Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Avokatja Entela Dvorani është kërcënuar me jetë. •Ajo ka treguar se personi që e ka kërcënuar është 74-vjeçari Nikollaq Çango, i cili tashmë është vënë nën hetim nga policia e Korçës• I moshuari e ka kërcënuar Dvoranin me armë sportive (pistoletë pneumatike) brenda zyrës së kësaj të fundit. • Avokatja ka bërë kallzim në polici për 74 vjeçarin i cili edhe e mori peng brenda zyrës së saj. • Dvorani e cila u mor peng brenda zyrës së saj për 5 orë nga një 74 vjeçar, u shpreh për mediat se i gjithë konflikti kishte ardhur pasi klienti i saj i kishte kërkuar të bënte një kërkesë jo ligjore drejt Gjykatës së Lartë ku po shqyrtohej dosja e tij. •Në momentin që ai ka mbërritur në zyrën e Dvoranit, filloi t’i kërkonte llogari mbi ecurinë e një procesi gjyqësor për të cilin perfaqësuese kishte zgjedhur këtë avokate. •Çështja me karakter civil ka 5 vite në gjykatën e Lartë që pret gjykimin për shkak të rradhes së dosjeve dhe kjo ka krijuar indinjatën tek i moshuari i cili ka reaguar në mënyrë të dhunshme duke i privuar lirinë avokates Dvorani brenda zyrës së saj.•Policia sekuestroi armën e të moshuarit.
3 artikuj për këtë temë.
KORÇË- Ky është Nikollaq Çango, i moshuari që mori peng avokaten Entela Dvorani dhe i drejtoi armën. Avokatja denoncoi se i moshuari i kishte shkuar në zyrë me armë. Pasi e kërcënoi duke i drejtuar armën (pistoletë pneumatike) nuk e lejoi që të dalë nga zyra e saj.
Shkak i debatit është bërë fakti që qytetari i ka kërkuar llogari mbi ecurinë e procesit gjyqësor për një dosje në Gjykatën e Lartë që kishte disa vite stok në pritje të gjykimit. Avokatja Entela Dvorani rrëfeu se si i moshuari i kishte shkuar në zyrë, duke e kërcënuar me jetë.
Policia ka vënë në hetim 74-vjeçarin/Dosja.al
KORÇË- Avokatja, Entela Dvorani e cila u mor peng brenda zyrës së saj për 5 orë nga një 74 vjeçar, u shpreh për mediat se i gjithë konflikti kishte ardhur pasi klienti i saj i kishte kërkuar të bënte një kërkesë jo ligjore drejt Gjykatës së Lartë ku po shqyrtohej dosja e tij. Ajo tregon se Nikollaq Çango e kishte kërcënuar me jetë me arsyetimin se kjo e fundit nuk po i përmbushte kërkesat e tij.
Entela Dvorani: Ai kërkoi nga unë dje t’i bëja një kërkesë siç do ai diçka jo ligjore. Gjë që nuk mund ta bëja, se një avokat nuk e bën. Ai e kishte bërë vetë dhe e kishte dërguar tek gjykatësi i cili me të drejtë ma ktheu mua. Ndërkohë zotëria erdhi dje dhe më thoshte shkruaje si të them unë me armë në dorë. Më goditi në gjoks. Më thoshte unë do të vras, ti je kokfortë, ty nuk të mbushet mendja të bësh atë që të them unë. Por unë nuk mund të bëj një kërkesë jo ligjore. Ka qenë vetëm një vit klienti im, nga 2014 deri në 2015 më pas në 2016 çështja kaloi në Gjykatën e Lartë
Ndërkohë prona e tij është e uzurpuar, e kanë zënë njerëz të tjerë. Ai ka të drejtën e pronësisë. Koha e gjatë e pritjes në gjykatën e Lartë solli atë revansh nga ai. Ai ka ardhur edhe herë të tjera dhe ka pyetur cili gjykatës e ka në dorë. Pas pandemisë është rënduar, bëri edhe një operacion në zemër. Mua për atë klient më vjen keq edhe për atë stres që ka kaluar më vjen shumë keq.
KORÇË- Kërcënohet me armë avokatja në Korçë. Forcat blu bëjnë të ditur se personi me inicialet N.Ç, u fut brenda zyrës së avokates së tij, e cila e ka përfaqësuar më parë në disa procese gjyqësore për çështje pronëse. Ky person, i pajisur me armë sportive që sipas policisë ishte pistoletë pneumatike, mbajti peng avokaten dhe e kërcënoi.
Policia ka nisur procedim në gjendje të lirë për autorin.
NJOFTIMI I POLICISË:
Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin N. Ç., banues në Korçë, pasi dyshohet se ka kanosur me një armë sportive (pistoletë pneumatike) dhe i ka hequr lirinë në zyrën e saj, një avokateje, të cilën ky shtetas e kishte përfaqësuesen e tij ligjore në disa procese gjyqësore të zhvilluara për çështje pronësie.
