Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
GREQI- Nis në Greqi, Samiti i Procesit të Bashkëpunimit të Europës Juglindore që ka bërë bashkë 12 vende, përfshirë edhe vendin tonë, i përfaqësuar nga kryeministri Edi Rama. Përveç liderëve politikë, pjesëmarrës në këtë takim janë edhe presidentja e Komisionit Europian, Ursula Von der Leyen, presidenti i Këshillit, Charles Michel dhe kancelari gjerman Olaf Scholz. Në Samit do të marrin pjesë Shqipëria, Maqedonia e Veriut, Bosnja dhe Hercegovina, Bullgaria, Kosova, Kroacia, Mali i Zi, Moldavia, Rumania, Rumania, Serbia dhe Turqia. Presidentët e Serbisë, Sllovenisë, Moldavisë, Malit të Zi dhe Bosnjë e Hercegovinës. Ky samit do të bëjë bashkë 12 shtete për të biseduar rreth thellimit të bashkëpunimit me vendet e rajonit dhe partnerët ndërkombëtarë për të garantuar paqe, siguri, stabilitet, zhvillim ekonomik, politik e shoqëror në rajon. Gjithashtu liderët do të flasin për luftën në Ukrainë dhe ndikimin e saj në vendet e rajonit.
6 artikuj për këtë temë.
GREQI- Kryeministri Edi Rama ka publikuar disa foto nga takimi i sotëm në Greqi. Rama shihet i buzëqeshur mes liderve të tjerë, ndërkohë që nuk ka munguar as një foto me Presidenten e Kosovës Vjosa Osmani, të cilën e ka përkrah.
Postimi i Plotë:
*në darkën e punës së pjesëmarrësve në Samitin e SEECP (procesi i bashkëpunimit të Europës Juglindore)
GREQI- Levrek, kremi kaprolli dhe karkaleca, këto janë disa nga gatimet që do të shijohen ndër të tjera nga drejtuesit e vendeve e Europës Juglindore në takimin që po mbahet në hotelin Hyatt Regency në Selanik. Menuja në darkën zyrtare të drejtuesve, sipas informacioneve të protothema.gr, ka shije të Greqisë verore me peshk, fruta deti dhe produkte të pastra tradicionale nga vende të ndryshme të vendit.
Konkretisht:
- Levrek i marinuar me perime verore dhe krem kaprolli.
-Fruta deti me karkaleca dhe shafran
Domate qershi me djathë dhie të freskët, arra karobi dhe salcë ulliri
-Zarzavate të skuqura dhe salcë xhenxhefili
- Ëmbëlsirë pjeshke
-Verë: Assyrtiko, Sauvignon Blanc (Subjekt, Pavlidis Estate)
Menuja u kurua nga shefi ekzekutiv i Hyatt Regency, Apostolos Altanis, pastiçieri Alexandros Alexiou dhe ekipet e tyre. Samiti nënvizon "rolin udhëheqës të Greqisë si një faktor stabiliteti, paqeje dhe sigurie në Evropën Juglindore dhe si bashkëmoderator i diskutimeve mbi të ardhmen e rajonit në një pikë kritike gjeopolitike, si dhe të Selanikut. si qendër e rajonit.
Tregues i rëndësisë së Samitit është fakti se në darkë do të jetë i pranishëm edhe kancelari gjerman Olaf Soltz, i ardhur nga Beogradi, ndërsa i pranishëm do të jetë edhe kryetari i Këshillit Evropian, Charles Michel.
TIRANË- Kryeministri Edi Rama e ka cilësuar lajm të mirë deklaratën e kancelarit gjerman Olaf Scholz se do të rinisë sërish procesin e Berlinit. Nga Selaniku në një intervistë për RTSH, Rama tha se Procesi i Berlinit dhe nisma e Ballkanit të Hapur nuk janë konkurruese dhe kundërshtuese të njëra–tjetrës. Por shtoi se në fakt janë plotësuese të njëra-tjetrës.
INTERVISTA E PLOTË:
– Zoti Kryeministër, ku u përqendruan diskutimet në panelin e liderëve në këtë Samit këtu në Selanik?
Kryeministri Edi Rama: Ky ishte një samit i një nisme e cila ka një stafetë nga shteti në shtet prej shumë vitesh. Greqia drejton nismën dhe në fund është dhe një takim i liderëve, i cili përgjithësisht fokusohet tek aktualiteti. Sot kemi pasur natyrisht në fokus situatën aspak të lehtë, përkundrazi tejet të jashtëzakonshme, për shkak të luftës në Ukrainë, të pasojave në ekonomi, të perspektivës afatshkurtër dhe afatmesme përsa i përket të dyja këtyre aspekteve e natyrisht marrëdhënieve të Bashkimit Europian me Ballkanin Perëndimor, me Ukrainën, Moldavinë, Gjeorgjinë ku ka pasur edhe një diskutim natyrisht mbi Këshillin e ardhshëm Europian dhe situatën e bllokuar ende e sot e gjithë ditën nga Bullgaria, por kemi folur dhe për Ballkanin e Hapur.
– Zoti kryeministër, ka patur një deklaratë së fundmi të Kancelarit gjerman Scholz i cili po viziton e po zhvillon turin në Ballkan, i cili ka lajmëruar një samit të radhës të vendeve të Ballkanit Perëndimor, nisma e Berlinit që njihet, çfarë të reja priten nga kjo dhe deri kur të ndodhi ky samit do ketë zhvillime të reja për Shqipërinë dhe Maqedoninë të cilat presin datën 23 qershor?
Kryeministri Edi Rama: Natyrisht që rimarrja e Procesit të Berlinit pas ndryshimit në kancelari dhe riangazhimi i Kancelarisë dhe personalisht i kancelarit gjerman për Procesin e Berlinit është një lajm i mirë. Procesi i Berlinit është një le të themi, vijë sjelljeje e vendeve të Ballkanit Perëndimor dhe është një hapësirë ku janë vendosur si të thuash ato piketa të cilat janë objektiva konkretë dhe nxitje për punë konkrete në Ballkanin e Hapur. Pra, Procesi i Berlinit dhe Ballkani i Hapur jo vetëm që nuk janë dy nisma kundërshtuese, nuk janë as dy nisma konkurruese, po janë dy nisma komplementare ku njëra është në një nivel parimor, tjetra është në nivel konkret. Ballkani i Hapur është një njësi e zbatimit të Procesit të Berlinit.
– Ka patur deklarata shumë të fuqishme edhe të kryeministrit Mitsotakisi cili është vend organizues i Samitit të sotëm në lidhje me integrimin e shpejtë të Ballkanit Perëndimor, e veçanërisht të Shqipërisë e Maqedonisë së Veriut. Si e vlerësoni qëndrimin e tij dhe a pritet që kjo të ndikojë?
Kryeministri Edi Rama: Greqia ka qenë përgjithësisht, pavarësisht ndonjë fazë, marrëdhëniet bilaterale nuk kanë qenë në nivelin më të lartë, por edhe atëherë kur ka rënë fjala për integrimin dhe për ecurinë e procesit të integrimit, Greqia ka mbajtur gjithmonë një pozicion kryesor në tryezën e Këshillit Europian dhe nuk e kam dëgjuar deklaratën e kryeministrit grek të cilës i referoheni, por sigurisht ai ka folur dhe në takim për këtë, por nuk jam aspak i çuditur, përkundrazi është gjëja e natyrshme që Greqia ka bërë vijimësisht.
– Duke qenë se Bullgaria është një nga vendet themeluese të kësaj nisme të bashkëpunimit me Europën Juglindore, a pati sinjale relaksuese gjatë takimit të sotëm?
Kryeministri Edi Rama: Çështja e Maqedonisë së Veriut është një çështje e politikës së brendshme bullgare, që do të thotë është nga ato çështje që janë gjithmonë më të komplikuara sesa duken dhe për më tepër janë të lidhura me interesa të politikës së brendshme, shumë më tepër sesa me thelbin e vetë çështjeve.
Aktualisht Rama ndodhet në Selanik për të marrë pjesë në samitin e Procesit të Bashkëpunimit të Europës Juglindore, ku marrin pjesë 12 vende për të biseduar rreth thellimit të bashkëpunimit me vendet e rajonit dhe partnerët ndërkombëtarë për të garantuar paqe, siguri, stabilitet, zhvillim ekonomik, politik e shoqëror në rajon.
GREQI- Kryeministri Edi Rama ndodhet në Selanik ku do të marrë pjesë në Samitin vjetor të Procesit të Bashkëpunimit të Evropës Juglindore (SEECP).
Gjatë hapjes së Samitit kryeminsitri grek ka pritur në disa bashkëbisedime të shkurtra liderët ballkanin, të cilët do të jenë pjesë e Samitit, ku më pas kanë bërë dhe një foto zyrtare.
Para fillimit të Samitit, Mitsotakis ka pasur takime me Presidentin e Sllovenisë Borut Pahor, me Presidenten e Kosovës Vjosa Osmani dhe me Kryetarin e Kryesisë Kolektive të Procesit të Bashkëpunimit në Evropën Juglindore të Bosnjës dhe Hercegovinës, Shefik Xhaferovic.
Sipas burimeve qeveritare, Samiti thekson rolin udhëheqës të Greqisë si një faktor stabiliteti, paqeje dhe sigurie në Evropën Juglindore dhe si bashkëmoderator i diskutimeve mbi të ardhmen e rajonit në një kohë kritike gjeopolitike, si dhe Selanikut si qendra e rajonit.
Tregues i rëndësisë së Samitit është fakti se në darkë do të jetë i pranishëm edhe kancelari gjerman Olaf Scholz, i cili sot vizitoi Prishtinën dhe Beogradin, si dhe kryetari i Këshillit Evropian, Charles Michel.
GREQI- Kryeministri grek Kyriakos Mitsotakis kryeson Samitin vjetor të Procesit të Bashkëpunimit të Evropës Juglindore (SEECP) që po mbahet në Selanik ku merr pjesë edhe kryeministri shqiptar Edi Rama.
Sipas burimeve qeveritare, para fillimit të Samitit, Mitsotakis ka pasur takime me Presidentin e Sllovenisë Borut Pahor, me Presidenten e Kosovës Vjosa Osmani dhe me Kryetarin e Kryesisë Kolektive të Procesit të Bashkëpunimit në Evropën Juglindore të Bosnjës dhe Hercegovinës, Shefik Xhaferovic.
Në takimin e kryeministrit me Presidenten e Kosovës Vjosa Osmani u identifikuan perspektivat për zgjerimin e mëtejshëm të bashkëpunimit dypalësh, me theks të veçantë në fushat e ekonomisë, energjisë, mbrojtjes së trashëgimisë kulturore, arsimit, turizmit, sportit, shëndetësisë dhe dixhitalizimit.
Kryeministri nënvizoi mbështetjen e fortë të Greqisë për perspektivën evropiane të Kosovës në kuadër të integrimit evropian të Ballkanit Perëndimor, që është synim strategjik afatgjatë i Greqisë.
Kryeministri më pas pati një takim privat me Shefik Xhaferovic, kryetar i Byrosë Kolektive të Bosnjë-Hercegovinës. Në takim mori pjesë edhe presidenti i Këshillit Evropian Charles Michel. Për momentin, kryeministri grek po i mirëpret liderët ballkanikë, ndërsa pati një takim të shkurtër me zëvendësministrin e Jashtëm të Turqisë, Farouk Kaimaktsi.
Në orën 20.00, kryeqeveritari pritet të bëjë deklarata për shtyp dhe më pas do të shtrojë një darkë për nder të liderëve pjesëmarrës në Samit.
Sipas burimeve qeveritare, Samiti thekson rolin udhëheqës të Greqisë si një faktor stabiliteti, paqeje dhe sigurie në Evropën Juglindore dhe si bashkëmoderator i diskutimeve mbi të ardhmen e rajonit në një kohë kritike gjeopolitike, si dhe Selanikut si qendra e rajonit.
Tregues i rëndësisë së Samitit është fakti se në darkë do të jetë i pranishëm edhe kancelari gjerman Olaf Scholz, i cili sot vizitoi Prishtinën dhe Beogradin, si dhe kryetari i Këshillit Evropian, Charles Michel.
Për kryeministrin Mitsotakis, kjo është një mundësi për një shkëmbim thelbësor pikëpamjesh me të gjithë liderët për të ardhmen e rajonit në funksion të diskutimeve që do të zhvillohen në Këshillin e ardhshëm Evropian (23 dhe 24 qershor) në lidhje me Ballkanin Perëndimor.
