Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Shefja e Misionit të Vëzhguesve të ODIHR, Audrey Glover ka vijuar dhe ditën e sotme takimet me përfaqësuesit e partive opozitare në vend. • Fillimisht është takuar me Enkelejd Alibeajn në selinë e re të PD-së. • Alibeaj pas takimit u shpreh se i ka treguar Glover problemet që ouan në ndarjen e PD-së dhe theksoi se Berisha nuk përfaqësojnë PD-në në asnjë aspekt. • Pas takimit me Alibeajn, Glover u takua dhe me kreun e Partisë Republikane Fatmir Mediu, i cili i ka treguar asaj problemet që janë hasur gjatë fushatës elektorale. Vet Glover ka folur pas takimeve, ku është shprehur se po vëzhojnë situatën politike në vend. • Po ashtu Glover është pyetur dhe për takimin me Berishën që pati dy ditë më parë dhe për të tha se ishte interesant.
4 artikuj për këtë temë.
TIRANË- Shefja e Misionit të Vëzhguesve të ODIHR, Audrey Glover ka folur pas takimeve të sotme. Ajo ka deklaruar se po e vëzhgon nga afër situatën politike dhe këndvështrimet e kaheve politike. Po ashtu Glovër për takimin me Berishën ka deklaruar se ishte shumë interesant.
"Kam patur takime interesante. Jemi duke vëzhguar nga afër situatën politike dhe këndvështrimet e të gjitha kahëve politikë. Ne me siguri do të kemi 24 vëzhgues që do të jenë afagjatë dhe një shumë më i lartë afatshkurtër”, tha Glover.
TIRANË- Kreu i Partisë Republikane Fatmir Mediu, ka zbuluar detaje nga takimi që pati me shefen e misionit të vëzhguesve të ODHIR-it për zgjedhjet vendore, Audrey Glover. Gjatë takimit, Mediu gjatë një interviste me Euronews Albania, tregoi se fillimisht ka përcjellë problematikat e shumta që po hasen në zgjedhjet e 14 majit.
“Shqetësimi që ne ngritëm kanë të bëjë me procesin zgjedhor dhe garantimin e zgjedhjeve të lira dhe të ndershme. Që në fillim theksova se mungesa e reformës zgjedhore, është një hap mbrapa dhe një mungesë garancie për zgjedhje të lira dhe të ndershme. Kjo është bërë në mënyrë të qëllimshme ose në mungesë të një vullneti politik për këtë çështje. Për të vazhduar pastaj me atë që është shqetësimi i ODHIR, veçanërisht në zgjedhjet e fundit, njehësimin e shtetit me partitë politike. Kemi njehësimin e PS me shtetin dhe përdorimin e burimeve shtetërore për interesa politike. Përdorimi i fondeve për fushatë, pavarësisht se të gjithë jemi për ngritje rrogash, por kjo nuk mund të ndodh gjatë fushatës elektorale”,- tha Mediu.
Gjithashtu Mediu i kërkoi ambasadores Glover prezencë sa më të madhe të vëzhguesve në monitorim dhe përqendrim sa më të madh në zonat zgjedhore më problematike si Elbasani, Durrësi, Tirana, Shkodra etj.
TIRANË- Pas përfundimit të takimit me shefen e Misionit të Vëzhguesve të ODIHR në Shqipëri, Audrey Glover, Alibeaj ka dhënë deklaratë për mediat. Ai u shpreh se i bëri të ditur Glover problemet brenda partisë dhe të gjitha shkaqet që sollën deri në përçarjen e PD-së. Po ashtu, Alibeaj theksoi se Sali Berisha nuk e përfaqëson Partinë Demokratike as në aspektin ligjor.
"Tenderat e hapura, Aktivistin që e kanë në funksion të plotë, administratën në funksion të zgjedhjeve. I bëra të qartë shkeljet e evidentuara nga KQZ. Momentin që nuk ka marrë masat e duhura për të përjashtuar ata kandidatë që rezultojnë të dënuar.
Çështja në PD reflekton te korrektësia e këtyre zgjedhjeve. Ne qëndrojmë në seli të marrë me qira dhe selia jonë është zaptuar. Frekuentohet nga njerëz që nuk përfaqësojnë në PD. Edhe çështjen e mos figurimit të kryetarëve përkatës të koalicionit. Saktësova qartësisht se kush janë subjektet zgjedhore që keqpërdorim fondet dhe administratën. Për situatën që ka ndodhur brenda PD, për pozicionin që kemi mbajtur. I bëra të qartë situatën tonë. Situatën e presionit që ndodh ndaj PD, për përdorimin e mediave dhe çështjen e financimit të partisë. PD gjatë gjithë kësaj periudhe ka pasur presion për të mos bërë fushatë për qytetarët. Është e papranueshme që kandidatët tanë të ndodhen në sulme nga qeveria dhe nga ajo pjesë që pretendon të jetë Partia Demokratike.
Ka një vit e ca që kjo parti është në një presion dhe shantazh që do të thotë fare qartë që ne jemi nisur për të bërë fushatë elektorale për qytetarë kundër regjimit. Njerëzit nuk e kanë menduar të ndodhen nën presion edhe nga një palë tjetër. Sali Berisha nuk e përfaqësojnë Partinë Demokratike në aspektin ligjor. Unë besoj se demokratët i përfaqësojnë vetëm ata njerëz që mbartin vlerat që demokratët kërkojnë"
TIRANË- Shefja e Misionit të Vëzhguesve të ODIHR në Shqipëri, Audrey Glover ka mbërritur ditën e sotme në selinë tjetër të Partisë Demokratike, të kryesuar nga deputeti Enkelejd Alibeaj. Glover u prit në hyrje të selisë së re të PD-së nga Sekretari i Përgjithshëm i PD-së, Gazment Bardhi.
Takimi i cili ka nisur në orët e para të mëngjesit, vjen pas takimeve që shefja e misionit të ODHIR pati në fillim të kësaj jave me kreun e Partisë së Lirisë Ilir Meta dhe kryetarin e Partisë Demokratike Sali Berisha.
Në fokus të takimeve janë zgjedhjet e 14 majit, evidentimet e problematikave dhe mbarëvajtja e një procesi zgjedhor të lirë dhe të ndershëm./Dosja.al
