Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• KQZ ka vendosur të shpallë të pavlefshëm mandatin e kryebashkiakut të zgjedhur të Himarës, Fredi Belerit. • Ky i fundit la ambientetet e burgut dhe ishte gjithashtu i pranishëm në seancë. • Beleri tha në nisje të fjalë së tij se mungon baza ligjore në KQZ për shqyrtimin e mandatit, ku shtoi se "dikush do të nxjerrë gështenja nga zjarri me duart e KQZ-së." • Ai u shpreh se ashtu siç erdhi për këtë seancë mund të ishte lejuar edhe për kryerjen e betimit të tij si kryebashkiak në Himarë. • Beleri tha se fillimisht duhet lejuar të betohet dhe më pas kryeministri Edi Rama ta shkarkojë nga detyra si kryebashkiak. • Celibashi para shpalljes së vendimit tha se vendimi i KQZ nuk u nxit sipas tij nga askush përveçse nga ligji dhe Kushtetuta. • Ai tha po ashtu se ishte në kompetencën e plotë dhe të rregullt shqyrtimi i mandatit të Belerit. • Pas përfundimit të seancës në KQZ, kreu i PDIU, Vangjel Dule tha se do të apelojnë vendimin e sotëm ndërsa shtoi se autori i të gjithë këtij procesi ishte kryeministri Edi Rama, që sipas tij arrit të përdorë dhe KQZ-në. • Fredi Beleri i cili garoi nën siglën e koalicionit ‘Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. • Më vonë ai u dënua me 2 vite burg nga Shkalla e Parë dhe e Dytë, nën akuzën për korrupsion në zgjedhje. • Aktualisht Fredi Beleri është zgjedhur eurodeputet i partisë Demokracia e Re e drejtuar nga Kyriakos Mitsotakis.• Pasi Komisioni Qendror i Zgjedhjeve i hoqi mandatin kryebashkiakut të zgjedhur, Fredi Belerit, Këshilli i Ministrave i ka dërguar letër presidentit Bajram Begaj ku kërkohet caktimi i datës për zgjedhjet në Himarë. • Letra është firmosur nga Sekretari i Përgjithshëm Ëngjëll Agaçi. • Lidhur me këtë, Presidenti Bajram Begaj ka thirrur në një takim kreun e KQZ-së, Ilirjan Celibashin.
12 artikuj për këtë temë.
TIRANA- Presidenti Bajram Begaj, ka thirrur në një takim kreun e KQZ-së, Ilirjan Celibashin. Kjo kërkesë për këtë takim vjen pasi institucioni që Celibashi drejton i hoqi mandatin Fredi Belerit si kryetar i zgjedhur i Bashkisë Himarë.
Pak më parë, Këshilli i Ministrave iu drejtua me një shkresë Presidentit duke i kërkuar të caktojë datën për mbajtjen e zgjedhjeve të pjesshme në Bashkinë e Himarës.
Fredi Beleri i cili garoi nën siglën e koalicionit "Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Më vonë ai u dënua me 2 vite burg nga Shkalla e Parë, nën akuzën për korrupsion në zgjedhje. Aktualisht Fredi Beleri është zgjedhur eurodeputet i partisë Demokracia e Re e drejtuar nga Kyriakos Mitsotakis.
TIRANË- Pasi Komisioni Qendror i Zgjedhjeve i hoqi mandatin kryebashkiakut të zgjedhur, Fredi Belerit, Këshilli i Ministrave i ka dërguar letër presidentit Bajram Begaj ku kërkohet caktimi i datës për zgjedhjet në Himarë. Letra është firmosur nga Sekretari i Përgjithshëm Ëngjëll Agaçi.
KQZ pas shqyrtimit të çështjes ka marrë vendimin sot që Fredi Beleri e humbet mandatin si kryetar i Bashkisë së Himarës.
“Nuk kanë asnjë nxitje jashtë asaj që KQZ e nxit ligji për dekriminalizimin”, tha Celibashi ndër të tjera, teksa shtoi se Komisioni Zgjedhor ka të gjitha kompetencat për të marrë këtë vendim.
“Jemi në kushtet e humbjes së mandati të zotit Fredis Dhionisis Beleri, e shpallim të pavlefshëm këtë mandat. Kundër këtij vendimi mund të bëhet ankimim brenda 30 ditëve. Ky vendim do të publikohet në faqen elektronike të internetit të KQZ”, ka shtuar ai.
Ndërkohë, Himara pritet të shkojë drejt zgjedhjeve të reja.
Fredi Beleri i cili garoi nën siglën e koalicionit ‘Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Më vonë ai u dënua me 2 vite burg nga Shkalla e Parë, nën akuzën për korrupsion në zgjedhje. Aktualisht Fredi Beleri është zgjedhur eurodeputet i partisë Demokracia e Re e drejtuar nga Kyriakos Mitsotakis.
TIRANË- Komisioneri Ilirjan Celibashi deklaroi se KQZ ka tagrin ligjor për të këtë vendimmarrje, pavarësisht pretendimeve të Belerit – i pranishëm në sallë i shoqëruar nga forca të shumta policie, avokates së tij dhe përfaqësuesve të opozitës,
“Me bindje të plotë tej çdo komenti që çdokush mund të bëjë, unë mendoj se jemi në kushtet e humbjes së mandatit të kryetarit të Bashkisë Himarë,” u shpreh Celibashi, duke argumentuar se ligji i dekriminalizimit është i qartë dhe ndalon jo vetëm kandidimin e personave në konflikt me ligjin, por më shumë të atyre që janë të zgjedhur.
“Shpall të pavlefshëm mandatin,” theksoi ai, ndërsa shtoi se “kundër këtij mund të bëhet ankim brenda 30 ditëve”.
Beleri pohoi se ishte i vetëdijshëm që e kishte humbur mandatin dhe të drejtën për të qeverisur qytetarët e Himarës, por kërkoi që procedura për pavlefshmërinë e mandatit të tij të mos ishte politike, siç e konsideroi ai, por juridike dhe e drejtë. Ai theksoi se dikush do të nxjerrë gështenja nga zjarri me duart e KQZ-së.
“Institucioni që ju drejtoni ka ruajtur nderin e këtij shtetit, të gjitha institucionet e tjera janë bërë pjesë e paligjshmërisë për mua dhe banorëve të Himarës që më votuan për të drejtuar,” tha Beleri, ndërsa shtoi ai fillimisht duhet të betohet e më pas të shkarkohet.
“Jam i qartë që mandati im si kryetar bashkie ka mbaruar por duket qartë arroganca e tyre që t'i bëjnë votimet në gusht,” shtoi ai.
Ndërkohë avokatja e tij, Klodiana Gjyzari, pohoi se KQZ nuk e ka tagrin ligjor për të shqyrtuar këtë çështje. Sipas saj, nuk është kompetencë e KQZ që të verifikojë mandatin e Belerit në kushtet kur ai është zgjedhur, por nuk është betuar.
“S'ka asnjë depozitë të Kodit Zgjedhor që i jep të drejtë që në këtë fazë që është procesi i Belerit nga ana e KQZ të merren iniciativa të tilla. KQZ mund të kryejë verifikim të tillë vetëm bazuar në të dhënat e formularit të dekriminalizimit asnjë e dhënë jashtë formuarit s'mund të merret në verifikim nga KQZ, procedura është e pavlefshme, keni kaluar kompetencat që u parashikon ligji, kërkojmë pushimin e procedurës”, shtoi ajo.
Të njëjtën qasje pati dhe përfaqësuesi i Partisë Demokratike Ivi Kaso, i cili kërkoi që procedura për shkarkimin e Belerit të ndiqej nga Këshilli i Ministrave.
“Beleri është një person i zgjedhur, nuk ka ushtruar mandatin, është i dënuar, por nuk aplikohet ligji për dekriminalizimin, por ai për qeverisjen vendore. Pra në rastin konkret duhet që Qeveria ta shkarkojë Fredi Belerin dhe mos e trajtojë si patate të nxehtë çështjen. Edi Rama të marrë përgjegjësinë, të thotë se Fredi Beleri është dënuar me vendim të formës së prerë dhe ta shkarkojë”, pohoi Kaso.
Ndërsa për përfaqesuesin ligjor të Partisë Socialiste, Eridian Salianji, çështja ishte shumë e qartë dhe Beleri e humb mandatin për shkak të ligjit të dekriminalizimit.
“Nëse do të ishte bërë betimi dhe do kishte nisur detyrën, atëherë Rama mund të bënte shkarkimin”, tha ai.
Pavarësisht vendimit të komisionerit Celibashi, Beleri ka 30 ditë kohë për të ankimuar pranë Komisionit të Ankesave dhe Sanksioneve vendimin dhe Vangjel Dule në përfundim të seancës deklaroi ndjekjen e çdo hapi ligjor “për të vendosur të drejtën në vend”.
Në përfundim të të gjitha procedurave ankimuese, Presidenti i Republikës duhet të shprehet me dekret për zhvillimin e zgjedhjeve të pjesshme në Bashkinë e Himarës./Reporter.al
TIRANË-Komisioni Qendror i Zgjedhjeve i Shqipërisë (KQZ) njoftoi të premten se ia ka hequr Alfred Belerit mandatin e kryetarit të zgjedhur të Himarës, pasi Gjykata e Apelit e mbajti në fuqi dënimin e tij me burgim muajin e kaluar.
“Jemi në kushtet e humbjes së mandatit të kryetarit të Bashkisë Himarë, dhe e shpallim të pavlefshëm këtë mandat”, tha të premten Ilirjan Celibashi, kreu i KQZ-së.
Beleri, me shtetësi shqiptare dhe greke, i fitoi zgjedhjet e majit 2023 si kandidat i opozitës për kryetar të Bashkisë së Himarës - qytet i banuar edhe me popullsi greke në jug të Shqipërisë.
Por, ai u arrestua pak ditë para zgjedhjeve nën dyshimet për blerje votash dhe u dënua me dy vjet burgim në mars. Apeli e konfirmoi dënimin e tij në qershor.
Beleri ishte i pranishëm në seancën që u zhvillua në Komisionin Qendror të Zgjedhjeve të premten. Ai u përcoll nga forcat e policisë nga burgu i Fierit, ku po e vuan dënimin. Ai bëri thirrje që çështja e vlefshmërisë së mandatit të tij të zgjidhet nga Gjykata Kushtetuese e Shqipërisë.
"Jam i qartë që mandati im si kryetar bashkie ka mbaruar, por duket qartë arroganca e tyre që t’i bëjnë votimet në gusht. Pse KQZ t'i bashkohet kësaj kërkesë. Kam frikë se gjysma e bashkisë do të verë në burg", tha Beleri.
Komisioni Qendror i Zgjedhjeve vendosi ta shqyrtojë vlefshmërinë e mandatit të kryebashkiakut të Himarës, pas një kërkese të dorëzuar nga kryetari i forumit të të rinjve socialistë të Himarës.
Ekipi mbrojtës i Belerit ka një muaj kohë për t’u ankuar ndaj vendimit në Komisionin e Ankimimeve dhe Sanksioneve.
Beleri nuk u betua asnjëherë si kryetar i Himarës, pasi ndodhej në paraburgim dhe më pas u dënua, për akuzat që ai dhe ekipi i tij i kanë hedhur poshtë si "politike dhe të pabazuara".
Dënimi i tij nxiti fërkime mes Shqipërisë dhe Greqisë. Ministria e Jashtme e Greqisë tha se “dënimi dyvjeçar është padyshim joproporcional me masën e veprës së supozuar”.
Partia e kryeministrit grek, Kyriakos Mitsotakis, e emëroi pastaj atë kandidat për zgjedhjet për Parlamentin Evropian, të cilat u mbajtën nga data 6 deri më 9 qershor, ku ai u zgjodh deputet.
Zgjedhja e Belerit si deputet i Parlamentit Evropian shkaktoi polemika - si për legjitimitetin e tij, ashtu edhe për ndikimin e rastit të tij në integrimin evropian të Shqipërisë.
Juristë dhe ekspertë të marrëdhënieve ndërkombëtare thonë se rasti i tij ngre shqetësime kushtetuese dhe ligjore.
Sipas tyre, ai mund të ndikojë edhe në përpjekjet e Shqipërisë për anëtarësim në Bashkimin Evropian, por edhe në marrëdhëniet e saj me Greqinë./REL
GREQI- Mediat greke kanë shkruar lidhur me vendimin e KQZ për shpalljen të pavlefshëm mandatin e kryebashkiakut të Himaerës, Fredi Belerit.
Protothema shkruan se KQZ bëri lëvizjen e re "provokuese" sot lidhur me mandatin e Belerit. Më poshtë në artikull janë cituar fjaën e Belerit i cili ishte po ashtu i pranishëm në sallë, ku tha "siç më lanë të vij sot këtu, mund të më linin të shkoja të bëja betimin si kryetar i Bashkisë së Himarës, por nuk e bënë.”
"Autoritetet në Shqipëri kanë proceduar me shkarkimin e Fredi Belerit nga posti i kryebashkiakut të Himarës. Lëvizja e re provokuese është bërë nga Komisioni Qendror i Zgjedhjeve të premten lidhur me mandatin e Fredi Belerit.
Jashtë Komisionit Qendror të Zgjedhjeve ku u lejua të merrte pjesë, eurodeputeti tashmë i zgjedhur Fredi Beleri deklaroi se “siç më lanë të vij sot këtu, mund të më linin të shkoja të bëja betimin si kryetar i Bashkisë së Himarës, por nuk e bënë.”
Ai u zgjodh në krye të bashkisë së Himarës më 14 maj, por dy ditë para rezultateve u arrestua. Fredi Beleri u zgjodh në 14 maj 2023 në krye të bashkisë së Himarës, por dy ditë para rezultateve u arrestua për blerje votash, një akuzë e pavërtetë në gjykatë, e cila megjithatë e shpalli fajtor.", shkruhet në artikullin e medias greke.
TIRANË- Kreu i PBDNJ, Vangjel Dule ka folur për mediat pas vendimit të KQZ për heqjen e mandatit të kryebashkiakut të zgjedhur të Himarës, Fredi Belerit.
Dule akuzoi kryeministrin Edi Rama si autor i "vjedhjes së bashkisë së Himarës", ndërsa tha se edhe KQZ u përdor nga ai ashtu si policia e Himarës. Ai lajmëroi se do të apelojnë vendimin, që sipas tij mos të ndodhë e njëjta gjë edhe në qytetet e tjera.
Dule: Autori i rrëmbimit të bashkisë të Himarës dhe përvetësimit të pronave, kryeministri Edi Rama përdori insitucione që nuk duhet të kishin rënë pre e tij. Përdori policinë e Himarës, dhe sot përdori edhe KQZ. Fakti i sotëm e bën më të rënde kalvarin e shkeljeve se KQZ duhet të jetë garanti i votës së lirë. Zotit Beleri nuk iu dha e drejta të zgjedhë, në kundërshtim me gjithë të burgosurit e tjerë, nuk iu dha e drejta e votës. U shkel e drejta e komunitetit himariot për të zgjedhur. Himara drejtohet nga një kryetar pa legjitimitet drejtues. Do ta apelojmë edhe pse e dimë fundin. Qëllimi nuk është më Fredi Bleri dhe Himara, ajo që ndodhi me ta është jetike mos të ndodhë me qytete tjera. Sepse është precedent i rrezikshëm.
TIRANË- Komisioni Qendror Zgjedhor i ka hequr mandatin kryebashkiakut të zgjedhur të Himarës, Fredi Belerit.
Kryekomisioneri, Ilirjan Celibashi tha se mandati është i pavlefshëm dhe se ankimimi për këtë vendim që hyn në fuqi menjëherë, mund të bëhet brenda 30 ditëve.
Celibashi po ashtu tha se vendimi i KQZ nuk u nxit sipas tij nga askush përveçse nga ligji dhe Kushtetuta. Ai tha po ashtu se ishte në kompetencën e plotë dhe të rregullt shqyrtimi i mandatit të Belerit.
Celibashi: Nuk është çështja e KQZ ca bëjnë institucionet e tjera, qeveria, kryeministri. Është përgjegjësia e tyre. Vendimmarrja e KQZ nuk është e kondicionuar nga se çfarë bëjnë institucionet e tjera, vendimmarrja e KQZ përcaktohet në këtë rast nga ligji për dekriminalzimin. Kemi një kryetar bashkie të zgjedhur që nuk e ka ushtruar detyrën. Për KQZ, kjo s’ka rëndësi në kuptim të ligjit. Mund të ishte edhe në kushtet kur ushtronte detyrën. Kur verifikohet që ka kryer një vepër penale a e ka kompetencën KQZ për ta zhvlerësuar këtë mandat? Po, e ka të drejtë dhe këtij ligji i nënshtrohen më shumë akoma ata të cilët e kanë marrë ata detyrë. Ty ligji të ndalon të mos kandidosh në disa kushte dhe ta ushtrosh kur verifikohen kushtet e ndalimit. Jemi në kushtet e humbjes së mandatit të kryetarit të Bashkisë Himarë, Fredi Beleri dhe e shpallim të pavlefshëm këtë mandat. Mund të bëhet ankimi i këtij vendimi brenda 30 ditëve. Vendimi hyn në fuqi menjëherë dhe do të publikohet në faqen elektronike të internetit të KQZ
TIRANË- Kryebashkiaku i zgjedhur i Himarës, Fredi Beleri ka mbajtur fjalën e tij në seancën në KQZ ku po shqyrtohet vlefshmëria e mandatit të tij.
Beleri tha në nisje të fjalë së tij se mungon baza ligjore në KQZ për shqyrtimin e mandatit, ku shtoi se "dikush do të nxjerrë gështenja nga zjarri me duart e KQZ-së."
Ai u shpreh se ashtu siç erdhi për këtë seancë mund të ishte lejuar edhe për kryerjen e betimit të tij si kryebashkiak në Himarë. Beleri tha se fillimisht duhet lejuar të betohet dhe më pas kryeministri Edi Rama ta shkarkojë nga detyra si kryebashkiak.
Beleri: Duket qartë që nuk ka bazë ligjore për shqyrtimin. Dikush do të nxjerrë gështenja nga zjarri me duart e KQZ-së. Institucioni që ju drejtoni ka ruajtur nderin e këtij shtetit, të gjitha institucionet e tjera janë bërë pjesë e paligjshmërisë për mua dhe banorëve të Himarës që më votuan për të drejtuar.
Sic erdha këtu mund të kisha vajtur dy orë në Himarë për tu betuar. Vullnet politik ishte sot, përvec dashamirësisë dhe kërkesës tuaj. Drejtoria e burgjeve në varësi të kryeministrit dhe ministrit të Drejtësisë më dha lejen. Këtë fare thjesht mund ta mirrja për të bërë betimin. Ata që vendosën rrëmbimin e bashkisë së Himarës e nuk duan që himariotët të shprehen duhet t’i lini të pijnë gotën e helmit deri në fund. Unë duhet të betohem e të më shkarkojnë.
Jam i qartë që mandati im si kryetar bashkie ka mbaruar por duket qartë arroganca e tyre që ti bëjnë votimet në gusht. Pse KQZ ti bashkohet kësaj kërkesë. Kam frikë se gjysma e bashkisë do të verë në burg. Drejtoju Kushtetueses ta zgjidhë një herë e mirë këtë.
TIRANË- Në KQZ po zhvillohet seanca e shqyrtimit të mandatit të kryebashkiakut të zgjedhur të Himarës, Fredi Beleri. Përfaqësuesi ligjor i Partisë Demokratike, Ivi Kaso tha se shkarkimin e Belerit duhet ta bënte kryeministri Edi Rama. Kaso tha se mazhoranca do t'ja bëjë dhuratë Ramës për ditëlindjen shkarkimin e Belerit përmes KQZ.
Kaso: Rama do të shmangë shkarkimin ose maxhoranca ka dashur tja bëjë dhuratë Ramës për 60 vjetor heqjen e mandatit përmes jush" tha Kaso.
Përfaqësuesi ligjor i Partisë Socialiste, Eridian Salianji, nga ana tjetër, tregoi se kur do të ishte kompetencë e Ramës shkarkimi i kryebashkiakut të Himarës.
Salianji: Nëse do të ishte bërë betimi dhe do kishte nisur detyrën, atëherë Rama mund të bënte shkarkimin.
TIRANË- Avokatja e Fredi Belerit ka mbajtuyr fjalën e para në seancë ku po shqyrtohet vlefshmëria e mandatit të kryebashkiakut të zgjedhur të Himarës.
Ajo u shpreh se është e paqartë mënyrë sesi KQZ është vendosur në lëvizje, pasi sipas saj rezulton se ka qenë kërkesa e një personi të vetëm.
Avokatja shtoi më tej se janë organe të tjera që vendosin për mandatin e Belerit, pasi sipas saj KQZ nuk e ka këtë kompetencë.
Avokatja: Procedura e ndjekur nga KQZ konfuze. Nuk ka qartësi, jeni vendosur në lëvizje kryesisht, apo nga një individ. Sipas projektvendimit rezulton te jetë në lëvizje nga shtetasi Eugen Likaj. Nuk ka asnjë të dhënë ku banon, me çfarë cilësie i drejtohet KQZ, mosha, s’ka as kartë identiteti. Firmat e zgjedhësve të tjerë që ti drejtohet KQZ. Pr.vendimi s’ka dispozita të caktuara që të na jepet mundësia të kuptojmë. KQZ vendoset në lëvizje nga një shtetas vetëm ne periudhë zgjedhore, nuk jemi. S’ka asnjë depozitë të Kodit Zgjedhor që i jep të drejtë që në këtë fazë që është procesi i Belerit nga ana e KQZ të merren iniciativa të tilla. KQZ mund të kryejë verifikim të tillë vetëm bazuar në të dhënat e formularit të dekriminalizimit asnjë e dhënë jashtë formuarit s’mund të merret në verifikim nga KQZ, procedura është e pavlefshme, keni kaluar kompetencat që u parashikon ligji, kërkojmë pushimin e procedurës' tha avokatja.
Celibashi: Pra ju po thoni se i mungon shkaku që KQZ të vendosë në lidhje me mandatin, kështu?
Avokatja: Janë organe të tjera që vendosin, ju keni kaluar procedurat.
TIRANË- Kryebashkiaku i zgjedhur i Himarës, Fredi Beleri do të marrë pjesë fizikisht në mbledhjen e sotme të KQZ ku do të shqyrtohet vlefshmëria e mandatit të tij. Beleri mbërriti në KQZ para disa minutash, i shoqëruar nga policia dhe me pranga në duar.
Ndërkohë kanë dale edhe pamjet e tij brenda sallës ku do të mbahet mbledhja dhe kryebashkiaku do të mbajë po ashtu fjalën e tij. Pranë tij shihen edhe 4 efektivë policie.
Fredi Beleri i cili garoi nën siglën e koalicionit ‘Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Më vonë ai u dënua me 2 vite burg nga Shkalla e Parë dhe e Dytë, nën akuzën për korrupsion në zgjedhje. Aktualisht Fredi Beleri është zgjedhur eurodeputet i partisë Demokracia e Re e drejtuar nga Kyriakos Mitsotakis.
TIRANË- Kryebashkiaku i zgjehdur i Himarës, Fredi Beleri nën masa sigurie, ka mbërritur në ambientet e KQZ, pasi do të marrë pjesë në seancën ku do të shqyrtohet vlefshmëria e mandatit të tij.
Kryekomisioneri Ilirjan Celibashi vendosi dje që shqyrtimi i mandatit të kryebashkiakut të zgjedhur të Himarës, Fredi Belerit të zhvillohej ditën e sotme. Vendimi u mor, sepse avokatja e Belerit kërkoi që ai të dëgjohet në seancë, pasi sipas saj Beleri nuk është njoftuar për këtë procedurë.
Fredi Beleri i cili garoi nën siglën e koalicionit ‘Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Më vonë ai u dënua me 2 vite burg nga Shkalla e Parë dhe e Dytë, nën akuzën për korrupsion në zgjedhje. Aktualisht Fredi Beleri është zgjedhur eurodeputet i partisë Demokracia e Re e drejtuar nga Kyriakos Mitsotakis.
