Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
• Ministri i Bujqësisë dhe Zhvillimit Rural, Andis Salla foli për sigurinë ushqimore duke theksuar se po punohet për të pasur një fokus më të shtuar ndaj mbrojtjes së konsumatorit shqiptar. • Në konferencën e mbajtur këtë të mërkurë, Salla deklaroi se do vendoset paketë për 70% të serave për mbrojtje biologjike. • Ministri duke prezantuar skemën e re kombëtare për mbështetjen ndaj bujqësisë, bëri me dije se kjo skemë me një fond total prej 5.2 miliardë lekësh, synon të mbështesë formalizimin e fermerëve dhe investimet në sektorin prioritar të bujqësisë dhe blegtorisë. • Salla theksoi se mbështetja përfshin pagesa direkte për fermerët dhe mundësi për të përfituar nga fondet e BE-së, në kuadër të programit IPARD. • Duke u ndalur te programi IPARD, Salla njoftoi se këtë vit do të zhbllokohen fondet. • Ministri ka theksuar se në 6 mujorin tjetër pritet të nisin aplikimet e fermerëve për të përfituar nga skema.
3 artikuj për këtë temë.
TIRANË- Ministri i Bujqësisë, Andis Salla ka njoftuar se këtë vit do të zhbllokohen fondet IPARD të BE-së për bujqësinë. Gjatë një deklarate për mediat, Salla ka theksuar se në 6 mujorin tjetër pritet të nisin aplikimet e fermerëve për të përfituar nga skema. Sipas Sallës, fondet IPARD pritet të zhbllokohen brenda muajit qershor, ndërkohë që më 9 mars qeveria do të jetë në Bruksel.
“Të bëjmë një formalizim akoma më të madh të fermerëve tanë, duke i orientuar të aplikojnë në këtë proces të rëndësishëm, por edhe atë çfarë ne presim në mbështetjen nga BE, siç është IPARD-i që ne e kemi në 6 mujorin tjetër për të aplikuar, dhe për të pasur mundësi të gjithë fermerët të jenë pjesë e kësaj pakete që do të jetë shumë e rëndësishme për atë çfarë duhet të mbështetet fermeri dhe duhet të jemi në raport me fermerët, për të rritur kapacitetet dhe t’i mbështesim qoftë në sigurinë ushqimore, qoftë në informacion, por edhe orientimin e tregut që ata duhet të përfshihen, dhe paketën financiare që kemi vendosur për ta. Skema kombëtare 5,2 miliardë lekë ka dy komponentë, pagesa direkte për fermerët dhe investime në bujqësi dhe blegtori”, tha ministri Salla./Dosja.al
TIRANË- Ministri i Bujqësisë dhe Zhvillimit Rural, Andis Salla në fjalën e mbajtur në konferencën për media për prezantimin e skemës së re kombëtare për mbështetjen ndaj bujqësisë, bëri me dije se kjo skemë me një fond total prej 5.2 miliardë lekësh, synon të mbështesë formalizimin e fermerëve dhe investimet në sektorin prioritar të bujqësisë dhe blegtorisë. Salla theksoi se mbështetja përfshin pagesa direkte për fermerët dhe mundësi për të përfituar nga fondet e BE-së, në kuadër të programit IPARD.
“Presim të hapim thirrjet e reja për pak ditë pasi të kryejmë paketën e re, do kalojmë në një nga proceset që 10 % i tyre që kemi akredituar këtë vit, që të gjithë fermerët janë duke numëruar faturat për të orientuar tregun e për të qenë pjesë e këtij procesi.
Përveç përfitimit që do kemi në paketën 5.2 mld lekë në financimin e drejtpërdrejtë të tyre, është dhe mundësi që çdo faturim i tyre të kaloj në 10% të faturës ku ne do i kalojmë në llogaritë e tyre”, tha Ministri Salla.
Ai sqaroi se një risi e rëndësishme e skemës është për të rinjtë dhe të rejat nga 18 deri në 35 vjeç, ndërsa shtoi se ata që hapin një biznes në blegtori mund të përfitojnë grante nga 7,000 deri në 10,000 euro.
“Unë dua të them që kemi diskutuar për të vendosur për të rinjtë dhe të rejat nga 18 vjeç deri në 35 vjeç, mundësinë që ne t’i japim nga 7 deri në 10.000 euro, po e shikojmë me financat për të diskutuar mbështetjen financiare për të përllogaritur çdo të rinj dhe të reja që hap një biznes kryesisht në blegtori, të jetë pjesë e mbështetjes tonë. Pra ne duhet të fusim rolin e të rinjve dhe të rejave të jenë pjesë e këtij sistemi të rëndësishëm për ne që të mbështesim këtë sektor të cilit ne duhet që ta rrisim dhe të rinjtë e të reja të jenë pjesë e kësaj pakete, që në do ta vendosim në formë granti”, bëri me dije ministri.
Ai gjithashtu bëri thirrje për bashkëpunim me fermerët për kontrollin e ushqimit të kafshëve dhe përmirësimin e cilësisë së prodhimeve, duke theksuar se mbështetja e përbashkët do të ndihmojë në rritjen e cilësisë dhe konsolidimin e sektorit bujqësor në vend.
Duke u ndalur te siguria ushqimore Salla bëri me dije gjithashtu urdhrin e ri të agronomit që do mbulojë gjithë sektorin e bujqësisë.
“Do lidhen kontrata me agronomin, që të kemi gjurmueshmëri të sigurisë ushqimore”, njoftoi Salla.
Ai theksoi se qeveria do vendosë një paketë prej 70% për serat me mbrojtje biologjike, duke e konsideruar si një mundësi shumë të mirë për fermerët dhe mbrojtjen ushqimore.
“70% për serat me mbrojtje biologjike. Një nga mënyrat më të mira që kemi në Shqipëri që të orientojmë fermerët për të qenë pjesë e kësaj pakete”, tha ai.
TIRANË- Ministri i Bujqësisë dhe Zhvillimit Rural, Andis Salla foli për sigurinë ushqimore për të cilën u shpreh se po punohet për të pasur një fokus më të shtuar ndaj mbrojtjes së konsumatorit shqiptar.
Në konferencën e mbajtur këtë të mërkurë, Salla deklaroi se, do vendoset paketë për 70 % të serave për mbrojtje biologjike. Ndër të tjera, Salla deklaroi se po bëhet gjithashtu edhe formatimi i stafit të AKU dhe shumë shpejt pritet të nisë edhe ndërtimi i laboratorëve.
“Mbështetja në sektorin e perimeve dhe frutave, për të orientuar të gjithë sigurinë ushqimore. Do vendosim paketë për 70 % të serave për mbrojtje biologjike. Pra është mënyra më e mirë dhe fermerët duhet të orientohen të jenë pjesë e kësaj paketë për sigurinë ushqimore. Është e rëndësishme të kemi urdhrin e ri të Agronomit të kemi një qëndrueshmëri të sigurisë ushqimore. Përveç urdhrit të agronomit jemi duke ndërtuar edhe 7 laboratorë që të kemi një siguri më të madhe kombëtare midis eksportit importit dhe laboratorëve që do jenë në territorin e Shqipërisë”, tha Salla./Dosja.al
