Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Ditën e sotme u zhvillua protesta para Bashkisë së Tiranës. • Qytetarët u mblodhën para godinës së bashkisë ku kërkojnë dorëheqja e kryebashkiakut Erion Veliajt. • Në protestën e ditës së sotme pati një numër të vogël të efektivëve, krahasuar me herë te kaluara. • I pari që mori fjalën ishte Dorian Teliti dhe më pas vijuan të tjera fjalime. • Dorjan Teliti gjatë fjalës e tij tha se të gjithë do qëndrojmë deri në fund. • Ai theksoi se Veliaj e bashkëpunëtorët e tij duhet të largohen. • Sekretari i Përgjithshëm i Partisë së Lirisë, Tedi Blushi është shprehur se ata nuk do i ndalin protestat deri në arrestimin e Erion Veliajt. • Ai i bëri thirrje kreut të SPAK ose të arrestojë Erion Veliajn ose tia vërë vetë prangat vetes dhe hyr në vend të këtij hajduti në burg se po dëshmon se je partner në krim me këtë monstër që çdo ditë vazhdon e vjedh dhe abuzon me taksat e shqiptarëve. • Klevis Balliu tha se kryeqyteti shqiptar sot është tepër i ndotur. Klevis Balliu tha se kryeqyteti shqiptar sot është tepër i ndotur. • Ai shtoi se Tirana është qyteti i pushtetarëve dhe jo i qytetarëve. Sipasa tij kryebashkiaku Veliaj është kryehajduti i aferave korruptive. • Anëtari i kryesisë së PD-së, Belind Këlliçi gjatë fjalës së tij përmendi edhe operacionin financiar të kompanisë ‘5D’ të cilët kishin blerë gjysëm milionë euro apartamentin e Gramoz Ruçit. • Organizatorët e protestës njoftuan se protesta e radhës do të mbahet të enjten, ora 11:00, datë 22.08.2024.
6 artikuj për këtë temë.
TIRANË- Përfundon protesta para bashkisë së Tiranës, Ja kur do të mbahet tubimi i rradhës. Përfaqësuesit e opozitës, edhe gjatë protestës së sotme hodhën akuza në drejtim të kryebashkiakut Veliaj, duke e akuzuar si të korruptuar.
Gjithashtu njoftuan se protesta e radhës do të mbahet të enjten, ora 11:00, datë 22.08.2024. Siç shihet nga pamjet, në protestë ka prani të vogël të numrit të efektivëve, krahasuar me herë te kaluara.
TIRANË- Anëtari i kryesisë së PD-së, Belind Këlliçi ka marrë pjesë ditën e sotme në protestën para bashkisë së Tiranës. Këlliçi gjatë fjalës së tij përmendi edhe operacionin financiar të kompanisë ‘5D’ të cilët kishin blerë gjysëm milionë euro apartamentin e Gramoz Ruçit.
Ai tha se, ky ishte pastrim parash sepse Gramoz Ruçi vazhdon e jeton në të njëjtin apartament edhe pse e ka shitur. Kwlliçi shtoi se Carlo Bollinowshtw hajduti i tokave i kallëzuar në SPAK, që ka lënë pa një shkollë njësinë numër 7 në Tiranë, pa një shkollë pa një gjimnaz, sepse ka vjedhur tokën publike të dhuruar nga familja Begeja për të bërë një shkollë.
‘Na kanë vënë fuksa nga mbrapa si në kohën e Enver Hoxhës, që na ruajnë. Carlo Bollino, hajduti i tokave i kallëzuar në SPAK, që ka lënë pa një shkollë njësinë numër 7 në Tiranë, pa një shkollë pa një gjimnaz, sepse ka vjedhur tokën publike të dhuruar nga familja Begeja për të bërë një shkollë.
Ka vjedhur tenderat e AKSHI-t, për të financuar një televizion që shpif e hedh baltë nga mëngjesi në darkë, kundër opozitës. Këta dinë gjithçka për opozitën, por ky hajduti që e ka emrin Erion Veliajt, nuk ka parë atë monstrën aty, 7 kate pa leje, e ka Armando Lilaj, shoku i ngushtë i Veliajt, ortaku i Fatmir Xhafajt, komunisti i fundit në drejtësi.
E ka Armando Lilo i kallëzuar në SPAK, 50 metra është distanca nga dritarja e Velaijt tek 7 katëshi, por këtë nuk e shohin. Shohin tendën e Adriana Kalasë, shohin protestuesit e opozitës. Çdo ditë paguajnë analistë, portale për të shkruar kundër opozitës, për të dekurajuar opozitën për të dalë në protestë. Sot është dita që të falenderojmë qytetarët e Tiranës në këtë protestë maratonë.
Një protestë qëndrese në mbrojtje të interesit të qytetarëve të Tiranës. U përmendën shumë gjëra gjatë fjalëve këtu, por diçka nuk u përmend. Gramor Ruçi, e patë dosjen e Apelit të Posaçëm, a e patë që ‘5D’ kishte blerë gjysëm milionë euro, një apartament të ministrit të fundit të brendshëm të diktaturës, Gramoz Ruçit, ndërkohë që ishte në detyrë.
Të dhënat paraprake që kemi tregojnë se edhe dy vite e gjysëm që ka shitur këtë apartament, komunisti i fundit Gramoz Ruçi ka vazhduar të jetojë në apartamentin e tij, sepse sigurisht ky ishte pastrim parash. Sepse nuk ka qytetar shqiptar që nuk e di, SPAK nuk e di, por mediat nuk guxojnë të bëjnë një rresht, përveç medieve opozitare, seps në mediat e tjera se keni parë
Po pse, sepse janë media që paguhen me paratë e inceneratorit të Tiranës, marrin para nga drejtorët e bashkisë së Tiranës, janë faqe dhe portale gjobëvenëse ku tashmë Elton Kacidhja paguan e jep këstin mujor dhe ka marrë tagrin e Taulant Tushës, për të hedhur baltë, shpifur mbi opozitën, për të hedhur baltë për këdo që shkruan për qeverinë.
I njëjti individ Elton Kacidhja, dogji zyrat e UKT-së për të zhdukur faturat. A ka mbajtur njeri për këtë skandal, askush. Sot që flasim, ky bandit që quhet Elton Kacidhja, bankomati i radhës së Erion Veliajt, personi që paguan gazetarë, analistë, media, portale për të shpifur mbi opozitën, ky njeri është është i qetë. Dhe kush është problemi, problemi jemi ne që ngrejmë zërin, që flasim se taksat e qytetarëve duhet të shkojnë për shërbime. Jemi ne problemi që themi se në Astir nuk ka një çerdhe, një shkollë dhe Erion Veliaj ka shkuar disa herë e ka premtuar, por atje shkollë e çerdhe nuk ka’, tha gjatë fjalës së tij, Belind Këlliçi.
TIRANË- Koordinatori Rajonal për Tiranën në Partinë Demokratike, Klevis Balliu ka marrë pjesë ditën e sotme në protestën para bashkisë së Tiranës. Balliu tha se kryeqyteti shqiptar sot është tepër i ndotur. Ai shtoi se Tirana është qyteti i pushtetarëve dhe jo i qytetarëve. Sipasa tij kryebashkiaku Veliaj është kryehajduti i aferave korruptive.
"Tirana sot është qyteti më i ndotur në Europë. Janë paguar miliona euro dhe plehrat janë sërish në rrugët e Tiranës. Këta janë gati të arrestojnë të gjithë Shqipërinë, vetëm Rama e Veliaj mos të preken. Në Shqipëri ka nevojë për drejtësi të vërtetë. Ka taksë për infrastrukturën rrugore, por Astiri dhe zona të tjera janë pa shkollë.
Ku shkojnë këta para? Thuhet se nuk ka shkelje. Drejtësinë mund ta sjellë vetëm populli. Ky nuk është qytet i qytetarëve, por i pushtetarëve. Drejtorët janë në burg me urdhër të Veliajt. Ky është arkitekti i 5D, arkitekti i inceneratorëve, ky është kryehajduti," tha Balliu.
TIRANË- Sekretari i Përgjithshëm i Partisë së Lirisë, Tedi Blushi ka marrë pjesë ditën e sotme në protestën para bashkisë së Tiranës. Blushi është shprehur se ata nuk do i ndalin protestat deri në arrestimin e Erion Veliajt.
Ai i bëri thirrje kreut të SPAK ose të arrestojë Erion Veliajn ose tia vërë vetë prangat vetes dhe hyr në vend të këtij hajduti në burg se po dëshmon se je partner në krim me këtë monstër që çdo ditë vazhdon e vjedh dhe abuzon me taksat e shqiptarëve.
“Çdo ditë që Erion Veliaj qëndron në këtë detyrë, ai vazhdon e vjedh. Një mesazh kam për kreun e SPAK, Altin DumDumanin, ose arresto Erion Veliajn ose vërja vetë prangat vetes dhe hyr në vend të këtij hajduti në burg se po dëshmon se je partner në krim me këtë monstër që çdo ditë vazhdon e vjedh dhe abuzon me taksat e shqiptarëve.
Nuk ke për të gëzuar asnjë qindarkë sepse ne nuk do tërhiqemi se kjo është një betejë pa kthim. Kjo betejë do përfundojë në ditën kur ti do merresh për zverku për t’u çuar aty te qelia ku e ke vendin. Ti je Erion Qelia dhe fundi yt është i vendosur,” tha Blushi.
TIRANË- Ka nisur protesta e 21-të para Bashkisë së Tiranës. Qytetarët janë mbledhur para godinës së bashkisë ku kërkohet dorëheqja e kryebashkiakut Erion Veliajt. Në protestë ka prani të vogël të numrit të efektivëve, krahasuar me herë te kaluara.
Ndërkohë i pranishëm në protestë është edhe eksperti i çështjeve ekonomike dhe këshilltari bashkiak i Tiranës Dorjan Teliti. Teliti gjatë fjalës e tij në protestën përpara Bashkisë së Tiranës tha se të gjithë do qëndrojmë deri në fund. Ai theksoi se Veliaj e bashkëpunëtorët e tij duhet të largohen.
“Me do largojmë Erionin, pseudo-mundësin, që financon industrinë e betonit, të krimit dhe korrupsionit, duke zhytur në varfëri 1 milion banorë të Tiranës. Qytetarët e Tiranës nuk meritojnë një kryeqytet të papastër.
Janë paguar 32 milionë euro për një vit për pastrimin e plehrave dhe plehrat janë kudo në kryeqytet. Të gjithë të qëndrojmë deri në largimin e Veliajt dhe bashkëpunëtorëve të tij. Do të qëndrojmë deri në fitore”, tha Teliti.
TIRANË- Ditën e sotme do të mbahet protesta e radhës para Bashkisë së Tiranës. Në lidhje me tubimin e sotëm Policia e Shtetit ka marrë një sërë planesh. Në zbatim të planit të masave, Policia e Shtetit njoftoi se prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.
Për këtë arsye sugjerohet që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.
Njoftimi i plotë:
DVP Tiranë/ Për shkak të zhvillimit të një tubimi, ditën e sotme, në orën 11:00, përpara Bashkisë Tiranë, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Njoftojmë qytetarët se sot, prej orës 09:30 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Policia apelon për të gjithë qytetarët që të shmangin lëvizjen në këto akse rrugore dhe të përdorin rrugë alternative, deri në përfundim të tubimit, si Unaza e Mesme dhe Unaza e Madhe.
