Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Ministri i Drejtësisë Ulsi Manja ishte i pranishëm ditën e sotme në Komisionin për Sigurinë Kombëtare. Manja prezantoi “Projektbuxhetin e vitit 2023' ndërkohë që iu përgjigj disa pyetjeve të anëtarëve të komisionit. •Ministri i Drejtësisë Ulsi Manja listoi sot një sërë ndryshimesh që do të vijnë për përmirësimin e sigurisë së vendit si dhe ndikimin e amnistisë fiskale dhe penale në raport me mbipopullimin e burgjeve.• Deputeti i Partisë Demokratike, Ferdinand Xhaferraj tha se është dakord për një amnisti që përputhet me kërkesat e qytetarëve, në mënyrë që për vepra shumë minimaliste penale të mos vuajnë dënime të mëdha. •Ministri deklaroi se Qeveria do të ndërtojë një institucion të ri në Kardhiq që do përmbledhë zonën e jugut. Manja foli dhe për çështjen e ekstradimeve. •Ai shtoi se shqiptarët e kërkuar do ekstradohen, mirëpo me Emiratet e Bashkuara Arabe nuk ka ende një marrëveshje pasi nuk ka vullnet të dyanshëm.
4 artikuj për këtë temë.
TIRANË- Marrëveshja e ekstradimit mes Shqipërisë dhe Dubait për shqiptarët e kërkuar nga Qeveria ishte temë diskutimit sot në Komisionin e Sigurisë. Deputeti i Partisë Demokratike, Ervin Salianji deklaroi se burgjet shqiptare janë mbushur me hallexhinj ndërsa kriminelët e vërtetë janë në Dubai. Ministri Ulsi Manja, në përgjigje tha se nuk ka ende një marrëveshje ekstradimi me Dubain pasi duhet që të ketë vullnet nga dy palët. Por, ai shtoi se të gjithë shqiptarët që janë në kërkim nga vendi ynë,do të ekstradohen.
Ervin Salianji: Burgjet popullohen nga hallexhinjtë nga ata që ndërtojnë pa leje, ata që bëjnë dyer dhe derë shtëpie. Krerët e krimit janë në Dubai. Dje një ngjarje tjetër e rëndë në zonë rezidenciale, një vrasje. Ju takon te marrëveshja që duhet të bëjë qeveria për ekstradimin është e domosdoshme. Ata që janë të pamundur dënohen dhe ata që janë krerë të krimit ndërtojnë në mes të Tiranës dhe vendosin kush do të hyjë në burg dhe kush do të dalë nga burgu.
Ulsi Manja: Lidhur me marrëveshjet e ekstradimit është kërkuar edhe në Kuvend pse Shqipëria nuk nënshkruar marrëveshje ekstradimi me Emiratet e Bashkuara Arabe. Ato janë edhe çështje e vullnetit të përbashkët. Mund të kërkosh ti por varet sa është vullneti i palës tjetër. Nuk ka qasje për marrëveshje ekstradimi. Shumë shpejt një grup në nivel ekspertësh kanë shfaqur kërkesën për të ardhur në Tiranë. Ne jemi të hapur me çdo shtet për marrëveshje ekstradimi. Mirëpo, çdo shqiptar që është në kërkim nga Shqipëria, kudo që të jetë do ekstradohet.
TIRANË- Ditën e sotme, në Komisioni për Sigurinë Kombëtare, po diskutohet “Projektbuxheti i vitit 2023”. Ministri Ulsi Manja, deklaroi se së shpejti po të ndërtohet institucioni i rehabilitimit të të miturve si dhe shtoi se do të ndërohet dhe institucioni që do t'i shërbejë jugut.
'Do të ndërtojmë Institutin e rehabilimit të të miturve, që aktualisht janë në Kavajë. Tërësisht trajtim ndryshe 14-21 vjeç. S’do t’u mungojë asgjë. Do fillojmë ndërtimin e burgut të grave në Tiranë, me kushte dinjitoze. Kapacitete më të mëdha të Mjekësisë Ligjore, ku do të bëhet shtesë kati.
Rikonstruksion spitalit të burgut. Burgu i Fushë Krujës të jetë në funksion të gjykatës së Apelit në Tiranë. Edhe sa i përket burgut të Tepelenës, qëllim ynë është që për jugun ne të kemi një institucion të ri në Kardhiq. Do t’i shërbejë gjithë zonës së jugut.’- tha Manja.
TIRANË- Ministri i Drejtësisë, Ulsi Manja deklaroi ditën e sotme se amnistia fiskale është një traditë e Kuvendit e cila ka nisur që nga viti 2013. Ai shtoi se Qeveria është në proces studimi dhe analizimi të faktorëve që merren në konsideratë. Ministri tha se kjo amnisti ndikon në lehtësimin e mbipopullimin e burgjeve.
Ferdinand Xhaferraj: A ka studim MD lidhur me amnistinë, apo bëhet në fund të vitit për qëllime elektorale? Pr.buxheti do ta lehtësojë mbipopullimin e burgjeve?
Manja: Amnistia penale është traditë e Kuvendit, nisur nga parimet e humanizmit. Ka pasur amnisti që prej 2013, e fundit u bë në 2020. Jemi në proces studimi e analizimi të faktorëve që merr në konsideratë një amnisti penale, MD do të propozojë një amnisiti, që ska lidhje me zgjedhjet. Do të lehtësonte mbipopullimin në burgje.
TIRANË- Drejtori i Përgjithshme i Burgjeve, Admir Abrija deklaroi ditën e sotme se nuk ka pasur asnjë dorëheqje nga policia që kur u rritën pagat. Këtë deklaratë ai e bëri në Komisionin e Sigurisë.
'Që nga dita e rritjes e pagave ne nuk kemi asnjë dorëheqje nga sistemi i policisë.'- tha Abrija.
Ky reagim vjen pas deklaratave të shumta se policët po largohen nga policia e shtetit dhe pas deklaratës së një ish efektivi. Klodian Xhaferri tha për Top Channel se pagat e ulëta, mos marrja e dietave dhe shpërblimeve si dhe niveli i stresit janë ndër arsyet kryesore që punonjësit e policisë sapo përfundojnë stazhin 5-vjeçar pas përfundimit të akademisë japin dorëheqjen. Fillimisht dorëheqjet masive të efektivëve për shkak të kushteve të punës u denoncuan nga gazetari Artan Hoxha dhe u përforcuan nga kryedemokrati Sali Berisha. Vetë kryeministri Edi Rama, e ciloi një 'gënjeshtër të ligë' të kreut të opozitës.
