Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Një ngjarje e rëndë është zbuluar! Elton Tahiri ndërroi jetë pasi kaloi në mbidozë kokaine dhe heroinë, ndërsa shoku i tij e hodhi në përrua. • Sot, Policia e Shtetit ka bërë me dije se Elton Tahiri që u gjet i vdekur më 13 shkurt pranë përroit të Limuthit në Bërxullë, në fakt kishte ndërruar jetë në shtëpinë e shokut të tij, Majdiel Husa. • Shoku i tij është arrestuar pasi vendosi që të mos e kallëzonte ngjarjen në polici por e hodhi në përrua, ndërsa në Polici tha se nuk kishte ditur si të vepronte, e ishte panikosur në momentin e ngjarjes. • Ndaj dhe e kishte mbajtur disa ditë të vdekur në shtëpi, më pas e kishte futur në makinë dhe e kishte hedhur në përrua nga frika se mund të akuzohej pë rvrasjen e tij. • Por sërish ka përfunduar në prangat e Policisë së Shtetit.
3 artikuj për këtë temë.
TIRANË- Madjel Husa, 47-vjeçari i arrestuar pasi hodhi trupin e shokut të tij, Elton Tahirit në një përrua në zonën e Bërxullës, ka qënë i dënuar më parë. Ai është dënuar në vitin 2018 me 2 vite burg nga gjykata për përndjekje. Husa u arrestua pas denoncimit të ish të dashurës së tij, e cila ankohej se ai e kërcënonte prej disa muajsh.
Në atë kohë, ai pretendonte se po mbahej në burg për shkak se familja e vajzës, që ishte 20 vite më e vogël se ai, nuk e dëshironte lidhjen e tyre prej diferencës së moshës. Më pas gjykata ndryshoi vendimin për shkak se e dashura e tij e kishte takuar në burg dhe i vendosi masën e arrestit të shtëpisë. Sipas, Madjel Husës historia e dashurisë kishte vazhduar edhe gjatë arrestit në shtëpi, por më pas ishin ndarë për shkak të zënkave të shumta për motive xhelozie. Në 2018 ai deklaroi në sallën e gjyqit se xhelozia nuk është vepër penale.
“Ajo ishte super xheloze, e më merrte mua që të mos kisha mundësi të ulesha me koleget e mia”, deklaronte në atë kohë Husa.
TIRANË- Trupi i pajetë i Elton Tahirit është mbajtur për disa ditë brenda shtëpisë së mikut të tij, Marjdiel Husës në Laprakë. Dy shokët, kanë qënë duke konsumuar lëndë narkotike në banesën e Husës. Ata të dy kanë ardhur bashkë nga Gjermania para pak kohësh, të deportuar, kanë shkuar në shtëpi dhe kanë pirë. Nga mbidoza, Tahiri humbi jetën. Shoku i tij, e ka mbajtur disa ditë në banesë dhe më pas e ka futur në makinë dhe e ka dërguar në Bërxullë.
Në deklarimin e tij para grupit hetimor, Husa ka thënë se e ka mbajtur nga frika se mund të akuzohej./Dosja.al
TIRANË- Vdekja e Elton Tahirit vë në pranga mikun e tij të ngushtë, Majdiel Husa. Policia e Shtetit, bën të ditur se shkaku i vdekjes së 48-vjeçarit është bërë mbidoza nga lëndët narkotike, të cilat i ka konsumuar në shtëpinë e shokut të tij. Husa, është arrestuar për shkak se nuk kallëzoi ngjarjen në Polici, madje tentoi ta fshihte atë duke dërguar trupin në një vend tjetër.
Shoku e ka transportuar me automjet dhe e ka lënë trupin e pajetë të Tahirit, në afërsi të përroit të Limuthit, në fshatin Bërxull, Tiranë. Gjatë kontrollit në banesën, shërbimet e Policisë kanë gjetur dhe sekuestruar sende që dyshohet se janë përdorur për konsumimin e lëndëve narkotike dhe automjeti i përdorur nga Husa për transportimin e trupit të pajetë.
NJOFTIMI I POLICISË:
Zbardhet shkaku i vdekjes së 48-vjeçarit që u gjet i pajetë në datën 13.02.2023, në afërsi të përroit të Limuthit, në Bërxullë. Nga veprimet hetimore dyshohet se 48-vjeçari ka ndërruar jetë gjatë kohës që ka qenë duke konsumuar droga të forta, bashkë me shokun e tij, në banesën e këtij të fundit. Vihet në pranga shtetasi M. H. (shoku i 48-vjeçarit), pasi nuk kallëzoi në Polici, për ngjarjen, dhe transportoi trupin e pajetë të shokut të tij, nga banesa në afërsi të përroit të Limuthit. Sekuestrohen sende që dyshohet se janë përdorur nga këta shtetas, për konsumimin e lëndëve narkotike, në banesë, si dhe automjeti i përdorur për transportimin e trupit të pajetë të 48-vjeçarit.
Specialistët e Seksionit për Hetimin e Krimeve Ndaj Jetës në DVP Tiranë, pas ngjarjes së ndodhur në datën 13.02.2023, në afërsi të përroit të Limuthit, në Bërxullë, ku u gjet një kufomë e seksit mashkull, më një dokument identifikimi me gjeneralitetet E. T., 48 vjeç, kanë organizuar menjëherë punën për zbardhjen e rrethanave të ngjarjes. Nga veprimet hetimore ka rezultuar se shtetasi E. T., 48 vjeç ka ndërruar jetë gjatë kohës që ka qenë duke konsumuar lëndë narkotike kokainë dhe heroinë, bashkë me shokun e tij, shtetasin M. H., 47 vjeç, në banesën e këtij të fundit.
Më pas dyshohet se shtetasi M. H. e ka transportuar me automjet dhe e ka lënë trupin e pajetë të 48-vjeçarit, në afërsi të përroit të Limuthit, në fshatin Bërxull, Tiranë. Gjatë kontrollit në banesën e shtetasit M. H., shërbimet e Policisë kanë gjetur dhe sekuestruar sende që dyshohet se janë përdorur për konsumimin e lëndëve narkotike dhe automjeti i përdorur nga shtetasi M. H., për transportimin e trupit të pajetë. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
