Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryeministri Edi Rama ka zhvilluar ditën e sotme takim në Cërrik me disa nga ministrat dhe kryetarët e 7 bashkive të qarkut të Elbasanit. • Në këtë takim ishin të pranishëm edhe fermerë pasi në fokus të diskutimeve ishte bujqësia. • Rama u shpreh para nisjes së bashkëbisedimit me fermerët, se takimi i sotëm është organizuar për të dëgjuar më nga afër këndvështrimet e tyre. • Sipas tij linja e re e kredisë prej 250 milionë euro nga Banka e Shqipërisë rrezikon të ngelet e pashfrytëzuar. • Rama tha se e njëjta gjë po ndodh edhe me Paketën e Maleve që mund të mos shfrytëzohet. • Ai shtoi se shpreson që pas takimit të sotëm të rritet bashkëpunimi më fermerët, pasi sipas tij ka potenciale ende të pashfrytëzuara. • Rama në takim shprehu kritika edhe për kryebashkiakët e vendit. • Ai tha së disa prej tyre nuk e shohin fshatin si punën e tyre të përditshme. • Më tej shtoi se patjetër duhet marrë një kthesë tjetër në këtë drejtim. • Ai theksoi se pushteti vendor duhet të jetë pika e parë mbështetëse për fermerët që duan të zgjerojnë sipërmarrjen e tyre. • Në takimin me fermerët në Cërrik, Rama tha se buxheti nuk është përgjigja për sfidat dhe zhvillimin që synohet. • Ai u shpreh se bashkitë duhet të jenë të parat që të kontribuojnë në ndërtimin e një shoqërie të përbashkët, dhe theksoi se kjo nuk është çështje subvencionesh. • Sipas tij me subvencionet nuk ka zhvillim por vetëm mbijetesë. • Më tej kryeministri u shpreh se nëse krijohet shoqëria e përbashkët ku bashkia bëhet pjesë dhe qeveria gjithashtu përfshihet përmes garancisë sovrane, financimi do të jetë më i madh.
5 artikuj për këtë temë.
CËRRIK- Në takimin me fermerët në Cërrik, kryeministri Edi Rama tha se buxheti nuk është përgjigja për sfidat dhe zhvillimin që synohet.
Rama tha se bashkitë duhet të jenë të parat që të kontribuojnë në ndërtimin e një shoqërie të përbashkët, dhe theksoi se kjo nuk është çështje subvencionesh. Sipas tij me subvencionet nuk ka zhvillim vetëm mbijetesë.
Më tej kryeministi u shpreh se nëse krijohet shoqëria e përbashkët ku bashkia bëhet pjesë dhe qeveria gjithashtu përfshihet përmes garancisë sovrane, financimi do të jetë më i madh.
"U bënë shumë vite që përpiqemi të krijojmë një realitet kapitalist dhe kryefjala jonë, s’e kam fjalën për ju, për ne në radhë të parë, është buxheti. Mblidh taksa dhe jep buxhet dhe të gjithë turren te buxheti duam më shumë ndërkohë që nga ana tjetër duan më pak taksa. Ndërkohë që buxheti nuk është në asnjë mënyrë përgjigjja për sfidat që ne kemi dhe për zhvillimin që duam të bëjmë. 250 mln euro është linja e kredisë së BSH.
Bashkia të jetë e para të ulet të ndërtojë një projekt, të ndërtojë një shoqëri të përbashkët, të fusë fonde dhe të marrë kredinë përkatëse të garantuar nga shteti dhe nuk është çështje subvensionesh. Me subvencionet nuk shkojmë larg por thjesht mbijetojmë.
Në rast se krijojmë një shoqëri ku bashkia bëhet pjesë dhe kur qeveria bëhet pjesë përmes garancisë sovrane, financimi është më i madh sesa 10 vjet financim nga subvensionet. Në rastin konkret, ju duhet të bëheni promotorë të kësaj se i keni kapacitetet për të bërë një projekt dhe të uleni me bashkinë. Kjo është rruga, nëpër Evropë janë pjesëmarrëse aktive të zhvillimeve në biznesin e fshatit.
Buxhetit i shtetit për bujqësinë ka shumë më pak sesa ca keni ju të deklaruar dhe të padeklaruar. Ju jeni ata që mund t’i tërhiqni bashkitë në proces duke sjellë dijen tuaj, kështu që unë pres që shoqata juaj të vijë dhe të thotë se kemi bërë një projekt dhe ia kemi çuar bashkisë së Malësisë së Madhe, s’po marrim mbështetje, Shkodrës apo Laçit...dhe s’po marrim përgjigje. Këtu gjejmë ne mënyrën se si të ndërhyjmë dhe se si të mbështesim. Por ama gjëja duhet të fillojë nga projekti.”, tha Rama.
CËRRIK- Kryeministri Edi Rama në takimin e sotëm më fërmerët në Cërrik shprehu kritika edhe për kryebashkiakët e vendit. Ai tha së disa prej tyre nuk e shohin fshatin si punën e tyre të përditshme.
Më tëj shtoi se patjetër duhet marrë një kthesë tjetër në këtë drejtim. Ai theksoi se pushteti vendor duhet të jetë pika e parë mbështetëse për fermerët që duan të zgjerojnë sipërmarrjen e tyre.
"Që kur është bërë reforma administrative territoriale, në vend që të sillte rritje të vëmendjes dhe mundësive për fermerët në fshat, ka sjellë shkëputje. Kryebashkiakët e shohin fshatin si çështje të urbanizimit dhe infrastrukturës, por jo si pjesë të punës së tyre të përditshme. Duhet patjetër të garantojmë një kthesë në këtë drejtim. Nuk kemi asnjë ndërmarrje bujqësore të krijuar me bashkëpunimin e fermerëve dhe strtukturave të pushtetit vendor. Pushteti vendor duhet të jetë pika e parë mbështetëse për ata që duan të zgjerojnë sipërmarrje. Besoj që fryma e kësaj tryeze është e qartë. Mbetet të marrim maksimumin e secilit prej jush. Çfarë ndodh në territor dhe çfarë mungesash keni ju.", tha Rama.
CËRRIK- Kryeministri Edi Rama u shpreh sot në takimin me fermerët në Cërrik, se linja e re e kredisë prej 250 milionë euro nga Banka e Shqipërisë rrezikon të ngelet e pashfrytëzuar. Rama tha se e njëjta gjë po ndodh edhe me Paketën e Maleve që mund të mos shfrytëzohet.
Ai shtoi se shpreson që pas takimit të sotëm të rritet bashkëpunimi më fermerët, pasi sipas tij ka potenciale ende të pashfrytëzuara.
"Kemi vendosur në dispozicion të fermerëve dhe fshatit një linjë të re kredie nga Banka e Shqipërisë 250 mln euro, shumë kolosale për t’iu përgjigjur ambicieve dhe të mbështetur projektet në fshat. Shpresoj shumë që nga kjo bisedë e sotme të çelim një kapitull të ri bashkëpunimi. Nuk është vetëm linja e kredisë, por edhe Paketa e Maleve rrezikon të mbetet e pashfrytëzuar, nëse nuk ndërtojmë mekanizëm të ndërmjetëm. Kemi potenciale ende të pashfrytëzuara.
Kemi protagonist jo vetëm që kanë ndërtuar sipërmarrje por kanë edhe bagazh dijesh. Dhe kto dije janë pasuri që duhet ti ndajmë së bashku. Por kjo nuk mund të ndodhë pa ardhur në këtu. Kemi nevojë të rrisim impaktin e institucioneve që në letër dhe misionin e tyre kanë mbështetjen e bujqësisë por në realitet kanë dobësira të mëdha. Nuk na bën punë nëse nuk i thoni gjërat troc sic janë. Baza e këtij takimi duhet të jetë të qënurit i hapur me arsyen pse jemi mbledh, pa asnjë dorashkë.", tha Rama.
CËRRIK -Kryeministri Edi Rama ndodhet ditën e sotme në Cërrik ku po zhvillon një takim më fermerët e qarkut të Elbasanit, ku në fokus të diskutimeve është sektori i bujqësisë. Rama u shpreh para nisjes së bashkëbisedimit me fermerët, se takimi i sotëm është organizuar për të dëgjuar më nga afër këndvështrimet e tyre.
Ai tha më tej se që pas reformës administrative territoriale, në vend që të rritej vëmendja për fshatin, ka pasur një shkëputje të tij me strukturat vendore. Rama u shpreh se drejtuesit vendorë nuk e shohin fshatin si pjesë të punës së tyre të përditshmë, ndërsa shtoi se kjo duhet të ndërrojë.
"Arsyeja pse jemi mbledhur këtu sot ka të bëjë me nevojën tonë për të dëgjuar nga më afër dhe në mënyrë më të strukturuar këndvështrimet tuaja sipas fushave të ndryshme të aktivitetit në këtë territorin, hapësirën e madhe të zhvillimit rural, ku gjatë gjithë periudhës së fundit të kontakteve intensive me njerëzit në fshat, për shkak të procesit elektoral kemi krijuar ndjesinë që jemi në nevojën për t’u afruar më shumë dhe për të dëgjuar më shumë nga jeta e përditshme reale e njerëzve që jetojnë dhe punojnë dhe zhvillojnë aktivitetin e tyre të sipërmarrjes në fshat.
Në mënyrë sporadike kemi mundur të informohemi për gjëra që në pamjen e parë janë të thjeshta, por janë jashtë rrezes së vëmendjes dhe të leximi nga ana e qeverisë dhe strukturave tona vendimmarrëse dhe shkaktojnë konsum të madh energjie dhe patjetër edhe konsum të pafrytshëm të kohës suaj që është edhe koha e vendit.
Nuk dua të hyj në detaje, por dua të them që arsyeja pse e kemi ndërtuar këtë tryezë diskutimi është sepse duam që diskutimi të shtrihet në cdo detaj edhe që opinioni juaj të shtjellohet plotësisht. Kjo me sa kuptoj unë ka munguar dhe na mungon. Pas këtij diskutimi do mundohemi të gjejmë rrugët që ky kontakt të jetë më i frytshëm dhe më garantues për dëgjimin e zërit tuaj. Ne kemi bërë një përzgjedhje bazuar tek profilet e ndryshme të sipërmarrjes në fshat.
Kemi marrë opinionet e drejtuesve tanë të qarqeve. Kemi ftuar dhe drejtues të pushtetit vendor. Pasi që kur është bërë reforma administrative territoriale, në vend që të sillte rritje të vëmendjes dhe mundësive për fermerët në fshat, ka sjellë shkëputje.", tha Rama.
TIRANË- Kryeministri Edi Rama do të zhvillojë sot dhe nesër takim në Cërrik me ministrat dhe jo vetëm, ku në fokus të diskutimeve do të jetë bujqësia.
Ministrat që do të marrin pjesë në takimin dy ditor janë ministrja e Bujqësisë, Anila Denaj dhe ministri i Financave, Petrit Malaj. Gjithashtu të pranishëm do të jenë edhe blegtorë. Në takim raportohet se do të marrin pjesë edhe kryetarët e 7 bashkive të qarkut të Elbasanit.
Diskutimi mbi sektorin e bujqësisë do të përfshijë çështje të ndryshme, duke nisur nga mbështetje financiare që merr nga buxheti i shtetit, mundësitë për të rritur financimin, skemat kombëtare dhe si mund të rishikohen për të qenë sa më mbështetëse e deri tek masat e marra për IPARD, që të riaktivizohen fondet.
