Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
•Moti i keq ka mbërthyer të gjithë vendin. •Prefektura e Kukësit njofton se rrugët rurale janë të kalueshme me zinxhirë, ndërsa të bllokuara janë rrugët për njësitë Arrën, Zapod dhe Kalis. •Ka probleme me furnizimin me energji elektrike në Njësinë Topojan dhe disa fshatra në Njësinë Malzi. •Në Mirditë vijojnë të bllokuara nga bora rrugët e fshatrave, Ndërshen, Nënshejt e Lajthizë. •Në Dibër energjia elektrike është rikthyer në pjesën më të madhe të territorit, por ka ende njësi administrative dhe fshatra pa energji.
4 artikuj për këtë temë.
DIBËR- Pas reshjeve të dëborës, acari dhe temperaturat e ulëta kanë përfshirë qarkun e Dibrës. Gjatë natës vlerat kanë zbritur nën zero duke shënuar -13 gradë. Në akset rrugore kombëtare nuk ka më dëborë por ka prezencë të akullit, ndaj drejtuesit e mjeteve duhet të tregojnë kujdes dhe të përdorin mjetet antirrëshqitëse.
Rruga e Arbrit është e kalueshme, por ka prezencë të akullit në orët e para të mëngjesit dhe të darkës. Mbrëmë është bllokuar sërish për më shumë se një orë, tek Hani, për shkak të ngricave. Prezencë të akullit ka edhe tek pishat e Bulqizës edhe pse rruga është kriposur. Aksi Peshkopi - Kukës ka prezencë të akullit nga Sllova deri në Vasie, ndaj në orët e para të mëngjesit dhe të darkës duhet të përdoren zinxhirët.
Rrugët e njësive administrative janë hapur, po punohet për rrugën e Lurës, mjetet e bashkisë kanë nisur hapjen e rrugëve të fshatrave. Energjia elektrike është rikthyer në pjesën më të madhe të territorit, por ka ende njësi administrative dhe fshatra pa energji. Prej dy ditësh kanë punuar 6 grupe të OSHE dhe OST, në ndihmë të tyre kanë ardhur edhe 3 grupe nga Kavaja dhe Durrësi, për të përshpejtuar riparimin e defekteve të shkaktuar nga moti i keq. Mbrëmjen e djeshme është rikthyer energjia në qytetin e Bulqizës, por ka ende disa njësi administrative pa energji. Fatmirësisht nga zonat e thella nuk ka pasur thirrje për emergjenca shëndetësore në 24 orët e fundit.
TIRANË- Autoriteti Rrugor Shqiptar ka dhënë përditësimin më të fundit në lidhje me situatën e vështirë të krijuar në akset rrugore në vend pas motit të ftohtë dhe reshjeve të dëborës. ARRSH u shpreh se gjatë orëve të natës dhe në mëngjes reshje dëbore ka pasur vetëm në Llogara ku është punuar për pastrimin dhe shpërndarjen e kripës, ndërsa temperaturat në zonat malore kanë qenë të ulëta, deri në -7.
Qarkullimi vijon pa probleme në të gjitha akset nacionale, ndërsa grupet e mirëmbajtjes kanë punuar për shpërndarjen e kripës me qëllim evitimin e ngricave.
Sa i përket drejtuesve të automjeteve, ARRSH i këshillon këta të fundit të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.
KUKËS- Situata pas motit të keq që përfshiu vendin tonë në fundjavë është normalizuar në pjesën më të madhe të akseve rrugore pas ndërprerjes së reshjeve të dëborës.
Prefektuara e Kukësit njofton se rrugët rurale janë të kalueshme me zinxhirë, ndërsa të bllokuara janë rrugët për njësitë Arrën, Zapod dhe Kalis. Po ashtu ka probleme me furnizimin me energji elektrike në Njësinë Topojan dhe disa fshatra në Njësinë Malzi.
Në Mirditë vijojnë të bllokuara nga bora rrugët e fshatrave, Ndërshen, Nënshejt e Lajthizë.
Nga subjektet kontraktore është punuar dhe po punohet për pastrimin, kriposjen dhe mbajtjen funksionale të gjitha akseve rrugore nacionale./Dosja.al
TIRANË- Sot do të kemi mot të qëndrueshëm e të kthjellët me temperatura të ulëta në vlerat minimale. Do të mbetëmi nën ndikimin e të ftohtit Siberian edhe gjatë ditës së hënë ku orët e paradites; do të dominohen nga kthjellime dhe vranësira të shpeshta, por moti do të jetë i ftohtë, ndërsa pjesa e dytë e ditës do të sjellë zhvillim të vranësirave duke gjeneruar reshje shiu si edhe dëbore në të gjithë vendin.
Ditën e Martë dhe të Mërkurë do të kemi mot të paqëndrueshëm me reshje shiu me intensitet mesatar e lokalisht të lartë. Reshjet do të jenë në formën e rrebesheve të shpejta dhe stuhive. Bora do të jetë prezente në veri, verilindje dhe juglindje kryesisht me intensitet deri mesatar në zonën e Bajram Currit, Kukësit, Peshkopisë dhe Korçës.
Era do të fryjë nga kuadrati i veriut 2-9m/s, hera-herës në bregdet dhe lugina fiton shpejtësi 13-25m/s duke u bërë problematike. Valëzimi në dete do të jetë i forcës 2-5ballë.
Ditën e Enjte dhe të Premte moti parashikohet me alternime të herëpasherëshme vranësirash të cilat do të pasohen me reshje shiu me intensitet ulët. Vlen të theksohet prezenca e ngricave të forta përgjatë akseve rrugore në relievet malore, si dhe mjegull e mjegullinë për shkak të reshjeve të shiut e të borës./Dosja.al
