TRAGJIKE në Tiranë, digjet shtëpia në Ali Demi, vdes foshnja 6-muajshe, gjyshja e harroi brenda

Pamje nga vendi i ngjarjes

TIRANË- Zbardhet shkaku i zjarrit në banesën pranë "Ali Demit", ku si pasojë e asfiksisë humbi jetën një foshnjë 6-muajshe. Burime për "News24" bënë me dije se dëshmitarë të ngjarjes dhe banorë të lagjes rrëfyen se e moshuara, Janulla Lilaj kishte shkuar të blinte qirinj në një dyqan afër banesës së saj, pasi nuk kishte energji elektrike, sepse ia kishin ndërprerë operatorët e Operatorit të Shpërndarjes së Energjisë Elektrike.

E moshuara nuk kishte paguar energjinë elektrike dhe kishte vendosur një qiri mbi tavolinë për të ndriçuar, por në një moment e kishte lënë ndezur teksa e kishte zënë gjumi. Komodina, ku ishte vendosur qiriu, ka marrë flakë dhe më pas flakët janë shpërndarë në të gjithë banesën. Më pas, e moshuara është zgjuar nga gjumi dhe, kur ka parë flakët, ka dalë jashtë banesës për të kërkuar ndihmë. Por u kujtua për të marrë qenin, ndërsa nipin e harroi brenda, gjë që i kushtoi jetën foshnjës 6-muajshe. 

Fqinja

TIRANË- Fqinja ka treguar detaje rrëqethëse nga ngjarja e rëndë që ndodhi pas mensatës së kaluar në Tiranë. Gruaja shprehet për mediat se e moshuara që ndodhej në banesë ka dalë të kërkojë ndihmë nga fqinjët, por kishte harruar që kishte nipin brenda. Ajo thotë se e moshuara që quhet Janulla kishte përmendur qenin fillimisht e më pas ishte kujtuar për nipin. I vogli, sipas fqinjës, ka dalë i nxirë nga tymi.

"20-30 vjet kanë që rrinë këtu, janë njerëz të mirë dhe të urtë. Jetonte me gocën që kishte fëmijën 6-muajsh, gocën e kishte të divorcuar. Kushte siç jetojnë gjithë shqiptarët, në ato kushte ishin. Të gjithë ne i dhamë ndihmën e parë. Qante çuni i vogël me ulërima, bërtiste foshnja, ulëriste. Hyri goca brenda, por ishte e pamundur. Janulla (gjyshja) tha kam qenin, e harroi djalin. Pastaj tha ua kam foshnjën. Bërtiti. Nëna e fëmijës kishte dalë të pinte kafe. Kaq ishte gjithë skema. Tym i madh, kur dolëm ne çfarë të shikonim. Vajza mori direkt zjarrfikësen. Zjarrfikësja erdhi shpejt, por kur e kanë nxjerrë polici foshnjën po qante. E mori nipi im e futi në ambulancë, fëmija ishte gjallë. I vunë aparatet, por kishte vdekur në spital,"- tregon fqinja. 

Ngjarja e rëndë ndodhi mesnatën e kaluar. E moshuara ka qenë duke gatuar në bodrum në momentin që bombola ka shpërthyer në flakë. Zjarri ka filluar të përhapet dhe e moshuara ka dalë të kërkojë ndihmë duke lënë foshnjen brenda. Fqinjët kanë njotuar zjarrfikësen që ka ardhur në vendin e ngjarjes. Ata arritën që ta nxirrnin beben gjallë, por ndërroi jetë në spital. Gjyshja dhe dy zjarrfikës gjithashtu kanë përfunduar në spital gjithashtu.

Fqinji

TIRANË- Fqinji ka treguar për “Fax News” momentet e tmerrit nga zjarri i cili përfshiu banesën në zonën e 'Ali Demit' në Tiranë. Shtëpia ishte e përfshirë nga flakët ndërsa brenda saj ndodheshin gjyshja dhe një foshnjë 6-muajshe e cila u nxor e pajetë. Fqinji ka treguar se ambulanca dhe zjarrfikësit u vonuan shumë, ndërsa efektivët nuk kishin pajisjet e duhura për tu futur brenda banesës që po shkrumbohej plotësisht dhe tymi kishte përfshirë të gjithë zonën.

'Banorët e zonës ndihmuan. Zjarrëfikësit u vonuan një çikë, ambulanca akoma më tepër. Këto janë motive që i dinë ato. Ne i njoftuam menjëherë. Djali s'kishte ofertë, u lajmërua policia. Përbrenda nuk u fut dot më. Dhe në mëngjes më njoftuan mua që t'i ndihmoja, ajo nuk ngre dot këmbët. I thashë, pse nuk e more fëmijën. Zjarrëfikësi doli jashtë, u ul në tokë. U fut një tjetër më i kompletuar, ai e nxorri. '- është shprehur ai.

Zjarri në Tiranë

TIRANË- Gjyshja që ndodhej në banesë me foshnjën 6-muajashe që humbi jetën ka kërkuar ndihmë nga fqinjët fillimisht. E moshuara ka qenë duke gatuar në bodrum në momentin që bombola ka shpërthyer në flakë. Zjarri ka filluar të përhapet dhe e moshuara ka dalë të kërkojë ndihmë duke lënë foshnjen brenda.

Fqinjët kanë njotuar zjarrfikësen që ka ardhur në vendin e ngjarjes. Ata arritën që ta nxirrnin beben gjallë, por ndërroi jetë në spital. Gjyshja dhe dy zjarrfikës gjithashtu kanë përfunduar në spital gjithashtu.

Zjarri

TIRANË- Flakët e zjarrit në banesën në zonën e 'Ali Demit' në Tiranë të cilat morën jetën e foshnjes 6 muajshe, nisën në bodrum. Dyshohet se zjarri ka shpërthyer nga bombola që përdorej për gatim.

Në momentin e ngjarjes në banesë ka qenë vetëm gjyshja bashkë me foshnjën ndërsa nëna nuk ndodhej aty.

E moshuara mundi që të dalë nga banesa në momentin që ka konstatuar flakët, ndërsa foshnja mbeti mes tymit derisa mbërriti zjarrfikësja. Ishte ndëryrja e dy forcave zjarrfikëse ato që bënë të mundur që foshnja mundi të dalë e gjallë nga banesa, por humbi jetën në spital për shkak të asfiksisë.

Zjarrfikësi

TIRANË- Një nga zjarrfikësit e Tiranës duket se është dëshpëruar pasi misioni për të shpëtuar foshnjen 6-muajshe nga flakët, dështoi. Në foto, ai shihet se i lodhur nga tymi e lufta me flakët është mbështetur në një nga shtyllat e rrugës “Gani Domi” në Ali Dem ku dhe ndodhi ngjarja e rëndë.

Zjarrfikësi bashkë me një kolegun e tij janë asfiksuar nga tymi. Pas mesnatës së kaluar, ata u futën në një shtëpi që mori flakë për të shpëtuar foshnen dhe gjyshen që ndodheshin brenda. Bebaj 6-muajshe u nxorr me shenja jete, por mbylli sytë në spital. E moshuara është jashtë rrezikut për jetën. Shkak besohet të jetë bërë shpërthimi i një bombule gazi, por hetimet nuk kanë përfunduar ende.

Zjarri

TIRANË- Pamjet që po shikoni vijnë nga zona e Maternitetit të ri në Tiranë, aty ku një banesë mori flakë dhe u shkrumbua. Për pasojë, një foshnje vetëm 6 muajshe ka ndërruar jetë rrugës për në spital, ndërsa e plagosur ka mbetur dhe një e moshuar që ndodhej në shtëpi.

Ngjarja e rëndë u regjistruar pas mesnatës së kaluar në kryeqytet. Zjarri ran ë banesë në kohën kur ka qenë gjyshja dhe foshnja, ndërkohë që prindërit e fëmijës nuk ndodheshin aty. Në vendin e ngjarjes mbërritën forca të shumta zjarrfikëse, por flakët shkrumbuan shtëpinë. Pavarësisht ndihmës mjekësore, foshnja nuk ka arritur të mbijetojë.

Dy zjarrfikës janë asfiksuar, ndërsa gjyshja ka mbetur e plagosur. Paraprakisht raportohet se ngjarja e rëndë ka ardhur si pasojë e shpërthimit të një bombule gazi.

Policia

TIRANË- Policia e shtetit ka dalë me një njoftim zyrtar për zjarrin i cili mori jetën e foshnjes 6-muajshe në kryeqytet. Sipas policisë, foshnja 6-muajshe ka ndërruar jetë për shkak të zjarrit që dogji tërësisht banesën, ndërsa vetëm e moshuara ka mundur të shpëtojë. Kjo e fundit ndodhet në gjendje kritike për jetën në spital. Grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.

NJOFTIMI I POLICISË:

Sot, në orët e para të mëngjesit, në rrugën "Gani Domi", ka rënë zjarr dhe është djegur plotësisht banesa e shtetases J. L. Si pasojë ka ndërruar jetë një foshnje 6 muajshe, ndërsa shtetasja J. L., ndodhet në spital, nën kujdesin e mjekëve. Grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.

Zjarri

TIRANË- Një zjarr i madh ka përfshirë mbrëmjen e kaluar një banesë private pranë “Maternitetit të Ri” në Tiranë. Nga zjarri, i cili dyshohet se është shkaktuar nga shpërthimi i bombulës së gazit ka humbur jetën foshnja 6-muajshe. Në momentin e rënies së zjarrit, brenda banesës ishin gjyshja dhe foshnja, pasi prindërit e kësaj të fundit janë të divorcuar.

E moshuara fatmirësisht ka arritur të dalë në kohë nga banesa dhe të kërkojë ndihmë. Pas ndërhyrjes së banorëve dhe forcave zjarrfikëse fëmija 6-muajsh është nxjerrë shëndoshë e mirë nga banesa, mirëpo humbi jetën në spital. 'JOQ' sjell pamje nga vendi i ngjarjes, aty ku shihet se qytetarët që banojnë aty pranë kanë dalë të traumatizuar.

Në vendin e ngjarjes mbërritën forca të shumta zjarrëfikëse. Policia ende nuk ka dalë me një njoftim zyrtar për ngjarjen e rëndë.