SKANDALI në Kosovë/ Kopshti kthehet në 'ferr' për 3-vjeçarin, dhunohet brutalisht nga 3 edukatore

Autoret

KOSOVË- Personat në foto, janë tre gratë që dhunuan një 3-vjeçar brenda një çerdhe në Fushë Kosovë.

Ngjarja ka ndodhur në një çerdhe publike dhe është denoncuar nga daja e të miturit, i cili ka publikuar dhe një video ku duket dhuna. Sipas familjarëve, i mituri dhunohet brutalisht jo vetëm nga edukatoret, por edhe nga kuzhinierja dhe pastruesja e çerdhes.

“Njëra e ka emrin Shkurta, tjerat nuk ua di emrat” ka thënë nëna e 3-vjeçarit sot për “Shqipëria Live”.

“Të nderuar media dhe prindër! Dua të ndaj me ju diçka të tmerrshme që sapo ka ndodhur në Fushë-Kosovë, në çerdhen shtetërore të fëmijëve ‘Gëzimi ynë’, është rrahur brutalisht nipi im i preferuar Lisi, vetëm 3 vjeç.

Shikoni kamerat ku shihet qarte që po rrihet në derë pastaj tërhiqet zvarre, më pas e dërgojnë përsëri në një dhomë pa kamera dhe e rrahin pa mëshirë të 2 “mësueset” e kësaj çerdheje bashkë me pastruesen apo kuzhinieren! Nipi im ka pësuar trauma të rënda psikike dhe nuk mund të flejë më, nipi po përjeton një ankth të madh. Kërkoj nga organet e drejtësisë të bëjnë punën e tyre. Idioteve dhe mostrave të tilla duhet t’i jepet fund një herë e përgjithmonë.

Le të jetë rasti i fundit i dhunës ndaj fëmijëve. Dhunueset e tilla nuk e kanë vendin në arsim”, ka shkruar familjari sipër videos.

foto nga çerdhja

KOSOVË--Një rast tronditës i dhunës së një të mituri është raportuar mëngjesin e sotëm në Kosovë. Një 3-vjeçar është dhunuar brutalisht nga edukatoret e çerdhes 'Gëzimi Ynë' në Fushë-Kosovë.

Policia e Kosovës dhe inspektorët e MASHT-it bashkë me prindërit e fëmijës ndodhen në çerdhen ku ka ndodhur ngjarja. Lidhur me këtë ka reaguar edhe ministrja e Arsimit, Arbërie Ngavci ku dënon ashpër dhunën dhe shkruan se kushdo që e ka ushtruar do të marrë dënimin e merituar dhe se institucionet do të marrin masa të menjëhershme.

POSTIMI I PLOTË:

Thellësisht e shqetësuar nga pamjet e publikuara të një çerdheje në Fushë Kosovë. E dënoj ashpër dhunën e ushtruar ndaj një të mituri në këtë institucion parashkollor. Dhuna është e papranueshme andaj, pres që kushdo që ushtron dhunë të marrë dënimin e merituar. ajo që është më shqetësuese sipas pamjeve të publikuara, është se nuk bëhet fjalë vetëm për një person por më shumë edukatore të involvuara e që e shton dyshimin se nuk është fenomen i izoluar. Inspektorati i Arsimit ndodhet në këtë institucion dhe sapo të pranojmë raportin, do të ndërmarrim masa të menjëhershme. MAShTI, komunat dhe në përgjithësi si institucione kemi obligim të kujdesemi e të sigurohemi për mirëqenien e të gjithë fëmijëve.

Videoja ku shihej si i mituri dhunohej nga edukatoret u publikua nga qytetari Fatos Geci, pasi ai ishte nipi i tij 3-vjeç. Në pamjet e publikuara nga ambientet brenda çerdhes shihet teksa nipi i tij, tërhiqet zvarrë nga mësueset, ndërsa ka publikuar edhe foto nga lëndimet që ka marrë fëmija. Familjarët kanë kërkuar  nga organet e drejtësisë të reagojnë në ndërmarrjen e veprimeve ndaj mësueseve, pasi 3-vjeçari, përveç lëndimeve trupore, ka pësuar trauma të rënda psikike. Përveç policisë në vendin e ngjarjes kanë shkuar edhe zyrtarë të Ministrisë së Arsimit.

Çerdhja ku u dhunua 3-vjeçari

KOSOVË-Policia e Kosovës dhe inspektorët e MASHT-it kanë shkuar ditën e sotme në çerdhen shtetërore “Gëzimi ynë”, në Fushë Kosovë, pas publikimit të një videoje ku shihet si dhunohet brutalisht një fëmijë 3 vjeç.

Dy prindërit e fëmijës ndodhen në vendin e ngjarjes, ku kanë thënë se ishin thirrur nga edukatoret e çerdhes për tju treguar problemet që ka shkaktuar fëmija i tyre. Nëna e 3-vjeçarit ka treguar se fëmija  gjatë qëndrimit në kopsht nuk ka ngrënë e as nuk ka pirë për 8 orë rresht.

“Më ka thënë djali nuk kam hëngër bukë, nuk kam pi ujë që 8 orë. Fëmija im pa hangër pa pi. Ka pi ujë i kam përgatitur ushqimin në shtëpi. I thash le se të jep mami në shtëpi bukë. Jam detyru mu ndal i ka hëngër dy hamburger dhe një shishe ujë. I thirra familjarët dhe u thashë qashtu po më thotë djali por nuk jam e sigurt”, ka thënë ajo ku ka treguar se në të njëjtën çerdhe ka edhe vajzën.

Videoja ku shihej si i mituri dhunohej nga edukatoret u publikua nga qytetari Fatos Geci, pasi ai ishte nipi i tij 3-vjeç. Në pamjet e publikuara nga ambientet brenda çerdhes shihet teksa nipi i tij, tërhiqet zvarrë nga mësueset, ndërsa ka publikuar edhe foto nga lëndimet që ka marrë fëmija.

Familjarët kanë kërkuar  nga organet e drejtësisë të reagojnë në ndërmarrjen e veprimeve ndaj mësueseve, pasi 3-vjeçari, përveç lëndimeve trupore, ka pësuar trauma të rënda psikike. Përveç policisë në vendin e ngjarjes kanë shkuar edhe zyrtarë të Ministrisë së Arsimit.

Pamje nga dhuna e të miturit në Fush-Kosovë

KOSOVË- Zbardhen detaje tronditëse nga rastii dhunës së një të mituri në një kopsht publik në Fushë-Kosovë nga edukatoret. Siç shihet edhe në fotot e publikuara nga familjarët, krahëte 3-vjeçarit janë me shenja të dhunës. Vogëlushi ndodhet pranë familjarëve, të cilët denoncuan se fëmija ka pësuar trauma psikike si pasojë e dhunës barbasë nga edukatoret. 

Lidhur me rastin, mediat e Kosovës kanë provuar të marrin dëshminë e drejtoreshës së kopshtit “Gëzimi ynë”, por nuk është lajmëruar deri tani.

Një qytetar në rrjetin e tij social në Facebook ka njoftuar se nipi tij është rrahur nga tri edukatore. Ai ka publikuar pamje, ku shihej se fëmijë tërhiqej zvarrë e më pas goditej pa mëshirë nga tre edukatoret. Për arsye hetimore identiteti i këtyre të fundit nuk është bërë ende me dije. Ndërsa, mësohet se policia ka mbërritur mëngjesin e kësaj të marte pranë ambienteve të kopshtit. 

Dhunohet i mituri në Fushë-Kosovë

KOSOVË- Një ngjarje tronditëse ka ndodhur në ambientet e një kopshti në Fushë-Kosovë. Një fëmijë 3-vjeçar është dhunuar brutalisht nga edukatorja e një çerdheje shtetërore 'Gëzimi Ynë'. 

Ka qenë një familjari i të miturit i cili ka denoncuar rastin përmes një videoje, teksa shihet dhuna e ushtruar ndaj vogëlushit. Siç shihet edhe nga pamjet e rënda, 3-vjeçari has në rezistencë me dy edukatoret të cilat  e tërheqin zvarrë dhe më pas e dhunojnë. Familjari i të miturit shprehet se ai ka pësuar trauma të rënda psikike si pasojë e dhunës ç'njerëzore të dy edukatoreve. 

“Të nderuar media dhe prindër! Dua të ndaj me ju diçka të tmerrshme që sapo ka ndodhur në Fush Kosovë, në çerdhen shtetërore të fëmijëve “Gëzimi Ynë”, është rrahur brutalisht nipi im Lisi, vetëm 3 -vjeç. Shikoni kamerat ku shihet qartë që po rrihet e tërhiqet zvarrë, me pas e dërgojnë në një dhomë pa kamera dhe e rrahin pa mëshirë të tri mesueset e kësaj k***e!

“Nipi im ka pësuar trauma të rënda psikike dhe nuk mund të flejë më, nipi po përjeton një ankth të madh. Kërkoj nga organet e drejtësisë ta bëjnë punën e tyre. Idiotëve dhe monstrave të tilla duhet t’i jepet fund një herë e përgjithmonë. Le të jetë rasti i fundit i dhunës ndaj fëmijëve. P*****ve të ndyra do t’i jepet fund”, shkruan ai. 

Rasti pritet të ketë reagime, pasi pamjet janë tepër shqetësuese.