Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Darka në një restorant në Shkodër për pak u kthye në tragjedi për nënë e bir dhe kamerierin e hotelin "Chicago" në qendër të qytetit. • Alma Zeqiraj dhe i biri i mitur, vetëm 14 vjeç konsumuan ujin që u kishte ardhur me ambalazh plastik. • Në momentin që u filluan shqetësimet, thirrën kamarierin, i cili për të vërtetuar që ujin e kishte marrë të ambalazhuar, e konsumoi edhe vetë. • Minuta më pas, rreth orës 23.30 të mbrëmjes së djeshme, të tre u paraqitën në spitalin e Shkodrës në gjendje të rëndë shëndetësore. • Për shkak të gjendjes më të rënduar, nëna dhe djali janë dërguar për mjekim më të specializuar në Tiranë dhe tashmë gjendja e tyre paraqitet e qëndrueshme. Por sërish ka rrezik. • Sipas bluzave të bardha në spitalin e Shkodrës, të helmuarit kanë pasur djegie në ezofag dhe në stomak, duke lënë të hapura dyshimet se shishja e ujit mund të ketë pasur lëndë djegëse me aciditet. • Institucioni i Ujësjellësit dhe Kanalizimeve në Shkodër ka reaguar lidhur me helmimin e tre personave nga uji duke u shprehur se ishte i ambalazhuar dhe jo ai i rubinetit, megjithatë nga kontrolli që i ishte bërë, edhe ai kishte dalë pa probleme. • Tanimë çështja është në dorë të Prokurorisë dhe AKU-së. • Këta të fundit, ende nuk e kanë zbuluar se çfarë markë kishte uji që po u rrezikon jetën 3 personave.
5 artikuj për këtë temë.
SHKODËR- Uji i cili konsumuan tre personat në një lokal në Shkodër, ishte brenda normave të konsumit. Kjo është ajo që ka dalë nga analizat e kryera.
Në to specifikohet se mostrat e marra për analizim, janë nga uji në çezmë i restorantit, dhe nga dy shishe të së njëjtës kompani që kanë konsumuar nëna, djali dhe kamarieri.
Analizat laboratorike në këto mostra kanë dalë brenda normave, ndërsa shishja e ujit që u përdor nga të helmuarit, ndodhet e sekuestruar nga organi hetimor dhe pritet t’i nënshtrohet edhe ajo analizave, përgjigjja e të cilave do të hidhte dritë mbi ngjarjen.
Çfarë ndodhi?
Një 41-vjeçare dhe djali i saj janë transportuar drejt Tiranës ku do të marrin një trajtim më të specializuar për shqetësimet e krijuara pas helmimit nga uji i pijshëm. Dyshohet se në shishen e ujit që kanë konsumuar nënë e bir, ka pasur lëndë djegëse, por ende nuk dihet se çfarë lloji. Ngjarja ka ndodhur rreth orës 23.20 të mbrëmjes së djeshme, ndërsa sipas mjekëve të spitalit të Shkodrës, në stomakun e tyre janë zbuluar djegie të cilat janë shkaktuar si pasojë e konsumit të ujit të kontaminuar. Të njëjtin shqetësim si nënë e bir ka pasur edhe kamarieri i lokalit, 30-vjeçari i identifikuar si M.M., por duket se gjendja e tij shëndetësore është më e mirë se e dy të tjerëve.
TIRANE- Një ngjarje tejet e rëndë ka ndodhur mbrëmjen e djeshme në qytetin e Shkodrës, ku rreth orës 23:30 e mbrëmjes, një grua bashkë me të birin janë ndjerë keq pasi kanë konsumuar ujin nga një shishe. Uji është i një prej kompanive më të njohura në treg, që dominon tregun e shpërndarjes për familjet dhe biznesin.
Por pavarësisht se ngjarja është në kufijtë e të pabesueshmes, ku Dosja mësoi se dy të prekurit e parë ishin nënë e bir e më pas kamarieri, asnjë masë nuk është marrë deri më tani nga autoritetet për kompaninë e ujit. Hotel Chicago që ndodhet në qendër të Shkodrës është mbyllur e po ashtu edhe lokali ku ndodhi ngjarja. Por pse jo kompania e ujit?
Autoriteti Kombëtar i Ushqimit, i drejtuar nga Jeta Dedja do të duhet të paktën të bënte së pari një njoftim për një ngjarje si kjo, me një rrezik të pallogaritshëm mbi popullatën e më pas të ndalonte përkohësisht shitjen e ujit nga ky subjekt, deri në kontrollimin e plotë të kolive të shpërndara nga kjo kompani në Tiranë dhe jo vetëm.
Nëse hoteli ku ngjarja ndodhi u mbyll atëherë pse po veprohet me një standart tjetër për kompaninë që ka edhe detyrimin kryesor të garantojë cilësinë e produktit që shpërndan? Kush qëndron pas kulisave të tregut dhe a ka një përgjegjësi AKU, si institucioni kryesor që duhet të japë garanci për sigurinë e ujit që shpërndahet në popullatë?
Çfarë ndodhi dje në Shkodër? Një grua nga Malësia e Madhe dhe djali i saj 14 vjeçar u helmuan nga uji një porositën gjatë darkës në hotel Chicago në qytetin e Shkodrës. Të dy pinë ujë nga shishja dhe thirrën kamarierin. Ai iu ka treguar se ujin e ka marrë siç ishte shishja në arkë e pahapur dhe më pas ka pirë edhe ai për t'ju treguar se nuk kishte asnjë problem dhe uji ishte i ambalazhuar. Por pas pak sekondave edhe ai është ndjerë keq dhe të tre kanë fryrje të fytyrës hematoma e prishje të gjuhës. Ata ndodhen në spitalin e Shkodrës ku po marrin trajtim të specializuar pasi ndodhen në gjendje të rëndë shëndetësore. /Dosja.al
SHKODËR- Flet administratorja e hotelit në Shkodër, Sonila Kruja lidhur me ngjarjen e ndodhur mbrëmjen e djeshme, ku pas konsumit të një shisheje ujë, 3 persona u helmuan. Në reagimin e parë zyrtar të Sonila Krujës, administratores së lokalit, uji ka qënë i ambalazhuar.
"Mbrëmë në lokalin tonë ka ndodhur një incident, 2 prej klientëve kanë shfaqur shenja irritimi, helmimi nga konsumi i një shishe uji të ambalazhuar të një kompanie, e cila serviret nga lokali jonë. Menjëherë ia kanë raportuar stafit sapo kanë pasur shenjat e para. Stafi ka matrrë masa për t'i dhënë ndihmën e parë, kamarieri i cili ka hapur shishen nuk e ka besuar sepse uji serviret prej vitesh. E ka pirë edhe vetë ujin. Edhe ai ka shfaqur të njëjtat shenja helmimi. Kemi dorëzuar kamerat për të zbardhur ngjarjen. Jemi të hapur për çfarëdolloj kërkese të kenë. Nuk ka pasur neglizhim nga stafi ynë. Inkurajojmë organet për zbardhjen e ngjares. I urojmë shërbim të shpejtë të lënduarve. Mbrëmë restoranti ka qenë plot, e të gjithë kanë pirë nga e njëjta kompani dhe nuk kanë psaur sanjë shenjë infektimi,"-tha Sonila Kruja.
SHKODËR- Ujësjellës Kanalizime në Shkodër ka bërë një sqarim lidhur me ngjarjen e rëndë ku nënë e bir dhe një kamerier u helmuan pasi konsumuan ujë me lëndë djegëse. Një ditë pas publikimit të lajmeve për ngjarjen e ndodhur, UK Shkodër sqaron se ata janë helmuar pasi kanë konsumuar ujë të ambalazhuar nga një kompani private. Sipas Ujësjellësit, kjo konfirmohet edhe nga Prokuroria dhe AKU që bashkarisht po punojnë për zbardhjen e plotë të rrethanave të ngjarjes. Por nuk kanë preferuar që të japin emra se kujt i përket
“Ujësjellës Kanalizime Shkodër, në kuadër të transparencës dhe komunikimit me klientët e vet, sqaron opinionin publik lidhur me një lajm që është është shpërndarë minutat e fundit: Personat nënë e bir dhe një kamarier, janë intoksikuar pasi kanë konsumuar ujë të ambalazhuar nga një kompani. Kjo konfirmohet edhe nga Prokuroria dhe AKU që bashkarisht po punojnë për zbardhjen e plotë të rrethanave të ngjarjes. UK Shkodër siguron klientët për cilësinë e ujit, monitoruar periodikisht nga specialistë të Drejtorisë së Shendetit Publik Shkodër,”– njofton Ujësjellësi në Shkodër.
SHKODËR- Një 41-vjeçare dhe djali i saj janë transportuar drejt Tiranës ku do të marrin një trajtim më të specializuar për shqetësimet e krijuara pas helmimit nga uji i pijshëm. Dyshohet se në shishen e ujit që kanë konsumuar nënë e bir, ka pasur lëndë djegëse, por ende nuk dihet se çfarë lloji. Ngjarja ka ndodhur rreth orës 23.20 të mbrëmjes së djeshme, ndërsa sipas mjekëve të spitalit të Shkodrës, në stomakun e tyre janë zbuluar djegie të cilat janë shkaktuar si pasojë e konsumit të ujit të kontaminuar. Të njëjtin shqetësim si nënë e bir ka pasur edhe kamarieri i lokalit, 30-vjeçari i identifikuar si M.M., por duket se gjendja e tij shëndetësore është më e mirë se e dy të tjerëve.
Prokuroria e Shkodrës dhe Autoriteti Kombëtar i Ushqimit po kryejnë hetimet në lokalin e hotelit ku ndodhi helmimi i 3 personave. Sipas hetimeve dhe informacioneve, bëhet me dije se 14-vjeçari ka pirë një shishe me ujë të ambalazhuar, por nuk dihet se si ka ndodhur e gjithë dinamika e ngjarjes.
Njoftimi i policisë Shkodër:
Më datë 28.12.2022, rreth orës 23:30, në Spitalin Rajonal Shkodër, janë paraqitur për të marrë ndihmë mjekësore, shtetasja A. Z., 41 vjeçe dhe djali i saj, shtetasi A. Z., 14 vjeç, banues në Malësi të Madhe, si dhe shtetasi M. M., 30 vjeç (kamarier i lokalit), banues në Shkodër, të cilët dyshohet se janë helmuar nga uji i konsumuar në një lokal, në Shkodër. Shtetasja A. Z., së bashku me djalin e saj, janë dërguar për mjekim më të specializuar, në Tiranë. Grupi hetimor, në bashkëpunim me Drejtorinë Rajonale të AKU-së, Shkodër, nën drejtimin e Prokurorisë pranë Gjykatës së Rrethit Gjyqësor Shkodër, vijon intensivisht punën për sqarimin e plotë të rrethanave të kësaj ngjarjeje.
