Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Studentët e Universitetit të Mjekësisë kanë dalë sërish sot në protestë përpara Ministrisë së Arsimit për të kërkuar një përballje me ministren Ogerta Manastirliu për t’i paraqitur kësaj të fundit argumentet e tyre për anulimin e ligjit që i detyron ata të punojnë në Shqipëri, me qëllim tërheqjen e diplomës. •Studentët nisën marshimin e tyre nga Universiteti i Mjekësisë, e më pas vazhduan në qendër të kryeqytetit e më pas iu drejtuan Ministrisë së Arsimit. •Studentët e mjekësisë nuk kanë marrë pjesë në mësim, duke bojkotuar këtë të fundit që nga nisja e vitit të ri akademik. •Ata kanë kërkuar ballafaqim të drejtpërdrejtë me ministren e Arsimit dhe me zyrtarë të qeverisë për të kundërshtuar ligjin që sipas tyre është “i padrejtë”. •30 deputetë të Partisë Demokratike kanë dalë në mbështetje të studentëve të mjekësisë që kërkojnë shfuqizimin e ligjit që i detyron ato të punojnë në Shqipëri për 5 vite ose në të kundërtën do duhet të paguajnë shifrën prej 250 mijë lekësh për një vit. •Një javë më parë, Bordi i Administrimit të Universitetit të Mjekësisë përcaktoi koston prej 2500 eurosh për studentët të cilët përfundojnë studimet dhe duan të tërheqin diplomën pa qenë nevoja të punojnë në Shqipëri. •Qeveria mori më 5 korrik vendimin në lidhje me diplomimin e studentëve të mjekësisë. Sipas ligjit, studentët e vitit të parë të Universitetit të Mjekësisë, që të pajisen me diplomë, do u duhet të punojnë 5 vite në Shqipëri, dhe më pas mund të bëjnë tërheqjen e diplomës. •Ndërsa studentëve nga viti i dytë në të gjashtin, do u duhet që të nënshkruajnë një marrëveshje ku angazhohen se do të qëndrojë: përkatësisht studentët nga viti i dytë në të katërtin, tre vite punë në Shqipëri para diplomimit; dhe studentët e vitit të pestë dhe të gjatë të Mjekësisë, 2 vite punë me qëllim diplomimin.
5 artikuj për këtë temë.
TIRANË- 30 deputetë të Partisë Demokratike kanë dalë në mbështetje të studentëve të mjekësisë që kërkojnë shfuqizimin e ligjit që i detyron ato të punojnë në Shqipëri për 5 vite ose në të kundërtën do duhet të paguajnë shifrën prej 250 mijë lekësh për një vit.
Në mbledhjen e Grupit Parlamentar të Partisë Demokratike, Kryetari i Grupit Gazment Bardhi ka informuar për një kërkesë të përgatitur nga studentët e mjekësisë për të kundërshtuar në Gjykatën Kushtetuese ligjin e Qeverisë që nuk pajisë për 5 vite me diplomë mjekët e rinj. Lajmin e ka bërë të ditur Kryetari i Grupit Parlamentar të PD, Gazment Bardhi, përmes një postimi në rrjetet sociale.
‘Grupi Parlamentar i PD ka mbështetur kërkesën e studentëve të mjekësisë për të kundërshtuar në Gjykatën Kushtetutese ligjin që pezullon diplomimin e mjekëve të rinj për 5 vite. Duke respektuar reagimin e studentëve dhe protestën e tyre, pa asnjë ndërhyrje politike, apelojmë edhe njëherë për Qeverinë që të dëgjojë zërin dhe shqetësimin e studentëve dhe ti jap zgjidhje kërkesave të tyre.’ – shkruan Bardhi.
1/2. GPPD ka mbështetur kërkesën e studentëve të mjekësisë për të kundërshtuar në GjK ligjin që pezullon diplomimin e mjekëve të rinj për 5 vite. pic.twitter.com/xVShVpHTP7
— Gazment Bardhi (@GazmentBardhi) October 18, 2023
TIRANË- Ka vijuar edhe sot protesta e studentëve të Mjekësisë e cila zhvillohet për të kundërshtuar ligjin që i detyron të punojnë 5 vite në Shqipëri pas përfundimit të studimeve.
Mes thirrjeve për të plotësuar kërkesat e tyre, studentët marshuan nga Universiteti drejt Ministrisë së Arsimit ku kanë hedhur letra higjienike drejt godinës.
Pse protestojnë studentët e mjekësisë?
Studentët që do të zgjedhin të studiojnë për Mjekësi këtë vit do të jenë përballë një zgjedhjeje. Përtej viteve të shkollës, do të duhet që të punojnë edhe 5 vite për të marrë diplomën. Në të kundërt do të duhet që të paguajnë tarifën më shumë se të tjerët. Studentëve që janë aktualisht në sistem, do tu ofrohet edhe mundësia që nëse nuk janë dakord të nënshkruajnë marrëveshjen, të paguajnë sa ç’është kostoja reale e çdo viti akademik, sigurisht për vitet e mbetura akademike, jo për vitet që tashmë kanë kaluar. Gjithashtu nëse pas mbarimit të shkollës, për një vit studentët nuk do të gjejnë punë, do të mund të tërheqin dokumentin e diplomës para kohe.
TIRANË- 'Duart e prangosura nuk shërojnë'- thonë studentët e mjekësisë në protestën e tyre e cila ka nisur në orët e para të mëngjesit. Disa prej tyre janë prangosur, duke lidhur duart me njëri-tjetrit e duke përcjellë mesazhin se nuk mund të mjekojnë, pasi po detyrohen të qëndrojnë në Shqipëri.
Studentët e Fakultetit të Mjekësisë kanë vijuar në javën e tretë të bojkotit. Ato këmbëngulin që ligji për nënshkrimin e kontratës që i detyron ata të qëndrojnë deri në 5 vite në Shqipëri, ose të paguajnë 250 mijë lekë viti, të anulohet. Në rast se nuk ka një përgjigje nga Ministria e Arsimit, studentët paralajmërojnë se nuk do të tërhiqen./Dosja.al
TIRANË-Studentët e Fakulteti të Mjekësisë kanë dalë në protestën e radhës ditën e sotme, duke vijuar javën e tretë të bojkotit. Protestuesit vazhdojnë kundërshtimin për nënshkrimin e kontratës dhe kërkojnë pezullimin e ligjit.
Disa prej tyre janë shprehur sot “se do të vazhdojnë bojkotin dhe kërkojnë një reagim nga institucionet”. Sipas studentëve mësohet se ata kanë marrë dhe mbështetjen e prindërve për protestën në mbështetje të kërkesën për heqjen e tarifës që penalizon ekonominë e tyre familjare.
“Ne jemi kokëfortë ndaj bojkotit, do ngulmojmë në atë që kërkojmë, të kemi një shenjë jete nga instancat më të larta, nëse nuk ka asnjë reagim, do vazhdojmë bojkotin. Kemi pedagogë në mbështetjen tonë. Janë pro nesh, pro kauzës, na kanë thënë që të vazhdojmë të ngrihemi, të ngremë zërin për vete”- është shprehur një nga studentet për mediat.
Nga ana tjetër ajo shprehet se "do të vazhdojë të mos shkojë në auditore dhe nuk do të lërë pas mësimet edhe pse do të jetë duke protestuar".
“Prindërit e mi, janë shumë suportiv dhe janë pro nesh, më kanë dërguar me mirëbesim, me shpresën se do ia dal. Nuk kanë mundësi për ta paguar familja ime tarifën, vij nga një familje e thjeshtë, është goxha e lartë, jemi të vendosur për të vazhduar në rrugën që kemi nisur. Ne mundohemi që të mësojmë vetë, vazhdojmë të lexojmë në shtëpi”, përfundoi studentja.
TIRANË-"Mjekësia bojkoton! Mjekësia bojkoton!"
Këto janë pjesë e studentëve të Fakultetit të Mjekësisë së tyre kanë vijuar edhe sot protestën e tyre, e cila është në javën e tretë. Ata kanë bojkotuar mësimin dhe kanë nisur protestën kundër kontratës për punë të detyruar në Shqipëri në përfundim të studimeve.
Studentët kanë nisur nga zona e spitaleve dhe kanë mbushur Rrugën e Dibrës drejt qendrës së Tiranës. Ata theksojnë se nuk pranojnë të firmosin kontratën për të qëndruar në Shqipëri dhe si të paguajnë tarifën-gjobë që ka përllogaritur qeveria në këtë rast si e studimit të tyre.
Studentët në këto momente janë duke u zhvilluar për tek Ministria dhe konkretisht janë takimet me Zv.ministren e Arsimit, që ka marrë me forcën e kontratës së punës për të kërkuar për ta./Dosja.al
