Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Shefi i TikTok, Shou Zi Chew u përball me pyetje nga Komiteti i Dhomës së Përfaqësuesve për Energjinë dhe Tregtinë. • Kryetarja e komitetit Cathy Rodgers thotë se aplikacioni në pronësi kineze duhet të ndalohet për shkak të shqetësimeve të sigurisë mbi privatësinë e të dhënave të përdoruesit. Ajo tha se TikTok është një armë e Partisë Komuniste Kineze dhe nuk përqafon vlerat e SHBA-së. • Pjesa më e madhe e pyetjeve u përqendrua në marrëdhëniet e TikTok me pronarin e tij me bazë në Kinë ByteDance. • Chew pranoi se të dhënat e përdoruesve në TikTok mund të aksesoheshin nga punonjësit e ByteDance në Kinë. • Anëtarë të tjerë të komitetit shprehën shqetësime në lidhje me përpjekjet e TikTok për të trajtuar dezinformimin dhe përmbajtjen e dëmshme. • Presidenti i SHBA Joe Biden ka bërë thirrje për një ndalim të plotë ose që pjesa amerikane e kompanisë t'i shitet një blerësi vendas. Aplikacioni është rritur me shpejtësi në SHBA ku ka 150 milionë përdorues në muaj.
4 artikuj për këtë temë.
SHBA- Republikani Troy Balderson deklaroi se Tik Tok ka qenë përgjegjëse për ofrimin e përmbajtjeve të dëmshme për fëmijët, duke përfshirë shmangien e postimeve që inkurajojnë çrregullimet e të ngrënit dhe vetëvrasjen. Në seancën ku shefi ekzekutiv i TikTok, Shou Zi Chew u mor në pyetje, Balderson e pyeti CEO-n se përse përgjegjësia duhet të jetë mbi prindërit për të ngritur aplikacionin për të mbrojtur fëmijët e tyre, në vend të kompanisë?
Chew përsëriti se TikTok ka një "opsion të diferencuar" për adoleshentët, të cilën prindërit mund ta përdorin për t'i mbrojtur ata.
Ai shton se ky opsion e merr çështjen "jashtëzakonisht seriozisht" dhe të gjitha përmbajtjet e dëmshme, veçanërisht që kanë të bëjnë me çrregullimet e të ngrënit, hiqen nga platforma e tyre. Por, Chew tha se është në dorën e prindërve që fëmijët e tyre ta përdorin këtë opsion.
SHBA- Shefi ekzekutiv i TikTok, Shou Zi Chew nuk po përballet vetëm me një Kongres armiqësor. Pranë Kapitolit, një grup i veshur me bluza të zeza "Ban TikTok" kaloi pranë meje.
Çështjet e privatësisë janë në krye të listës së tyre të shqetësimeve. Së bashku me idenë se pronësia kineze e TikTok e bën atë të pabesueshëm. Dje, vetë kompania ka dërgua një grup influencuesish në Uashington në përpjekje për të joshur ligjvënësit.
BRITANI E MADHE- Shefi i TikTok, Shou Zi Chew u pyet nga kongresmenja Nanette Barragán nëse fëmijët e tij përdornin ose jo TikTok. Ai tha se nuk e bëjnë sepse jetojnë në Singapor dhe në atë vend versioni i aplikacionit për fëmijët më të vegjël se 13 vjeç nuk është i disponueshëm.
BBC shkruan se Chew tha se versioni për fëmijë i aplikacionit është i disponueshëm në SHBA dhe ai do t'i linte fëmijët e tij ta përdornin nëse do të ishin këtu. Por, Chew vazhdimisht tha se privatësia dhe çështjet rreth sigurisë së fëmijëve nuk janë unike për TikTok.
Ai këmbëngul se organizata e tij nuk është perfekte dhe se ai përpiqet ta bëjë sa më të mirë duke investuar më shumë para dhe burime, edhe pse nuk dha ndonjë shifë.
Presidenti i SHBA Joe Biden ka bërë thirrje për ndalimin e plotë të përdorimit të aplikacionit ose që pjesa amerikane e kompanisë t'i shitet një blerësi vendas. Aplikacioni është rritur me shpejtësi në SHBA ku ka 150 milionë përdorues në muaj.
BRITANI- Parlamenti Britanik së fundmi ka vendosur të bllokojë përdorimin e ‘Tik-Tok’. Mediat e huaja raportojnë se pas ndalimit të aplikacionit nga disa vende të botës edhe Britania ka vendosur të bllokojë përdorimin e TikTok nga zyrtarët. Masa e marrë synon të mbrojë vendet nga kërcënimet dhe veprimet kundër sigurisë kibernetike, të cilat mund të përdoren për sulme kundër mjedisit të tyre zyrtar.
“Vendimi ynë për të ndaluar përdorimin e TikTok pason angazhimin me Qeverinë e Mbretërisë së Bashkuar për ndjekjen e mundshme dhe rreziqet e privatësisë nga disa aplikacione të mediave social. Pas vendimit të qeverisë për të ndaluar ‘TikTok’ nga pajisjet qeveritare, është vendosur që aplikacioni të bllokohet nga të gjitha pajisjet parlamentare. Siguria kibernetike është një përparësi kryesore për parlamentin,”- tha një zëdhënës i parlamentit.
Ndalimi vlen si për Dhomën e Komunave ashtu edhe për Lordët. Ndalimi do të thotë se askush nuk do të jetë në gjendje të hyjë në aplikacion në një iPad ose iPhone parlamentar ose gjatë përdorimit të Wi-Fi parlamentar.
Nga ana tjetër 'TikTok' tha se vendimi është "i gabuar dhe i bazuar në keqkuptime themelore" për kompaninë.
TikTok është vënë nën kritika në SHBA, Evropë dhe Azi-Paqësor, ku një numër në rritje qeverish e kanë ndaluar nga pajisjet e përdorura për biznes zyrtar për shkak të shqetësimeve se ai paraqet rreziqe për sigurinë kibernetike dhe privatësinë e të dhënave ose mund të përdoret për të nxitur pro-Pekinin. Deri më tani, nuk ka asnjë provë që sugjeron se kjo ka ndodhur ose që TikTok i ka dorëzuar të dhënat e përdoruesve qeverisë kineze, siç kanë argumentuar disa nga kritikët e saj se do të bënte.
