Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Sot në Komisionin e Ligjeve u miratua rikthimi online i lojërave të fatit, me 12 vota pro, 3 kundër dhe 1 abstenim. • Miratimi në komision u bë vetëm me votat e mazhorancës, pasi opozita votoi kundër. •Licencimi për kompanitë do të jetë 10-vjeçar, ndërsa tarifa do të dyfishohet duke shkuar në 400 milionë lekë. • Ish Kryetari i Komisionit të Ligjeve, Fatmir Xhafaj, e ka konsideruar ligjin për lojërat e fatit jo shumë të ndryshëm nga ligji i 2018 dhe jo shumë të ashpër. •Deputeti i opozitës Asllan Dogjani ka kritikuar rikthimin e ligjit për lojërat e fatit dhe kujtoi përpjekjet që janë bërë nga kryeministri Edi Rama në vitin 2018 për të hequr lojërat e fatit si një nga shkaqet e mëdha që dëmtonin familjet shqiptare.
3 artikuj për këtë temë.
TIRANË- Komisioni i Ligjeve miratoi këtë të hënë rikthimin online të lojërave të fatit, me 12 vota pro, 3 kundër dhe 1 abstenim. Miratimi në komision u bë vetëm me votat e mazhorancës, pasi opozita votoi kundër.
Zvendësministrja për Ekonominë dhe Financat, Vasilika Vjero tha se nga kontrollet e kryera u vu re se bastet sportive nuk u larguan ansjëhërë. Ndërkohë deputetja Dhurata Çupi ngriti disa shqetësime që shoqërojnë këtë rikthim të basteve sportive.
Licencimi për kompanitë do të jetë 10-vjeçar, ndërsa tarifa do të dyfishohet duke shkuar në 400 milionë lekë.
TIRANË- Debatet në Komisionin e Ligjeve kanë vijuar. Deputeti i opozitës Asllan Dogjani ka kritikuar rikthimin e ligjit për lojërat e fatit. Ai ka kujtuar gjatë fjalës së tij, përpjekjet që janë bërë nga Kryeministri Edi Rama në vitin 2018 për të hequr lojërat e fatit si një nga shkaqet e mëdha që dëmtonin familjet shqiptare.
“Një nga armët më të forta që Rama erdhi në pushtet ishte mbyllja e kazinove, e kafeneve, që përdoreshin për të luajtur bixhoz. Të them të drejtën e kam vlerësuar si një nismë shumë me rëndësi, pasi plagët sociale, nga ato lojërat e fatit të vitit 2013 kishin krijuar probleme më shoqërinë shqiptare. Ai arriti deri aty sa t’u thoshte nënave shqiptare se; ‘pagën e burrave do jua sjellim në shtëpi’. E kam vlerësuar si nismë shumë të mirë, pasi pasojat ishin të jashtëzakonshme, ishte rritur numri i vrasjeve, vjedhjeve, borxheve, sherreve, por këto lojëra fati na paskan vazhduar deri në 2018-ën. Deri në 2018 u ndërprenë.
Por pas këtij viti rezulton se 4 mijë individë apo kompani paskan punuar në të zezë. Por çfarë ndryshoi që po tentoni që t’i hapni bastet online? A nuk i shkatërron rininë këto baste? Ne kemi pasur dhe një studim nga Universiteti i Tiranës mbi plagët që ka lënë të të rinjtë këto baste.
Këto baste deri dje, kanë qenë fizikisht, edhe te dera e pallatit. Sot i keni futur në çdo derë, në çdo familje shqiptare përmes telefonit.
Nga krevati, nga dhoma e gjumit, nga kuzhina, çdo qytetar mund të vërë bast përmes telefonit. E morët nga rruga dhe e futët në shtëpi. Kjo qeveri ka dështuar në parandalimin e këtij fenomeni.”, tha ai.
TIRANË-Paraditen e sotme në Komisionin e Ligjeve është diskutuar ligji i “Lojërave të fatit”, një ligj i cili ka hapur një polemik dhe një debat publik pas ndalimit të lojërave të fatit në vitin 2018. Diskutimet në Komisionin e Ligjeve janë fokusuar tek masat dhe te ashpërsia e përmbajtjes së tij. Pjesë e diskutimit ka qenë ish Kryetari i Komisionit të Ligjeve, tani anëtar i komisioni Fatmir Xhafaj, i cili e ka konsideruar ligjin jo shumë të ndryshëm nga ligji i 2018 dhe jo shumë të ashpër.
“Unë jam dakord këtu me kriteret e vendosura me subjeket aplikues dhe me ato që lidhen, me komisionin e licensimit, me këshillin e mbështetjes së projekteve, pavarësisht se nëse mbetet ligji kështu sic është paraqitur do preferoja kritere shumë më të ashpëra se ato që u prezantuan këtu, për subjeketet dhe administratorët e tyre se nuk ka ndonjë ndryshim nga ato që kemi qenë. Duhet një detyrim më i lartë dhe taksa më të larta se 15 përqindshi që vendosej dikur. Unë nuk jam shumë mbështetës ndaj këtij ligji.
Dua të bëj disa pyetje përpara se të vendos votën time:
-A keni ju një analizë se cfarë ka ndodhur pas ndalimit të lojërave të fatit në 2018 në raportin social?
-Nëse është ky dokument a është përfshirë këtu Ministria e Mirqenies Sociale dhe Ministria e Arsimit të Sportit?
-Ligji në 2018 u bë për të parandaluar riskun social që po kanosej në familjet shqiptare, si është parashikuar nga ky ligj ky risk që ka ekzistuar dikur?
-Ne nuk i kemi mbyllur të gjitha lojërat e fatit ne kemi kasino dhe casino resorte, a mund të na thoni se cilat janë këto dhe a përputhjet vendosja e tyre me vendimin e këshillit të ministrave dhe sa është përfitimi shtetit? A ka pasur shkelje nga këto kazino?
-A ka praktika në vende të tjera ku bastet sportive menaxhohen 100 përqind nga shteti?
Problemi është që tani bëhet drejtpërdretjt të interesuar. Sa ka mundësi që ka që kjo ka, a ka parashikime. Ju thatë se e njihni këtë risk të tillë. Pyetja ime është se cfarë arrin ky ligj dhe si e mbrojmë ne sportin tonë? Aq më tepër si e mbrojmë ne sportin tonë?- e ka mbyllur fjalën e tij në komision Xhafaj.
