Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryeministri Edi Rama ka zhvilluar pasditen e sotme dy takime elektoral në Kukës. • Fillimisht Rama u takua me gratë dhe vajzat e Kukësit dhe më pas në qendër të qytetit u takua me banorë të Kuksit, Hasit dhe Tropojës. • Gjatë fjalës së tij, Rama tha se ka vendosur të ndajë me publikun disa shifra të atyre që ai i cilësoi si arritje të qeverisë, dhe që sipas tij media nuk i pasqyron. • Ai tha sondazhet e nxjerrin Partinë Socialiste fituese, për shkak se shumica e shqiptarëve besojnë tek ta dhe te një e ardhme më e mirë. • Kreu i qeverisë tha se Shqipëria ka probleme, por shprehet se është një vend krejt tjetër nga ai që ekspozohet. • Ai shtoi se në vitin 2030 prodhimi i brendshëm bruto i vendit do të jetë 35 miliardë euro. • Lidhur me të ardhurat për frymë, Rama tha se projeksioni është të shkojnë në 15 mijë euro. • Ai foli edhe lidhur me borxhin publik, ku tha se kur morën detyrën ishte 70.4 %, ndërsa sot sipas tij, është ulur në 54%. • Për inflacionin, Rama u shpreh se një raport i FMN thotë se në rajon në 10 vjeçarin e fundit, Shqipëria ka nivelin më të ulët të inflacionit. • Rama theksoi se Paketa e Maleve do të hyjë në fuqi menjëherë pas zgjedhjeve të 11 majit. • Ai theksoi se Paketa e Maleve është shumë e thjeshtë dhe është në dispozicion të të gjithë atyre që duan të investojnë në tokat e të parëve për turizëm dhe agroturizëm. • Rama foli edhe në lidhje me proceduarat që duhet ndjekur në rast se personat nuk kanë dokumente për pronën. • Sipas tij në rast se del edhe dikush tjetër dhe pretendon se është pronar faktit i pronës atëherë do të merret qeveria për të zgjidhur këtë problematike. • Ai theksoi se 500 aplikantët e parë që do të investojnë nuk do paguajnë asgjë. • Rama tha se qyteti i Kukësit ka pësuar ndryshime të mëdha, ndërsa shtoi se projekti i transformimit të lagjes nr.1 dhe nr.7 do të përfundojë së shpejti. • Kreu i PS nuk ka kursyer ironitë edhe ndaj kryedemokratit Sali Berisha teksa po fliste për Tropojën. • Rama tha se Tropoja i besoi për shumë vite dikujt nga të vetët dhe nuk panë "asgjë të hajrit". • Ai u shpreh se sot Tropoja është në hartën turistike të Shqipërisë. • Rama tha gjithashtu se në 11 maj nuk është dita e simpative për parti të caktuara politike por është dita që do të merret një vendim me historinë. • Rama ironizoi opozitën duke u shprehur se gjëja më madhështore që kanë janë mustaqet e Kujtim Gjuzit. Sipas tij do të ishte fatale që për mustaqet e Gjuzit vendi të humbasë trenin e historisë. • Ai tha se dera e BE-së nuk qëndron shumë gjatë hapur dhe se duhet të shfrytëzohet ky rast për tu bërë pjesë e familjes evropiane.
7 artikuj për këtë temë.
KUKËS- Kryeministri Edi Rama gjatë fjalës së tij nga Kukësi ka folur në lidhje me rëndësinë që kanë zgjedhjet e 11 majit për rrugëtimin e vendit tonë në anëtarësimin në BE. Ai tha se janë 1 mijë veta që po punojnë për negociatat me BE-në lidhur me të gjithë sektorët.
Teksa po bënte batuta, Rama tha se burrat e Kukësit e kanë të qartë se pa gratë nuk kanë ku shkojnë, ndërsa shtoi se "edhe ngaqë janë burra të mençëm nuk janë shumica çyryk". Rama tha se
"Janë 1 mijë vetë nga ana jonë, djem e vajza, meqë ra fjala, shumica gra dhe vajza, se burrat janë pakicë, meqë ra llafi, se besoj që burrat e Kukësit janë shumë të qartë, që pa gratë nuk kanë ku shkojnë fare, edhe ngaqë janë burra të mençëm nuk janë shumica çyryk, kështu që janë shumica gra dhe vajza të ulura në tavolinë me Bashkimin Europian, 1 mijë vetë janë nga ana e tyre dhe çdo ditë merren me të gjithë sektorët ekonomia, drejtësia, mjedisi, uji, peshqit, zogjtë dhe për të gjitha këto janë 250 mijë faqe me rregulla, me masa, me kritere, me ligje për të cilat ne duhet të biem dakord. Biem dakord atje, duhet të vijmë këtu dhe duhet t'i kthejmë këto dakordësi në ligje, në vendime, në masa.", tha kryeministri.
Rama ironizoi opozitën duke u shprehur se gjëja më madhështore që kanë janë mustaqet e Kujtim Gjuzit. Sipas tij do të ishte fatale që për mustaqet e Gjuzit vendi të humbasë trenin e historisë. Rama më tej theksoi se në zgjedhjet e 11 majit kuksianët duhet të votojnë për PS-në. Ai tha se dera e BE-së nuk qëndron shumë gjatë hapur dhe se duhet të shfrytëzohet ky rast për tu bërë pjesë e familjes evropiane.
"E pra, ne prandaj na duhet një fuqi e veçantë në 11 maj. Po ua përsëris, se do të ishte fatale, do të ishte vërtetë fatale që për mustaqet e Kujtim Gjuzit ne të humbasim trenin e historisë. Se është realisht për mustaqet e Kujtim Gjuzit? Gjëja e vetme madhështore që ka në atë kënetë madhështore janë mustaqet e Kujtimit. Më tregoni ndonjë gjë tjetër! Dhe 2027 është një afat, pse?
Sepse historia e Bashkimit Europian ka treguar një gjë shumë të thjeshtë. Bashkimi Europian është një shtëpi të pasurish edhe dera e asaj shtëpie nuk rri hapur. Ti mund të trokasësh sa të dush, dera nuk hapet. Ajo derë hapet kur të gjithë ata që janë brenda, 27 shtete, bien dakord për ta hap derën dhe ata e hapin derën vetëm kur kanë interes ta hapin derën dhe sot ka ndodhur ajo për të cilën unë, bashkë me të gjithë ata që më mbështesin, kam kaq vite që luftoj që nuk është vetëm interesi jonë që të hyjmë atje, po është dhe interesi i atyre që të na marrin atje.
Ama, siç ka ndodhur në të shkuarën, ajo derë mund të mbyllet. Na kanë dhënë afatin 2027, nëse ne nuk i plotësojmë kushtet, sepse ndërkohë këtu vijmë, shkojmë në parlament, del bufi, dalin kukumjaçkat, shfaqet zhapiku, janë edhe ca nga këto insektet e reja; i keni pa këto insektet e reja që janë shfaq nëpër fushë, se ata janë më të mëdhenjtë fare.", tha Rama.
KUKËS- Kryeministri Edi Rama tha sot në Kukës se brenda mandatit të ardhshëm, ky qytet do të vizitohet nga n1 milion turistë. Kjo shifër sipas tij nuk ishte e jashtëzakonshme dhe e paarritshme. Rama tha gjithashtu se në 11 maj nuk është dita e simpative për parti të caktuara politike por është dita që do të merret një vendim me historinë. Ai u shpreh se demokratët duhet të bëjnë në 11 maj atë që bënë në 22 mars të 1992, ata që nuk ishin mbështës të Partisë Demokratike.
"Po ju them sot që potenciali i Kukësit nëse ne së bashku arrijmë të krijojmë atraksionin duke vendosur në qendër si një magnet qytetin e nëndheshëm, që po përgatisim një konkurs ndërkombëtar, ku do përfshihet dhe hoteleri -turizmi, dhe nga ana tjetër për të krijuar një sistem mikëpritje ku njerëzit të qëndrojnë disa ditë. Nuk është aspak e habitshme që në ‘Shqipërinë 2030’ Kukësi të arrijë në 1 milionë turistë, nuk është shifër e jashtëzakonshme.
Në 11 maj nuk është dita për tu marrë me fanelat e partive, është dita për të marrë një vendim me historinë. 11 maji është dita që demokratët të bëjnë atë që të tjerët që nuk ishin mbështetës të PD bën në 22 mars të ‘92, ku votuan për PD pavarësisht se nuk ishin përkrahës. Më pas në gusht apo shtator kur u zhvilluan zgjedhjet, shumica dërmuese votoi kundër.”, tha Rama.
KUKËS- Kryeministri Edi Rama ka zhvilluar sot një tjetër takim elektoral në qytetin e Kukësit me qytetarët. Rama tha se qyteti i Kukësit ka pësuar ndryshime të mëdha, ndërsa shtoi se projekti i transformimit të lagjes nr.1 dhe nr.7 do të përfundojë së shpejti.
Kreu i PS nuk ka kursyer ironitë edhe ndaj kryedemokratit Sali Berisha teksa po fliste për Tropojën. Rama tha se Tropoja i besoi për shumë vite dikujt nga të vetët dhe nuk panë "asgjë të hajrit". Ai u shpreh se sot Tropoja është në hartën turistike të Shqipërisë.
"Kur vija në Kukës në ato fillime me Limanin dhe me ndonjë shok tjetër, që i përshëndes të gjithë. Kukësi ishte një territor i zymtë dhe çdo gjë rreth e rrotull të thoshte largohu. Sot ky është një qytet tërësisht tjetër dhe dua t’i siguroj banorët e lagjes 1 dhe lagjes 7, projekti i transformimit të lagjeve do të përfundojë dhe kur të përfundojnë edhe këto dy të tjera. Jam shumë i vëmendshëm për investimet në Kukës, ndaj ua mbaj dhe mend. Ajo që ka më shumë rëndësi që të thuhet sot, është që edhe Kukësi si bashki të hyjë në hartën turistike të Shqipërisë. Ne sot kemi një zhvillim që as nuk mendohej, zhvillimin turistik të Tropojës. Më kujtohet që kur thoshim që në Tropojë do zhvillojmë turizmin, sepse për shumë vite i besuan dikujt nga të vetët dhe s’panë asgjë të hajrit. Sot Tropoja është në hartën turistike të Shqipërisë.", tha Rama.
KUKËS- Kryeministri Edi Rama tha sot në Kukës se subjektet që realizojnë fitime vjetore nën 100 mijë euro do të përjashtohen nga pagesa e tatimit mbi fitimin dhe TVSH-së.
Nga ana tjetër, Rama tha se për bizneset me të ardhura deri në 140 mijë euro në vit do të zbatohet vetëm TVSH-ja, por jo tatimi mbi fitimin, duke synuar që këto biznese të ruajnë më shumë të ardhura për vete. Kreu i qeverisë tha se këto përjashtime tatimore për bizneset e vogla do të qëndrojnë në fuqi deri në vitin 2029.
“Jemi vendi me taksa më të ulët në rajon për taksat. Taksa për biznesin e vogël është praktikisht 0 taksë mbi fitimin dhe 0 TVSH. Të gjithë ata që kanë një biznes të vogël dhe që bëjnë në 100 mijë euro në vit, nuk kanë as taksë mbi fitimin dhe as TVSH. Po të shikojmë dhe një pasqyrë tjetër të atyre që një biznes të vogël me 140 euro më vit, nuk paguajnë taksë mbi tatim-fitimin, por vetëm TVSH. Kjo është një mënyrë për të mbështetur familjes dhe bizneset, prandaj deri në vitin 2029 nuk do të taksojmë biznesin e vogël”, tha Rama.
KUKËS- Kryeministri Edi Rama gjatë fjalës së tij në takim me gratë dhe vajzat e Kukësit foli në lidhje me Paktën e Maleve. Rama theksoi se kjo paketë do të hyjë në fuqi menjëherë pas zgjedhjeve të 11 majit. Ai theksoi se Paketa e Maleve është shumë e thjeshtë dhe është në dispozicion të të gjithë atyre që duan të investojnë në tokat e të parëve për turizëm dhe agroturizëm.
Rama foli edhe në lidhje me proceduarat që duhet ndjekur në rast se personat nuk kanë dokumente për pronën. Sipas tij në rast se del edhe dikush tjetër dhe pretendon se është pronar faktit i pronës atëhetë do të merret qeveria për të zgjidhur këtë problematike. Ai theksoi se 500 aplikantët e parë që do të investojnë nuk do paguajnë asgjë.
"Pas zgjedhjeve do të fusim në punë Paketën e Maleve. Paketa e Maleve është shumë e thjeshtë dhe është në dispozicion të të gjithë atyre që duan të investojnë në tokat e të parëve për turizëm dhe agroturizëm, duke bërë disa hapa të thjeshtë. Pronari faktik, por që nuk ka letra depoziton në bashki kërkesën që t’i njihet dhe bashkia bën afishimin në 30 ditë të të gjithë pertinentëve.
Në momentin që mbaron 30 ditëshin dhe rezulton që personat janë të pakontestuar, bashkia u jep vendimin që të investojnë në tokën e tyre. Ata bëjnë një projekt investimi dhe në Ministrinë e Ekonomisë bëjnë një regjistrimin dhe e marrin tokën me 1 euro.
Pasi kanë bërë investimin do të marrin certifikatën e pronësisë. Në rastet se del dikush tjetër që pretendon se është pronari faktik i pronës, nuk ka më kthim mbrapa, për të tilla raste merret qeveria dhe e zgjidh ajo. Për 500 aplikimet e para, për 10 vjet nuk do të paguajnë asnjë gjë mjafton të bëjnë investimin," tha ai.
KUKËS- Kryeministri Edi Rama tha sot në takimin elektoral me gratë dhe vajzat në Kukës se në vitin 2030 prodhimi i brendshëm bruto i vendit do të jetë 35 miliardë euro. Lidhur me të ardhurat për frymë, Rama tha se projeksioni është të shkojnë në 15 mijë euro. Ai foli edhe lidhur me borxhin publik, ku tha se kur morën detyrën ishte 70.4 %, ndërsa sot sipas tij, është ulur në 54%. Për inflacionin, Rama u shpreh se një raport i FMN thotë se në rajon në 10 vjeçarin e fundit, Shqipëria ka nivelin më të ulët të inflacionit.
"PBB, që është e gjithë vlera që vendi krijon, matur mbi bazën e çdo të ardhure të krijuar në një vend, dhe prodhimi përgjithshëm bruto kur morëm detyrën ishte më pak se 10 mld euro në fund 2024 rezultoi 25 mln euro, projeksioni ynë është që në Shqipërinë 2030 do të shkojë në 35 mld euro. Pra e kemi rritur PBB dy herë e gjysmë, një rritje që është më e larta në rajon. Shqipëria ka arritjen më të lartë, dhe nëse mesatarja e rritjes për vendet e tjera është afro 65% për Shqipërinë është 100%. Të ardhurat për frymë, kanë arritur në 10 mijë e 300 euro, projeksioni është në 15 mijë euro.
Borxhi publik, një nga pikat kyçe të shëndetit të ekonomisë të një vendi. Kur morëm detyrën ishte 70.4 % zyrtarisht, por gjetëm edhe një borxh të fshehur, borxhi i krijuar ndaj kompanive, të gjitha kompanitë kishin ndalur së kryeri punët, sepse prej disa kohësh nuk paguheshin më. Kjo ndodhi kur praktikisht u bënë kontrata pa patur paratë në dispozion. Nëse kontraktohet një investim për të bërë një akt rrugor që kushton rreth 10 mln euro dhe në buxhet ka vetëm 100 mijë euro, nis puna dhe iu thuhet kompanive do ua japim, ky borxh ishte afro 700 miln euro në atë kohë. Sot e kemi ulur borxhin publik në 54 %, që konsiderohet normal për një vend si Shqipëria.
Niveli i kredive të këqia kur morëm detyrën ishte në alarm të kuq për qëndrueshmërinë e sistemit financiar, ishim në zgrip për një rënie të bankave. Sot janë në 4 % inflacioni, rritja e cmimeve karakteristikë e gjithë viteve të fundit edhe në Europë. Shqipëria ka patur nivelin më të ulët të inflacionit, sipas FMN, në mesataren e inflacionit në rajon në 10 vjecarin e fundit, Shqipëria renditet në vendin e parë pozitivisht me nivelin më të ulët të inflacionit.", tha Rama.
KUKËS- Kryeministri Edi Rama po zhvillon sot një takim elektoral në Kukës. Gjatë fjalës së tij, Rama tha se ka vendosur të ndajë me publikun disa shifra të atyre që ai i cilësoi si arritje të qeverisë, dhe që sipas tij media nuk i pasqyron.
Ai tha sondazhet e nxjerrin Partinë Socialiste fituese, për shkak se shumica e shqiptarëve besojnë tek ta dhe te një e ardhme më e mirë. Kreu i qeverisë tha se Shqipëria ka probleme, por shprehet se është një vend krejt tjetër nga ai që ekspozohet.
"E kemi parë të arsyeshme të ndajmë me njerëzit dhe publikun, disa fakte, shifra të dhëna që janë pasqyrë e formimit të këtyre viteve por që ndryshe nuk ke ku i shikon dhe i gjen në pasqyrat tona mediatike. Është një problem I madh për ne për shoqërinë tonë, shumë çka që ka të bëjë më zhvillimin nuk gjen pasqyrim në ato kanale, portale për të cilat njerëzit informohen. Nuk është çudi kur siç e keni parë të gjitha sondazhet na japin fitues me një avantazh të madh. Shumica e shqiptarëve besojnë te ne, në drejtimin e duhur dhe që e ardhmja e tyre do jetë më e mirë. Çfarë ndodh? Ata nëpër studio e kanë të vështirë ta pranojnë dhe fajësojnë popullin, duke thënë është popull i sëmurë, i çmendur, i blerë i shitur i trembur por nuk ndalen të marrin frymë se mos ndoshta janë ata që jetojnë në një pikë të shkëputur nga realiteti dhe kanë krijuar një ide dhe imazh te i cili besojnë po vetë. Shqipëria pa diskutim që ka probleme, tema të rëndësishme ekonomike, sociale për të adresuar por është një vend krejt tjetër nga ai që ekspozohet.", tha Rama.
