Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Vdekja e 70-vjeçarit Musa Bajraktari në Shkodër nuk ishte aksidentale, por e qëllimshme. •Trupi i të moshuarit u gjet një ditë më parë në një kanal. •Fillimisht u mendua se është vdekje natyrale por nga këqyrja e kufomës rezultoi se Bajraktari është vrare nga fqinji i tij i cili e goditur me sëpatë. •Autori i dyshuar Xhemal Zeqiri është arrestuar nga policia vendore e Shkodrës. Shkaku i vrasjes mendohet te jete për motive të dobëta. •Policia po heton për zbardhjen e plotë të kësaj ngjarjeje.
3 artikuj për këtë temë.
SHKODËR- Fqinjët janë të tronditur pas vrasjes së Musa Bajraktarit, i cili u godit me sopatë nga fqinji i tij. Banorët e fshatit Kullaj kanë treguar për mediat se nuk ishin në dijeni të konflikteve mes dy fqinjëve.
Një nga banoret e zonës thotë se është informuar për vdekjen e bashkëfshatarit të saj sot nga gazetarët teksa shton se në dijeninë e saj, viktima nuk ka pasur konflikte me njeri.
PYETJE-PËRGJIGJE:
Pyetje: Ju a e keni parë gjatë ditës së djeshme policinë, a ju ka bërë përshtypje ngjarja?
Banorja: Tani që po më thonë se unë nuk di gjë vallai.
Pyetje: A ka qenë konfliktual? Si është njohur në zonë ky person?
Banorja: Jo. As alkool nuk ka pirë, kurrë. Ka shikuar familjen e vet…
Pyetje: Pra, nuk ka pasur konflikte me njeri?
Banorja: Nga ajo që unë di, jo. Tani njeri është brenda këtu dhe nuk ndjen asgjë.
Pyetje: Ju sot po e merrni vesh?
Banorja: Unë sot nga ti e mora vesh. Ishalla është gënjeshtër se nuk po di…
Fillimisht u dyshua se ishte vdekje natyrale, por u zbulua se viktima ishte goditur me sëpatë nga fqinji i tij, i cili më pas e kishte hedhur në kanal.
Autori i dyshuar, Xhemal Zeqiri është arrestuar nga policia e Shkodrës dhe dyshohet se vrasja ka ndodhur për motive të dobëta. Banesa e autorit po ruhet me policë për shkak të frikës së dy familjeve që i kanë shtëpitë 100 metra larg njëra-tjetrës./Dosja.al
SHKODËR- Zbardhet krimi në Shkodër. 70-vjeçari, Musa Bajraktari, është vrarë me sëpatë nga fqinji i tij dhe trupi i ishte hedhur në kanal.Ngjarja ka ndodhur të enjeten në fshatin Boks, që fillimisht ngjarja u raportua se 70-vjeçari ishte gjetur i vdekur në kanal për shkaqe natyrale. Por grupi hetimor i policisë ka mundur të zbardhë se ngjarja është vrasje dhe jo vdekje për shkaqe natyrale.
Nga hetimet rezulton se 70-vjeçari ishte goditur me sëpatë nga fqinji duke i shkaktuar vdekjen. Policia ka arrestuar autorin e dyshuar, 60-vjeçarin Xhemal Zeqiri, i akuzuar për vrasje me dashje.
Nga provat e siguruara dyshohet se 60-vjeçari, pas një konflikti për motive të dobëta, ka goditur me sëpatë në kokë 70-vjeçarin i cili për shkak të goditjes, ka rënë në kanalin e fshatit Boks, ku u gjet i pajetë më pas./Dosja.al
SHKODËR- Ngjarja e një dite më parë në Shkodër nuk ishte vdekje aksidentale, por krim. U raportua për një trup të pajetë, i cili u gjet në fshatin Boks në një kanal. Fillimisht u mendua se ishte vdekje natyrale, por nga këqyrja e kufomës rezultoi se shtetasi Musa Bajraktari është vrarë nga fqinji i tij, i cili e goditur me sëpatë.
Autori i dyshuar, shtetasi Xhemal Zeqiri është arrestuar nga policia vendore e Shkodrës. Shkaku i vrasjes mendohet të jetë për motive të dobëta. Policia po heton për zbardhjen e plote te ngjarjes.
NJOFTIMI I POLICISË:
Zbardhet ngjarja e ndodhur mesditën e djeshme, në fshatin Boks, ku në një kanal u gjet trupi i pajetë i shtetasit M. B., 70 vjeç. Vihet në pranga fqinji i 70-vjeçarit, i cili nga hetimet e thelluara rezultoi se vrau këtë shtetas, me mjet prerës, pas një konflikti për motive të dobëta. Sekuestrohet mjeti prerës (sakicë), me të cilin u krye vrasja.
Si rezultat i hetimeve të thelluara, të kryera menjëherë pas ngjarjes së ndodhur më datë 19.10.2023, në fshatin Boks, Shkodër, ku në një kanal u gjet trupi i pajetë i shtetasit M. B., 70 vjeç, banues në fshatin Kullaj, Shkodër, për të cilin paraprakisht u dyshua se e kishte humbur jetën, prej shkaqeve natyrale, specialistët për Hetimin e Krimeve të Komisariatit të Policisë Shkodër dhe ata të Drejtorisë Vendore të Policisë Shkodër, në bashkëpunim me Prokurorinë e qarkut, bënë të mundur zbardhjen dhe dokumentimin e ngjarjes, për të cilën u vu në pranga shtetasi: -Xh. Z., 60 vjeç, banues në fshatin Kullaj, Shkodër, për veprën penale “Vrasja me dashje”. Nga provat e siguruara dyshohet se 60-vjeçari, pas një konflikti për motive të dobëta, ka goditur me mjet prerës (sakicë), në kokë, shtetasin M. B., i cili për shkak të goditjes, ka rënë në kanalin e fshatit Boks, ku u gjet i pajetë më pas.
Në cilësinë e provës materiale u sekuestrua mjeti prerës (sakicë). Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
