Shkëndija elektrike shkrumbon banesën në Pukë, mungesa e rrugës pengoi zjarrfikëset të shkonin në kohë, djali i familjes: Nuk e dimë nga erdhi, pamë zjarrin në tavan!

Banesa

PUKË- Pasditen e sotme një banesë u përfshi nga flakët në fshatin Mesul të Pukës. Mësohet se banesa e djegur është në pronësi të Ardian Keci i cili ndodhej për kurim në QSUT. Dyshohet se shkak i zjarrit ka qenë një shkëndijë elektrike ndërsa banesa është djegur në pak minuta. Djali i familjes, Geraldo Keci shprehet se në momentin kur ka rënë zjarri kanë qenë duke bukë. Ai më tej shton se ata kanë zjarrin në tavan ndërsa nuk dinin nga erdhi.

“Ishim duke ngrënë bukë dhe kemi parë zjarrin në tavan që kishte rënë, nuk e dimë nga erdhi. I kam marrë mamin, nënë dajën dhe i kam nxjerrë jashtë. Na janë djegur televizori, dushi, raftet, kolltuqet, frigoriferi, lavatriçja”, tha Geraldo Keci.

Shërbimi zjarrfikës e kishte të pamundur ndërhyrjen për shkak të mungesës së rrugës automobilistike. Pranë banesës së përfshirë nga flakët mbërritën edhe përfaqësues të Bashkisë së Pukës të cilët ndër të tjera apeluan për ndihmë ndaj familjes.

“Dëmet janë të konsiderueshme. E gjithë banesa është jashtë funksionit pasi është e dëmtuar totalisht nga zjarri me të gjitha orenditë dhe pajisjet brenda. Fatmirësisht nuk kemi dëme në njerëz dhe kjo është fat, për pjesën tjetër na duhet i gjithë angazhimi i strukturave vendore, i shtetit, drejtorive përkatëse për t’i ardhur në ndihmë kësaj familje. Po ashtu i apeloj biznesit pukjan dhe kush ka mundësi ta ndihmojë në mënyrë që kjo familje ta kalojë sa më shpejt këtë situatë“, u shpreh Ferit Ringaj, nënkryetar i Bashkisë së Pukës.

foto ilustruese

PUKË- Policia ka reaguar zyrtarisht lidhur me banesën e djegur pasditen e sotme në Pukë. Sipas informacioneve të policisë, banesa është djegur plotësisht ndërsa nuk raportohet për persona të lënduar.

Paraprakisht dyshohet se shkak është bërë një shkëndijë elektrike, megjithatë hetimet kanë nisur për zbardhjen e plotë të shkakut.

NJOFTIMI I POLICISË:

Në fshatin Mesul, në banesën e shtetasit ka rënë zjarr dhe për pasojë banesa është djegur plotësisht. Nga zjarri nuk ka asnjë person të lënduar.

Paraprakisht dyshohet se zjarri ka rënë si pasojë e një shkëndije elektike. Grupi hetimor po punon për zbardhjen e plotë të shkakut të rënies së zjarrit.

foto ilustruese

PUKË- Është përfshirë nga zjarri një banesë në fshatin Mesul të Pukës.

Sipas informacioneve, si pasojë e flakëve një person ka mbetur i lënduar.

I plagosuri është identifikuar si Ardian Keci.