Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Vazhdon bojkoti i mësimit nga pedagogët. • Sot ishte dita e katërt e protestës së mbajtur nga pedagogët për rritjen e pagës dhe financimin për kërkime shkencore. • Protesta e sotme ka qenë masive dhe është mbajtur para Universitetit Poliiteknik të Tiranës. • Protesta e sotme ka zgjatur rreth 2 orë ku kanë folur pedagogë e studentë më radhë. •Qytetet si Tirana, Elbasani, Shkodra, Vlora apo Gjirokastra, kanë mbështetur bojkotin. • Pedagogët kanë qenë të vendosur në mbështetjen e kërkesave të tyrë dhe kanë premtuar se bojkoti do të vazhdojë • Një nga pedagogët ka kërkuar sot edhe përfshirjen e kërkesave të studentëve në protestën e tyre dhe të bëhen të gjithë bashkë • Pedagogët, kanë parashtruar një muaj më parë për Qeverinë dhe Ministrinë e Arsimit një listë me 9 kërkesa, në të cilat foksi është rritja e pagës. • Për këtë protestë ka reaguar edhe kryeministri Edi Rama. Ai hodhi akuza ndaj Sali Berishës, duke thënë se një “Non Grata” po e nxit këtë protestë, ndërsa thekson se nuk do të bëhet asnjë vetting për pedagogët. Po ashtu, ka nisur dhe u ka përmendur të shkuarën disa organizatorëve të protestës. • Por ka marrë edhe një përgjigje. • Protesta do të vazhdojë nesër në të njëjtën mënyrë siç u mbajt dhe sot.
12 artikuj për këtë temë.
TIRANË- Pedagogu Luan Myrtaj ka deklaruar se kërkesat e tyre janë minimale dhe se një kryeministër i një shteti sovran do të ishte më i lumturi për të plotësuar ato. Myrtaj gjatë fjalës së tij, theksoi se nëse Rama do që studentët të jenë profesionistë, nuk duhet që ta zërë gjumi pa plotësuar kërkesat e tyre. Në lidhje me vettingun, Myrtaj tha se tatimet në dorë i ka dhe ti kontrollojë.
“Po ta shohim kërkesat që ka vetë protesta janë minimaliste e një kryeministër i një shteti sovran të shikojë që peadgogët ngrihen në protestë e janë minimaliste do ishte njeriu më i kumtur në botë që do thoshte cfarë keni cfarë duhet e si ta ndreqim. Nëse duam të prodhojmë delexhinj kryeministri s’ka pse ta dëgjojë fare këtë protestë, nëse do delenxhinj e copa mishi me dy sy, kryeministri e ministrja me radhë s’kanë pse ta vënë fare ujin në zjarr. Nëse duan të nxjerrin profesionistë e që shoqëria të përparojë atëherë kryeministrin nuk duhet ta zinte gjumi por të vinte këtu e të kërkonte një mijë herë të falur. Sa i përket shantazheve aty i ka tatimet ka për detyrë të na kontrollojë ska pse të ngrejë zërin vetëm kur ka protestë, turp që një kryeminstër 10 vjet në detyrë nuk ka pasur një protestë nga profesorët, është turp që ne këtu nuk kemi rektorët të reshtuar. Kjo tregon sa të shitur e manipuluara janë zgjedhjet universitetin e kanë kthyer në celulë” tha Myrtaj.
Ardian Isufi, ishte në mes të pedgogëve që protestuan ditën e sotme përballë Universitetit Politeknik, tek sheshi “Nënë Tereza”. Isufi u bën thirrje pedagogëve të rretheve t’i bashkohen protestës dhe bojkotit sipas të cilit do të vazhdojë derisa të plotësohen kërkesat. Po ashtu në fjalën e tij para pedagogëve, Isufi u bën thirrje dekanateve të mbeldhin asambletë, për të diskutuar problemet në auditorë.
“Të marrin në konsderatë 9 pikat të cilat në ditët në vazhdim, padyshim duket qartazi që do shtohen, gjithashtu do informoj që cdo ditë bojkoti total vazhdon te sheshi ku jemi, para sheshit të universitetit politeknik. Dhe ftoj të gjithë universitetet në rang kombëtar, pavarësisht që universitetet e Tiranës do jenë në shesh cdo ditë në orën 10:00. Gjithashtu edhe pedagogët nga rrethet ftohen në shesh ose të vazhdojnë protestën në universitetet e tyre përkatëse. Dekanatet të mbledhin sa më shpejt asambletë e tyre sepse është shumë e rëndësishme të mblidhet jo vetëm nga solidarizimet për protestën por të diskutojnë problemet në auditorë”, tha Isufi./ Dosja.al
TIRANË- Pedagogu në Universitetin e Arteve Vladimir Llakaj ka deklaruar se kryeministri po lufton emancipimin dhe arsimin në vend. Gjatë fjalës së tij, Llakaj ka deklaruar se kombi ka shkuar në disfatë dhe se ata duhet që përqafojnë Evropën.
“Keni treguar trimëri intelektuale në një diktaturë me ngjyra që fsheh një errësirë të madhe shpirtërore brenda vetes. Lëvizja e parë e Ramës ishte të mbillte palma miliona euro e të rregullonte zyrat miliona eurosh. Ky është diktatori i fundit i postkomunizmit. Ky diktator ka mësuar disa diktatoruc të vegjël do të vazhdojë edhe pas ikjes së tij. Të luftosh emancipimin dhe arsimin, që arsimi është shtylla e shtetit, prej të cilit rrjedhin gjithë të tjerat. Kjo është protest e gjithë shqiptarëve. Ta heqim këtë njeri që e ka çuar kombin në disfatë shpirtërore. Këtij i janë qytetarët nga qytetet e ky thotë të rregullojmë qytetet. Duhet t’u dalim para ktyre qelbësirave të orientit. Duhet të përqafojmë Europën, duhet të kemi stimul shpirtëror”, tha Llakaj.
TIRANË- Pedagogu Dritan Shoraj ka deklaruar se arsimi është investim strategjik më i rëndësishëm se sa investimet e tjera. Gjatë protestës, Shoraj theksoi se qeveria shqiptare ka fokusin te kapja e ekonomisë e te oligarkët se sa të investojnë për arsimin. Po ashtu ai tha se ata duhet që të bëhen bashkë me studentët, pasi edhe ata duhen të protestojnë për kushtet dhe tarifat e tyre.
"Arsimi që duhet të përfaqësojë shqiptarët është një invesitm strategjik. Por qeveria nuk e shikon fitimprurës ta quaj arsimin investim strategjik. Qeveria e ka fokusin të kap ekonominë të mbajë oligarkët. E keni parë çfarë po ndodh me karburantët, në botë ulën në Shqipëri bordet i rrisin. Të dashur kolegë duhet që të vazhdojmë protestat. Kjo është një anë e medaljes, e dyta është të përfshijmë dhe studentët. Si mund të pranojmë ne që studentët tanë të paguajnë më shume se sa sudentët në vendet e tjera. Studentët tanë paguajnë nga 300 mijë lekë në 750 mijë lekë. Shumë studentë vijnë në fakultete e më pas detyrohen ta lënë e të gjejnë punë. Si mund që universitetet të gjenerojnë të ardhurat, kur politikat fiskale bëhen për oligarkët. Qeveria do që të legalizojë lekun e pisët. Si mund të gjenerojë Universiteti të ardhurat, kur oligarkët e qeveria vendosur politikat fiskale. Kjo betejë duhet që të vazhdojë. Vendi po boshatiset e njerëzit po largohen," tha ai.
I pranishëm në protestën para Universitetit Politeknin, sot ishte edhe Dritan Shoraj, pedagog në Universitetin e Tiranës. Me paterica e fasho në këmbë, Shoraj e nis fjalimin e tij para pedagogëve me shqetësimin se studentët nuk kanë mundësi dhe të ardhura, e detyrohen të mos të shkojnë në universitet. Ndërsa ka marrë një rast konkret, që ka ndodhur teksa ia po jepte mësim në auditor.
“Mua më ka ndodhur që, t’i bierë studentit të fikët në auditor. Detyrohet studenti pastaj të lërë studimet që të punojë në Call Center. Në këto mashtrimet e rradhës që bëhen këtu që qeveria ka mbyllur sytë, sepse nuk munden. Nuk munden të përballojnë jetësën sepse tarifat janë rritur. E kanë kthyer në qesharake protestën, ata mund të gjenerojnë vetë të ardhura thonë. Po si mund të gjeneroj të ardhura, a ka një ekonomi sot? “, tha Shoraj./ Dosja.al
TIRANË- Pedagogët kanë deklaruar se nuk do të tërhiqen nga protesta e tyre. Gjatë fjalës një pedagog nga Universiteti Bujqësor i Tiranës, theksoi se ata kanë 18 vite pa rritje page dhe se gjendja ka shkuar aty ku smban më. Po ashtu ai ka theksuar se Rama duhet që ta lerë biografinë të shkuarës dhe të fokusohet të gjendja e tanishme. Po ashtu ai ka shtuar se Rama të bëj çfarë të dojë por prap nuk gjen dot gjë për ta.
"Kemi 18 vjet pa rritje page e gjendja ka shkuar aty ku nuk mban më. Ne duam të vendosim Shqipërinë mbi partitë. Rilindasit e parë patën famë e lanë të shkruar ti mësojmë shqiptarët me dash Shqipërinë më shumë partinë e ne jemi ata që duam Shqipërinë me shumë se partinë e ti lëmë biografitë se ia kemi lënë të shkuarës dhe nëse do me u marr me biografi të gërrmojë për ne jo për jetët tona por i sugjerojmë dhe për baballarët dhe gjyshërit tonë. Kësilloj e apeloj qeverinë për me i thonë stop shantazhit, zoti kryeminsitër të gjitha agjencive ligjzbatuese jeni të lutur beni veting e nëse gjeni për këdo tjetër për cdo profesor botojeni, publikojeni ne jemi njerëz me faqe të bardhe e duar të pastra e kështu do qëndrojmë deri në fund. As 100 lekë të vjetra nuk i kemi marrë askujt, deri ditën e fundit nuk do tërhiqemi nga kërkesat tona”, tha ai.
Pedagogu në Universitetin e Shkodrës, Peter Saraçi ka deklaruar se numri i studentëve që ndjekin universitetin është ulur. Teksa ka marrë fjalën në protestë, Saraçi shprehet se kërkesa për t’u ulur në një tavolinë nuk është vetëm për çeshtjen e pagave por sepse qeveria po shkatërron punën e pedagogëve, duke iu referuar kështu ftesës së bërë nga Ministrja e Arsimit Evis Kushi, ku nuk u arrit asnjë marrveshje.
“Pedagog në Universitetin e Shkodrës, Peter Saraci: Kur kam filluar punë si pedagog në universitetin e Shkodrës ka patur 11 mijë studentë. Sot Universiteti i Shkodrës falë edhe ligjit të arsimir të lartë, ka vetëm 5 mijë studenta. Se ku do shkojmë unë nuk e di! Po se cfarë fitimi kanë nga shkatërrimi sistematik i universitetit publik, këtë e dinë vetëm ata që bëjnë projekte të tilla. Kemi kërkuar për t’u ulur në tavolinë, jo vetëm për cështjen e rrogave por edhe për ceshtjen që këto të ndërpresin veprimet sistematike të shkatërrimti të punës të pedagogëve në univeristetet shqiptare. Uluni në tavoliën dhe flitini me ne, në mënyrë që të merrni mendim nga ne. Po se çfarë fitimi kanë nga shkatërrimi sistematik i universitetit publik, këtë e dinë vetëm ata që bëjnë projekte të tilla”, tha Saraçi./ Dosja.al
TIRANË- Kryetari i Sindidaktës së pedagogëve Sandër Kovaçi ka deklaruar se Universitetet me financimin që kanë do të bien edhe më poshtë akoma. Gjatë protestës, Kovaçi tha se sot është momenti që të protestojnë për të drejtat e tyre dhe të mos bjënë mbrapsht. Po ashtu Kovaçi i ka bërë thirrje rektorëve që të mbajnë një qëndrim dhe të bëjnë ndryshimin në arsim.
“Situata aktuale është që gjendja e universiteteve me këtë lloj financimi të kërkimit shkencor, me këtë lloj nënvlerësimi të këtij sektori nga qeveritë, përfshirë rëndimin e kësaj situatë me qeverinë aktuale, këtu do përfundojë, me universitete që bien gjithnjë e më poshtë. Do ngelemi pa studentë. Sot është momenti pa kthim për të ndjekur protestën tonë, që të bëhet diçka për universitetet që të mos shkojnë drejt greminës. I bëj thirrje rektorëve të universiteteve publike, kishte përmirësim herën e fundit në diskutime, por mbani qëndrim për këtë protestë. Ky është shansi i fundit për të bërë një ndryshim në arsim. Mblidhni konferencën e Rektorëve, mbani qëndrim. Dikur është mbajtur. Në të kundër do e mbani arsimin në gjendje kënetore, dhe të na iknin me gomone studentët. Reklama e studentëve nga Bangaladeshi nuk shkon. Të mbështesim studentët tanë dhe jo të mësojmë gjuhën e Bangladeshit,” tha Kovaci.
TIRANË- Kreu i Sindikatës Sandër Kovaçi i është përgjigjur Kryeministrit Edi Rama, pasi ky i fundit tha se në krye të protestës është një anëtarë i SHIK-ut. Gjatë fjalës së tij në protestën e sotme, Kovaçi tha se tha se ai është zgjedhur nga Këshilli Drejtues dhe se do të jetë në krye deri sa ti mbarojë mandati. Po ashtu Kovaçi tha se ai nuk e ka nxjerr me mik notën mesatare 10 dhe se Rama në protestë nuk ka injioranta por profesora.
"Jam i kënaqur që më ka përmendur kryeministri e më ka dhënë paksa famë se nuk e kisha të nevojshme famën por meqë filloi që kryetari i sindikatës nuk e meriton te jete ne krye. Së pari unë jam i zgjedhur nga këshilli drejtues që nga 2019 e deri në 2023 sa të mbyll mandatin do i përfaqësoj ata që më kanë zgjedhur. Mos ketë merak stafi akademik se Sandër Kovacin e njohin të gjitha nga shkolla 8 vjecare. Nuk e kam nxjerë me mik notën mesatare 10 nga e para në të tetën. Shkollën e mesme e kam mbaruar në konvit por ta dije që përvec vitit të parë një 9 i kam nxjerre te gjitha 10.
Mos shqetësohet se s’ka të bëjë me një person që ka ardhur nga rruga këtu në universitet. Se ai mendon që ka të bëjë me injorantë këtu mendon se është vetë në majën e Olimpit i ka arritur të gjitha e ka gjithë dijen e botës e të tjerët janë në kulmin e injorancës. Ai do të nxjerrë injorant dhe profesoratin. Të jeni të sigurt që përpara keni personin që nuk është ai që thotë kryeministri. Ai sheh ëndrra dhe ishalla sheh edhe ndonjë ëndërr që të na rrisë pagat dhe të na krijojë mundësinë që të vazhdojmë të qëndrojmë këtu," tha Kovaçi.
TIRANË- Pedagogët i kanë bërë thirrje kryeministrit Edi Rama që të bëhet çerek burri e të plotësojnë kërkesat e tyre. Gjatë protestës së sotme, një pedagog ka deklaruar se në vitin 2004 greva e atëhershme e pedagogëve u mbështet nga Rama, por kryeministri që ishte në detyre ua dyfishoi rrogat. Po ashtu ai ka theksuar se durimit të tyre u ka ardhur fundi dhe se duhet të gjendet një zgjidhje për këtë situatë.
"Jetës sonë universitare po i bëhet gjëma dita ditës, nuk kemi më kohë të durojmë këtë situatë dramatike. Durimit i ka ardhur fundi ndaj jemi mbledhur sot. Shpresa nis me motivimin e stafit. Duke i trajtuar në mënyrë sa më dinjoitoze, me rritjen e financimit të kërkimit shkencor në nivel rajonal e pastaj evropan. Shpresa nis me tërheqjen mbrapsht të rritjes 8% të pagave të pedagogëve duke futur duart te xhepat e studentëve. Shpresa fillon kur ne të kemi autonomi universitare dhe jo autonomi qeveritare. Greva e 2004 u mbështet nga kryeministri i sotëm por u tregua burrë një kryeministër tjetër duke dyfishuar pagat ndërsa sot cuditërisht nuk e mbështet protestën e i bëj thirrje të bëjë një cerek burri për të plotësuar kërkesat tona minimale dhe jetike," tha pedagogu.
TIRANË- Protesta e pedagogëve ka nisur ditën e sotme para Universitetit Politeknik. Gjatë fjalës së tij, një pedagog i Universitetit të Arteve theksoi se gjysma e rrogës së tij shkon për literatura dhe për mësime jashtë orarit. Po ashtu ai shtoi se rrogat nuk i meritojnë Ministrat e tij që janë me diploma plagjaturë dhe jo pedagogët.
"Kërkimet shkencore dhe financimet e tyre duhet që të jenë prioritet për qeverinë shqiptare, sepse rrit nivelin e arsimit. Dje dhe sot nuk është bërë asnjë nga MA për premtimet e dhëna ndaj studentëve dhe pedagogëve. Rama, ju keni deklaruar se ne nuk e meritojmë rritjen e rrogës. Unë gjysmën e rrogës e shpenzojë për literaturat. Unë punojë eksta me strudëntët. Më thoni ju çfarë duhet të bëj më shumë për rritjen e rrogës. Ndoshta ju e keni për ministrat tuaj me diploma plagjaturë që thoni se nuk i meritoni rritjen e rrogës," tha pedagogu.
TIRANË- Kryeministri Edi Rama ka disa përgjigje për pedagogët. Pak orë para nisjes së protestës kombëtare të pedagogëve, kreu i Qeverisë, ka sqaruar dy pika që lidhen me pedagogët. Nëpërmjet një postimi të bërë në 'Tëitter', Rama deklaron se vettingu që është përfolur në rrjet për pedagoët nuk do bëhet pasi as nuk është thënë nga Qeveria dhe as nuk është menduar.
Më tej, Rama nuk tërhiqet nga vendimi për pagat e tyre. Ai deklaron se rritja e menjëhershme e pagave nuk do ndodhë pasi duhet të vijë natyrshëm, pas pensionistëve dhe pas kalimit të dimrit. Kryeministri, shton se rritja mund të mendohet kur të bëhet bilanci i kostove të mburojës së energjisë elektrike.
Për protestën e sotme, Rama deklaron se është e udhëhequr nga non gratat duke iu referuar kryedemokratit Sali Berisha dhe 'shiksave' që për të është kreu i sindikatës së pedagogëve Sandër Kovaçi.
POSTIMI I RAMËS:
Mediat e angazhuara masivisht për ta paraqitur si masive protestën e një pakice pedagogësh,nën udhëheqjen e nongratave e të shiksave të tyre,flasin për gjoja një Veting që do bëka regjimi imagjinar për pedagogët! Asnjë Veting as do bëhet, as është thënë e as është e menduar! Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes dimri, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!
Sindikata e pedagogëve do mbajë ditën e sotme një protestë kombëtare. Kjo lëvizje përshkallëzon bojkotin, deri në plotësimin e kërkesave të tyre, siç është rritja e pagave. Sipas Sindikatës, protesta do të nisë në orën 11:00, në formën e bojkotit total, përpara Godinës se Korpusit Qendror të Universitetit Politeknik, ku do te marrin pjese te gjitha universitetet publike te vendit.
