Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
"A je shqipe, a je pulë"/ Pankartat pikante në ditën e pestë të protestës kundër qeverisë...
"A je shqipe, a je pulë"/ Pankartat pikante në ditën e pestë të protestës kundër qeverisë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Të shtëna me armë zjarri kanë ndodhur ditën e sotme në zonën e plazhit të njohur ‘Bora-Bora’ në Radhimë. • Dy vëllezër Beniamin Kondi dhe Edison Kondi, pronar të një zone të në plazhin Bora Bora në Radhimë janë konfliktuar për adminstrimin e këtij plazhi. I pari ka ardhur nga Anglia për tu sqaruar me të vëllanë pasi pretendonte se i kishte marrë më shumë tokë seç i takonte. • Nga konflikti verbal, gjërat kanë agravuar dhe Beniamin Kondi ka qëlluar me armë zjarri të të vëllait të tij. Si pasojë e të shtënave nuk raportohet për persona të plagsur. Dëshmitarë të sherrit janë bërë dhejtëra turistë që po qëndronin në lokalin buzë plazhit për të cilin u debatua, që është gjithashtu në pronësi të dy vëllezërve. • Në prononcim për kamerat, turistët u shprehën se janë ndjerë të frikësuar dhe se janë larguar me vrap sapo kanë dëgjuar të shtënat. Ata shprehen se kanë dëgjuar të paktën 5-6 të shtëna me armë zjarri. Beniamin Kondi është shpallur në kërkim.
5 artikuj për këtë temë.
VLORË- Policia ka arrestuar Eduart Kondin, autorin i cili qëlloi me armë zjarri ditën e sotme vëllain e tij, Beniamin Kondin. Autori është arrestuar pak minuta më vonë nga Policia në një banesë në zonën e Lungomares.
Eduarti qëlloi me armë zjarri, 5- 6 herë në drejtim të vëllait të tij, Beniamin Kondi, në parkingun e zonës së plazhit që ata administrojnë. Fatmirësisht nga të shtënat nuk ka pasur persona të lënduar.
Autori i ngjarjes është kthyer dje nga Anglia. Ai me vëllain e tij kanë pasur një tjetër debat ditën e djeshme për zonën e administrimit të plazhit. Policia ka rrethuar zonën, ndërkohë pushuesit janë larguar të frikësuar nga plazhi.
VLORË- Të shtënat me armë zjarri në Radhimë kanë ardhur si pasojë e përplasjes mes dy vëllezërve, pronarë të lokalit ku dhe ndodhi ngjarja. Bëhet fjalë për Benjamin dhe Edison Kondin.
Vëllezërit janë zënë për administrimin e plazhit privat që kishin përpara lokalit. Sherri ka agravuar në përdorimin e armëve. Ka qenë Benjamin Kondi ai që ka qëlluar kundrejt Edison Kondit. Si pasojë e të shtënave nuk ka persona të lënduar.
TIRANË- Një turist norvegjez që ka qenë dëshmitar e të shtënave me armë zjarri në Radhimë shprehet se është ndjerë i frikësuar. Në një prononcim për mediat, turisti tregon se nuk ka parë asnjë person të lënduar. Ai thotë se bashkë me të, janë larguar me vrap të gjithë turistët e tjerë.
"Dëgjuam të shtënat dhe të gjithë ia futën vrapit. Mbase ishin 2-3 të shtëna. Nuk pamë nëse është lënduar ndonjëri. Kisha frikë por tani kaloi,"- tha ndër të tjera turisti norvegjez.
VLORË- Policia ka publikuar njoftimin zyrtar në lidhje me të shtënat që u raportuan në zonën e plazhit në Radhimë. Bëhet me dije se po kryhen verifikime nga shërbimet e Policisë, nese ka persona të dëmtuar. Janë ngritur pika kontrolli dhe vijon krehja e zonës për kapjen e autorit.
Njoftimi i policisë:
Sot, rreth orës 12:30, në Radhimë, në afërsi të plazhit, në rrethana ende të paqarta, dyshohet se një shtetas ende i paidentifikuar, ka qëlluar me armë zjarri. Po kryhen verifikime nga shërbimet e Policisë, nese ka persona të dëmtuar. Janë ngritur pika kontrolli dhe vijon krehja e zonës për kapjen e autorit.
VLORË- Një person ka mbetur i plagosur me armë zjarri këtë mesditë. Mësohet se ngjarja e rëndë ka ndodhur në një lokal buzë detit. Fillimisht ka nisur një përplasje mes dy personave që ka agravuar në përdorimin e armës së zjarrit.
Për pasojë një person është plagosur, por rrethanat e detajet nga sherri mbeten ende të paqarta. Policia dhe ambulanca janë nisur drejt vendit të ngjarjes. Ende nuk dihet identiteti i personit të plagosur dhe as detaje nga gjendja e tij shëndetësore.
