"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Një tragjedi ka ndodhur në Novi Sad te Serbisë, ku çatia e stacionit hekurudhor të qytetit është shembur, duke zënë poshtë dhjetëra njerëz. • Deri më tani janë nxjerrë 13 trupa të pajetë nga rrënojat, ndërsa mbi 30 persona janë të lënduar. • Mes viktimave, është dhe një fëmijë i moshës 6 vjeç. • Ministri i Brendshëm i Serbisë, Ivica Daçiç tha se operacioni i shpëtimit për personat e tjerë të mbetur nën rrënoja do të vijojë. • Ai u shpreh se tre persona të tjerë janë shpëtuar dhe janë në spital. • Daçiç tha se puna për ekipet e kërkim-shpëtimit është e vështirë. • Ministri serb theksoi se ende nuk ka listë përfundimtare identifikimi për personat e zënë poshtë apo viktimat . • Më shumë se 80 ekipe shpëtimi nga disa qytete po marrin pjesë në operacionin e shpëtimit me ndihmën e makinerive të rënda, të cilat u morën nga Ministria e Brendshme, por edhe nga ndërmarrjet komunale të qytetit dhe disa kompani private. • Gjithashtu janë publikuar edhe pamjet kur çatia e stacionit hekurudhor ka rënë duke zënë poshtë njerëzit. • Mediat vendase shkruajnë se shtatë automjete të emergjencës ndodhen në vendngjarje, ndërsa ekipet e zjarrfikësve po përpiqen të arrijnë njerëzit nën rrënoja. • Po ashtu autoritetet serbe kanë nisur hetimet e para për shkaqet e ngjarjes tragjike, gjersa raportohet se një pjesë të stacionit e ka rinovuar një kompani kineze.
3 artikuj për këtë temë.
SERBI- Kamerat e sigurisë kanë regjistruar momentin ku një tendë e stacionit hekurudhor në Novi Sad te Serbisë është shembur, duke zënë poshtë dhjetëra njerëz. Siç u raportua deri më tani janë nxjerrë 13 trupa të pajetë nga rrënojat, e mbi 30 persona janë të lënduar.
Mediat vendase shkruajnë se shtatë automjete të emergjencës ndodhen në vendngjarje, ndërsa ekipet e zjarrfikësve po përpiqen të arrijnë njerëzit nën rrënoja. Edhe pse vetë stacioni u rinovua së fundmi, struktura e betonit e ndërtuar në vitin 1964 u shemb pak para orës 12:00. Po ashtu autoritetet serbe kanë nisur hetimet e para gjersa raportohet se një pjesë të stacionit e ka rinovuar një kompani kineze.
View this post on Instagram
SEBI- Një ngjarje e rëndë ka ndodhur në Novi Sad te Serbisë, ku një tendë e stacionit hekurudhor të qytetit është shembur, duke zënë poshtë dhjetëra njerëz. Siç raportohet deri më tani janë nxjerrë 13 trupa të pajetë nga rrënojat, e mbi 30 persona janë të lënduar. Gjithashtu mes viktimave, është dhe një fëmijë 6-vjeçar.
Ministri i Brendshëm i Serbisë, Ivica Daçiç duke folur për mediat u shpreh se bilanci i viktimave është 13 persona dhe se operacioni i shpëtimit për personat e tjerë të mbetur nën rrënoja do të vijojë. Daçiç tha se trupi i 13-të është nxjerrë nga aksidenti i ndodhur në Novi Sad dhe shtoi se nuk presin që të gjenden viktima të tjera.
Sipas tij, ata nuk kanë dhënë shenja jete, ndërsa ashpërsia e plagëve të marra nuk ka lejuar askënd që të ndihmohet. Ai shtoi se tre persona janë shpëtuar dhe janë në spital. Ndër të tjera u shpëtuan edhe dy femra që ndodheshin nën rrënoja dhe me të cilat kishte kontakte. Daçiç tha se puna për shpëtimtarët është e vështirë. Më tej ai falënderoi stafin mjekësor dhe të gjitha shërbimet e qytetit për përpjekjet e tyre.
“Kur patëm tetë viktima, e dinim se kishte edhe pesë persona të tjerë nën rrënoja, për të cilët nuk mundëm të vërtetonim nëse ishin gjallë apo të vdekur. Vdekja ka ndodhur në vend. Operacioni i shpëtimit ka vazhduar gjatë gjithë pasdites dhe ai operacion ka nisur me një numër të papërcaktuar njerëzish që mund të ishin nën tendë. Që në fillim dyshohej se ky numër ishte i konsiderueshëm dhe që, duke marrë parasysh peshën e tendës dhe strukturën, se numri i të vdekurve ndoshta do të jetë më i madh se numri i të plagosurve. Këtu janë të pranishëm rreth 80 shpëtimtarë tanë nga Departamenti i Situatave Emergjente, por ka edhe mekanizim, jo vetëm nga ministria jonë, por edhe nga kompanitë publike dhe private, pa atë mekanizim nuk do të mund ta ngrinim këtë ndërtim." tha Daçiç.
Daçiç më herët tha se kishte parë komandantin e njësisë së shpëtimit duke qarë kur mësoi se një fëmijë gjashtë vjeçar kishte vdekur nën tendë. Ai theksoi se ende nuk ka listë përfundimtare dhe listë identifikimi.
SERBI- Një ngjarje e rëndë ka ndodhur në Novi Sad të Serbisë, ku 8 persona janë nxjerrë të vdekur nga rrënojat pas shembjes së çatisë në një stacion hekurudhor. Ministri i Brendshëm serb, Ivica Daçiç tha se dy persona janë shpëtuar, por njëri prej tyre ndodhet në gjendje të rëndë dhe i është prerë këmba.
“Tetë trupa janë nxjerrë nga nën rrënoja, dy persona në spital kanë shpëtuar, me faktin se njërit gjendja është mjaft e rëndë, i është prerë këmba, dy janë nën rrënoja, kemi kontakt me dy persona” tha ai dhe shtoi se nën rrënoja është dhe një vajzë 14-vjeçare.
Më shumë se 80 ekipe shpëtimi nga disa qytete po marrin pjesë në operacionin e shpëtimit me ndihmën e makinerive të rënda, të cilat u morën nga Ministria e Brendshme, por edhe nga ndërmarrjet komunale të qytetit dhe disa kompani private.
"Është një aksion jashtëzakonisht i vështirë që sigurisht do të zgjasë edhe disa orë. Ne do të monitorojmë situatën dhe ju do të informoheni," u tha Daçiç gazetarëve në vend dhe falënderoi të gjithë në Novi Sad për ndihmën e tyre.
Sipas tij, pas operacionit të shpëtimit do të bëhet një hetim për të përcaktuar se kush është përgjegjës. Novi Sadi është qyteti i dytë më i madh në Serbi, pas Beogradit, i cili është kryeqyteti. Deri më tani janë 30 të plagosur, ndërsa dy persona janë në spital në gjendje kritike për jetën.
