Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Konstituimi i parlamentit të ri të Kosovës ka dështuar për herë të 12-të. • Seanca e radhës është caktuar të zhvillohet ditën e premte, më 9 maj. • Raportohet se seanca do të mbahet në orën 10:00. • Në sallën e Kuvendit ishin të pranishëm 113 deputetë. • Kryesuesi i seancës, Avni Dehari gjatë fjalës së tij propozoi për votim të fshehtë. • Partitë opozitare kanë insistuar në qëndrimet e tyre që nuk e përkrahin votimin e fshehtë, pasi është në kundërshtim me rregulloren. • PDK-ja dhe LDK-ja edhe këtë herë nuk e kanë propozuar asnjë emër. • Edhe Lista Serbe u është bashkuar partive të tjera duke mos propozuar asnjë emër së bashku me AAK-në. • Procesi ka ngecur prej javësh pasi partia fituese, LVV, nuk po arrin t’i sigurojë votat e nevojshme për kandidaten e saj për kryetare të Kuvendit, Albulena Haxhiu. • Ajo shihet nga disa parti parlamentare si "figurë përçarëse", por LVV ngul këmbë se ajo është kandidate e denjë për atë post. • Kryetar i Partisë Demokratike të Kosovës, Memli Krasniqi pas dështimit të seancës ka kritikuar Lëvizjen Vetëvendosje teksa theksoi se LVV-ja ka marrë pengë shtetin. • Sipas tij partia e Kurtit po mban peng konstituimin e institucioneve. • Ai theksoi se ky është një degradim që asnjëherë nuk e ka menduar që mund të ndodh ndonjëherë. • Krasniqi u shpreh se kryeministri Albin Kurtin e ka më të rëndësishme deputeten Albulena Haxhiu sesa qytetarët e vendit. • Sa i përket konstituimit të kuvendit, ai këmbënguli se zgjidhja është evidente dhe se duhet të ndryshohet kandidatja. • Krasniqi tha se do ta diskutojë me kryesinë e partisë propozimin e kryetarit të LDK-së, Lumir Abdixhiku për formimin e një qeverie të tranzicionit deri në zgjedhjen e presidentit. • Ai tha se është i gatshëm t’i takojë dhe të komunikojë me të gjithë liderët. • Kandidatja për kryetare të Kuvendit, Albulena Haxhiu pas dështimit të konstituimit të Kuvendit u shpreh se nuk e kupton pse disa parti parlamentare nuk e pranojnë votimin e fshehtë për emërimin e saj. • Ajo ka vlerësuar se ky votim është demokratik. • Haxhiu komentoi edhe refuzimin e LDK-së për koalicion me VV-në duke thënë se ‘është e papranueshme që të injorohet vullneti i qytetarëve të Kosovës. • Komisionerja për Zgjerim e BE-së, Marta Kos në reagimin e saj në lidhje me situatën u shpreh se është në interes të Kosovës që sa më parë t'i formojë institucionet për t'i çuar përpara reformat urgjente evropiane. • Kos veçoi edhe nënshkrimin dhe ratifikimin e marrëveshjeve që lidhen me Planin për Rritje, i cili,sipas saj, do të duhet të trajtohet me prioritet nga Qeveria dhe Kuvendi i ri. • Sipas Kos, kjo do të mundësonte lirimin e fondeve nga ky instrument, me kusht që të përmbushen të gjitha kriteret e tjera. • Lideri i Bashkimit Demokratik për Integrim në Maqedoni të Veriut, Ali Ahmeti, duke komentuar ecuritë drejt formimit të institucioneve të reja të Kosovës, tha se pavarësisht nga sfidat, Kosova po kalon nëpër një proces të natyrshëm demokratik. • Ahmeti tha se beson se forcat politike në Kosovë do të bëjnë përpjekje për të gjetur zgjidhje politike. • Ai shtoi se dështimet e seancave nuk janë as tragjedi, as turp, por pjesë e rrugëtimit të një shteti që po forcon themelet e tij demokratike.
5 artikuj për këtë temë.
KOSOVË- Kandidatja e Lëvizjes Vetëvendosje për kryetare të Kuvendit, Albulena Haxhiu ka folur për mediat pas dështimit të konstituimit të Kuvendit të Kosovës. Haxhiu u shpreh se nuk e kupton pse disa parti parlamentare nuk e pranojnë votimin e fshehtë për emërimin e saj.
Ajo ka vlerësuar se ky votim është demokratik. Haxhiu komentoi edhe refuzimin e LDK-së për koalicion me VV-në duke thënë se ‘është e papranueshme që të injorohet vullneti i qytetarëve të Kosovës.
‘‘Pra për mua është i paqartë pozicioni i tyre që fare nuk marrin pjesë në votim për komisionin në mënyrë që të vazhdojmë votimin e fshehtë. Është votim shumë demokratik, për shumë pozicione përfshirë këtu edhe presidentin.
Sa i përket qëndrimit të LDK-së, mendoj që është e papranueshme që të injorohet vullneti i qytetarëve të Kosovës, ne zgjedhje kemi pasur para 3 muajve, ka tendencë të hapur që të injorohet ky vullnet i popullit. LVV-ja është subjekti më i madh në vend, Kurti është kandidati më më së shumti mbështetje nga qytetarët e Kosovës. Kushdo që tenton me injoru këtë vullnet e ka gabim’’, tha ajo.
Procesi ka ngecur prej javësh pasi partia fituese, LVV, nuk po arrin t’i sigurojë votat e nevojshme për kandidaten e saj për kryetare të Kuvendit, Albulena Haxhiu. Ajo shihet nga disa parti parlamentare si "figurë përçarëse", por LVV ngul këmbë se ajo është kandidate e denjë për atë post.
KOSOVË- Kryetar i Partisë Demokratike të Kosovës, Memli Krasniqi ka folur para gazetarëve pas dështimit të 12 për konstituimin e Kuvendit. Kresniqi gjatë fjalës së tij ka kritikuar Lëvizjen Vetëvendosje teksa theksoi se LVV-ja ka marrë pengë shtetin. Sipas tij partia e Kurtit po mban peng konstituimin e institucioneve.
Ai theksoi se ky është një degradim që asnjëherë nuk e ka menduar që mund të ndodh ndonjëherë. Krasniqi u shpreh se kryeministri Albin Kurtin e ka më të rëndësishme deputeten Albulena Haxhiu sesa qytetarët e vendit. Sa i përket konstituimit të kuvendit, ai këmbënguli se zgjidhja është evidente dhe se duhet të ndryshohet kandidatja.
‘‘Pra po e shihni që po vazhdon abuzimi i të drejtës Kushtetuese që i takon partisë së parë që i takon për ta propozuar një kandidat. VV-ja e ka marrë shtetin peng dhe po e mbanë konstituimin e institucioneve peng, ky është një degradim që asnjë se kemi menduar që mund të ndodh ndonjëherë.
Ky është dhunim i verdiktit të qytetarëve të Kosovës, sepse pasnesër bëhen 3 muaj që i kemi mbajtur zgjedhjet. Si PDK ne e kemi qëndrimin e njëjtë. Zgjidhja është evidente, duhet me u ndërru kandidatja. E ftoj deputetin Kurti që të na tregoj a e ka më të rëndësishme Albulena Haxhiun a 1 milion qytetarë që kanë votu në zgjedhjet e 9 shkurtit, nga ajo që kemi pa deri tash Haxhiu është më e rëndësishme për të’’, tha ai.
Krasniqi tha se do ta diskutojë me kryesinë e partisë propozimin e kryetarit të LDK-së, Lumir Abdixhiku për formimin e një qeverie të tranzicionit deri në zgjedhjen e presidentit. Ai tha se është i gatshëm t’i takojë dhe të komunikojë me të gjithë liderët.
“Ju e dini që s’i kam ikë asnjë takimi. Unë e kam takuar edhe Albin Kurtin. Normalisht që kolegët e ish-opozitës i takoj edhe më lehtë dhe edhe më me dëshirë”, shtoi ai.
Kryetari i LDK-së, Lumir Abdixhiku, propozoi të martën që të gjitha partitë të merren vesh për një qeveri gjithpërfshirëse të tranzicionit deri në zgjedhjen e presidentit. Sipas LDK-së, kjo do t’i jepte zgjidhje ngërçit institucional.
KOSOVË- Konstituimi i parlamentit të ri të Kosovës ka dështuar për herë të 12-të. Seanca e radhës është caktuar të zhvillohet ditën e premte, më 9 maj. Raportohet se seanca do të mbahet në orën 10:00.
Në sallën e Kuvendit ishin të pranishëm 113 deputetë. Kryesuesi i seancës, Avni Dehari gjatë fjalës së tij propozoi për votim të fshehtë. Partitë opozitare kanë insistuar në qëndrimet e tyre që nuk e përkrahin votimin e fshehtë, pasi është në kundërshtim me rregulloren.
PDK-ja dhe LDK-ja edhe këtë herë nuk e kanë propozuar asnjë emër. Edhe Lista Serbe u është bashkuar partive të tjera duke mos propozuar asnjë emër së bashku me AAK-në. 56 vota ishin për votim të fshehtë, një kundër e asnjë abstenim.
Procesi ka ngecur prej javësh pasi partia fituese, LVV, nuk po arrin t’i sigurojë votat e nevojshme për kandidaten e saj për kryetare të Kuvendit, Albulena Haxhiu. Ajo shihet nga disa parti parlamentare si "figurë përçarëse", por LVV ngul këmbë se ajo është kandidate e denjë për atë post.
KOSOVË- Lideri i Bashkimit Demokratik për Integrim në Maqedoni të Veriut, Ali Ahmeti, duke komentuar ecuritë drejt formimit të institucioneve të reja të Kosovës, tha se pavarësisht nga sfidat, Kosova po kalon nëpër një proces të natyrshëm demokratik. Ahmeti në një intervistë për Ekonomia Online tha se beson se forcat politike në Kosovë do të bëjnë përpjekje për të gjetur zgjidhje politike.
“Kosova nuk ka luftuar vetëm për çlirim nga pushtuesit, por edhe për demokraci të mirëfilltë,” tha Ahmeti.
Ai shtoi se dështimet e seancave nuk janë as tragjedi, as turp, por pjesë e rrugëtimit të një shteti që po forcon themelet e tij demokratike.
“Kosova ka aq energji që pas disa përpjekjeve të konstituohen organet e shtetit, mirëpo ne nuk kemi luftuar vetëm për liri dhe për të çliruar nga pushtuesit, por kemi luftuar edhe për demokraci. Kjo është demokracia e mirëfilltë në Kosovë. Besoj që forcat politike do të bëjnë përpjekje për të gjetur zgjidhje politike. Për mua nuk është edhe aq tragjike, që aq shumë po e dëgjoj nëpër mediume. Nuk është asnjë turp i Kosovës”, tha ai.
Ahmeti tha se forcat politike në Kosovë kanë energji të mjaftueshme për të ndërtuar konsensus, në frymën e një demokracie të vërtetë, ku edhe maxhoranca, edhe opozita, gjejnë vendin e merituar.
“Kosova po shihet se po zhvillon një demokraci autentike, një demokraci të mirëfilltë dhe forcat politike kanë aq energji për të gjetur shtegun e daljes. Kjo është demokracia dhe përpjekjet maksimale që bëhen që opozita të fitojë pozicionin e vet dhe pozita t’i ruajë pozitat e veta. Kjo është formula e demokracisë. Ta shohim se si do ta arrijnë zgjidhjen përfundimtare”, tha Ahmeti.
KOSOVË- Kuvendi i Kosovës do të mblidhet sërish sot në tentativën e 12-të për konstituimin e legjislaturës së nëntë. Seanca është caktuar të fillojë në orën 10:00. Konstitutimi i Kuvendit ka hasur në vështirësi të shumta që nga seanca e parë që ishte mbajtur më 15 prill.
Kryetari i LVV-së, Albin Kurti i ka dërguar një letër kryetarit të Lidhjes Demokratike të Kosovës, Lumir Abdixhiku përmes së cilës i ka ftuar në koalicion qeverisës. Pas kësaj letre, të martën është mbledhur kryesia e LDK-së ku Abdixhiku propozoi një qeveri tranzicionale, duke refuzuar kështu koalicion qeverisës vetëm me LVV.
Lëvizja Vetëvendosje, e cila ka fituar shumicën në Kuvend, ka propozuar deputeten Albulena Haxhiu për postin e kryetares së Kuvendit. Megjithatë, ajo nuk ka marrë votat e mjaftueshme për t’u zgjedhur në gjashtë prej dhjetë seancave që janë mbajtur deri tani.
PDK, LDK dhe AAK, kundërshtojnë fuqishëm këtë kandidaturë, duke e cilësuar si të papranueshme. Në vazhdimin e 11 të seancës konstituive, Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe Lista Serbe kanë refuzuar sërish që të propozojnë një përfaqësues që do të siguronte mbarëvajtjen e votimit të fshehtë. Ky veprim bllokoi procesin e konstituimit të Kuvendit, duke çuar në ndërprerjen e seancës.
