Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Qytetarët në Maqedoninë e Veriut kanë votuar sot për kryetarët e komunave që shkuan në balotazh. • Në zgjedhjet e sotme kishin të drejtë mbi 1 milion qytetarë për të votuar, por sipas rezultateve zyrtare të drejtën për votë e kanë ushtruar vetëm 402.895 persona. • Partia në pushtet VMRO-DPMNE ka deklaruar se zgjedhjet e sotme ishin zgjedhje paqësore, të drejta dhe demokratike. • Por ndryshe nga VMRO-DPMNE, Aleanca për Integrim Kombëtar (AKI) denoncoi parregullsi të shumta gjatë fushatës zgjedhore. • Në komunat shqiptare ka një garë mes koalicionit të BDI-së (AKI) si dhe koalicionit Vlen. • Me 82,91% të votave të numëruara në Tetovë, Bilall Kasami i koalicionit VLEN, prin ndaj kandidatit të AKI-së me gati 4 000 vota më shumë. • Në qytetin e Strugës, pas numërimit të 85,15% të vendvotimeve, rezulton se kandidati AKI-së, Arsim Dalipi ka siguruar 10 141 vota, ndërsa kandidati i pavarur Mendi Qyra, ka marrë 10 206 vota. • Në qytetin e Kërçovës, pas numërimit të 56.30 % të vendvotimeve, rezulton se kandidati i BDI, Fatmir Dehari, ka siguruar 5.932 vota, ndërsa kandidati i VMRO‑DPMNE, Aleksandar Jovanovski, ka marrë 7.556 vota.
4 artikuj për këtë temë.
MAQEDONIA E VERIUT- Komisioni Shtetëror i Zgjedhjeve ka nisur me publikimin e rezultateve të para për Komunën e Strugës. Me 64.70% e votave të numëruara Arsim Dalipi nga Koalicioni AKI, duket se do të udhëheqë këtë komunë.
Arsim Dalipi ka marrë: 7,999 vota
Mendi Qyra ka marrë: 7.573 vota
MAQEDONI E VERIUT- Komisioni Shtetëror i Zgjedhjeve në Maqedoninë e Veriut ka nisur me publikimin e rezultateve të para për Komunën e Tetovës. Me 94.65% e votave të numëruara, Koalicioni Vlen ka shumë gjasa që të fitojë këtë komunë.
Bajram Rexhepi ka marrë: 15.182 vota
Bilall Kasami ka marrë: 20.141 vota
SHKUP- Zëdhënësi i Aleancës për Integrim Kombëtar (AKI), Arber Ademi, në konferencën për shtyp të mbajtur në selinë e Bashkimit Demokratik për Integrim (BDI) në Tetovë, denoncoi parregullsi të shumta gjatë fushatës zgjedhore gjatë të raundit të dytë të zgjedhjeve lokale.
“Pamë blerje masive të votave, asfalt elektoral, betonizim të natës, shfrytëzim të resurseve publike dhe ndërhyrje brutale të shtetit në favor të pushtetit,” deklaroi Ademi.
Ai shtoi se këto dukuri e dëmtojnë rëndë procesin demokratik dhe besimin e qytetarëve në institucionet e vendit.
Ademi gjithashtu falënderoi qytetarët për pjesëmarrjen e tyre dhe mërgatën për mbështetjen e vazhdueshme ndaj proceseve demokratike në vend./Dosja.al
MAQEDONIA E VERIUT- Maqedonia e Veriut do të zhvilloj raundin e dytë të zgjedhjeve lokale. Në qytetin e Shkupit dhe në 32 komuna do të zgjidhen kryetarët e komunave.
Për këtë raund të dytë qytetarët do të votojnë në Shkup, Aerodrom, Bogovinë, Bërvenicë, Valandovë, Vinicë, Dibër, Debarcë, Demir Kapi, Karposh, Kërçovë, Konçe, Koçan, Krushevë, Kumanovë, Lozovo, Makedonska Kamenicë, Makedonski Brod, Rosoman, Strugë, Studeniçan, Tetovë, Qendër, Çeshinovë Obleshevë, Çucer Sandevë, Shuto Orizari, Dollneni, Dojran dhe Zërnovci.
Në këtë raund të dytë të zgjedhjeve lokale, kanë të drejtën e votës 1.013.375 votues. Ndërsa në Shkup kanë të drejtë vote 474.304 votues. Në Shkup dhe në komunat Qendër, Aerodrom, Karposh, do të ketë dy fletëvotime për votim sepse po zgjidhen kryetari i Qytetit të Shkupit dhe vetëqeverisja lokale. Ndërsa në Shuto Orizari do të përdoren tre vendvotime për kryetarë bashkie dhe do të ketë rizgjedhje për këshilltarë.
Në komunat e mbetura, do të votohet vetëm për kryetarin e komunave. Procesi i votimit ka nisur në orën 7:00 dhe përfundon në orën 19:00. Këto janë zgjedhjet e teta Lokale në vend dhe të katërtat në të cilat zgjidhen kryetarë bashkishë dhe lista këshilltarësh në 80 komuna dhe Qytetin e Shkupit./Dosja.al
