Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Tragjedi në Berat! • Aksident tek "Ura", nënë e bir kanë humbur jetën pasi makina me të cilën po udhëtonin ka rënë në lumin Osum. • Për shkak të shpejtësisë makina doli nga rruga dhe përfundoi në lumë. • Ishin qytetarët që vrapuan për të shpëtuar nënë e bir, por nuk ia dolën. • Thyen xhamin, nxorrën jashtë të parin fëmijën • Gruaja mbeti 10 minuta e bllokuar brenda për shkak të rripit të sigurimit • I mituri kishte një vigon në krah dhe po kthehej nga spitali
5 artikuj për këtë temë.
BERAT- Detaje të reja janë bërë me dije nga tragjedia e ndodhur në Berat, ku si pasojë e një aksidenti kanë ndërruar jetë nënë e bir. Burime për Dosja.al bëjnë me dije se dyshohet se shkak për aksidentin dhe daljen e mjetit nga rruga ka qenë shpejtësia me të cilën shoferja i jepte mjetit. Por mesa duket ka pasur një arsye. Dëshmitarët pretendojnë se i mituri kishte një vigon në krah, çka do të thotë që i mituri ka pasur probleme shëndetësore, ndaj mesa duket e ëma po nxitonte ta dërgonte në shtëpi.
BERAT- Nëna humbi kontrollin e mjetit tip 'Benz' e më pas përfundoi në lumë. Kështu deklaron policia në njoftimin zyrtar pas tragjedisë që ndodhi ditën e sotme në Berat, ku humbën jetën nënë e bir. Ngjarja e rëndë ndodhi rreth orës 14:00, në rrugën urbane “Antipatrea”, pranë vendit të quajtur “Ura e re”. Nëna dhe fëmija 6-vjeçar humbën jetën së bashku. Grupi hetimor në vendngjarje po kryen veprimet për zbardhjen e shkaqeve të aksidentit.
NJOFTIMI I POLICISË:
Rreth orës 14:00, në rrugën urbane “Antipatrea”, pranë vendit të quajtur “Ura e re”, shtetasja K. Xh., duke drejtuar mjetin tip “Benz” ka humbur kontrollin dhe ka rënë në lumë. Për pasojë kanë humbur jetën drejtuesja e mjetit dhe fëmija i saj rreth 6 vjeç. Grupi hetimor në vendngjarje po kryen veprimet për zbardhjen e shkaqeve të aksidentit.
BERAT- Tragjedi në Berat, makina përfundoi në lumë, vdes nëna bashkë me fëmijën 6-vjeçar. Të dy janë nxjerrë nga mjeti prej banorëve të zonës, por askush nuk ka mundur që t'i nxjerrë në kohë sa për t'i shpëtuar jetën.
BERAT- Dalin pamjet e para nga vendi ku ndodhi tragjedia në Berat. Siç duket nga pamjet e siguruara nga Dosja.al, mjeti ka dalë nga rruga në vendin e quajtur "Ura", duke përfunduar në lumin Osum.
Mjeti ka përfunduar i gjithë nën ujë, edhe pse është tip "Fuoristradë", duke u marrë jetën të dy pasagjerëve, një gruaje dhe djalit të saj të mitur, vetëm 6 vjeç. Këtyre të fundit, ndihmën e parë ua dhanë banorët e zonës dhe dëshmitarët e aksidentit, por nuk ia dolën që të shpëtonin.
BERAT- Aksident në Berat, makina bie në lumë. Pasi kanë dëshmuar aksidentin, ka pasur një ndërhyrje emergjencë për të shpëtuar nënë e bir nga uji, por nuk ia kanë dalë. Fëmija i mitur ka dalë jashtë i pari, ndërsa e ëma ka qëndruar rreth 10 minuta e bllokuar në makinë. Qytetarët kanë tentuar të shpëtojnë shoferen, por rripi i sigurimit ka vështirësuar situatën. Ndaj ajo shkoi në spital në gjendje më të rëndë se i biri, ky i fundit vetëm 6 vjeç.
