6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Një tjetër protestë është zhvilluar ditën e sotme para bashkisë së Tiranës. • Qytetarët janë grumbulluar para bashkisë për herë të 37-të ndërsa kanë vijuar me thirrjet e tyre për dorëheqjen e kryebashkiakut, Erjon Veliaj. • Në protestë i pranishëm ka qenë sekretari i Përgjithshëm i Partisë së Lirisë, Tedi Blushi. • Gjatë fjalës së tij Blushi u shpreh se janë të pranishëm për të denoncuar një hajdut që hyri në politikë me kanatjere dhe pantallona të shkurtëra, dhe që sot ka ndërtuar një pasuri multimilionësh, mbi gjakun, djersën dhe mbi mundin e qytetarëve të thjeshtë të këtij qyteti. • Ai shtoi se pasuria e ndërtuar mbi gjakun e një minoreni i cili humbi jetën në landfillin e Sharrës, mbi gjakun e Ardit Gjoklajt, gjaku i të cilit nuk e ka tronditur drejtësinë. • Sipas tij SPAK mbyll sytë, nuk bën drejtësi dhe së fundmi ka hapur një tender se kur do ta ndalojë Erion Veliajn. • Blushi shtoi se kjo është një aktakuzë për vetë SPAK dhe për këtë tender që tregon se edhe njëherë se ky institucion është në varësi direkt të Edi Ramës. • Edhe nënkryetari i Këshillit Bshkiak të Tiranës, Dorjan Teliti ka marrë pjesë në protestë ndërsa gjatë fjalës së tij tha se në bashkinë e Tiranës tjetërsohen prona publike dhe private. • Sipas tij ata vjedhin paratë e qytetarëve i fusin në xhepat e tyre dhe më pas dalin në publik dhe tallen në mënyrën më ironikë të mundshme, po me qytetarët. • Koordinatori rajonal për Tiranën i PD-së, Klevis Balliu u shpreh se u faktua se si kryebashkiaku Erjon Veliaj me shoqata e agjenci paguante bashkë me gruan e tij gjykatat e prokurorët. • Balliu theksoi se Veliaj ka ngritur skemën më të tmerrshme dhe se ata nuk janë qeveritarë të shtetit, por qeveritar të shoqatave. • Fjalën e tij e ka mbajtur edhe drejtuesi politik për Qarkun e Tiranës në PD, Belind Këlliçi. • Këllçi gjatë fjalës së tij është shprehur se hesapet e drejtësisë së kryebashkiakut të Tiranës, Erion Veliaj nuk janë mbyllur, edhe pse drejtësia në nxitim e sipër kërkon ta nxjerrë atë të ‘pastër’. • Këlliçi hodhi akuza ndaj prokurorit Dritan Prençi, se ka darkur me drejtorët e Veliaj, për llogari të mbylljes së hetimeve për këtë të fundit.
4 artikuj për këtë temë.
TIRANË- Drejtuesi politik për Qarkun e Tiranës në PD, Belind Këlliçi ka marrë pjesë ditën e sotme në protestën e radhës para bashkisë së Tiranës. Këllçi gjatë fjalës së tij është shprehur se hesapet e drejtësisë së kryebashkiakut të Tiranës, Erion Veliaj nuk janë mbyllur, edhe pse drejtësia në nxitim e sipër kërkon ta nxjerrë atë të ‘pastër’.
Ai u shpreh se pavarësisht përpjekjeve të prokurorit të Posaçëm, Dritan Prençi për ta dërguar dosjen e incineratorit të Tiranës në GJKKO, pa personin përgjegjës të saj, Erion Veliaj, është e dështuar. Këlliçi hodhi akuza ndaj prokurorit Prençi, se ka darkur me drejtorët e Veliaj, për llogari të mbylljes së hetimeve për këtë të fundit.
"Dritan Prençi vendose të çosh në gjykatë dosjen e incineratorëve. Dëgjove protestën, ne sot nisim punën me Veliaj, me ty Dritan Prençi, ne shkelje flagrante të ligjit i kemi kërkuar aktet e dosjes pranë PD, sepse jeni palë në këtë çështje. Kanë çuar me vrap si skutha çështjen në gjykatë, pa emrin e pronarit faktik të incineratorit të Tiranës, Erion Veliaj.
Blushi iu nxori një vendim 2017, ku Veliaj me firmë e vulë i hap rrugë konsensionit pa vendim të Këshillit Bashkiak. Pasi 2 herë Ahmetaj e kishte kundërshtuar financimin e kësaj skeme, Shkëlqim Cani e kundërshtoi. Veliaj i vuri gjoksin për t’i dalë zot kësaj pune.
Dritan Prençi që ka drekuar me drejtorët e Bashkisë së Tiranës, për llogari të Veliajt. Dil e përgënjështeroje Këlliçin, për këtë që sa po thashë. Do ju tregojmë me detaje për dosjen e inceneratorit dhe 5D, dhe punës së gazetarëve të emisionit ‘Plug’, që mund t’i quajmë pa frikë ustallarë, që kanë zbërthyer vjedhjen e klontrollin e drejtësisë, të denjë për një individ, si Erion Veliaj," tha ai.
TIRANË- Koordinatori rajonal për Tiranën i PD-së, Klevis Balliu ka marrë pjesë ditën e sotme në protestën e radhës para bashkisë së Tiranë. Gjatë fjalës së tij Balliu u shpreh se gazetarët kurajozë kanë zbërthyer një nga skemat më mafioze, që do ta kishte zili dhe ‘Cosa Nostra’ . Ai shtoi se u faktua se si kryebashkiaku Erjon Veliaj me shoqata e agjenci paguante bashkë me gruan e tij gjykatat e prokurorët.
Balliu ngriti pyetjen se pse Veliaj është i lirë, pse është në punë ai duke e quajtur hajdut. Ai theksoi se Veliaj ka ngritur skemën më të tmerrshme dhe se ata nuk janë qeveritarë të shtetit, por qeveritar të shoqatave. Sipas tij ai nuk është kryetar bashkie i një qyteti, por kryetar bashkie për shoqatat.
"Një falënderim për gazetarët kurajozë që kanë zbërthyer një nga skemat më mafioze, që do ta kishte zili dhe ‘Cosa Nostra’ që janë gazetarët e ‘Plug’. E vërteta është se aty kjo skemë mafioze u faktua. U faktua edhe se si është kapur drejtësia, se si ky mafioz me shoqata e agjenci paguante bashkë me gruan e tij gjykatat, prokurorët.
Se si ky njeri me këtë pushtet ka kapur instanca që duhej të jenë të pavarura. Se si kryetar i Gjykatës së Lartë, Sadushi është në shërbim të tij, Llagami kryetarja e KLGJ-së është në shërbim të tij. Se si Pranvera Pustina, gruaja e Florian Pustinës ishte dhe është shefe e kabinetit të Olsi Çelës, prokurorit të Përgjithshëm, që nuk merrte masa për gjyqtaren me 333 mbiemra se, prej asaj ka mbetur 333 ditë lideri i opozitës atje, me urdhër të Edi Ramës, patjetër.
Se si Rakipi, që është sot në Magjistraturë dhe pagohej po nga kjo. Se si të gjithë këta, përfshirë dhe njërin që bënte vetingun gjyqtarëve, që ky mostra këtu e kandidonte edhe për deputet me G99. Se si, Bushka, kryetarja e Komisonit të Ligjeve, dhe kjo në shërbimin e tij, me paratë e tij, me shoqatat e tij, bashkë me këtë Irakliun, marrin tendera dhe punojnë në bashki. Të gjithë këta në shërbim të këtij njeriu. Si ka mundësi që liderin e opozitës e mbajtën në ‘arrest shtëpie’ se kishin frikë se mos prishte prova, po ky mafiozi që ka kapur gjithë drejtësinë, a nuk keni frikë se po ju prish prova.
Pse është i lirë, pse është në punë ky hajdut. Ky kishte ngritur skemën më të tmerrshme, e kam thënë dhe e përsëris, këta nuk janë qeveritarë të shtetit, por qeveritar të shoqatave. Ky nuk është kryetar bashkie i një qyteti, por kryetar bashkie për shoqatat. Këta nga mëngjesi në darkë vetëm vjedhin, ëndërrojnë si të vjedhin, edhe kur hanë buk vjedhin, edhe kur flejnë gjumë vjedhin, këta vjedhin 24 orë në 24, nuk e ndalin vjedhjen.
Nuk ka shqiptarë që nuk e di se Erion Veliaj është hajdut. Kur i gjen ‘Plug’ gjithë ato fakte e prova, ky Skapi i partisë, pse nuk i gjen. Ku do ti gjejë Dumani. Tre shtëpia një Duman. Ky që me një rrogë blen tre shtëpia, e shqiptarët me tre rroga nuk blejnë dot një dhomë gjumi sot’, tha Klevis Balliu në protestën para bashkisë së Tiranës," tha Balliu.
TIRANË- Nënkryetari i Këshillit Bshkiak të Tiranës, Dorjan Teliti ka marrëpjesë sot në protestën e radhës të organizuar par bashkisë së Tiranës. Teliti gjithashtu mbajti fjalën e tij ndërsa u shpreh se a ka vlera evropiane ekipi drejtues i kësaj bashkie e cila vjedh dita ditës e cila abuzon dita ditës e tenderon dita ditës të paktën 1.5 milionë euro në ditë. Ai shtoi se a ka ka moral evropianë kjo godinë e cila është streha e atyre që arriten ta vendosin korrupsion në piedestalin e 100 për qindëshit siç ishin kolegët e 5D.
Teliti u shpreh se ata tjetërsojnë pronën publike dhe private. Sipas tij ata vjedhin paratë e qytetarëve i fusin në xhepat e tyre dhe më pas dalin në publik dhe tallen në mënyrën më ironikë të mundshme, po me qytetarët. Ai theksoi se 5 mijë punëtorë kishte bashkia e Tiranës me 2016 ndërsa sot janë 12 mijë e 100.
"Një falënderim për prezencën tuaj edhe sot. Në protestën e 37, para kësaj godine sa të bukur nga jashtë po aq të shëmtuar nga brenda. E bukur nga jashtë por brenda ndodhen kriminelë, ndodhen hajdutë, ndodhen abuzues. Dhe ironia, shikojeni, poshtë dera e mbyllur me zinxhir, ndërsa lart valëvitet flamuri kombëtar dhe flamuri i BE. A ka vlera evropiane ekipi drejtues i kësaj bashkie e cila vjedh dita ditës e cila abuzon dita ditës e tenderon dita ditës të paktën 1.5 milionë euro në ditë.
A ka moral evropianë kjo godinë e cila është streha e atyre që arriten ta vendosin korrupsion në piedestalin e 100 për qindëshit siç ishin kolegët e 5 D. A ka moral kjo administratë e bashkisë me drejtuesit e saj politikë të cilët në vend që të punojnë për Tiranën për të zgjidhur hallet dhe problemet e shumta që ka ky qytete, bëjnë vetëm diçka. Ulen në gostitë e tyre. Bëjnë pazaret e tyre. Tjetërsojnë pronën publike dhe private, vjedhin paratë e qytetarëve i fusin në xhepat e tyre dhe më pas dalin në publik dhe tallen në mënyrën më ironikë të mundshme, po me qytetarët. Tallen me kafshatën e bukës që u mungon qytetarëve të Tiranës. Tallen me shkollat që u mungojnë fëmijëve të Tiranës.
Tallen me trafikun e rënduar që ka ardhur si pasojë e betonizimit që këta tradhtarë të Tiranës dhe Shqipërisë kanë uzurpuar bashkinë e Tiranës. 5 mijë punëtorë kishte bashkia e Tiranës me 2016 ndërsa sot janë 12 mijë e 100. 7 mijë patronazhistë për të cilët kam një thirrje të qëndrojnë larg kutive të votimit dhe fushatës elektorale pasi do të ndiqeni penalisht për krim elektoral," tha ai.
TIRANË- Sekretari i Përgjithshëm i Partisë së Lirisë, Tedi Blushi ka marrë pjesë në protestën e sotme para bashkisë së Tiranës. Gjatë fjalës së tij Blushi u shpreh se janë të pranishëm për të denoncuar një hajdut që hyri në politikë me kanatjere dhe pantallona të shkurtëra, dhe që sot ka ndërtuar një pasuri multimilionësh, mbi gjakun, djersën dhe mbi mundin e qytetarëve të thjeshtë të këtij qyteti.
Ai shtoi se pasuria e ndërtuar mbi gjakun e një minoreni i cili humbi jetën në landfillin e Sharrës, mbi gjakun e Ardit Gjoklajt, gjaku i të cilit nuk e ka tronditur drejtësinë. Sipas tij SPAK mbyll sytë, nuk bën drejtësi dhe së fundmi ka hapur një tender se kur do ta ndalojë Erion Veliajn. Blushi shtoi se kjo është një aktakuzë për vetë SPAK dhe për këtë tender që tregon se edhe njëherë se ky institucion është në varësi direkt të Edi Ramës. Ai shtoi se Rama vendos se kur Erion Veliaj duhet të hyjë në burg, para apo pas zgjedhjeve.
"Jemi këtu për të denoncuar një hajdut, fytyrat e të cilit duhet të stampohen në çdo kosh mbeturinash dhe duhet të jenë një manual se si, një djalë i ri që hyri në politikë me kanatjere dhe pantallona të shkurtëra, dhe që sot ka ndërtuar një pasuri multimilionësh, mbi gjakun, djersën dhe mbi mundin e qytetarëve të thjeshtë të këtij qyteti.
Një pasuri e cila fillon e ndërtuar mbi gjakun e një minoreni i cili humbi jetën në landfillin e Sharrës, mbi gjakun e Ardit Gjoklajt, gjaku i të cilit nuk e ka tronditur drejtësinë. Vijoi vit pas viti pasurinë e tij e cila deri dje ishte një kosh me bisht dhe sot janë me qindra kulla në Tiranë ku pastrohen paratë e tij të pista. SPAK mbyll sytë, nuk bën drejtësi dhe së fundmi ka hapur një tender se kur do ta ndalojë Erion Velaijn.
Në fakt kjo është një aktakuzë për vetë SPAK dhe për këtë tender të fëlliqur që tregon se edhe njëherë se ky institucion është në varësi direkt të Edi Ramës dhe se është ai që vendos se kur, Erion Veliaj duhet të hyjë në burg, para apo pas zgjedhjeve.
Ndërkohë që SPAK vazhdon të merret me ‘Harabelat’ e Erion Veliajt. Unë po i tregoj një provë, një firmë të kryetarit ilegjitim të Bashkisë së Tiranës. Ja ku e ke urdhrin. Është kjo firmë që i hapi udhën inceneratorit që nuk ekziston të Tiranës, është kjo firmë që gllabëron çdo ditë 70-90 mijë euro taksa të qytetarëve të Tiranës. Mjafton kjo firmë që Erion Veliaj të ishte arrestuar 7 vite më parë.
Ndërsa SPAK na tregon se ku ndodhet ‘Harabeli’, merret me disa para që bashkëshortja e Erion Veliajt paska përfituar. Në fakt janë shumë qesharake, dhe me shumat e Harabelit ai del një xhepist urbanësh, ku ndërkohë ai është një dinozaur i tmerrshëm i gllabërimit të qindra milionë euro të taksave tuaja. Edhe sot e kësaj dite vazhdon e vjedh dhe asnjë nuk i hyn në këmbë.
Jemi shumë pranë fitores, edhe pak kohë na duhet të rrëzojmë këtë regjim, që kapi për fyti edhe drejtësinë që ka kapur për fyti, edhe Kontrollin e Lartë të Shtetit, ku kemi depozituar edhe aty një tjetër kallëzim për taksën e përkohshme shkollore," tha Tedi Blushi.
