Plas sherri në zyrat e IKMT/ Drejtori i Mjedisit, Klesti Çela dhunon Fatmir Metën, shkarkohen nga detyra

TIRANË- Kreu i Inspektorati Kombëtar i Mbrojtjes së Territorit, Afrim Qëndro, ka shkarkuar nga detyra Klesti Çelën dhe Ervin Bixhen, të cilët mbajnë postin e këshilltarit pranë kryeinspektorit. Shkarkimet vijnë, pas sherrit në zyrat e IKMT, ku drejtori i Mjedisit, Klesti Çela, u përfshi në një konflikt fizik me Drejtorin e Ekzekutimit të Vendimeve, Fatmir Metën.

Qendro shkarkoi dhe Bixhën i cili është vëllai i Elgert Bixhës, emër i lidhur me Ergys Agasin, biznesin në kërkim pas hetimeve të dosjes së AKSHI. Pas incidentit, Klesti Çela është paraqitur në zyrën e kryeinspektorit Afrim Qëndro, ku ka kërkuar dorëheqjen.

Siç u raportua, ngjarja ka ndodhur në zyrën e Fatmir Metës, ky Klesti Çela dhe tre persona të tjerë e kanë dhunuar këtë të fundit me qyta pistolete. Deri më tani dyshohet se ngjarja ka ndodhur pas një përplasjeje verbale të ndodhur një ditë më parë mes palëve. Gjithashtu raportohet, se konflikti lidhet me një grup inspektimi për çështjen e dherave, ku sipas burimeve brenda institucionit, Fatmir Meta ka bllokuar mjetet e subjekteve që derdhnin dhera nëpër rrethinat e Tiranës./Dosja.al

TIRANË- Inspektori i Përgjithshëm, Dashnor Sula ka pezulluar nga detyra drejtorin e Ekzekutimit të Vendimeve, Fatmir Metën dhe Drejtorin e Mjedisit, Klesti Çela, pas sherrit në zyrat e IKMT.  Me anë të një deklarate, Sula njofton se ngjarje të tilla nuk do kalojnë pa përgjegjësi dhe personat e përfshirë janë pezulluar nga detyra deri në përfundimin e hetimit administrativ dhe penal. 

"Asnjë incident nuk do të kalojë pa përgjegjësi. Pas ngjarjes së ndodhur, Inspektorati i Përgjithshëm ka marrë menjëherë masat administrative dhe ligjore ndaj personave të përfshirë. Menjëherë pas marrjes së njoftimit zyrtar nga IKMT, strukturat përgjegjëse të Inspektoratit të Përgjithshëm kanë nisur verifikimin e plotë dhe dokumentimin e ngjarjes. Personat e përfshirë janë pezulluar nga detyra deri në përfundimin e hetimit administrativ dhe penal.

Paralelisht, janë vënë në lëvizje të gjitha mekanizmat disiplinorë të parashikuar nga legjislacioni në fuqi. Inspektorati i Përgjithshëm nuk toleron asnjë formë dhune, sjelljeje të papërshtatshme apo cenim të integritetit institucional. Administrata publike duhet të jetë model korrektësie, profesionalizmi dhe përgjegjshmërie. Integriteti i institucionit dhe besimi i qytetarëve janë prioritet absolut. Inspektorati i Përgjithshëm do të vijojë të informojë publikun dhe mediat mbi ecurinë e procedurave", tha inspektori.

Ngjarja ka ndodhur në zyrën e Fatmir Metës, ky Klesti Çela dhe tre persona të tjerë e kanë dhunuar këtë të fundit me qyta pistolete. Deri më tani dyshohet se ngjarja ka ndodhur pas një përplasjeje verbale të ndodhur një ditë më parë mes palëve. Gjithashtu raportohet, se konflikti lidhet me një grup inspektimi për çështjen e dherave, ku sipas burimeve brenda institucionit, Fatmir Meta ka bllokuar mjetet e subjekteve që derdhnin dhera nëpër rrethinat e Tiranës./Dosja.al

TIRANË- Një incident ka ndodhur ditën e sotme në ambientet e Inspektoratit Kombëtar të Mbrojtjes së Territorit (IKMT). Bëhet me dije se është dhunuar drejtori i Ekzekutimit të Vendimeve, Fatmir Meta. Siç raportohet, Meta është sulmuar nga Klesti Çela, drejtori i Mjedisit, i cili është kunati i Ergys Agasit, së bashku me tre persona të tjerë.

Deri më tani dyshohet se ngjarja ka ndodhur pas një përplasjeje verbale të ndodhur një ditë më parë mes palëve. Gjithashtu raportohet, se konflikti lidhet me një grup inspektimi për çështjen e dherave, ku sipas burimeve brenda institucionit, Fatmir Meta ka bllokuar mjetet e subjekteve që derdhnin dhera nëpër rrethinat e Tiranës.

Pas këtij debati, situata ka degraduar deri në dhunë fizike me qyta pistoletash brenda ambienteve të institucionit. Pas incidentit të rëndë Çela mësohet se ka shkuar në zyrën e Afrim Qendros, ku ka kërkuar dorëheqjen. Ndërkohë, që deri në këto momente nuk ka një reagim zyrtar nga IKMT apo nga palët e përfshira./Dosja.al