Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Zi në artin shqiptar! •Legjenda e humorit nga Shkodra, Zef Deda ka mbyllur sytë në moshën 73-vjeçare duke lënë një boshllëk të mall në zemrat e të gjithë artdashësve. •Deda ishte një nga figurat më të spikatura të kinematografisë shqiptare, i njohur për rolet e tij në zhanrin e komedisë dhe ndryshe është cilësuar si Charlie Chaplin i Shqipërisë. •Ai gjithashtu ka interpretuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj. •Miqtë e kolegët kanë reaguar mes lotësh e dhimbjesh për humbjen e humoristit nga Shkodra. •Aktorja, Drande Xhaj, partnerja e tij në skenë reagoi se ishte takuar me Zefin para dy netësh, ku bashkë me kolegë të tjerë. •Regjisori dhe kompozitori Osman Mula tregon se e ka ndjerë veten shumë keq në momentin që mori vesh lajmin e hidhur. •Ai rrëfeu se me Zefin kanë qenë shok që fëmijë dhe deri në adoleshencë kanë qenë si “Loli me Colin”, kudo bashkë. •Rita Gjeka, drejtoresha e teatrit Migjeni në Shkodër, tha se Deda ishte një drita e një epoke të ndritur për teatrin Migjeni, teksa ka rrëfyer dhe amanetin e tij. •Mes artistëve të kinematografisë shqiptare, edhe Sejfulla Myftari, i njohur si Cekja i Beratit ka reaguar i prekur për humbjen e aktorit. •Cekja tha se në takimin e fundit kishte kujtuar shfaqjet e tyre që kishin luajtur bashkë.• Ndërsa, aktori i njohur, Edmond Halili tha se e ka mësuar lajmin e hidhur për ndarjen nga jeta të aktorit të Dedës, pikërisht sapo kishte shkuar në derën e shtëpisë së tij.
8 artikuj për këtë temë.
SHKODËR- Aktori Julian Deda ka reaguar pas vdekjes së babait të tij, mjeshtrit Zef Deda. Me anë të një postimi në rrjetet sociale ai thotë se homazhet do të bëhen në Teatrin “Migjeni”, aty ku edhe ka qenë shtëpia e tij e dytë.
“Me dhimbje te thelle, ju njoftoj per ndarjen nga jeta te babait tim, Zef Deda. Homazhet do behen ne hollin e Teatrit “Migjeni”, qe ishte edhe shtepia e tij e dyte, duke filluar nga ora 09:00. Pas homazheve, ne oren 13:00, kortezhi niset per meshen e drites, me pas percjellja per ne banesen e fundit, ne varrezat e Rrmajit”, shkruan Julian Deda.
SHKODËR- Aktori i njohur, Edmond Halili ka treguar mes lotësh se si e ka mësuar lajmin e hidhur për ndarjen nga jeta të aktorit të njohur Zef Deda, pikërisht sapo kishte shkuar në derën e shtëpisë së tij. Halili tha për News24 se kishte shkuar ta takonte, por nuk e gjeti dot gjallë Zefin, i cili ndërroi jetë pas një sëmundje të rëndë.
“Sot jam nisur në mëngjes te dera e shtëpisë. Sa shkova te dera e shtëpisë, doli një infermiere dhe e pyeta se si ishte dhe tha; më vjen keq, Zefi ndërroi jetë. Është një dhimbje e madhe për ne, për familjen e tij dhe për humorin shqiptar. Jam takuar me të, kemi bërë show në Pallatin e Kongreseve. Pinim kafe dhe nga një gotë raki. Me Zefin kam shumë kujtime, kemi qenë në një lagje, kemi dhënë shfaqje të mëdha. Jam me lot në sy, nuk mund të flasë më shumë (qan). Zefi ka qenë i mrekullueshëm, nuk bën nëna më Zef”, tha Halili.
BERAT- Mes artistëve të kinematografisë shqiptare, edhe Sejfulla Myftari, i njohur si Cekja i Beratit ka reaguar i prekur për humbjen e aktorit, Zef Deda. Ai ka treguar njohjen e tij të hershme me humoristin nga Shkodra, i cili u nda sot nga jeta në moshën 73-vjeçare. Në një lidhje telefonike për News24, Cekja tha se në takimin e fundit kishte kujtuar shfaqjet e tyre që kishin luajtur bashkë.
“Me Zefin kam punuar. E kam pasur shok dhe mik. Është humbje e madhe për artin. Nuk kam fjalë, s’di ça të them më. Që nga vitit 73 që punoja me Zefin. Kujtuam ato që kemi luajtur bashkë. Kemi pasur hyrje-dalje. Aktor i mrekullueshëm, njeri i shkëlqyer”, tha ai.
SHKODËR- Rita Gjeka, drejtoresha e teatrit Migjeni në Shkodër ka reaguar në lidhje me lajmin e trishtë për ndarjen nga jeta të aktorit të njohur Zef Deda. Në një lidhje telefonike për News24, Gjeka ta se Deda ishte një drita e një epoke të ndritur për teatrin Migjeni, teksa ka rrëfyer dhe amanetin e tij.
“Edhe pse diferenca në moshë me Zefin nuk është e madhe, e kam pasur idhull. Ai ka qenë një aktor jo vetëm i madh, por fenomeni Zef Deda. Ka lënë një epokë. Ne kemi jetuar atë epokë dhe ai ka qenë drita. Ai e donte shumë estradën dhe ndenja që ai kishte, e kishte që të ngrihej sa më shumë. Amaneti që ka lënë, do të bëhet realitet. Edhe në drejtimin e teatrit e ka marrë Kuliçi. Do të plotësohet amaneti i Zefit. Iku në një moshë krejt të re. Edhe në rini ka pasur disa probleme me këmbët. Por i kapërcente me humorin e tij. Tani e këputu sëmundja e keqe. Nuk kam shkuar ta takojë, pasi kisha qejf që ta mbaja mend Zefin ashtu siç më parë. Zefin e ka dashur gjithë populli, të gjithë e kanë vlerësuar. Edhe opozita dhe pozita, mendoj se është shpërblyer. E ka marrë dhe pensionin e veçantë, të paktën nuk ngeli fukara. Ka pasur të ardhurat e veta, edhe pse kishte dy djemtë të mrekullueshëm. Shokun Xhemal, atë e veçoj si rol”, tha ajo.
SHKODËR- Regjisori dhe kompozitori Osman Mula ka bërë një rrëfim të ndjerë për aktorin e humorit, Zef Dedën i cili ndërroi jetë mëngjesin e sotëm dhe duket se ka lënë një boshllëk të madh te zemrat e gjithë kolegëve e miqvetë tij. Në një intervistë për 'News24', Mula tregon se e ka ndjerë veten shumë keq në momentin që mori vesh lajmin e hidhur. Ai rrëfeu se me Zefin kanë qenë shok që fëmijë dhe deri në adoleshencë kanë qenë si “Loli me Colin”, kudo bashkë.
“E ndjeva veten keq, sepse Zefin e kam pas shokun më të ngushtë që i vogël. Kemi qenë si Coli me Lolin”, tha Mula.
Pjesë nga rrëfimi:
Ishte një djal i mrekullueshëm, xhevahir. Njeri social, nuk donte me pa keq, donte vetëm gëzim. Shumë shpejt u pa që jetën do të kishte në skenë. Që i vogël ai nisi me imitimet dhe tregoi talentin e tij.
Isha para 3 javësh atje në Shkodër, por nuk shkova ta shoh, se nuk doja ta shihja në atë gjendje. Sa herë që shkoja atje, nuk rrija pa e takuar Zefin.
Zefi ka qenë një djalosh që e ka pasur qejf teatrin, e donte shumë trupën e vet dhe trupa e donte atë. Ai ka qenë një djalë model, ai kur ishte në teatër edhe po t’i thoja shko na marr ja 3 byrek shkonte. Ai ishte njeri i madh në skenë, por jashtë saj ishte një njeri shumë i thjeshtë.
Zefi ka kënduar edhe në opera në Shkodër. Zefi e filloi duke mësuar klarinetën për një vit. Por ai nuk rrinte dot në një vend për të mësuar, ai donte që për një vit të mësonte 70 profesione.
SHKODËR- Aktorja e njohur shkodrane, Drande Xhaj ka treguar mes lotësh takimin e fundit me aktorin humorist, Zef Deda i cili ndërroi jetë mëngjesin e sotëm, pas një beteje me një sëmundje të rëndë. Ajo ka qenë prej vitesh partnerja e tij në skenë.
Në një lidhje telefonike për News24, aktorja tregoi se ishte takuar me Zefin para dy netësh, ku kishte shkuar ta takonte bashkë me kolegë të tjerë.
“Para dy netësh shkuam dhe ta shihnin. Me Milotin dhe Kulçin. Kemi shkuar për të, jemi interesuar për shëndetin e Zefit. Nuk e kishte kohën Zefi që të ikte tani. Ishte i ri për t’u larguar nga jeta. Na ka lënë një dhimbje të tmerrshme, por ishte Chaplini shqiptar. Është aktori fenomen. E kemi dashur si pjesë e familjes. Na mungon jo vetëm si artist, por dhe si njeri. Kam qenë partnere në skenë e Zef Dedës. Ai ka qenë i jashtëzakonshëm”, tha ajo.
SHKODËR- Vendi ynë sot u zgjua nga një lajm tepër i trishtë. Legjenda e humorit nga Shkodra, Zef Deda ka mbyllur sytë në moshën 73-vjeçare duke lënë një boshllëk të mall në zemrat e të gjithë artdashësve. Deda ishte një nga figurat më të spikatura të kinematografisë shqiptare, i njohur për rolet e tij në zhanrin e komedisë dhe ndryshe është cilësuar si Charlie Chaplin i Shqipërisë.
Lindi në Shkodër më 27 korrik 1950, ndërsa u shkollua në qytetin e tij të lindjes, dhe në Politeknikumin e Ndërtimit në Tiranë. Deda filloi shkollën e lartë për Gjuhë-Letërsi, por nuk e mbaroi dot për arsye shëndetësore. Aktori ka punuar për më shumë se 40-vite në Teatrin Migjeni të Shkodrës.
Talenti i tij spikat që në moshë të vogël, pasi me një shkathtësi dhe me një plastikë të shkëlqyer psiko-fizike ai arrinte të realizonte qindra figura artistike.
Pas një shkëputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit. Zef Deda gjithashtu ka interpretuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.
SHKODËR- Aktori i njohur i humorit, Zef Deda është ndarë nga jeta në moshën 73-vjeçare. Humoristi shkodran vuante prej kohësh nga një sëmundje e rëndë.
Aktori do të përcillet nesër për në banesën e fundit, ndërsa homazhet do të mbahen në teatrin "Migjeni" në Shkodër. Ndërkohë, djali i tij, Julian Deda ka reaguar në rrjetet sociale, duke vendosur dhe një fiongo të zezë në shenjë zie.
Kush ishte Zef Deda?
Zef Deda lindi në Shkodër më 27 korrik 1950. U shkollua në qytetin e tij të lindjes dhe në Politeknikumin e Ndërtimit në Tiranë. Filloi shkollën e lartë për Gjuhë - Letërsi, por nuk e mbaroi dot për arsye shëndetësore.
Ka punuar për më shumë se 40 vjet në Teatrin “Migjeni” të Shkodrës. Talenti i tij spikati që në moshë të vogël. Me një shkathtësi dhe me një plastikë të shkëlqyer psiko-fizike, ai arrinte të realizojë qindra figura artistike, prandaj ishte dhe ka mbetur mjaft i dashur për publikun shqiptar, sidomos atë shkodran.
Pas një shkëputje prej 6 vjetësh për shkak te emigrimit jashtë atdheut, ai u kthye në vitin 1996 në Shqipëri për të ushtruar profesionin e aktorit , të cilin e vazhdoi me shumë sukses.
Në përvjetorin e tij të gjashtëdhjetë, Presidenti i Republikës i akordoi titullin " Mjeshtër i Madh". Zef Deda është i martuar me Rozina Dedën dhe ka dy djem, Julian Dedën dhe Marjan Dedën, të dy artistë. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.
