TRAGJEDI në Maliq! Banesa përfshihet nga flakët, humb jetën nëna dhe i biri, vajza e mitur në luftë me jetën në QSUT. Familja jetonte në kushte të vështira, fëmijët me spektrin e autizmit

Foto ilustruese

KORÇË- Detaje të reja tronditëse kanë dalë në dritë nga Shefi i Shërbimit Zjarrfikës të Maliqit, Sadik Halili, lidhur me ngjarjen e rëndë të ndodhur mëngjesin e së dielës, ku humbën jetën Merjeme Azizllari dhe djali i saj 14-vjeçar, Luka Azizllari, ndërsa vajza e mitur 6-vjeçare ndodhet në gjendje kritike në QSUT.

Në një intervistë për emisionin “Review” në Euronews Albania, Halili tha se dy fëmijët janë gjetur në oborrin e banesës, ndërsa nëna e tyre është gjetur e shtrirë pranë derës së kuzhinës. Sipas tij, shenja djegieje janë konstatuar vetëm te vajza 6-vjeçare, ndërsa nëna dhe djali dyshohet të kenë ndërruar jetë si pasojë e asfiksisë nga tymi.

Zjarrfikësit kanë mbërritur në vendngjarje rreth orës 07:00 të mëngjesit, pas njoftimit për zjarr në një banesë pranë qendrës së qytetit të Maliqit.

“I kemi gjetur pa shenja jete djalin 14-vjeçar dhe zonjën e shtëpisë, te asfiksuar nga tymi. Djegiet u konstatuan te fëmija i dytë, kishte djegie në fytyre e në pjesë të ndryshme të trupit. Të dy fëmijët i kemi gjetur në oborrin e banesës, nënën e tyre e kemi gjetur në derën e kuzhinës të asfiksuar nga tymi. Nuk kishte djegie, vdekja erdhi nga asfiksia nga tymi.

Me marrjen e njoftimit ne kemi mbërritur për 2 minuta. Distanca ishte e shkurtër, duke parë djegiet kur kemi arritur në nuk kishte zjarr kishte mbaruar. Ne kemi bërë evakuimin e fëmijës, të nënës së tyre dhe i përgatitem për spital”, tha ai./ Dosja.al

Foto ilustruese

TIRANA- Në orët e mbrëmjes së të dielës, në Qendrën Spitalore Universitare “Nënë Tereza” ka mbërritur 6-vjeçarja Nefeli Hazisllari, e cila mbeti rëndë e plagosur nga zjarri tragjik në Maliq, ku humbën jetën nëna dhe vëllai i saj. Mësohet se e mitura është pritur në urgjencën e Shërbimit të Djegie-Plastikës, ku ekipi mjekësor ka qenë në komunikim të vazhdueshëm me mjekët që e shoqëronin gjatë rrugës nga Korça në Tiranë.

Pak minuta pas mbërritjes së vajzës në QSUT, në spital ka mbërritur edhe Ministrja e Shëndetësisë, Evis Sala e shoqëruar nga drejtoresha e QSUT-së, Anxhela Paparizo. Ato po ndjekin nga afër situatën, në komunikim të vazhdueshëm me ekipin e përbashkët mjekësor.

Sipas njoftimit zyrtar, e mitura ndodhet në gjendje kritike për jetën, për shkak të djegieve të shumta në trup. Ajo po trajtohet në Shërbimin e Terapisë Intensive të Pediatrisë në QSUT, nën kujdesin e një ekipi të specializuar mjekësh.

NJOFTIMI:

Në orët e mbrëmjes, në Qendrën Spitalore Universitare “Nënë Tereza” ka mbërritur për trajtim mjekësor 6-vjeçarja, N.A, e lënduar nga ngjarja e rëndë sot në Maliq, ku pasi djegies së banesës mbeti e lënduar, ndërsa nëna dhe vëllai i saj humbën jetën. Ministria e Shëndetësisë bën me dije se vogëlushja u prit në urgjencën e Shërbimit të Djegie-Plastikës nga ekipi mjekësor, i cili ishte në komunikim të vazhdueshëm me mjekët, që e shoqëronin gjatë transportit nga Korça drejt Tiranës.

Pas vlerësimit të gjendjes shëndetësore, e mitura, aktualisht në gjendje kritike për jetën, u hospitalizua menjëherë në Shërbimin e Terapisë Intensive të Pediatrisë në QSUT, ku po trajtohet nga mjekët pediatër, reanimatorë dhe specialistët e djegie-plastikës, sipas të gjitha protokolleve mjekësore në fuqi./ Dosja.al

Momenti kur e mitura mbërriti në QSUT

TIRANA- Një ngjarje e rëndë ka tronditur sot qytetin e Maliqit, ku një zjarr i përmasave të mëdha ka përfshirë banesën e familjes Hazisllari, duke shkaktuar dy viktima dhe një fëmijë në gjendje kritike. Të ndjerët janë Luka Hazisllari, 14 vjeç, dhe nëna e tij, Mejreme Hazisllari, të cilët humbën jetën nga asfiksia dhe plagët e marra në përpjekje për t’u shpëtuar flakëve. Ndërkohë, vajza 6-vjeçare e familjes, Nefeli Hazisllari, ndodhet në gjendje të rëndë dhe është transportuar me urgjencë në Qendrën Spitalore Universitare në Tiranë.

Burime për mediat nga spitali bëjnë me dije se e mitura, e diagnostikuar me autizëm, ka pësuar djegie të rënda në gjymtyrë dhe ndodhet në reanimacion, e intubuar, dhe se ekziston rreziku i amputimit të duarve dhe këmbëve, për shkak të dëmtimeve ekstreme që ka pësuar trupi i saj. Të dy fëmijët ishin të diagnostikuar me sindromën e autizmit, ndërsa familja Hazisllari jetonte në kushte të vështira ekonomike./ Dosja.al

Foto ilustruese

TIRANA- Vajza 6-vjeçare, e cila mbijetoi nga zjarri tragjik që përfshiu banesën e saj në Maliq, ka mbërritur në Qendrën Spitalore Universitare “Nënë Tereza” në Tiranë për trajtim të specializuar. E mitura ndodhet në gjendje të rëndë shëndetësore, për shkak të djegieve të shumta që ka marrë në trup, dhe është dërguar tek Pediatria në intubim.

Fëmija u gjet jashtë banesës në momentin e mbërritjes së ekipeve të emergjencës, në gjendje të vetëdijshme, ndërsa vëllai i saj, Luka Azisllari, 14 vjeç, ishte në gjendje kome dhe ndërroi jetë pak më vonë në Spitalin e Korçës. Ndërkohë, nëna e tyre, Merjeme Azisllari, 40 vjeçe, u gjet pa shenja jete në banesë, si pasojë e asfiksisë nga tymi i dendur./ Dosja.al

Fqinja e viktimës

KORÇË- Një ngjarje e rëndë ka tronditur qytetin e Maliqit këtë të diel, ku si pasojë e një zjarri në një banesë humbën jetën Merjeme Azizllari dhe djali i saj 14-vjeçar, ndërsa vajza 6-vjeçare ndodhet në gjendje të rëndë në spital. Zjarri ra në mesditë në banesën e familjes Azizllari, e cila, sipas fqinjëve, përballej me kushte të vështira ekonomike. Fqinja Verxhie Gjata tregon se situata e tyre ishte mjaft e rënduar dhe se jetonin në varfëri të thellë.

Në një prnoncim për mediat, Gjata tha se fëmijët ishin të sëmurë ndërsa i ati i tyre punonte që nga mëngjesi deri në darkë. 

“E ndihmoni të sëmurën tjetër. Ata ishin shumë keq. Ai burri që me natë në punë, por me dy fëmijë. Nuk merrnin kemp. Sa keq më erdhi. Ajo gruaja ishte nga Skrapari. Ajo rrinte tërë kohës me fëmijët, se nuk ishin mirë, ishin të sëmurë. Ai i shoqi ikte që në mëngjes në punë, Gjynaf. Djali nuk dilte kurre jashte”, tha gruaja./ Dosja.al

Foto ilustruese

KORÇË- Kryetari i Bashkisë së Maliqit ka reaguar zyrtarisht pas ngjarjes së rëndë që tronditi qytetin këtë të diel, ku si pasojë e një zjarri në një banesë humbën jetën Merjeme Azizllari dhe djali i saj 14-vjeçar, Luka Azizllari, ndërsa vajza 6-vjeçare ndodhet në gjendje kritike për jetën. Përmes një njoftimi në rrjetet sociale, kreu i bashkisë e cilësoi ngjarjen si “të rëndë”, duke shprehur ngushëllimet më të thella për familjarët e viktimave.

Ngjarja e rëndë ndodhi rreth orës 13:30 të së dielës, kur banesa e familjes Azizllari u përfshi nga flakët. Dyshohet se zjarri ka rënë për shkak të një sobe me dru, ndërsa autoritetet janë duke hetuar shkaqet e sakta të incidentit.

Postimi i plotë:

Ngjarje e rëndë në Maliq
Një ngjarje e trishtë ka prekur sot qytetin tonë.
Një nënë dhe djali i saj kanë humbur jetën tragjikisht si pasojë e asfiksisë nga tymi në ambientet e baneses të tyre, ndërsa vajza e vogël 6-vjeçare ndodhet në gjendje të rëndë në spital.
Në këto momente dhimbjeje të thellë, Bashkia e Maliqit i shpreh ngushëllimet më të sinqerta familjarëve dhe qëndron pranë tyre në këtë situatë kaq të rëndë.
Ngjarje të tilla na kujtojnë sa e brishtë është jeta dhe sa e rëndësishme është të jemi pranë njëri-tjetrit në ditë të vështira.
Ngushëllime të ndjera!

Foto nga vendngjarja

TIRANA- Vajza 6-vjeçare, e lënduar rëndë nga zjarri që përfshiu banesën e saj në Maliq, është transportuar drejt Tiranës për trajtim të specializuar mjekësor. Burime nga Spitali Rajonal i Korçës bëjnë me dije se e mitura ndodhet në gjendje kritike për jetën, për shkak të djegieve të shumta në trup.

Sipas informacioneve, e mitura është gjetur jashtë banesës, në gjendje të vetëdijshme, por me dëmtime të rënda. Vëllai i saj, 14-vjeçari Luka Azisllari, u gjet në gjendje kome dhe ndërroi jetë pak orë më vonë në spitalin e Korçës, si pasojë e asfiksisë dhe djegieve.

Ngjarja e rëndë ndodhi mesditën e së dielës në bllokun nr. 3 të qytetit të Maliqit, ku një zjarr përfshiu banesën ku ndodheshin nëna Merjeme Azizllari dhe dy fëmijët e saj. 40-vjeçarja u gjet pa shenja jete në derën e kuzhinës, pasi kishte tentuar të shpëtonte fëmijët nga flakët.

Shkaqet e zjarrit janë ende nën hetim, por dyshohet se mund të ketë nisur nga një sobë me dru që familja përdorte për ngrohje. Familja Azisllari, sipas dëshmive të fqinjëve, përballej me kushte të vështira ekonomike dhe fëmijët vuajnë nga probleme shëndetësore./ Dosja.al

Fqinja në Maliq

KORÇË- Një ngjarje e rëndë ka tronditur mbarë vendin këtë të dielë, ku një banesë në Maliq u përfshi nga tymi pas një zjarri të papritur, duke i marrë jetën një nëne dhe djalit të saj adoleshent. Viktimat janë 40-vjeçarja Merjeme Azizllari dhe djali i saj 14-vjeç, Luka Azizllari, ndërsa vajza 6-vjeçare ndodhet në gjendje të rëndë në spital.

Fqinja e familjes, Benereta Pashollari, në një prononcim për mediat, rrëfen momentet tragjike dhe jep detaje tronditëse mbi ngjarjen. Sipas saj, sfungjeri i një dysheku në banesë mori flakë, duke përhapur tym të dendur në të gjithë shtëpinë. Për shkak të mungesës së oksigjenit, nëna dhe djali nuk arritën të dilnin në kohë dhe humbën jetën si pasojë e asfiksisë.

Pashollari tregon gjithashtu se familja Azisllari përballej me kushte të vështira ekonomike. Kryefamiljari punonte për të siguruar të ardhurat minimale, ndërsa nëna kujdesej për fëmijët, të cilët, përballeshin edhe me vështirësi të veçanta shëndetësore.

“Familje punëtorë, ishin me ekonomi të dobët. Babai i fëmijëve punonte, ajo mbante dy fëmijët, i ushqente me aq sa kishte mundësi. Bashkia i ndihmonte çdo muaj plus që merrnin dhe ushqime dhe ndihmë ekonomike. Vajza ishte më e vogël se djali, djali në këmbë, vajza nuk lëvizte dhe aq. Nëna nuk kujdesej shumë për fëmijët. Ne të lagjes i flisnim, i thoshim ‘laji, shpëlaji’. E ndihmonim, çdo gjë i çonim. Si binte në qafë askujt. Të dy fëmijët ishin me spektrin autik.

Unë për momentin nuk isha por aty ajo ka një krevat sfungjeri dhe ata fëmijët trazonin zjarrin. Ka rënë zjarri aty, kishte djegur sfungjerit dhe dihet që bëri shumë tym, pa flakë. Vajza është hedhur nga dritarja, kurse ata të dy nuk mundën të dilnin. Vajzën e shpëtoi një zonjë kurse djali mbaroi me të ëmën. Doli kjo zonja rastësisht se e mora në telefon për të marrë diçka. Në atë kohë dëgjoi të thirrurat dhe vajza i binte derës. I binte me shkelma. Dëgjoi fqinja, doli dhe fqinja tjetër dhe pastaj arritën atje ku kanë arritur," tha Pashollari./ Dosja.al

Foto nga vendngjarja

KORÇË- Një ngjarje e rëndë ka tronditur qytetin e Maliqit mesditën e së dielës, ku një nënë dhe djali i saj 14-vjeçar humbën jetën si pasojë e një zjarri që përfshiu banesën e tyre. Ndërkohë, vajza e vogël e familjes, vetëm 6 vjeçe, ndodhet në gjendje kritike në Spitalin Rajonal të Korçës.

Sipas burimeve për mediat, zjarri dyshohet se ka rënë si pasojë e një sobe me dru që familja përdorte për ngrohje. Flakët kanë shpërthyer rreth orës 13:30 në banesën ku ndodheshin 40-vjeçarja Merjeme Azizllari dhe dy fëmijët e saj.

Për shkak të tymit të dendur dhe flakëve, nëna dhe djali 14-vjeçar, Luka Azizllari, humbën jetën nga asfiksia. Ndërkohë, 6-vjeçarja u dërgua me urgjencë në spital, ku ndodhet nën kujdesin intensiv të mjekëve./ Dosja.al

Fqinji

KORÇË- Një ngjarje e rëndë është regjistruar mesditën e së dielës në qytetin e Maliqit, ku një banesë është përfshirë nga flakët, ndërsa brenda saj ndodheshin një nënë dhe dy fëmijët e saj të mitur. Të tre u nxorën nga banesa dhe u transportuan me urgjencë në spital, por fatkeqësisht 40-vjeçarja Merjeme Azizllari dhe djali i saj 14-vjeçar, Luka Azizllari, nuk mundën t’u mbijetonin plagëve të shkaktuara nga asfiksia dhe ndërruan jetë, ndërsa vajza e mitur 6-vjeçare ende lufton me jetën në spital.

Një komshi i familjes Azizllari ka dhënë detaje tronditëse mbi ngjarjen e rëndë, sipas dëshmisë së fqinjit, fëmijët ishin me spektrin e autizmit dhe familja përballej prej kohësh me kushte të vështira ekonomike. 

"Fëmijët me autizëm, nëna ishte mirë. Nëna nuk punonte, vetëm i ati punonte në familje. Ishin në kushte të vështira ekonomike. Nuk di se si ka ndodhur ngjarja. Tani më thanë një familjar. Erdha të pyes se sa pashë zjarrfikësen”, u shpreh fqinji./ Dosja.al

Foto nga vendngjarja

KORÇË- Një ngjarje tragjike ka ndodhur mesditën e kësaj të diele në Maliq të Korçës, ku një nënë dhe djali i saj 14-vjeçar kanë humbur jetën si pasojë e një zjarri që përfshiu banesën e tyre. Ngjarja e rëndë u shënua rreth orës 13:30, në bllokun nr. 3 të qytetit. Mes viktimave janë Merjeme Azisllari dhe Luka Azisllari. Kurse vajza Nefeli Azisllari është në gjendje të rëndë shëndetësore.

Fillimisht u raportua se në banesë ndodheshin tre persona, nëna Merjeme Azizllari dhe dy fëmijët e saj të mitur, të cilët u nxorën në gjendje të rënduar për shkak të asfiksisë dhe djegieve. Fatkeqësisht, 37-vjeçarja ndërroi jetë brenda në banesë si pasojë e asfiksisë, ndërsa djali i saj humbi jetën më vonë në spital për shkak të plagëve të marra. Fëmija tjetër, vajza 6 vjeçare, ndodhet aktualisht në gjendje kritike në spital dhe po merr trajtim mjekësor intensiv./ Dosja.al

KORÇË- I mituri 14-vjeçar ka ndërruar jetë si pasojë e asfiksisë. Pas nënës, e cila humbi jetën pak minuta më parë, ka ndërruar jetë edhe i mitur. Ndërsa fëmija tjetër ndodhet në gjendje të rëndë shëndetësore.

Maliq / Informacion shtesë

Në vijim të informacionit të dhënë më parë, lidhur me zjarrin e rënë në banesën e shtetasit V. A., në bllokun nr. 3, Maliq, ju informojmë se: Si pasojë e asfiksisë, ka ndërruar jetë dhe 14-vjeçari, ndërsa 6-vjeçari ndodhet në gjendje të rëndë shëndetësore nën kujdesin e mjekëve. Grupi hetimor, nën drejtimin e Prokurorisë, vijon punën për përcaktimin e shkakut të rënies së zjarrit./Dosja.al

Foto ilustruse

KORÇË- Dy fëmijët e mitur, banesa e të cilëve u përfshi nga flakët ndodhen në gjendje të rënduar shëndetësore. Fëmijët iu përkasin moshave 16-vjeç dhe 14-vjeç. Ato janë transportuar menjëherë drejt spitalit, por raportohet se gjendja e tyre është përkeqësuar. Ata kanë marrë djegie të shumta në trup. Nënë e tyre ndërroi jete pak miuta më parë nga asfiksia. Policia ndodhet në vendngjarje, për të hetuar më shumë mbu ngjarjen e rëndë. 

Informacioni paraprak:

Rreth orës 13:30, në bllokun nr. 3, Maliq, ka rënë zjarr në banesën e shtetasit V. A. Si pasojë janë dëmtuar dhe janë dërguar menjëherë për ndihmë shëndetësore në spital shtetasja M. A. dhe dy fëmijët e saj të mitur, 14 dhe 6 vjeç.

Dyshohet se si pasojë e asfiksisë shtetasja M. A., ka ndërruar jetë në spital. Shërbimet e Policisë dhe ato zjarrfikëse bënë të mundur shuarjen e zjarrit. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit dhe dokumentimin ligjor të rastit./Dosja.al

Foto ilustruse

KORÇË- Një ngjarje e rëndë ka ndodhur në Mailq të Korçës. Një banesë është përshirë nga flakët, ku si pasojë ka humbur jetën nga asfiksia një person. Dy fëmijët e mitur të cilët ndodheshin në banesë janë dërguar menjëherë drejt spitali, për të marrë ndihmën e specializuar mjeksore.

Forcat zjarrfikëse kanë mbërritur menjëherë në vendngjarje dhe ka bërë të mundur shuarjen e zjarrit. Policia ndodhet gjithashtu në vendngjarje, ku po punon për të përcaktuar shkaqet e rënies së zjarrit.

Maliq / Informacion paraprak

Rreth orës 13:30, në bllokun nr. 3, Maliq, ka rënë zjarr në banesën e shtetasit V. A.

Si pasojë janë dëmtuar dhe janë dërguar menjëherë për ndihmë shëndetësore në spital shtetasja M. A. dhe dy fëmijët e saj të mitur, 14 dhe 6 vjeç.

Dyshohet se si pasojë e asfiksisë shtetasja M. A., ka ndërruar jetë në banesë.

Shërbimet e Policisë dhe ato zjarrfikëse bënë të mundur shuarjen e zjarrit.

Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit dhe dokumentimin ligjor të rastit./Dosja.al