Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Shoqata e Invalidëve të Punës së Shqipërisë ka protestuar ditën e sotme para Ministrisë së Financave dhe Ekonomisë ku kanë kërkuar edhe njëherë më shumë mbështetje nga shteti. • Duke folur para ministrisë një zonjë nga Korça u shpreh e ata nuk kërkojnë lëmoshë por kërkojnë vetëm atë që ju takon. • Kreu i Shoqatës së Invalidëve të Punës, Abdulla Omuri u shpreh se kanë dërguar 12 shkresa në ministri por nuk kanë marrë përgjigje. • Ai paralamëroi dhe protestën e radhës. Omuri tha se do të presin deri më datë 20 nëntor dhe nëse kërkesat e tyre nuk plortësohen ata do të përshkallëzojnë protestën dhe do kërkojnë dorëheqjen e dy ministrave kopetentë për çështjen e tyre. • Mbyllja e protestës u shoqërua me tensione pasi një pensionist kërkoi të marrë fjalën. • Ai iu drejtua Omurit duke e quajtu spiun teksa e ofendoi duke i thënë maskara. • Ata kërkojnë më shumë mbështetje nga shteti dhe rritje të pensioneve të Invalidetit.
5 artikuj për këtë temë.
TIRANË- Ish-punonjësit e industrisë shqiptare që kanë mbetur të dëmtuar dhe të paaftë nga puna e tyre i kanë dhënë afat qeverisë deri në nëntor të plotësojë kërkesat e tyre ekonomike në një protestë të zhvilluar sot përpara Ministrisë së Financave. Në të kundërt, ata do të kërkojnë dorëheqjen e dy ministreve, të Finacave dhe të Shëndetësisë.
"Të dashur invalidë të metalurgjisë së Elbasanit, të metalurgjisë së Rubikut, të metalurgjisë së Kukësit! Të minierave shqiptare! Të industrisë shqiptare! Të gjeologjisë shqiptare! Ne jemi heronjtë që i vumë gjoksin punës për të ndërtuar Shqipërinë tonë të dashur, që sot nuk e dimë kush po e gëzon! Prandaj, iu bëj thirrje qeveritarëve të kenë kujdes ndaj nesh, të kenë humanizëm ndaj nesh, të zbatojnë ligjshmërinë shqiptare dhe europiane për këta njerëz se nesër do të jetë vonë. Ne do të mblidhemi prapë. Ka këtu që janë ngritur nga krevati, për të ardhur për të protestuar. Nuk na vlerëson kush. Në nëntor, nëse Ministria e Financave dhe Ministria e Shëndetësisë nuk do të pranojnë të ulen me ne, do të kërkojmë dorëheqjen e dy ministrave sepse janë të papërgjegjshëm ndaj nevojave tona humane, njerëzore, financiare dhe të drejtave tona", tha përfaqësuesi.
KËRKESAT:
TIRANË- Shoqata e Invalidëve të punës së Shqipërisë është mbledhur para ministrisë së Financave ditën e sotme. Një invalide nga Korça duke folur para ministrisë parashtroi disa prej pikave që kërkojnë që të plotësohen.
“Kam ardhur nga Korça, jemi invalidë dhe duam të drejtat tona. Indeksimi i pensioneve të invalidëve të punës në përputhje me të ardhura dhe rritjen e çmimeve. Duam rimbursim të energjisë elektrike dhe lëndës djegëse. Dhënie e 500 lekëshit, e premtuar nga buxheti. Nuk jemi për lëmoshë, por kërkojmë të drejtat tona.”, tha ajo.
TIRANË- Mbyllja e protestës së Shoqatës së Invalidëve të Punës është shoqëruar me tensione dhe "përplasje" mes të pranishmëve. Kur kreu i Shoqatës mbylli fjalën një pensionist u konfortua verbalisht me të duke iu drejtuar me fjalët, maskara, je spiun. Kreu i shoqatës iu përgjigj duke i thënë se kjo është një protestë për invalidët e punës.
Pjesë nga debati:
Pensionisti: Poshtë komunista. Poshtë spiunët. Ti je spiun, nuk je në radhët tona. Maskara, ik!
Turma bërtete duam të drejtat tona
Omuri: Jemi mbledhur për invalidët.
Pensionisti: Edhe unë invalid jam. Të të vijë turp. Pis i keq. Ik or maskara
Abdulla Omuri: Kreu i Shoqatës së Invalidëve të Shqipërisë ka paralajmëruar protestën e radhës nëse sipas tij kërkesat e bëra Ministrisë së Financave nuk merren parasysh. Duke folur për mediat në protestën e mbajtur para ministrisë ai tha se herën tjetër ata do të jenë edhe më të shumtë në numër.
Ai kishte dhe një kritikë për mediat për të cilat tha se qëndrojnë më shumë para Kuvendit se në bazë aty ku janë dhe problemet e njerëzve.
Abdulla Omuri: Do presim deri më 20 nëntor, me datë 3 dhjetor një përfaqësues i joni është në Komisionin Europian. Duam të keni diçka parasysh, të gjithë jemi të barabartë para ligjit, ne duhet të vlerësohemi dhe të kemi mbështetjen. Mbaj mend se kryeministri kur ta shikojë këtë protestë, kryeministri ka dhënë prova për faljen e 8000 vetëve. Mbas një muaj ne do jemi 10-fish më shumë, Do vijmë me krevatë me rrota këtu. Këta burokratët këtu prishin ligjet këtu. Më vjen keq për mediat që i shoh vetëm, tek zyrat e Kuvendit dhe jo në bazë.
TIRANË- Shoqata e Invalidëve të Shqipërisë është mbledhur ditën e sotme në një protestë para Ministrisë së Financave ku kërkojnë më shumë mbështetje financiare. Duke folur para mediave kryetari i Shoqatës së Invalidëve, Abdulla Omuri u shpreh se ministria nuk i ka dëgjuar kërkesat dhe sugjerimet e tyre dhe nuk iu ka kthyer përgjigje shkresave të dërguara në këtë dikaster ku e fundit mbante datën 12 shtator.
Omui tha se teksa ministria rimburson kompanitë e ndërtimit nuk ka para për të. Duke iu drejtuar me fjalët "T'ju vijë turp" Omuri kërkoi që kërkesat e tyre të plotësohen dhe shteti të kthejë kokën nga kjo kategori.
Abdulla Omuri: Ministria e Financave nuk i dëgjuar kurrë sugjerimet tona. Nuk kanë marrë mundimin, kemi dërguar 12 shkresa e fundit me datë 12 shtator. Nuk dinë të shkruajnë? Jo shkruajnë bukur se Facebookun e përdorin. Kemi kërkuar që ndihma e paaftësisë të kalojë tek Sigurimet Shëndetësore. Kur ne kemi kontribuar kaq vite a e dini ju se dikush që mbush moshën për pension pleqërie llogaritet me 70% pse të pleqërisë janë më të larta se të invalidetit. E përgëzoj kryeministrin që zbuloi të vërteteën në Këshillin e Europës, po këto këtu, si nuk ju vjen turp. Rimbursojnë firmat e ndërtimit, po ne që punonin në miniera, ne duam të drejtat tona. Duan të punosojnë në administratë nepotizmin politik e familjar dhe nuk respektojnë ligjin për punësimin e invalidëve. Shkunduni nga administrata e mykur, mos abuzoni me të drejtat tona. Ju kemi dhënë shëndetin dhe duam të gëzojmë atë që na takon.
