Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Shqipëria mund Çekinë me rezultatin 3 me 0. • Që në minutën e 9, Jasir Asani ka tronditur kundërshtarët dhe ka çuar në avantazh Shqipërinë. • Fillimisht ishte Ramadani, ai që dha asistin ndaj Asanit, i cili arriti që ta shënonte gol. • Pas disa minutash Çekia ka tenuar që të marrë situatën në kontroll, me Chytil, i cili realizoi një gol në portën shqiptare. • Por për shkak se e kishte prekur topin me dorë, goli u anulua dhe sulmuesi çek mori karton të kuq, duke e lënë skuadrën me 10 lojtarë. • Golin e dytë të Shqipërisë e shënon Seferi dhe ndaj Çekisë kuqezinjtë thellojnë avantazhin.• Spektakël ka dhuruar ekipi i kuqezinjve, ku sërish Seferi ka goditur drejt portës për të shënuar golin e tretë. • Arbnor Muja godet për të katërtën herë portën por VAR-i anullon golin. • Me fitoren e sotme, kombëtarja ka arritur 13 pikw dhe kryesimin e grupit E.
15 artikuj për këtë temë.
TIRANË- Kombëtarja kuqezi ka arritur që të kualifikohet në kampionatin e Euro2024. Pas fitores së thellë ndaj Çekisë, Shqipëria, e cila kryeson grupin E, ka arritur që të marrë kryesimin e grupit E me 13 pikë.
Pas kësaj ndeshjeje, kombëtarja kuqezi ka dhe dy ndeshje të tjera për të luajtur me Moldavinë në Moldavi si dhe ndeshja e fundit është me ishujt Faroe në Tiranë. Nëse ne arrijmë që të fitojmë ose barazojmë të paktën një prej këtyre ndeshjeve, zyrtarisht marrim pjesë në Euro24 në Gjermani.
Në grupin E kualifikues të Euro 2024, Shqipëria mban vendin e parë në grup me 13 pikë, 5 më shumë se Çekia që ka edhe një ndeshje më pak. Polonia ka 9 pikë, ndërsa Moldavia është me tetë pikë dhe mbyllin klasifikimin Ishujt Faroe me një pikë.
TIRANË-Shqipëria ka dhuruar mbrëmjen e sotme një ndeshje spektakolare kundra Çekisë. Pas 3 golave, kuqezinjtë shënuan për të katërtën herë në portën çeke. Muja goditi drejt portës, por goli u anullua.
Tifozat vijojnë të festojnë fitoren 3 me 0 ndaj Çekisë. Tre golat u shënuan nga Asani në pjesën e parë dhe dy gola të Seferit pjesën e dytë.
TIRANË- Shqipëria ka shënuar dhe golin e tretë për këtë mbrëmje me protagonist përsëri Seferin. Ishte Seferi ai i cili në minutin e ’51 i dhuroi kombëtares sonë një tjetër gol spektakolar. Goli i tretë vulos dhe hyrjen e Shqipërisë në EURO '24.
Shqipëria ka shënuar golin e parë me një goditje me të majtë nga Jasir Hasani dhe dy golat e rradhës kanë patur protagonist Seferin.
TIRANË- Kryeministri Edi Rama dhe Kryeministri i Kosovës Albin Kurti, kanë zgjedhur që të ndekin ndeshjen e kombëtares kuqezi kundër Çekisë nga tribuna e stadiumit Air Albania. Siç shihet nga fotot e mëposhtme, të dy janë në distancë nga njëri-tjetri.
Rama është i ulur në tribunë i shoqëruar nga bashkëshortja Linda Rama dhe djali i tyre Zaho. Ndërkohë që kryeministri Kurti shihet në këmbë në tribunë, teksa i buzëqeshur duartroket kombëtaren kuqezi.
TIRANË-Në pamje shihen tifozat kuqezi që këndojnë këngën e njohur të Adem Jasharit. Të gjithë të pranishmit janë përfshirë në një atmosferë gëzimi për fitoren.
Ndeshjen Shqipëri-Çeki në Air Albani po e ndjek dhe djali i heroit të luftës së Kosovës Lulzim Jashari.
TIRANË- Kuqezinjtë e kombëtares e kanë nisur pjesën e dytë të ndeshjes kundër Çekisë me dyfishimin e golave. Në minutën e 51 ka qenë Taulant Seferi, ai që ka shfrytëzuar rastin e ardhur dhe ka tronditur rrjetën e kundërshtarëve.
Golin e parë për shqiptarët e bëri Jasir Asani në minutën e 9, ndërkohë që çekët kanë ngelur me 10 lojtarë, për shkak se Chytil u largua nga loja me karton të kuq.
TIRANË- Banderola e tifozave kuqezi në ndeshjen e sotme midis Shqipërisë dhe Çekisë, ka bërë shumë përshtypje. Në tifozerinë e “Plisave” ka rënë në sy parrulla me fjalët “Mallkue qoftë, kush s’na do bashkë”, një mesazh që vjen dhe pas ngjarjeve të ndodhura në veri të Kosovës.
Shqipëria kryeson ndaj Çekisë me një gol nga Jasir Asani.
TIRANË- Lojtarët çek kanë tentuar që të sjellin barazimin në fushën e blertë në Air Albania. Por tentativa e tyre ka dështuar, pasi një prej sulmuesve çek bëri gol në portën tonë me dorë.
Kjo ka sjell dhe ndëshkim nga arbitri, i cili i ka vendosur katron të kuq, duke e nxjerr nga loja. Për pjesën tjetër të lojës, Çekia duhet që ta vazhdojë me 10 lojtarë.
TIRANË-Jasir Asani, lojtari i kombëtares kuqezi ka përshëndetur tifozat pas shënimit të golit duke vendosur në shenjë simbolike plisin.
Shqipëri – Çeki, një nga ndeshjet më vendimtare të eliminatoreve për Euro 2024, ka nisur në Arenën Kombëtare.
TIRANË- Shqipëria ka nisur ndeshjen kundër Çekisë me këmbën e mbarë. Kjo pasi Jasir Asani ka shënuar golin e tij të parë në minutën e 10 të takimit.
Pas golit Jasani ka zgjedhur që të festojë me plis në kokë, ndërkohë që tifozeria u çua në pesh, sapo topi shkundi rrjetën.
TIRANË- Tifozi 'më i flaktë' i kombëtares kuqezi 'Ballist Morina' ka shkuar ditën e sotme Air Albania për t'i mbështetur në ndeshjen kundër Çekisë. Morina, i cili disa vite më parë, ngriti flamurin 'Autochthonous' në mes të Beogradit, sot është rikthyer në stadum për të mbështetur kombëtaren.
Menjëherë, Morina është rrethuar nga tifozët e shumtë dhe fansat e tij që po bëjnë foto.
TIRANË- Tifozët shqiptarë në ndeshjen e sotme kundër Çekisë, kanë zgjedhur që të nderojnë edhe efektivin Afrim Bunjaku, i cili u bra nga sulmi terrorist serb në veri të Kosovës. Me anë të një pankarte, tifozët kanë vendosur foton e efektivit dhe mbi të kanë shkruar 'Lavdi Afrim Bunjakut'.
‘Lavdi Afrim Bunjaku! Dëshmori më i ri i kombit’, shkruhet në pankartë.
TIRANË- Formacionet zyrtare të ndeshjes së sotme janë bërë publike. Mësohet se Sylvinho ka zgjedhur formacionin 4-3-3 për ndeshjen kundër Çekisë.
Në portë është Berisha. Ndërsa në mbrojtje Mitaj, Gjimshiti, Ajeti, Hysaj. Mesi i fushës, Bajrami, Asllani, Ramadani; në sulm Asani, Seferi dhe Cikalleshi.
Formacionet e kombëtares:
Shqipëria (4-3-3): Berisha; Hysaj, Ajeti, Gjimshiti, Mitaj; Bajrami, Asllani, Ramadani; Asani, Seferi, Cikalleshi Trajner: Sylvinho
TIRANË- Pamjet e mëposhtme janë nga Tirana, pak orë para se të nisë ndeshja mes Shqipërisë dhe Çekisë, e vlefshme për Euro2024. Siç shihet, tifozë të shumtë shqiptarë janë mbledhur pranë stadiumit dhe po festojnë përpara ndeshjes.
Të veshur me fanella të kombëtares dhe me flamuj kuqezi, tifozët shqiptarë ja kanë marrë këngës. Tifozët shpresojnë që ndeshja e sotme të kthehet në festë, me futbollistët që premtojnë të bëjnë maksimumin sonte në mbrëmje.
