Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Një ngjarje e rëndë ka ndodhur këtë të martë në Kumanovë, Maqedoninë e Veriut, ku është qëlluar me armë zjarri një kandidat i Bashkimit Demokratik për Integrim (BDI). • Sipas njoftimit zyrtar të partisë, persona të maskuar kanë organizuar një pritë ndaj kandidatit dhe njëherësh bartësit të listës së këshilltarëve të BDI-së në komunën e Likovës. • I plagosuri është identifikuar si Zekirja Shahini, 43 vjeç, banor i fshatit Sllupçan. • Ai është dërguar menjëherë për trajtim mjekësor në spitalin e Kumanovës, ku ndodhet jashtë rrezikut për jetën. • Sipas raportimeve të mediave vendase, Shahini ka marrë tre plumba në këmbë. • Dëshmitarët në vendngjarje kanë deklaruar për grupin hetimor se agresori mbante maskë dhe u largua me shpejtësi pas atentatit Forcat policore dhe grupi hetimor ndodhen në terren dhe po vijojnë hetimet për të zbardhur rrethanat e plota të ngjarjes, si dhe për të identifikuar autorët e kësaj sulmi të rëndë. • Në reagimin e saj, BDI ka njoftuar pezullimin e të gjitha aktiviteteve për ditën e sotme, duke i bërë thirrje institucioneve të rendit dhe drejtësisë që të ndërmarrin masa konkrete për rikthimin e sigurisë dhe forcimin e besimit të qytetarëve te ligji dhe drejtësia.
4 artikuj për këtë temë.
MAQEDONI E VERIUT- Pamjet e mëposhtme dokumentojnë momentin e atentatit ndaj kandidatit të BDI-së në Kumanovë, Zekirja Shahini, 43 vjeç. Siç shihet në videon e publikuar, sulmi ndodh në mes të rrugës, teksa Shahini ndodhej brenda automjetit të tij.
Autori i maskuar e qëllon tre herë me armë zjarri. Sulmi u krye me një pistoletë dhe ndodhi në mënyrë të papritur, ndërsa kandidati po lëvizte me makinë në rrugë.
MAQEDONIA E VERIUT- Personi që shihni në foto është kandidati i BDI-së, Zekirja Shahini i cili mbeti i plagosur nga të shtënat me armë zjarri ditën e sotme në rrugën “Dimitrija Tucakovic” në Kumanovë. Bëhet me dije Shahini u qëlluar me tre plumba, por fatmirësisht ndodhet jashtë rrezikut për jetën.
Pas kryerjes së ekzaminimeve në Spitalin e Përgjithshëm, 43-vjeçari është dërguar në Shkup, informoi për MIA-n drejtori i Spitalit të Përgjithshëm të Kumanovës, Sasho Stosevski.
“Personi është pranuar me katër plagë nga arma e zjarrit në zonën e parakrahut të majtë dhe gjurit të djathtë. Të gjitha ekzaminimet janë kryer nga ana jonë – rëntgen, kompjuterik. Personi është jashtë rrezikut për jetën. Ai është transportuar në klinikat në Shkup me një automjet nga Spitali i Përgjithshëm i Kumanovës”, tha drejtori Stosevski.
Ndërkohë, nga Qendra e Emergjencës në TOARILUC konfirmuan për MIA-n se personi i lënduar nga të shtënat në qendër të Kumanovës është sjellë tek ata. Ndërkohë pritet të dalin informacione lidhur me autorin që plagosi kandidatin e BDI-së Zekirja Shahini. /Dosja.al
MAQEDONIA E VERIUT- Një ngjarje e rëndë ka ndodhur këtë të martë në Kumanovë, Maqedoninë e Veriut, ku është qëlluar me armë zjarri një kandidat i Bashkimit Demokratik për Integrim (BDI). Sipas njoftimit zyrtar të partisë, persona të maskuar kanë organizuar një pritë ndaj kandidatit dhe njëherësh bartësit të listës së këshilltarëve të BDI-së në komunën e Likovës.
I plagosuri është identifikuar si Zekirja Shahini, 43 vjeç, banor i fshatit Sllupçan. Ai është dërguar menjëherë për trajtim mjekësor në spitalin e Kumanovës, ku ndodhet jashtë rrezikut për jetën. Sipas raportimeve të mediave vendase, Shahini ka marrë tre plumba në këmbë.
Dëshmitarët në vendngjarje kanë deklaruar për grupin hetimor se agresori mbante maskë dhe u largua me shpejtësi pas atentatit Forcat policore dhe grupi hetimor ndodhen në terren dhe po vijojnë hetimet për të zbardhur rrethanat e plota të ngjarjes, si dhe për të identifikuar autorët e kësaj sulmi të rëndë.
Në reagimin e saj, BDI ka njoftuar pezullimin e të gjitha aktiviteteve për ditën e sotme, duke i bërë thirrje institucioneve të rendit dhe drejtësisë që të ndërmarrin masa konkrete për rikthimin e sigurisë dhe forcimin e besimit të qytetarëve te ligji dhe drejtësia.
REAGIMI I PLOTË:
“Jemi të shqetësuar nga sulmi i armatosur ndaj kandidatit tonë dhe bartësit të listës në komunën e Likovës, i cili u qëllua nga persona me maska dhe u plagos. Fatmirësisht, jeta e tij është jashtë rrezikut dhe ai po merr kujdesin e nevojshëm mjekësor.
Ne dënojmë ashpër këtë akt barbar dhune dhe kërkojmë nga Ministria e Punëve të Brendshme dhe Prokuroria Publike të reagojnë menjëherë, me transparencë të plotë dhe me vendosmëri, për të identifikuar, arrestuar dhe sjellë para drejtësisë autorët e këtij atentati.
U bëjmë thirrje të gjithë mbështetësve tanë, simpatizantëve dhe qytetarëve në përgjithësi që të ruajnë qetësinë, të mos bien pre e provokimeve dhe të tregojnë maturinë që gjithmonë e ka karakterizuar lëvizjen tonë.
Në shenjë solidariteti me të plagosurin dhe për të theksuar seriozitetin e ngjarjes, partia jonë vendos të pezullojë aktivitetet e ditës sotme, ndërsa institucionet të ndërmarrin hapa konkretë për rikthimin e besimit publik dhe sigurisë në terren,” thuhet në reagim./ Dosja.al
KUMANOVË- Një person është plagosur pasditen e 7 tetorit në një rrugë prapa ndërtesës së Komunës së Kumanovës, pasi u qëllua me armë zjarri nga një makinë që ishte në lëvizje. I plagosuri është kandidat dhe bartës i listës së këshilltarëve të Bashkimit Demokratik për Integrim në Likovë për zgjedhjet lokale të 19 tetorit.
I plagosuri është identifikuar si Z.Sh., 43 vjeç, nga fshati Sllupçan i komunës së Likovës dhe është dërguar për trajtim në spitalin e Kumanovës, bëri të ditur Ministria për Punë të Brendshme në Maqedoninë e Veriut. Televizioni Telma raportoi se personi i plagosur është punonjës në Klinikën e Pulmologjisë në Shkup. Zyra e Prokurorisë Publike tha se sipas indikacioneve të para ngjarja nuk duket se ka motive politike, por shtoi se po hetohen të gjitha rrethanat.
“Dy prokurorë nga Zyra e Prokurorisë Themelore të Kumanovës kanë shkuar në vendngjarje dhe po kryejnë hetimet. Gjurmët dhe të provat materiale po grumbullohen dhe më pas do të ekzaminohen. Një person është ndaluar lidhur me të shtënat, ndërkaq në kërkim është sulmuesi”, tha Zyra e Prokurorisë Publike.
BDI-ja njoftoi se, në shenjë solidariteti me të plagosurin dhe për shkak të seriozitetit të kësaj ngjarjeje, partia ka pezulluar të gjitha aktivitetet e planifikuara për sot. Kjo parti shqiptare kërkoi që institucionet të ndërmarrin hapa konkretë për të rikthyer besimin e publikut dhe sigurisë në terren.
“Jemi të shqetësuar nga sulmi i armatosur ndaj kandidatit tonë dhe bartësit të listës në komunën e Likovës, i cili u qëllua nga persona me maska dhe u plagos. Fatmirësisht, jeta e tij është jashtë rrezikut dhe ai po merr kujdesin e nevojshëm mjekësor. Ne dënojmë ashpër këtë akt barbar dhune dhe kërkojmë nga Ministria e Punëve të Brendshme dhe Prokuroria Publike të reagojnë menjëherë, me transparencë të plotë dhe me vendosmëri, për të identifikuar, arrestuar dhe sjellë para drejtësisë autorët e këtij atentati”, tha BE-ja përmes një njoftimi.
Ky subjekt politik u bëri thirrje mbështetësve dhe qytetarëve që të ruajnë qetësinë dhe të mos bien pre e provokimeve dhe të tregojnë maturinë që gjithmonë e ka karakterizuar lëvizjen tonë. Ministria e Brendshme tha se incidenti ndodhi në orën 13:54, kur autoritetet morën informatën se në kryqëzimin e rrugës Dimitrije Tuçoviq dhe Oktomvri 11 në Kumanovë, dy persona që po lëviznin me një makinë qëlluan me armë zjarri drejt Z.Sh.
“Ai është plagosur dhe është dërguar për trajtim mjekësor në spitalin në Kumanovë”, tha ministria.
Autoritetet thanë se policia ka dalë në vendin ku ndodhi ngjarja, që përveç ndërtesës së komunës, gjenden edhe zyra të gjykatës, postës dhe policisë. Ndërkaq, drejtori i spitalit të Kumanovës, Sasho Stoshevski, konfirmoi për agjencinë MIA se i plagosuri është jashtë rrezikut për jetë.
“Personi është pranuar me katër plagë të shkaktuara nga arma e zjarrit në parakrahun e majtë dhe gjurin e djathtë. I kemi kryer të gjitha ekzaminimet. Pacienti është jashtë rrezikut për jetë. Ai është transportuar në spitalin e Shkupit”, tha Stoshevski.
Ngjarja ndodhi dy javë para se Maqedonia e Veriut të mbajë zgjedhjet lokale. Për zgjedhjet e 19 tetorit, partitë janë duke zhvilluar fushatë 20-ditore./REL
