Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ka përfunduar protesta e thirrur nga opozita para bashkisë së Tiranës, tubim e cili zgjati rreth 1 orë e gjysmë. •Protestuesit kanë bërë vazhdimisht thirrje kryebashkiakut Erion Veliaj të dorëhiqet, pasi sipas tyre ai është kreu i korrupsionit me "Dosjen 5D". • Protesta është shoqëruar me tensione dhe përplasjes mes qytetarëve dhe policisë. • Përplasja mes tyre ka nisur pasi këshilltarët e opozitës, nuk janë lejuar të futen brenda në godinë. • Pas kësaj qytetarët hodhën disa herë molotovë, tymuese dhe mollë në hyrje të bashkisë. • Qytetarët me pankarta me shkrime të ndryshme në duar bllokuan edhe rrugën përpara institucionit. • Në protestë ishin të pranishëm deputetë të Partisë Demokratike, të cilët mbajtën edhe fjalën e tyre. • Gjithashtu e pranishme ishte edhe Argita Malltezi, vajza e kreut të PD-së, Sali Berishës. • Anëtari i kryesisë së PD, Belind Këlliçi, gjatë fjalës së tij i bëri thirrje policisë që të lejonte futjen e qytetarëve brenda bashkisë dhe të hiqni kapelen dhe t'i bashkohen protestës. • Edhe këshilltari i PD-së në bashki, Ilir Alimehmeti bëri thirrje të bëhen të ditura se ku shkojnë fondet për bashkinë e Tiranës. • Alimehmeti kërkoi audit të jashtëm për të gjitha fondet që shpenzohen në këtë drejtim në bashkinë e Tiranës për periudhën që nuk është kontrolluar nga KLSH.
9 artikuj për këtë temë.
TIRANË- Fotot e mëposhtme tregojnë se çfarë ndodhi në protestën para Bashkisë. Protestuesit kanë hedhur molotov në hyrjen e godinës, ndërsa kanë tentuar të çajnë gardhin metalik dhe janë përplasur me policinë.
Siç shihet nga pamjet policët që i tremben zjarrit dhe nxitimthi përpiqen ta shuajnë me mjetet që i gjendeshin pranë. U desh ndërhyrja e Forcave të Ndërhyrjes së Shpejtë për të qetësuar situatën.
TIRANË- Ka përfunduar protesta e zhvilluar para bashkisë së Tiranës, ku u kërkua dorëheqja e kryebashkiakut Erion Veliaj. Protesta e cila zgjati rreth 1 orë e gjysmë u shoqërua me tensione dhe përplasje mes demonstruesve dhe policisë.
Përplasjet nisën pasi këshilltarët e opozitës në bashki nuk u lejuan të futen brenda në godinë. Pas kësaj qytetarët hodhën disa herë molotovë, tymuese dhe mollë në hyrje të bashkisë.
Në protestë ishin të pranishëm deputetë të Partisë Demokratike. Gjithashtu e pranishme ishte edhe Argita Malltezi, vajza e kreut të PD-së, Sali Berishës.
TIRANË- Anëtari i kryesisë së PD, Belind Këlliçi ka qenë i pranishëm ditën e sotme në protestën e zhvilluar para bashkisë së Tiranës në lidhje me çështjën "Dosja 5D". Gjatë fjalës së tij Këlliçi u shpreh se vjet në prill gjatë fushatës kanë denoncuar bandën kriminale 5D me detaje, me dokumente të pakontestueshme.
Ai më tej shtoi se dhe kishte plot një vit që Erion Veliaj qëndronte në krye të bashkisë së Tiranës, që të bënte një audit, që të bënte një kontroll, që të jepte një përgjigje qytetarëve, por ajo që tha ishte vetëm mbrojtja që i bëri bandës së tij të instaluar në bashkinë e Tiranës. Gjatë fjalës së tij Këlliçi gjithashtu i bëri thirrje policisë që të lejonte futjen e qtetarëve brenda bashkisë si të ndlaonin dhunën ndaj tyre.
Fjala e plotë:
Të nderuar qytetarë! Ju nuk duhet të harroni se kjo bandë kriminale e instaluar në bashkinë e Tiranës ka filluar të denoncohet nga opozita dhe Aleanca për Mbrojtjen e Teatrit që dy vite më parë. Redi Molla dhe Tirana DC është kallëzuar nga Aleanca që në muajin maj të vitit 2021. Vjet në prill, gjatë fushatës, kemi denoncuar bandën kriminale 5D me detaje, me dokumente të pakontestueshme dhe kishte plot një vit që hajduti që quhet Erion Veliaj qëndronte në krye të bashkisë së Tiranës, që të bënte një audit, që të bënte një kontroll, që të jepte një përgjigje qytetarëve, por ajo që tha ishte vetëm mbrojtja që i bëri bandës së tij të instaluar në bashkinë e Tiranës.
Dje kemi pasur festën e Fitër Bajramit. Dhe çfarë bëri hajduti që kemi në krye të bashkisë së Tiranës? Bëri atë që di të bëjë më mirë. Veshi përparësen e preferuar dhe shërbeu çorbën e hipokrizisë për ata njerëz që i grabit çdo ditë. Policë, lejoni këshilltarët të futen brenda, lejoni qytetarët të futen në bashkinë e tyre! Ndalni dhunën ndaj qytetarëve, në vend që të mbroni qytetarët, mbroni hajdutin që qëndron në krye të bashkisë dhe ta nxirrni prej leckash jashtë!
TIRANË- Para bashkisë së Tiranës po mbahet protesta ku kërkohet dorëheqja e kryebashkiakut, Erion Veliaj. Këshilltari i PD në bashki, Ilir Alimehmeti, u shpreh për mediat i revoltuar për ndalimin që iu bë në hyrje të institucionit.
“Ku shkojnë fondet e Tiranës?! Marrin fondet tonë dhe i përdorin. Këta drejtues nuk janë drejtues administrate thjesht, por janë drejtues politikë, bashkëpunëtorë të ngushtë Erion Veliajt. Ku shkojnë këto fonde?! Kërkojmë audit të jashtëm për të gjitha fondet që shpenzohen në këtë drejtim në bashkinë e Tiranës për periudhën që nuk është kontrolluar nga KLSH. Kërkesë e thjeshtë, kërkesë e qartë antikorrupsion”, tha ai.
Në protestë ka pasur përplasje edhe mes këshilltarëve të tjerë të opozitës dhe policisë, pasi është tentuar hyrja në bashki me forcë. Gjithashtu qytetarët kanë hedhur molotovë në hyrje të bashkisë.
TIRANË- Këshilltarët e opozitës kanë tentuar që të hyjnë në godinën e Bashkisë Tiranë teksa para objektit po mbahet një protestë në lidhje dosjen 5D. Ata kanë tentuar të thyejnë kordonin e policisë, por janë ndaluar nga efektivët.
Ndër ta ka qenë edhe anëtari i këshillit Tedi Blushi i cili ka patur një konfliktim fizik me policinë. Më parë ai kishte deklaruar se do të hynin në godinën e Bashkisë me çdo kusht. Gjithashtu gjatë kësaj proteste janë regjistruar edhe tensione të tjera ku protestuesit kanë hedhur molotov në hyrjen e godinës, ndërsa kanë tentuar të çajnë gardhin metalik dhe janë përplasur me policinë.
TIRANË- Ka tensione në protestën që po zhvillohet sot para bashkisë së Tiranës, ku kërkohet dorëheqja e kryebashkiakut Erion Veliaj.
Protestuesit kanë hedhur molotov në hyrjen e godinës, ndërsa kanë tentuar të çajnë gardhin metalik dhe janë përplasur me policinë.
TIRANË- Para bashkisë së Tiranës po mbahet protesta ku kërkohet dorëheqja e kryebashkiakut, Erion Veliaj. Qytetarët kanë hedhur mollë dhe tymuese në drejtim të godinës, ndërsa asnjë nga këshilltarët nuk është lejuar të hyjë.
Një nga anëtaret e Këshillit Bashkiak, Ilda Zhulali shpjegoi arsyet e protestimit dhe se çfarë kërkojnë ata sot. Ajo tha se Veliaj e ka detyrë ligjore të japë llogari para Këshillit Bashkiak dhe e dyta të bëjë raportim financiar të hollësishëm se çfarë ka bërë me paratë e bashkisë Tiranë që janë miratuar nga Këshilli Bashkiak.
“Z. Vocaj (i Policisë) na thotë se dikush nga brenda dhe refuzon të thotë kush, nuk na lejon, ne, këshilltarët bashkiakë, që të futemi brenda po keni leje që të futeni kur të mbarojë protesta. Pra, Policia e Shtetit është në shërbim të një banditi si Erion Veliaj. Në vend që të hapë dyert për këshilltarët bashkiakë, që kanë marrë votat nga qytetarët shqiptarë për të kërkuar llogari deri më një, Policia e Shtetit vihet në shërbim të korrupsionit dhe të krimit. Ky është shteti shqiptar sot. Ne edhe njëherë kërkojmë mbledhjen urgjente të Këshillit Bashkiak. Z. Veliaj e ka detyrë ligjore të japë llogari para Këshillit Bashkiak dhe e dyta të bëjë raportim financiar të hollësishëm se çfarë ka bërë me paratë e bashkisë Tiranë që janë miratuar nga Këshilli Bashkiak. E treta kemi kërkuar një auditim të jashtëm, me auditues profesionistë që të shikohet mënyra se si janë shpenzuar paratë e taksapaguesve të Tiranës për gjatë gjithë kohës që ka qeverisur Erion Veliaj," theksoi Zhulali.
TIRANË- Ka nisur protesta e thirrur nga opozita para bashkisë së Tiranës, ku kërkohet dorëheqja e kryebashkiakut Erion Veliaj.
Qytetarët me pankarta me shkrime të ndryshme në duar kanë bllokuar rrugën përpara institucionit.
Të pranishëm janë politikanë të opozitës dhe vajza e Berishës, Argita Malltezi, që kanë shprehur mbështetjen e tyre për protestën qytetare.
TIRANË- Ditën e sotme në orën 11:00 pritet të mbahet protesta e thirrur nga opozita para bashkisë së Tiranës. Protestuesit kërkojnë dorëheqjen e kryebashkiakut Erion Veliaj.
“Në orën 11:00 tek Bashkia Tiranës, të bashkuar në protestë për të shpëtuar qytetarët dhe qytetin nga hajdutëria masive e Veliajt dhe ushtarëve të tij 5D”, janë shprehur në thirrjet e tyre drejtues të PD, duke iu referuar korrupsionin me dosjen "5D".
E njëjta protestë u zhvillua 6 ditë më parë, ku qytetarët bllokuan rrugën para bashkisë, ku hodhën vezë dhe mollë në drejtim të godinës. I pranishëm në protestën e kaluar ishte dhe kreu i Partisë së Lirisë.
