PLAGOSJA në Lezhë/ Sherri nisi brenda bilardos, Laska u qëllua me armë në këmbë, identifikohen dhe shpallen në kërkim 3 të rinjtë

Policia

LEZHË- Tre persona janë shpallur në kërkim pas plagosjes së 22-vjeçarit Aleks Laska. I riu u plagos mbrëmjen e kaluar me armë zjarri në këmbë. Sipas forcave blu, në kërkim janë: Leandro Frroku, 29 vjeç, Xhuliano Frroku, 26 vjeç dhe Agusin (Shahini) Mehmeti 27 vjeç, të tre banues në Lezhë.

Këta persona dyshohet se në bashkëpunim me njëri-tjetrin, pas një konflikti të çastit, në ambientet e jashtme të një bilardoje, në Lezhë, kanë goditur me mjete të forta 22-vjeçarin, Aleks Laskën, si dhe e kanë plagosur atë me armë zjarri, në këmbë.  

NJOFTIMI I POLICISË:

Lezhë/Dhunuan fizikisht dhe plagosën me armë zjarri, një shtetas, mbrëmjen e djeshme, identifikohen dhe shpallen në kërkim autorët e dyshuar.  Rreth orës 22:30 të datës 08.05.2023, në Urgjencën e Spitalit Rajonal Lezhë, ka shkuar për ndihmë mjekësore, i plagosur me armë zjarri, në këmbë, shtetasi A. L., 22 vjeç, banues në Rrilë. Menjëherë pas njoftimit, grupi hetimor ka filluar veprimet hetimore për zbardhjen e ngjarjes dhe identifikimin e kapjen e autorit/ëve. Si rezultat i punës hetimore profesionale intensive, u bë i mundur identifikimi dhe shpallja në kërkim e autorëve të dyshuar, shtetasve: L. F., 29 vjeç, Xh. F., 26 vjeç dhe A. Sh., 27 vjeç, të tre banues në Lezhë.

Këta shtetas dyshohet se në bashkëpunim me njëri-tjetrin, pas një konflikti të çastit, në ambientet e jashtme të një bilardoje, në Lezhë, kanë goditur me mjete të forta shtetasin A. L., si dhe e kanë plagosur atë me armë zjarri, në këmbë.  

Vijon puna për kapjen e 3 shtetasve të shpallur në kërkim dhe për zbardhjen e plotë të rrethanave të ngjarjes.  Materialet procedurale iu referuan Prokurorisë, për veprime të mëtejshme.

Vendi i ngjarjes

LEZHË- Aleks Laska, u plagos mbrëmjen e kaluar me armë zjarri në këmbë nga një person ende i paidentifikuar. Raportohet, se 22-vjeçari ishte së bashku me disa të rinj brenda ambienteve të një bilardo, në zonën e Lezhës.

Ai u qëllua me armë në këmbë e më pas u dërgua në spital për të marrë ndihmën e duhur mjekësore. Sipas dëshmitarëve janë dëgjuar tre të shtëna me armë zjarri. Pasi mbërriti policia në vendin e ngjarjes, nuk u gjet asnjë nga personat e përfshirë në konflikt pasi ishin larguar, mirëpo njëri prej tyre është kapur nga kamerat e sigurisë. 

Përballë grupit hetimor, i riu ka treguar se nuk i njeh autorët, duke dyshuar mbi vërtetësinë pasi ai kishte kohë që qëndronte në atë ambient. Hetimet vijojnë për të zbuluar personat e tjerë të përfshirë dhe për të zbardhur shkaqet e sherrit./Dosja.al

Foto ilustruese

LEZHË- Të shtëna me armë zjarri në Lezhë. Mbrëmjen e sotme, në lagjën "Besëlidhja", disa të rinj janë konfliktuar me njëri-tjetrin. Për për pasojë ka mbetur i plagosur një person. Dosja.al ka mësuar se i plagosur ka mbetur 22-vjeçari, Aleks Laska. I riu ndodhet në spital, jashtë rrezikut për jetën.

Ende nuk dihen shkaqet e kësaj ngjarje, edhe pse paraprakisht dyshohet për një konflikt të çastit. Në vendin e ngjarjes kanë mbërritur forcat e Policisë së Shtetit, të cilët po hetojnë për zbardhjen e rrethanave, megjithatë nuk kanë dalë ende me një njoftim zyrtar lidhur me çfarë ka ndodhur mbrëmjen e sotme.