Shpërthim me tritol pranë familjes Nikulaj në Balldren të Lezhës, policia shoqëron një person të dyshuar

LEZHË- Policia ka dhënë detaje lidhur me shpërthimin me lëndë plasëse  në orët e para të mëngjesit të kësaj të marte në fshatin Balldren i Vjetër, në Lezhë. Sipas njoftimit të policisë, shpërthimi ka ndodhur në një terren të hapur, në një zonë ku ndodhen grumbuj gurësh. Fatmirësisht, nga ngjarja nuk janë shkaktuar dëme në njerëz apo dëme materiale.

Menjëherë pas marrjes së njoftimit, në vendngjarje kanë mbërritur shërbimet e Policisë dhe grupi hetimor, të cilët kanë kryer veprimet e para hetimore dhe kanë nisur verifikimet për të zbardhur rrethanat e plota të ngjarjes. 

Në lidhje me shpërthimin është shoqëruar një person i dyshuar, ndërsa po kryhen veprime të mëtejshme hetimore për të sqaruar rolin e tij të mundshëm dhe për të dokumentuar ligjërisht ngjarjen. Po ashtu, grupi hetimor dhe ekspertët vijojnë punën në terren. 

Njoftimi i plotë i policisë 

Një sasi lënde plasëse ka shpërthyer këtë të martë në zonën e Balldrenit, në njësinë administrative të Lezhës. Sipas informacioneve paraprake, shpërthimi ka ndodhur në një sipërfaqe toke të hapur, në një zonë ku ndodhen disa grumbuj gurësh. Fatmirësisht, nga ngjarja nuk raportohet për persona të lënduar apo dëme materiale. Burime nga vendngjarja bëjnë me dije se policia ka shoqëruar një person për veprime të mëtejshme hetimore, ndërsa po punohet për zbardhjen e plotë të rrethanave dhe motiveve të kësaj ngjarjeje. Grupi hetimor dhe ekspertët po vijojnë verifikimet në terren për të përcaktuar llojin e lëndës plasëse dhe qëllimin e vendosjes së saj./Dosja.al

foto ilustruese

LEZHË- Një shpërthim me tritol raportohet të ketë ndodhur paraditen e kësaj të mërkure në Lezhë. Sipas raportimeve të deritanishme, shpërthim i fuqishëm ka ndodhur në një banesënë, ku si pasojë një person ka mbetur i plagosur.

Deri më tani nuk dihen rrethanat e ngjarjes në fjalë dhe nëse ka persona të tjerë të lënduar apo jo. I plagosur u paraqit në spitalin e Lezhës me plagë në trup./Dosja.al