6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kryeministri Edi Rama ka uruar Dashnor Sulën në detyrën e re si Kryenispektor i Përgjithshëm. • Gjatë fjalës së tij në takimin me inspektorët, Rama theksoi se do të ketë një kompleks të ri të Inspektoriatit të Përgjthshëm. • Rama i ka kujtuar Sulës ndasitë politike që kanë dhe sulmet që i ka bërë në Kuvend atij dhe Ministres Delina Ibrahimaj. • Kryeministri ka dhënë prioritet dhe pikat për punën në Inspektoriatin e Përgjithshëm, ku deklaroi se ky institucion duhet që të ketë koordinim me Drejtorinë e Tatimeve. • Rama ka kërkuar që të mos ketë vizita befasie në biznese nga inspektorët, ndërsa ka theksuar se digjitalizimi te inspektimet duhet të jetë prioritet. • Në fjalën e tij kryeinspektori i Përgjithshëm Dashnor Sula ka thurur elozhe për kryeministrin Rama gjatë prezantimit të tij te inspektorët. • Sula ka treguar diferencën mes mazhorancës dhe Opozitës, duke thënë se aty ku luftoi për 20 vite, e hodhën në rrugë. • Ndërkohë që për mazhorancën tha se pasi konkuroi dhe doli i pari, mori vendin që i takonte.
5 artikuj për këtë temë.
TIRANË- Kryeministri Edi Rama ka zbuluar bisedën e fundit që pati me Dash Sulën para zgjedhjes si Kryeinspektor i Përgjithshëm. Sipas kryeministrit, Sula i ka thënë Ramës që do një sfidë dhe kjo ka qenë konkursi për Kryeinspektorin e Përgjithshëm.
"Shumëkush mund që të rrudhë buzët dhe mund të gjejë edhe këtu rasti për të përqeshur, është motomato është ajo që tha inspektori. Ne patëm një takim dhe ajo që u shtrua nga zoti Sula, ishte që dua një sfidë dhe dua të më sfidosh e të të sfidosh. Ok, unë i thashë fillojë nga konkursi për Kryeinspektorin e Përgjithshëm. Por, jam i sigurt, që kush realisht beson tek vetja dhe tek mundësi e një karriere, çdo dyshim dhe çdo paragjykim duhet që ta vërë në provë. Për mua është themelore, që rekrutimi i të gjitha nivele, i inspektorëve të jetë totalisht i garantuar”, tha Rama./Dosja.al
TIRANË- Kryeinspektori i Përgjithshëm Dashnor Sula ka thurur elozhe për kryeministrin Rama gjatë prezantimit të tij te inspektorët. Në fjalën e tij, Sula ka treguar diferencën mes mazhorancës dhe Opozitës, duke thënë se aty ku luftoi për 20 vite, e hodhën në rrugë.
Ndërkohë që për mazhorancën tha se pasi konkuroi dhe doli i pari, mori vendin që i takonte. Po ashtu Sula ka ka renditur dhe objektivat si Kryeinspektor i Përgjithshëm.
“Kam pranuar këtë sfidë, sepse iu vlerësoj maksimalisht për vizionin që ju keni. Ndoshta është e paimagjinueshme që një demokrat që për 20 ju ka kritikuar dhe la gjuajtur me gurë në shtëpinë tuaj, nuk kam turp që ta them që atje ku kam luftuar dhe kam fituar dhe më kanë hedhur në rrugë, kurse tek ju kam konkurruar, kam fituar dhe kam dalë i pari. Për të gjithë ata demokratë apo socialistë të marrin guximin që të konkurrojnë. Unë 3 gjëra i kam të panegociueseshme: do kem gjithë përkushtimin maksimal gjatë 24 orëve, përkushtimi do jetë maksimal dhe do të punojmë të gjithë bashkë, e dyta për integritetin tim moral nuk pretendoj që gjithçka do jetë mrekullia, por do të ketë një përmirësim të dukshme.
Do të ketë drejtësi. Drejtësi dhe vetëm drejtësi do ketë. Do të krijojmë një frymë të mirë për bizneset. Sfida është digjitalizimi. Ligji na ka përcaktuar edhe inspektimet e planifikuara, por na ka lënë edhe hapësirën e emergjencës, inspektoratet të jenë në vigjilencë. Janë shumë gjëra që do i diskutojmë në çdo moment. Nga i pari tek i fundit, do të verifikojmë për çdo inspektor të Shqipërisë, që kërkon të jetë në pozicionin e duhur”, tha Sula./Dosja.al
TIRANË- Kryeministri Edi Rama ka dhënë prioritet dhe pikat për punën në Inspektoriatin e Përgjithshëm. Gjatë fjalës së tij në prezantimin e Dash Sulës si kryeinspektor, Rama deklaroi se ky institucion duhet që të ketë koordinim me Drejtorinë e Tatimeve.
Më tej, Rama ka kërkuar që të mos ketë vizita befasie në biznese. Ndërkohë që ka theksuar se digjitalizimi te inspektimet duhet të jetë prioritet.
"Tjetra që është barrë e kryeinspektorit është të racionalizojmë vizitat në dyert e biznesit. Sensi i kësaj reforme, të gjithë janë të kontrollueshëm por nuk mundet dot të sulmohen me gjithë farë lloj inspektimesh, por racionalizohet koha dhe energjia. Një sistem i ri rekrutimi është i domosdoshëm. Sic kemi bërë me doganën ku ka një stabilitet të konsoliduar pavarësisht problematikave që mund të ketë, duhet të jetë edhe me inspektorët. Kjo kërkon certifikim, trajnin, standard, dhe sistemi i rekrutimit të jetë i besueshëm, i patrazuar nga frika se do lëvizë dhe të kapim ca të kapim sot. Sistemi duhet të bazohet në inspektime në sensin e frikës që ruan vreshtin, po jo inspektime në pafundësi, nuk vlen për asgjë vetëm krijon tension stres rrëmujë. Forcat e inspektimit duhet të bazohen te risku.
Tjetra me rëndësi është harmonizimi me tatimet. Tatimet kanë proceset e tyre por edhe ato nuk duhet të jenë të mbivendosura. Duhet të ketë një sens të qartë racionalizimi. E fundit, dixhitalizimi, ka potencial për të cuar në nivel tjetër gjithë sistemin. Sipërmarrja vuan konkukrencën e pandershme, situata për të cilat ka nevojë për shtetin, i duhet dhënë kjo mundësi. Por duhet të ketë një kanal ankesash, një sistem të besueshëm dhe me integritet. Unë besoj që reforma është e duhuara, fuqia që i është dhënë inspektorit të përgjithshëm dhe sistemit janë të duhurat tani duhet zbatim kyci këtu është koordinimi. Koordinimi është problem i madh. Kam besim se do e bëjmë këtë punë si duhet dhe do i japim frymë tjetër sipërmarrjes që do konkurencë të ndershme dhe këtu inspektimet janë kyç," tha Rama./Dosja.al
TIRANË- Kryeministri Edi Rama ka kritikuar Dashnor Sulën gjatë prezantimit si Kryeinspektor i Përgjithshëm. Gjatë fjalës së tij, Rama i ka kujtuar Sulës ndasitë politike që kanë dhe sulmet që i ka bërë në Kuvend.
Ndërkohë që ka theksuar se tani do të shohin se si do ta bëjë ai punën. Në vijim të kësaj, Rama theksoi se një plus i madh është formimi juridik i Sulës.
“Nuk mund të themi se me inspektimin kemi bërë progres. Mbetet problem, në hendekut mes shërbimit dhe pengimit të atyre që duhet të shërbehen që jo rrallë në vend se të shërbehen të keqtrajtohen dhe të abuzohet. Mund të ndërrojmë të gjithë njerëzit dhe nga hëna ti sjellim, nëse sistemi nuk është strukturuar si duhet, do biem në të njëjta situata që i ndeshim më rrallë se më parë. Dua të them dy fjalë për faktin që kryeinspektori vjen nga një pjesë e karrierës që ka qenë politike, por më parë ka qenë protagonist në sistemin e mëparshëm, formimi juridik është i rëndësishëm…këtu jemi vend i vogël për t’u ndarë dhe kur vjen puna te politika ndarja është e natyrshme por kur vjen puna te politika mirë është që të bashkëpunojmë. Edhe mua nuk më ka kursyer zotëria kur ka qenë në parlament tani ta shohim se si ka bërë gjëra për të cilat nuk na ka lënë gjë pa thënë ne”, tha Rama./Dosja.al
TIRANË- Kryeministri Edi Rama ka uruar Dashnor Sulën në detyrën e re si Kryenispektor i Përgjithshëm. Gjatë fjalës së tij në takimin me inspektorët, Rama theksoi se do të ketë një kompleks të ri të Inspektoriatit të Përgjthshëm.
Ndërkohë që ka theksuar se e rëndësishme është që të zbatohet faza e dytë në reformën për inspektimet.
"Në radhë të parë dua t’i uroj punë të mbarë Kryeinspektorit të Përgjithshëm. Është një moment shumë i rëndësishëm i kësaj reforme, pasi kemi kapërcyer fazën e parë që pati shumë nevojë për përgatitje dhe duke krijuar bindjen te të gjithë se ishte shumë e rëndësishme kapërcimi i skemës së vjetër. Tani do të kalojmë në fazën e zbatimit të thellë të kësaj reforme, duke nisur me ndërtimin e kompleksit të ri të Inspektoratit të Përgjithshëm. Një gjë është e sigurt është që deri tani që me inspektimin nuk kemi bërë progresin e nevojshëm, mbetet një problem në organizim, në mangësi dhe mbetet një problem në hendekun mes shërbimit dhe atyre që duhet të shërbehen. Gjithmonë kam besuar dhe besoj që sistemi dhe reformimi i sistemit është përgjegjësi. Nëse drejtimi nuk është i duhuri, biem në situata që i kemi ndeshur më parë," tha Rama./Dosja.al
