Merr fund rrugëtimi i Shqipërisë në Euro 2024, Spanja e pamëshirshme, shkatërron ëndrrën e "Kuqezinjve"

Ndeshja

GJERMANI- Ka përfunduar përballja mes Shqipërisë dhe Spanjës në stadiumin "Merkur Spiel-Arena". Pas më shumë se 90 minutash përballja u mbyll me rezultatin 1-0 për Spanjën e cila gjeti portën në minutën 13 nga Ferran Torres. 

Pas disa përpjekjesh për të gjetur portën Shqipëria nuk pati fatën për të shënuar ndaj iberikëve. Pas një qëndrimi të hekurt në portë nga Strakosha as Spanja nuk arriti të gjente më portën e kombëtares shqiptare pas golit të Torres. Me një rezultat minimalist 1-0 Spanja rrëmbeu edhe nje tjetër trepikësh duke shkuar në 9 pikë pa asnjë humbje deri më tani në fazën e grupeve.

Shqipëria ishte pjesë e një grupi "ferri" të cilin e përballoi më së miri duke thyer edhe rekordin e Europianit me golin e Bajramit në sekondën e 23-të. Si në përballjen me Italinë, Kroacinë dhe Spanjën, lojtarët dhanë maksimumin duke dhuruar spektakël dhe emocione për kombin tonë. 

Stadiumi

GJERMANI- Përballja mes Shqipërisë dhe Spanjës mesa duket nuk qenka një garë për fitore vetëm në fushën e blertë. Tifozët "Kuqezi" kanë dashur të fitojnë edhe në kulinari ndërsa janë shfaqur në stadium me pankarta interesante.

"Flija është më e mirë se paella," shkruhet në pankartën e një tifozi. Një mënyrë interesante për të nxjerrë në pah ushqimet tradicionale shqiptare. Kjo pankartë patjetër është një tjetër shaka e tifozëve, të cilët kanë përcjellë gjatë gjithë këtyre ditëve një humor të cilin palët e tjera e kanë pranuar me shumë dashamirësi.

Një tjetët video u bë virale ku një tjetër tifoz shqiptar thyen makaronat para tifozëve italianë. Shqiptarët edhe në ndeshjet e tjera kanë ditur më së miri të ndezin atmosferën si dhe të tregojnë respekt ndaj kundërshtarëve. Tifozët kuqezi gjithashtu kanë treguar se kanë një miqëzi të ngushtë me tifozët italianë dhe kroatë. Miqësi po të ngohtë u faktua edhe sot gjatë ditës më tifozët spanjollë ku tifozët kuqezi kanë kaluar momente të këndshme bashkë. 

ndeshja

GJERMANI- Ka startuar pjesa e dytë e duelit Shqipëri-Spanjë, ndërsa kuqezinjtë janë në kërkim të golit. Iberikët janë në avantazh pas golit të Ferran Torres në minutën e 13-të. Ndërkohë Kristjan Asllani tentoi golin në minutë e 45 me një gjuajtje predhë nga distanca me të djathtën, por portieri spanjoll arriti ta ndalë.

Kombëtarja jonë është futur në fushën e stadiumit "Merkur Spiel-Arena" me 1 pikë ndërsa Spanja me plot 6 pikë pas dy fitoreve kundër Italisë dhe Kroacisë.  Shqipëria lufton të marrë trepikëshin e parë për të qëndruar akoma në lojë dhe të kualifikohet në fazën tjetër.

Kombëtarja nuk arriti të merrte më shumë se një pikë ndaj barazimit me Kroacinë ndërsa ndaj Italisë u mposht edhe pas golit që theu rekordin në sekondën e 23.

ndeshja

GJERMANI - Kanë përfunduar 45 minutat e para të duelit mes Shqipërisë dhe Spanjës.

Kjo e fundit është në avantazh pas golit të Ferran Torres në minutën e 13-të. 

Ndërkohë Kristjan Asllani tentoi golin me një gjuajtje predhë nga distanca me të djathtën, por portieri spanjoll arriti ta ndalë.

papa francesku

GJERMANI- Kryeministri Edi Rama ka ndarë një foto të Papa Françeskut duke bërë shqiponjën, simbolin e të gjithë shqiptarëve anë e mbanë botës. Rama e ka postuar foton në Facebook, pak minuta para se të nis ndeshja mes Shqipërisë dhe Spanjës.

Shqipëria do të luftojë deri në minutën e fundit për të kaluar në fazën tjetër, ndërkohë deri tani iberikët janë në avantazh me një gol të shënuar.

foto nga stadiumi

GJERMANI- Në stadiumin "Merkur Spiel-Arena" në Dusseldorf ka nisur përballja mes Shqipërisë dhe Spanjës.

Ashtu si në ndeshjet e mëparshme të kombëtares shqiptare edhe mbrëmjen e sotme, tifozat kuqezi kanë dominuar stadiumin. 

Sipas informacioneve rreth 40 mijë shqiptarë ndodhen në stadium nga 48 mijë vende që është kapaciteti i reduktuar për europianin. 

foto nga ndeshja

GJERMANI- Spanja ka zhbllokuar sfidën duke shënuar golin e parë në portën e Shqipërisë.

Spanja tashmë ka siguruar kualifikimin në fazën tjetër, ndërsa kuqezinjtë do të luftojnë deri në minutën e fundit për të marrë trepikëshin e parë për të qëndruar akoma në lojë dhe të luftojë për te kaluar në fazën e grupeve

Fishekzjarre

TIRANË- Ka startuar përballja mes Shqipërisë dhe Spanjës. Ndëkohë në kryeqytet tifozët kanë vendosur ta nisin ndryshe ndërsa kanë hedhur fishekzjarre. Nga pamjet e dërguara në redaksinë tonë, tifozët "Kuqezi" kanë mbushur lokalet ndërsa kanë hedhur disa fishekzjarre. Një kohesisht sapo tifozët kanë hedhur fishekzjarre një grup tjetër kishte të njëjtën ide për të startuar ndeshjen. Sapo përfunduan fishekzjarret e njërit grup nga ana tjetër hidhen fishekzjarre të tjera. 

Shqipëria mbrëmjen e sotme do të zhvillojë përballjen e saj të tretë për këtë europian në fazën e grupeve. Kombëtarja jonë do të futet në fushën e stadiumit "Merkur Spiel-Arena" me 1 pikë ndërsa Spanja me plot 6 pikë pas dy fitoreve kundër Italisë dhe Kroacisë. Shqipëria do të luftojë sot në orën 21:00 të marrë trepikëshin e parë për të qëndruar akoma në lojë dhe të luftojë për te kaluar në fazën e grupeve. Kombëtarja nuk arriti të merrte më shumë se një pikë ndaj barazimit me Kroacinë ndërsa ndaj Italisë u mposht edhe pas golit që theu rekordin në sekondën e 23.

kombetarja shqiptare

GJERMANI- Ka startuar ndeshja mes Shqipërisë dhe Spanjës. Kombëtarja jonë është futur në fushën e stadiumit "Merkur Spiel-Arena" me 1 pikë ndërsa Spanja me plot 6 pikë pas dy fitoreve kundër Italisë dhe Kroacisë.

Shqipëria lufton të marrë trepikëshin e parë për të qëndruar akoma në lojë dhe të luftojë për te kaluar në fazën e grupeve. Kombëtarja nuk arriti të merrte më shumë se një pikë ndaj barazimit me Kroacinë ndërsa ndaj Italisë u mposht edhe pas golit që theu rekordin në sekondën e 23.