Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Vrasja e Vanessa Ballan, shtatzënë me fëmijën e saj të dytë, ka tronditur Italinë. • Ngjarja e rëndë ndodhi të martën në Spineda, Riese Pio X, një komunë me 10 mijë banorë që ndodhe rreth 40 minuta larg Treviso-s. •Ajo ishte 3 muajshe shtatzënë dhe prej 3 javësh kishte marrë lejen e parakohshme të lindjes. •Vanessa kishte një djalë 4 vjeç, i cili në momentin e ngjarjes ndodhej në kopsht. •Autor i dyshuar i këtij krimi është Bujar Fandaj, një 41-vjeçar nga Kosova, i cili u arrestua disa orë pas krimit, pranë shtëpisë së tij në Altivole. •Fandaj dyshohet se hyri me forcë në shtëpinë e viktimës duke e sulmuar gruan shtatzënë e cila ndodhej me pizhame. •Fillimisht e dhunoi fizikisht, më pas e goditi të paktën 7 herë më thikë. •Alarmin e dha bashkëshorti i viktimës, Nicola Scapinello, i cili kishte shkuar në shtëpi, duke gjetur gruan e tij të vdekur. •Sipas të dhënave të deritanishme viktima dhe vrasësi njiheshin. •Ata raportohet se kishin pasur një lidhje të shkurtër dashurie, e cila ishte mbyllur keq. •Gjatë javëve të fundit, ai e përndiqte, duke i shkuar në vendin e punës. •Ajo edhe e kishte denoncuar, por mesa duket, Fundaj kishte vendosur të kryente aktin e rëndë.
3 artikuj për këtë temë.
TIRANË- Detaje të frikshme kanë dalë në dritë nga vrasja e gruas shtatzënë në Itali, Vanessës, që ka tronditur komunitetin në Spineda në zonën e Trevisos. Vrasësi, Bujar Fandaj, me origjinë nga Kosova, tashmë i arrestuar, ka publikuar disa video në Tik Tok pak orë para vrasjes.
Sipas Il Gazzettino, ai ka publikuar edhe një video të fundit në Tik Tok disa orë para krimit. "Te jap zemren time, por mos mendo kurrë të ma thyesh. Sepse nëse del nga zemra, nuk do te kthehesh më kurrë"
Mesa duket, Bujari nuk u dorëzua kurrë për marrëdhënien me Vanessën. Edhe në videot e mëparshme, ai duket se dërgonte mesazhe me nënkuptim.
'Nëna ime më ka rritur si personin më të sjellshëm që ke takuar, por nëse nuk më tregon respekt, do të tregoj se përse kam mbiemrin e babait'- thuhet në videon që ai shihet me flamurin kuq e zi në fytyrë.
ITALI- Vrasja e një 26-vjeçareje shtatzënë, ka tronditur provincën e Trevisos në Itali. Bujar Fandaj, 41 vjeç me origjinë kosovare, u arrestua mbrëmjen e djeshme në afërsi të shtëpisë së tij në Altivole, si autori i dyshuar i krimit të rëndë.
Fandaj dyshohet se vrau Vanessa Ballan, vetëm 26 vjeçe, me të paktën shtatë goditje në gjoks, ndoshta me thikë. E reja, nënë e një fëmije 4 vjeç, ishte tre muajshe shtatzënë dhe prej rreth tre javësh ishte në shtëpi me leje të parakohshme shtatzënie.
Fandaj dhe Vanessa njiheshin me njëri-tjetrin, pasi në të kaluarën kishin pasur një lidhje që ka zgjatur disa muaj. Lidhja përfundoi keq, pasi ajo ishte shprehur se kishte frikë prej tij dhe e denoncoi për përndjekje.
Sipas Corriere della Sera, Fandaj, i cili punonte si korrier ishte nisur me furgonin e punës për te shtëpia e 26-vjeçares, në Spineda, në Riese Pio X. Në momenti që arriti përballë shtëpisë, u fut me forcë duke thyer me çekiç një derë prej xhami. Ai e gjeti të renë ende me pizhame, e dhunoi fizikisht më pas e goditi me thikë për ta lënë më pas në tokë, të mbuluar nga gjaku.
Arratisja e autorit pas vrasjes
Fandaj futet përsëri në furgonin i cili ishte parkuar shumë afër hyrjes së shtëpisë dhe u largua për tu arrestuar më vonë nga autoritetet. Policia e Trevisos sekuestroi të gjitha pamjet nga kamerat në zonë dhe sistemet e targave për të identifikuar drejtimin e furgonit dhe lëshoi alarm kombëtar për ndalimin e tij. Në të njëjtën kohë, ushtarakët kontrolluan shtëpinë e 41-vjeçarit në Altivole për të kërkuar pista të mëtejshme dhe për të kuptuar nëse vrasja ishte me paramendim.
Kjo hipotezë mbështetet edhe nga fakti se rreth orës 08:00 të mëngjesit të 19 Dhjetorit, Fandaj kishte ndarë në profilin e tij social një foto nga makina, në kufirin mes Italisë dhe Sllovenisë. Në këtë imazh shfaqej një tabelë autostrade që tregonte drejtimin për nga Lubjana dhe Nova Gorica. Dyshimet janë se bëhet fjalë për të një fotografi të vjetër të cilën i dyshuari e publikoi në mënyrë që të krijonte një alibi për karabinierët.
Sipas asaj që shkruan Corriere della Sera, kjo nuk është e vetmja foto që ka ngjallur interesin e hetuesve në profilet e tij në rrjetet sociale. Të hënë në mbrëmje, rreth orës 22:00, në TikTok dhe Instagram, 41-vjeçari kishte publikuar një Story, me audio në sfond, ku thuhej: “Kështu jam gatuar, të jap menjëherë zemrën, transparencë e sinqeritet. Por mos mendo se mund të ma fusësh, sepse nëse më del nga zemra nuk hyn më”. Vanessa u gjet në shtëpi e pajetë nga bashkëshorti i saj Nicola Scapinello, i cili ishte kthyer nga puna në shtëpi për drekë.
ITALI- Bujar Fandaj nga Kosova, i cili u shpall në kërkim si autor i dyshuar për vrasjen e 27-vjeçares shtatzënë Vanessa Ballan në provincën e Trevisos në Itali, është arrestuar në orët e vona të mbrëmjes.
Sipas mediave italiane, viktima e kishte denoncuar 41-vjeçarin për përndjekje në muajin tetor. Dyshja raportohet se ka qënë në një lidhje romantike, e cila mori fund muaj më parë. Ka qenë një i afërm i viktimës që ka përmendur emrin e shqiptarit si një i dyshuar i mundshëm.
E reja u godit me thikë shtatë herë në hyrje të banesës së saj. Alarmi u ngrit nga një fqinj, i cili njoftoi menjëherë policinë. Partneri i 27-vjeçares ndodhej në shtëpi në momentin e krimit. Çifti ishin bashkë prej 11 vitesh dhe kishin një fëmijë. Gruaja ishte në pritje të fëmijës së saj të dytë./Dosja.al
