"Rrumbullaku, shkarkim me ceremoni!" Komisioni hetimor për sistemin TIMS, Salianji: Me ndërhyrjen, u vu në rrezik siguria kombëtare! Të dhënat u kanë shërbyer grupeve kriminale për të eliminuar kundërshtarët

Ervin Salianji

TIRANA- Deputeti i Partisë Demokratike, Ervin Salianji, ka dalë sot në një konferencë për shtyp ku foli mbi rezultatet e Komisionit Hetimor për Sistemin TIMS. Veç kësaj Salianji deklaroi se largimi i drejtorit të Përgjithshëm të Policisë së Shtetit nga posti ka qenë i detyruar, duke theksuar se ai është shkarkuar me ceremoni. Ai tha se ka pasur një drejtor të përgjithshëm dy vite më para që nuk pranoi të jepte dorëheqje, është e njëjta skemë. Sipas tij, largimi u Muhamet Rrumbullakut nga posti, sipas tij, përflitej prej gati 1 muaji.

Gjithashtu Salianji komentoi edhe deklaratën e sotme të ministrit të Brendshëm, Ervin Hoxha, për të cilin tha se pas daljes së tij në publik pas një muaji në detyrë ishte i trembur. Ai shtoi se Hoxha shtë mbyllur në bunkerin e ministrisë për t’iu shmangur plumbave dhe ngjarjeve kriminale që kanë ndodhur në gjithë Shqipërinë.

PJESË NGA FJALA E SALIANJIT:

Jam i bindur që është shkarkim me ceremoni. Largimi i detyruar, ka pasur një drejtor të përgjithshëm dy vite më para që nuk pranoi të jepte dorëheqje, është e njëjta skemë. Tre drejtorët e fundit, Ardi Veliu, e detyruan të dorëhiqej dhe e shpërndau letrën ministria, e patë që nuk dinte të shkruante. Gjithashtu edhe Gledis Nano, doli lajmi se u dorëhoq dhe doli e tha që se kam dhënë dorëheqjen. Sot kemi dy drejtorë të përgjithshëm që paguhen me taksat e shqiptarëve.

Sot është po e njëjta skemë, e nxjerr ministria para se të dalë Drejtori i Përgjithshëm. Ka një muaj që flitet, nuk ka njeri që nuk e di. Flitet që ministri ka një muaj që është mbyllur në zyrë për t’u fshehur nga ngjarjet kriminale se ka frikë vetë dhe nuk takon asnjë zyrtar të lartë sepse po bën plane me disa që as nuk janë në policinë e shtetit për të bërë emërime.

Siç e patë edhe sot, mqs është dita kur këputën edhe të fundit të këtij skandali, ish-drejtorin e Përgjithshëm Muhamet Rrumbullaku, e patë mendësinë e re të drejtimit politik të policisë së Shtetit që është ministri i Brendshëm. S’kam asnjë gjë që ministri ishte i trembur në daljen e tij publike për shkak të ngjarjeve kriminale se ne në këtë vend fati mund të shpëtojë, jo strukturat qeveritare.

Pas daljes së tij në publik pas një muaji në detyrë ishte i trembur. Gjithçka kemi thënë që është mbyllur në bunkerin e ministrisë për t’iu shmangur plumbave dhe ngjarjeve kriminale që kanë ndodhur në gjithë Shqipërinë, sot u pa qartë, kishte një lloj frike të shprehur, kishte mbetur ende në vitin 2013. Për ta kujtuar ministrin jemi në 2024, jo në periudhën kur ishte polic i thjeshtë që i dukej bota ndryshe, e tani që u bë ministër i duket bota më me ngjyra e lule.

Dalja e sotme e ministrit, i cili duhet të shkarkohet për deklarata të sotme sepse ishin skandaloze. Sot doli dhe tha që gjeneratat e reja që do të vijnë, ku e di ai kush janë personat me të aftë, a ka kritere profesionalizmi policia e shtetit apo militantizmi? Policia e Shtetit ka njerëz që e ushtrojnë detyrën me profesionalizëm, por u vendoset në krye të policisë së shtetit persona në shërbim të grupeve kriminale.

Ervin Salianji

TIRANA- Deputeti i Partisë Demokratike, Ervin Salianji, ka dalë sot në një konferencë për shtyp ku tha se Komisioni Hetimor në lidhje me të dhënat e sistemit TIMS, persona privat nuk ushtrojnë një detyrën shtetërore e të aksesojnë në sistem. Ai ka shtuar se në këtë situatë, qoftë ministri, ish-ministri apo dhe drejtues të lartë të Policisë së Shtetit, ishin në dijeni dhe nuk janë nxitur për marrjen e masave urgjente apo kryerjen e hetimeve të thelluara për ndërhyrjet në sistemin TIMS.

Salianji tha se duhet të ketë një hetimit të shpejt nga SPAK lidhur me vjedhjen e të dhënave të TIMS për të mos pas problematika të mëtejshme, duke u shprehur se kjo mund të dëmtohet edhe veprimtaria hetimore e Prokurorisë së Posaçme. Sipas tij, nga të dhënat, rezulton që punonjës që duhet të ruanin të dhënat, ia kanë dhënë elementëve të krimit të organizuar, për masat ndaluese, të shpallur në kërkim.

PJESË NGA FJALA E SALIANJIT:

Sot jemi në një situatë ku drejtori i departamentit të IT në policinë e shtetit, edhe pse ka masë sigurie, është në arrest shtëpie, i pezulluar është ende drejtor, që në rastin e TIMS është më i rëndësishëm për të ruajtur dhe mbrojtur të dhënat. Kjo e bën jo efektive punë e drejtësisë dhe i mbivendoset rasteve ku nuk i pëlqen Edi Ramës dhe PS, vendimet e gjyqësorit nuk vlejnë. Persona privat që nuk ushtrojnë një detyre shtetërore aksesojnë në sistemin TIMS. Është emergjente që gjithçka që nuk u arrit të bëhej në Komisionin Hetimor, të bëhet duke përsëritur thirrje për të pasur një hetim të shpejt nga SPAK për të mos pas problematika të mëtejshme.

Mundet dhe veprimtaria e SPAK të dëmtohet nga ky sistem lidhur me personat e shpallur në kërkim. Sistemi TIMS përbën një shumëllojshmëri të dhënash, dhe aksesi i lirë nga këta persona, bën rrezik serioz për rendin dhe sigurinë dhe për të ekspozuar të dhëna të parterëve të huaj që mund të përdoren nga shtetet jo miqësore me Shqipërinë. Në këtë situatë, qoftë ministri, ish-ministri apo dhe drejtues të lartë të Policisë së Shtetit, ishin në dijeni dhe nuk janë nxitur për marrjen e masave urgjente apo kryerjen e hetimeve të thelluara për ndërhyrjet në sistemin TIMS.

Nga të dhënat, rezulton që punonjës që duhet të ruanin të dhënat, ia kanë dhënë elementëve të krimit të organizuar, për masat ndaluese, të shpallur në kërkim, etj. Dhe për marrjen e këtyre informacioneve kanë dhënë shumë të mëdha parash për të marr të dhëna për ata vet apo kundërshtarët. Të dhënat u kanë shërbyer grupeve kriminale për të bërë eliminimin e kundërshtarëve apo për tu arratisur kur kanë pasur urdhër arreste.

Ervin Salianji

TIRANA- Deputeti i Partisë Demokratike, Ervin Salianji, ka dalë sot në një konferencë për shtyp ku tha se Komisioni Hetimor në lidhje me të dhënat e sistemit TIMS, i ka kaluar pritshmëritë, duke faktuar ndërhyrjet në sistem. Salianji tha se kjo përveçse është një aferë e jashtëligjshme, ka vënë në rrezik dhe ka cënuar edhe sigurinë kombëtare.

Ai shtoi se sot janë në hetim zyrtarë të lartë të policisë së shtetit. Sipas Salianjit, ka pasur një përfshirje të llahtarshme të policisë në këtë aferë. Deputeti i PD-së shtoi se Ervin Muça nuk përmbushte asnjë kusht që të ishte drejtori i IT.

“Komisioni hetimor për të dhënat e TIMS i kaloi pritshmëritë. U faktuan ndërhyrjet në sistem, aferë kjo që cënon sigurinë kombëtare. Sot janë në hetim zyrtarë të lartë të policisë së shtetit. Ka pasur një përfshirje të llahtarshme të policisë në këtë aferë.

Ervin Muça nuk përmbushte asnjë kusht që të ishte drejtori i IT. Procedura për punësimin e disa drejtuesve ka qenë jo e rregullt, madje emërimi i tyre është bërë ende pa u krijuar funksioni”, tha Salianji.