“Keqinterpretuan fjalën time dhe u zaptua zemra e Thethit”/ Rama: Paketa e Maleve nuk është për biznesmenët dhe as për oligarkët
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
“Zvicrën e vogël e keni ju këtu në duar”/ Rama: Synimi është të rriten të ardhurat, turizmin...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
• Komisioni i Sigurisë është mbyllur pa asnjë diskutim. • Pas debateve mes kreut të Komisionit të Sigurisë dhe deputetëve të opozitës, Nasip Naço ka vendosur që të anulojë mbledhjen me pretendimin se shumë nga deputetët e pranishëm nuk e kishin rinovuar Certifikatën e Sigurisë. • Edhe pse nuk përmendi emër se për cilët deputetë bëhej fjalë, mbledhjet u pushtuan 2 herë pas debateve mes deputetit të PD-së Ervin Salianji dhe atij të PS-së, Nasip Naço. • Sot, kryetarja e Shërbimit Informativ të Shtetit, Vlora Hyseni do të fliste për situatën në veri të Kosovës. • Salianji kërkoi që mbledhja me Hysenin të bëhet me dyer të hapura pasi do trajtojë një çështje sensitive dhe shumë aktuale siç është veriu i Kosovës. Por u refuzua nga maxhoranca. • Kërkesa për raportimin e Vlora Hysenit te Siguria u përpilua nga deputeti Ferdinand Xhaferraj teksa është mbështetur nga të gjithë deputetët e opozitës në Komision, me përjashtim të Enkelejd Alibeajt i cili nuk ka firmosur.
5 artikuj për këtë temë.
TIRANË- Deputeti i Partisë Demokratike, Ervin Salianji tha për mediat se drejtues të Shërbimit Informativ të Shtetit janë kapur duke bërë shantazh dhe se askush nuk guxon që t’i mbyllë gojën deputetëve të opozitës. Pas anulimit të dëgjesës së shefes së SHISH, Vlora Hysenit, jashtë për mediat Salianji ka treguar çështjet për të cilat nuk ka marrë asnjë përgjigje. Një prej tyre ishte dhe pretendimi se Hyseni kishte shkuar për të zhvilluar një takim në Beograd.
"Nuk u respektua as procedura dhe as ligji për të bërë kërkesa proceduriale dhe për votën në rastin e hedhjes në votë për të mbyllur komisionin. Në komision, shqetësimi jonë është për 2 çështje të rëndësishme që janë hedhur si akuza në publik për drejtuesen e re të SHISH, për të cilat dhe i pyeta. Pyeta nëse ka pasur shkarkim nga Agjencia Kombëtare e Inteligjencës të zonjës Hyseni për shkak të lidhjeve me Serbinë apo jo. Pyetje që mori të gjithë sherrnajën dhe bëri që komisioni të mbyllej. Pyetja e dytë që është shqetësuese për publikun, është që a ka pasur para, gjatë, apo në kohën kur ushtron detyrën si drejtuese e SHISH, udhëtim në Beograd, siç media ka raportuar. Shqetësimi i tretë dhe shumë i rëndësishëm ka të bëjë me shpartallimin e SHISH duke larguar profesionistë dhe duke e mbushur institucionin me militanët e PS-së.
Shqetësimi i katërt, ku dhe u mbyll mbledhja, ishte që drejtues të atij shërbimi informativ apo nga shërbime të shteteve partnere janë kapur duke bërë shantazh, duke u përfshirë në veprimtarinë kriminale dhe për këtë po e pyesja me iniciale. U mbyll mbledhja.
Nuk ka mësues fshati që i mbyll gojën deputetëve të opozitës, mund t’i bëjnë këto me njerëz të pamundur, por kur goxojnë ta bëjnë edhe me ne, do të marrin përgjigjen e merituar. Gjithë frika e drejtuesve, ishte frika se ishte vendosur para kamerave. Bënë luftë me mediat për të mos i dhënë mundësinë publikut nëse ka paligjshmëri në vendosjen e saj, një shqetësim që është ngritur ka qenë mungesa e bashkëpunimit të SHISH me Shërbimin e Inteligjencës së Kosovës. Mbledhja e sotme u mbyll për shkak se po flisja unë. Do të jetë në një moment tjetër. I vonojnë qëllimisht certifikatat e sigurisë për deputetët,"-tha në prononcimin e tij, Salianji.
TIRANË- Anulohet dëgjesa e shefes së Shërbimit Informativ të Shtetit, Vlora Hysenit tek Komisioni i Sigurisë. Shkak janë bërë përplasjet mes deputetëve të maxhorancës dhe atyre të opozitës, sidomos mes Nasip Naços dhe Ervin Salianjit, i cili kërkoi që takimi të zhvillohej me dyer të hapura. Ndërsa Naço, disa minuta pasi kishte rifilluar, mbylli mbledhjen me pretendimin se disa deputetë nuk kishin certifikatë sigurisë, pasi u kishte skaduar.
Pjesë nga debati:
Salianji: A ka përgjigje që Hyseni ka qenë në Beograd si drejtuese e SHISH. Ka një shqetësim në publik për ne. Drejtuesit profesionistë të SHISH ishin zëvendësuar me militantë. A ka përgjigje Vlora Hyseni si kjo? A do e zhbëjë kulturën e mosndëshkimit në SHISH, Vlora Hyseni? Po në raste kur informacione të klasifikuara përdoren për shantazh. Ed Do Ish drejtor në një njësi është akuzuar për shpërdorim fondesh.
Naço: Nëse bën pyetje të karakterit të sekretit shtetëror do ta ndërpres fjalën.
Salianji: Po ku e di ti ore
Naço: Se njeh ti ligjin më mirë se unë po lërë tani
Salianji: Mos bëj si gangster se nuk e bën dot ore
Naço: Po përmend emra që kanë të bëjnë me sigurinë kombëtare
Salianji: Më lër të mbaroj fjalën. Ti nuk je pronar o burr. Kur të shkosh në fshat ik bëj si kapadai. Ose zbato rregullat ose mbylle mbledhjen. Para ligjit s’je asgjë
Naço: Seanca mbyllet këtu
Salianji: Ik ore kapadai i fshatit.
TIRANË- Deputeti i Partisë Demokratike, Ervin Salianji ka kërkuar që të seanca në Komisionin e Sigurisë me kryetaren e Shërbimit Informativ të Shtetit, Vlora Hyseni të mbahet me dyer të hapura. Por seanca u vendos që të mbahet me dyer të mbyllura, duke sjellë edhe debate mes tij dhe kreut të Komisionit të Sigurisë, Nasip Naços. Ky reagim i Naços, solli edhe indinjimin e Salianjit, i cili goditi me grushte tavolinën.
DEBATET NË KOMISION:
Naço: Si të flasim kur unë po pyes ta mbajmë me duar të hapura apo të mbyllura?
Xhaferraj: Po një pyetje do bëj, të flas për procedurë. Ore bëhet ndryshe.
Salianji: Nëse keni për qëllim që ta prishni mbledhjen...
Naço: Kjo seancë do zhvillohet me dyer të mbyllura.
Salianji: Ka shpjegim të votës kundër. Do e respektosh procedurën apo jo?
Naço: Po e respektoj.
Salianji: Jep fjalën për shpjegim. Kemi të drejtë për procedurë. Nuk e bëni dot si të doni ju. Ma jep fjalën...
Naço: Ti kujton se po më lëviz ndonjë qerpik mua.
Salianji: Mbledhje nuk do të bëni ju këtu. Shkoni dhe bëjeni në sallë tjetër.
Naço: 5 minuta pushim, kush nuk ka certifikatë sigurie të largohet nga salla. Unë nuk e shkel më ligjin.
TIRANË- Ka nisur me debate Komisioni i Sigurisë ku pritet të flasë kryetarja e SHISH, Vlora Hyseni. Deputetët e opozitës kanë kërkuar fjalën për procedurë, por u është mohuar nga kreu i Komisionit, Nasip Naço. Gjë që ka sjellë edhe debate, që kanë sjellë edhe shtyrjen e Komisionit të Sigurisë për 5 minuta.
DEBATET NË KOMISION:
Naço: Si ta jap fjalën kur nuk kam mbaruar? Jo nuk kam mbaruar, po flas unë.
Salianji: Ma kalo more fjalën për procedurë, pse çfarë e ke ti pronë? Mirë, merre dhe fute në xhep
Naço: Po jo mo çfarë xhepi, ja tek e ke
Salianji: Keni frikë të përballeni me ne
Naço: Po ça frikë ore, dilni nga depresioni që jeni futur, ça frike kemi ne?
Salianji: Je bërë edhe psikolog
Noka: Të flasi njëherë zonja dhe pastaj po pati çështje sensitive të dalin mediat. Tani kjo sjellja "lule mos më prek". Këtë po bëni ju...
Naço: Unë e kuptoj se shyqyr që janë mediat dhe po bëni protagonistë. Mos ta mbyll fare unë këtë. Dilni nga depresioni njëherë pastaj... 5 minuta pushim.
TIRANË- Grupi Parlamentar i Partisë Demokratike kërkojnë që të mblidhet Komisioni i Sigurisë dhe të zhvillohet seancë dëgjimore me drejtuesen e Shërbimit Informativ të Shtetit, Vlora Hyseni. Me anë të një shkrese zyrtarë, deputetët e opozitës kërkojnë nga Vlora Hyseni që të japë sqarime lidhur me pozicionin e Shqipërisë për atë që po ndodh në veri të Kosovës. Seanca dëgjimore me Vlora Hysenin pritet të mbahet të hënën kur në Komisionin e Sigurisë Kombëtare do të paraqitet edhe raporti për vitin 2022 i Shërbimit Informativ Shtetëror.
Kërkesa është përpiluar nga deputeti Ferdinand Xhaferraj teksa është mbështetur nga të gjithë deputetët e opozitës në Komision, me përjashtim të Enkelejd Alibeajt, i cili nuk ka firmosur.
Raportimi i saj sot para deputetëve të opozitës, do të jetë i pari i Vlora Hysenit që prej marrjes zyrtarisht të detyrës në krye të SHISH në prill të 2023 dhe reagimi i parë i institucionit më të lartë të sigurisë në vend për çështjen e veriut të Kosovës; ndërkohë që më pas do të merret edhe në "pyetje" nga deputetët. Në kulmin e tensioneve në Veri të Kosovës, kryedemokrati Sali Berisha pretendoi se Hyseni kishte shkuar në Beograd për të zhvilluar një takim me agjensitë "simotra", por lajmi u kundërshtua nga kryeministri Edi Rama.
