Sherr me sende të forta për guroren në Borizanë të Krujës, dy të plagosur, shoqërohen në polici anëtarë të fisit Rraja

Rrahman Rraja

KRUJË- Policia ka kryer disa shoqërime pas sherrit me disa të lënduar në aksin Fushë Krujë-Thumanë. Mes tyre është edhe Xhelal Rraja, i cili është një nga personat që është përfshirë në konflikt dhe mësohet se është administrator i një guroreje. Xhelal Rraja është vëllai i deputetit socialist Rrahman Rraja.

Jashar Maja dhe Bilbil Maja kanë mbetur të plagosur pas një konflikti i cili degradoi deri në përdorimin e sendeve të forta.

Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr., i cili sipas Policisë ka leje shfrytëzimi dhe licensë për zhvillimim e aktivitetit. Personat e dëmtuar kanë pretenduar se kur ndodhin plasje në gurore, krijon shqetësime në shtëpitë e tyre.

Shërbimet e Komisariatit të Policisë Krujë kanë shoqëruar Xhelal Rraja dhe P. Rraja, si dhe po punojnë për shoqërimin e shtetasve I. Rraja, dhe K. Rraja, të përfshirë në këtë konflikt./Dosja.al

Policia

KRUJË- Policia ka dalë me një sqarim zyrtar mbi sherrin që ndodhi mes disa personave në aksin rrugor Fushë Krujë - Thumanë.

Sipas policisë dy persona janë dërguar në spital, ndërsa dy janë shpallur në kërkim. Shkak për konfliktin midis këtyre personave dyshohet të jetë një gurore në fshatin Borizanë, në pronësi të personit me inicialet P. Rr., i cili ka leje shfrytëzimi dhe licensë për zhvillimim e aktivitetit dhe sipas pretendimeve të shtetasve të dëmtuar (B. M. dhe J. M.) kur ndodhin plasje në gurore, krijon shqetësime në banesat e tyre. 

NJOFTIMI I POLICISË:

Ditën e sotme, në një lokal në aksin rrugor Fushë Krujë - Thumanë ka ndodhur një konflikt mes shtetasve B. M., e J. M., dhe shtetasve Xh. Rr., I. Rr., dhe K. Rr. Gjatë konfliktit shtetasit Xh. Rr., I., Rr., dhe K. Rr., dyshohet se kanë goditur me sende të forta shtetasit B. M. dhe J. M., të cilët si pasojë janë dëmtuar dhe ndodhen në spital, nën kujdesin e mjekëve.

Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr., i cili ka leje shfrytëzimi dhe licensë për zhvillimim e aktivitetit dhe sipas pretendimeve të shtetasve të dëmtuar (B. M. dhe J. M.) kur ndodhin plasje në gurore, krijon shqetësime në banesat e tyre. Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt.

Grupi hetimor në bashkëpunim me Prokurorinë po punon për sqarimin e rrethanave të ngjarjes dhe në përfundim të veprimeve hetimore do të ketë një informacion të plotë.

Ambulance

KRUJË- Një ngjarje e rëndë ka ndodhur në fshatin Borizanë të Krujës ku dy banorë janë dhunuar rëndë nga një grup personash. Bilbil dhe Jashar Maja, të cilët janë dhunuar me shkopinj siç thonë ata për 'Faxnews' nga persona që i përkasin fisit “Rraja”.

Banorët janë ankuar për guroren në zonë, për shkak të shqetësimeve që u ka shkaktuar, duke u dëmtuar edhe banesat. Njëri prej të plagosurve ndodhet në gjendje të rëndë.

'Po pinim kafe në autostradë, po bisedonim me minatorin e gurores për punën  e shtëpive, për këetë cështje kemi fol disa herë, na kanë bërë presione, kemi bërë denoncime në polici. Asnjë ndërhyrje nga shteti. Kemi takuar minatorin, kemi porosit kafen. Në atë moment erdhi një grup prej 10-15 personash, kanë ardhur me armë me shkopinj.Gjendja e kushëririt është e rëndë ka fraktura në kokë, katër herë i carë në kokë. Kanë qenë me armë e me shkopinj. Na kanë goditur me tytat e pistoletës. Kjo situatë ka 3 muaj. E di tërë shteti, na ka bërë presion kryetari. Nga shpërthimi na janë dëmtuar shtëpite.'- tha njëri prej të dhunuarve.