjatë edhe tek procesi i negociatave mes Kosovës dhe Serbisë të ndërmjetësuar nga Bashkimi Evropian.
“Normalizimi i marrëdhënieve mes Kosovës dhe Serbisë, me në qendër njohjen e tyre reciproke, është një proces me ndikim të madh rajonal, si në kuadër të aspekteve të sigurisë ashtu edhe të zhvillimit të qendrueshëm të tij,”- nënvizoi Presidenti Begaj.
Po ashtu, janë ndalur edhe tek sfidat dhe kërcënimet me të cilat po ballafaqohet rajoni i Ballkanit Perëndimor, pas agresionit ushtarak rus në Ukrainë.
NJOFTIMI I TAKIMIT:
Zhvillimet në rajonin e Ballkanit Perëndimor ishin sot në qendër të takimit të Zëvendës Ndihmës Sekretarit amerikan të Shtetit për Evropën dhe Euroazinë dhe njëkohësisht i dërguar i posaçëm për Ballkanin Perëndimor, Gabriel Escobar, me Presidentin e Republikës, Sh.T.Z. Bajram Begaj. Pasi vlerësoi marrëdhëniet e shkëlqyera e të partneritetit strategjik midis dy vendeve, Presidenti Begaj, nënvizoi rolin e pazëvendësueshëm të Shteteve të Bashkuara të Amerikës për garantimin e paqes dhe sigurisë në rajonin e Ballkanit Perëndimor. Në mënyrë të veçantë, Presidenti Begaj, vlerësoi mbështetjen që Shtetet e Bashkuara dhe personalisht zoti Escobar, i kanë dhënë procesit të negociatave mes Kosovës dhe Serbisë të ndërmjetësuar nga Bashkimi Evropian. “Normalizimi i marrëdhënieve mes Kosovës dhe Serbisë, me në qendër njohjen e tyre reciproke, është një proces me ndikim të madh rajonal, si në kuadër të aspekteve të sigurisë ashtu edhe të zhvillimit të qendrueshëm të tij” – nënvizoi Presidenti Begaj. Duke u ndalur tek sfidat dhe kërcënimet me të cilat po ballafaqohet rajoni i Ballkanit Perëndimor, pas agresionit ushtarak rus në Ukrainë, Presidenti Begaj, nënvizoi gjithashtu, se “falë qasjes së re gjeopolitike edhe nga Bashkimi Evropian, sot kemi një vëmendje të shtuar ndaj këtij rajoni. Një vëmendje të veçantë gjatë takimit e mori çështja e sigurisë kibernetike dhe kërcënimeve hibride. Presidenti Begaj, shprehu mirënjohjen për mbështetjen dhe asistencën e agjencive të specializuara amerikane, duke i konsideruar të një rëndësie jetike dhe vendimtare për rritjen e kapaciteteve dhe aftësive kibernetike të Shqipërisë.
TIRANË- I dërguari i Shteteve të Bashkuara të Amerikës, Gabriel Escobar ka shkuar sot për të zhvilluar një takim me presidentin Bajram Begaj. Nga pamjet e para, Escobar duket i buzëqeshur me presidentin, ndërkohë që në takim nuk mungon as ambasadorja amerikane në Shqipëri, Yuri Kim.
TIRANË- Zv.ndihmës Sekretari Amerikan i Shtetit për Evropën dhe EuroAzinë, Gabriel Escobar nisi ditën e sotme një vizitë në Shqipëri. Në orën 16.00, ai ka shkuar në Kryeministri, ku edhe po zhvillon një takim me numrin një të qeverisë, Edi Rama. Takimi mes tyre pritet që të zgjasë për 1 orë, pasi më pas Escobar do të duhet që të shkojë dhe të takohet në Presidencë me kreun e shtetit, Bajram Begaj.
