Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ndryshime në qeveri. •Arben Ahmetaj është shkarkuar me urdhër të kryeministrit Edi Rama nga posti i zv.kryeministrit, ndërsa vendin e tij do ta zërë Belinda Balluku, e cila do ta mbajë edhe pstin aktual të ministres të Infrastrukturës dhe Energjisë. •Kryeministri Rama ka lajmëruar se ndryshime ka pasur dhe në postin e kryenegociatorit. Në këtë post është emëruar Majlinda Dhuka, në vend të profilit të lartë diplomatik të ambasadorit Zef Mazi. •Dhuka po ashtu është emëruar Ministre Shteti për marrëdhëniet me BE-në pranë kryeministrit. •Ndryshimet në Qeveri, do të jenë dekretet e para që do të firmosë Presidenti i ri i vendit, Bajram Begaj, i cili u betua vetëm dje.
6 artikuj për këtë temë.
TIRANË- Kryeministri Edi Rama ka firmosur ditën e sotme shkarkimin e Zef Mazit dhe emërimin e Majlinda Dhukës në postin e kryenegociatorit me Bashkimin Europian. Ky ndryshim, vjen pak ditë pasi BE-ja hapi negociatat me Shqipërinë.
Por, kush është Majlinda Dhuka?
Majlina Dhuka ka përfunduar Fakultetin e Drejtësisë e ka një eksperience në çështje të zhvillimit dhe rritjes, planifikim dhe menaxhim strategjik, projekte, financime, investime, bashkëpunimin për zhvillim
Ajo është e bija e minoritarit grek, Foto Dhukës, ish-ministër i Industrisë e Tregtisë në qeverinë e Pajtimit Kombëtar më 1997. Dhuka punon krah Ramës në kryeministri prej vitit 2013 drejton departamentin për Zhvillim dhe Qeverisje të Mirë.
Prej 2 vjetësh dhe 9 muajsh ajo është lektore në një universitet privat për menaxhimin e projekteve, menaxhimin e projekteve inxhinierike dhe menaxhimin e kontratave.
TIRANË- Ish-presidenti Ilir Meta ka komentuar shkarkimin e Zef Mazit nga posti i kryenegociatorit me BE-në. Nga selia e LSI-së, Meta tha se Rama shkarkoi Mazin pa nisur akoma mirë negociatat me BE-në e se ky veprim është i atyre që urrejnë meritoktracinë dhe median e lirë.
' Hapëm dhe ne shkarkuam kryenegociatorin pa nisur akoma negociatat, duke treguar seriozitetin e atyre që urrejnë meritokracinë dhe median e lirë. Erdha këtu për të treguar se jam krenar për forcën politike që kam krijuar në vitin 2005 dhe në 2006. '- tha Meta.
TIRANË- E hëna nis me ndryshime në kabinetin qeveritar! Teksa një ditë më parë u betua Presidenti i ri i Republikës së Shqipërisë, Bajram Begaj, sot në mëngjes, kryeministri njoftoi se janë ndryshuar edhe zëvendës kryeministei e kryenegociatori me BE-në. Dita e parë e punës e Begajt e gjen me inagurime dhe me përgjegjësi. Ai duhet të hedhë firmat e para të dekretimit për emërimin e Belinda Ballukut si zëvendëskryeministre dhe me kryenegociatoren Majlinda Dhuka.
Duket se Rama e ka llogaritur mirë me orë largimin e Metës nga kreu i shtetit, duke kryer në moment të fundit ndryshimet në Qeveri të cilat do të dekretohen nga Begaj në fund të këtij sesioni parlamentar që do të mbyllet këtë të enjte.
Tashmë, Kuvendi duhet të mblidhet sërish në një seancë te posaçme, për të miratuar ndryshimet, të cilat më pas do i kalohen Presidentit për dekretim.
TIRANË- Deputeti socialist Erion Braçe ka thumbuar Arben Ahmetaj pasi ky i fundit u shkarkua ditën e sotme nga posti i zëvendës kryeministrit. Nëpërmjet një postimi në rrjetin e tij social, Braçe ka shkruar “globi rrotullohet”, duke nënkuptuar se e njëjta gjë i kishte ndodhur edhe atij gjatë kohës që ka mbajtur postin e zëvendës presidentit.
RRETH E RRETH PERQARK, GLOBI RROTULLOHET; DITE ME DITE, RROTULLOHET!
TIRANË- Ndryshime të tjera në qeveri. Pasi ndyshoi postin e zëvendës kryeministrit, nga Ahmetaj te Belinda Balluku, kryeministri ka ndryshuar dhe ekipin negociator me Bashkimin Europian. Rama ka bërë të ditur se kryenegociatore është emëruar Majlinda Dhuka, një profil i lartë teknik, në vend të profilit të lartë diplomatik të ambasadorit Zef Mazi. Dhuka është emëruar Ministre Shteti për marrëdhëniet me BE-në pranë kryeministrit. Rama falenderon kryenegociatorin Zef Mazi për kontributin në arritjen e madhe historike të çeljes së negociatave.
'Tani që prioriteti i Rindërtimit ia le vendin prioritetit të Negociatave me BE, ndërron profili i ministrit të Shtetit. Majlinda Dhuka,një profil i lartë teknik në vend të profilit të lartë diplomatik të ambasadorit Mazi, bëhet Kryenegociatore& Ministre Shteti pranë kryeministrit.'- shkruan Rama në 'Twitter'.
TIRANË- Ndryshime në kabinetin qeveritar. Kryeministri Edi Rama i ka besuar postin e zëvendëskryeministrin, Belinda Ballukut, duke shkarkuar nga kjo detyrë Arben Ahmetajn. Mëngjesin e sotëm, kryeministri Edi Rama ka lajmëruar se roli i zëvendës kryeministrit do të fokusohet në energjinë ndaj ka vendosur që në këtë post të emërojë Ballukun. Duke falenderuar Ahmetajn për kontributin e dhënë, Rama thotë se ai ka përmbushur misionin në fushat e caktuara.
DEKLARATA E RAMËS:
Tani që prioriteti i Rindërtimit ia le vendin prioritetit të Negociatave me BE,ndërron profili i ministrit të Shtetit. Majlinda Dhuka,një profil i lartë teknik në vend të profilit të lartë diplomatik të ambasadorit Mazi, bëhet Kryenegociatore& Ministre Shteti pranë kryeministrit. Energjia si sfida më kolosale e kësaj periudhe dhe infrastruktura si sfidë e pandërprerë kombëtare, janë bërë sot edhe marrëdhënie intensive me qeveri e institucione ndërkombëtare. Koha që roli i zv/kryeministrit të fokusohet në këto fusha. Belinda Balluku bëhet zv/kryeministre. Falenderoj Arben Ahmetajn për kontributin në misionin tonë të përmbushur me një sukses spektakolar për Rindërtimin. Falenderoj Zef Mazin për kontributin në arritjen e madhe historike të çeljes së negociatave; dy bashkëpunëtorë të vlefshëm në një rrugë sfidash që vazhdon.'- njofton Rama.
