Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• I nxehti përvëlues i ka lënë vendin të ftohtit dhe stuhisë. Era e fortë ka bërë që pushuesit të largohen nga plazhet, ndërsa është shoqëruar me trafik në rrugët e qytetit të Vlorës. • I njëjti episod ka ndodhur në plazhet e Divjakës dhe Darëzezës në Fie. Era e fortë ka bërë që të largohen pushuesit edhe në këto zona. Çadrat dhe shezlonget jane mbyllur. Plazhet në Shëngjin e Velipojë janë boshatisur gjithashtu. • Deri më tani nuk raportohen dëme nga të mbjellat. Vetëm në Tiranë, janë rrëzuar pemët pranë zonës së Kopshtit Zoologjik. • Moti do të jetë me vranësira mesatare deri të dendura të pasuara nga reshje shiu dhe stuhi në të gjithë vendin me aktivitet kryesor në mesditë. Temperaturat do të luhaten në vlerat 16-20 gradë. Era do të jetë me drejtim veriperëndim me shpejtësi 15 -18 m/sek.
6 artikuj për këtë temë.
LEZHË- Stuhia ka përfshirë vendin, duke larguar edhe turistët nga plazhi. Siç duket edhe nga pamjet e mëposhtme, të siguruara nga Syri.net, plazhi i Shëngjinit është i gjithi bosh.
Turistët janë larguar nga bregu i detit, ndërsa të gjithë shezlongët janë mbyllur për të mos u marrë para nga era.
TIRANË- Shërbimi Meteorologjik Ushtarak ka bërë parashikimin e motit për ditën e sotme në vendin tonë. Pas shumë ditësh me temperatura të larta dhe “përvëluese”, fundjava do të jetë e mbushur me vranësira, reshje shiu si dhe erë intensive.
Nesër, ditën e shtunë, moti parashikohet me kthjellime si dhe alternime vranësirash mesatare dhe hera-herës deri të dendura. Në relievet malore mot kryesisht i vranët si dhe intervale të shkurtra me diell.
Përgjatë ultësirës perëndimore vranësirat do të shoqërohen me reshje shiu të herëpashershme me intensitet të ulët dhe lokale, ndërsa në relievet malore reshje shiu të herëpashershme me intensitet të ulët dhe mesatar në formën e shtrëngatave. Lokalisht dhe në periudha jo afatgjata reshjet në këto zona në formën e rrebesheve dhe stuhive shoqëruar me breshër dhe rrufe. Nga ana tjetër, era do të fryjë relativisht intensive me drejtim verilindje – veriperëndim dhe shpejtësi mesatare 1-8m/sek. Përgjatë vijës bregdetare dhe lugina era fiton shpejtesi dhe behet e fortë dhe tepër intensive dhe shpejtësi që arrinë deri në 15-20m/sek.
Ditën e dielë, moti parashikohet kryesisht i kthjellët por gjatë orëve të mesditës deri ato të pasdites vonë do të ketë edhe alternime vranësirash mesatare deri të dendura dhe kryesisht relievet kodrinore – malore. Por ndryshimi është që përgjatë vijës bregdetare dhe lugina era fiton shpejtesi dhe behet intensive dhe shpejtësi që arrinë deri në 10-16m/sek.
TIRANË- Moti ka ndryshuar "faqe" ditën e sotme. Temperaturat e larta, gati në 40 gradë celcius i kanë lënë vendin stuhisë dhe reshjeve të shiut. Edhe pse jo shumë i dendur, shiu ka detyruar qytetarët që të nxjerrin sërish çadrat.
LSA ka realizuar disa foto nëpër qytet, ky duket sesi qytetarët e kanë përjetuar këtë ndryshim drastik të motit dhe temperaturave gjatë ditës në kryeqytet. Bie në sy që edhe pse me shi, veshjet dhe garderoba nuk ka ndryshuar.
SARANDË- Erë dhe furtunë në Ksamil. Dosja.al ka siguruar pamje nga Ksamili, kur turistët janë duke u larguar me urgjencë nga plazhi.
Siç duket edhe nga pamjet e mësipërme, disa persona shihen duke marrë çadrat e tyre dhe duke ikur nga plazhi, teksa era merr gjithë çfarë ka para.
TIRANË- Erës së fortë që 'mbërtheu' kryeqytetin duket se nuk i kanë shpëtuar dot pemët e Kopshtit Zoologjik të cilat janë rrëzuar duke rrezikuar dhe jetën e njerëzve. Siç duket edhe nga pamjet e siguruara nga Dosja.al duken pemët e rrëzuara. Deri tani fatmirësisht nuk raportohet për dëmtime në njerëz.
Kopshti i ri Zoologjik u inagurua vetëm pak kohë më parë nga ana e kryebashkiakut Veliaj pasi iu nështrua një rikonstruksioni total.
VLORË- Reshjet e dendura të shiut të cilat nisen rreth orës 11:00 të mesditës së sotme kanë bërë që pushuesit që kishin zgjedhur plazhin e Vlorës të largohen. Ata u larguan me shpejtësi sapo reshjet e dendura ‘pushtuan’ qytetin bregdetar.
Pronarët e plazheve kanë mbyllur çadrat dhe shezlongët që ti sigurojnë nga era e fortë bregdetare e cila vijon prej disa orësh. Largimi i pushuesve dhe turistëve ka shkaktuar trafik në rrugët e qytetit të Vlorës sidomos në lungomare.
