"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Zona të mëdha të Evropës Jugore dhe Lindore janë vendosur në një alarm të kuq për shkak të temperaturave të larta. • Organizata Botërore Meteorologjike (WMO) ka paralajmëruar për një rrezik në rritje të vdekjeve pasi moti ekstrem përfshin kontinentin, Azinë dhe Shtetet e Bashkuara. •Ishulli italian i Sardenjës ka temperatura maksimale prej më shumë se 47 gradë Celsius. • Me temperaturat ekstreme që godasin Evropën gjatë sezonit turistik të verës, vala e të nxehtit në hemisferën veriore do të intensifikohet. • Rreth 61,000 njerëz mund të kenë vdekur nga valët e të nxehtit vitin e kaluar vetëm në Evropë. • Qendra e Koordinimit të Reagimit Emergjent të Bashkimit Evropian lëshoi alarme të kuqe për temperatura të larta në pjesën më të madhe të Italisë, Spanjës verilindore, Kroacisë, Serbisë, Bosnjës dhe Hercegovinës jugore dhe Malit të Zi. • Ekipet e Kryqit të Kuq në Portugali shkuan në mediat sociale për të paralajmëruar njerëzit që të mos linin kafshë shtëpiake ose fëmijë në makina të parkuara. • Në Greqi, vullnetarët shpërndanë ujë të pijshëm dhe në Spanjë u kujtuan njerëzve që të mbroheshin nga thithja e tymit të zjarreve.
7 artikuj për këtë temë.
ITALI- Ministria italiane e Shëndetësisë ka publikuar një hartë të 18 qyteteve ku vala e temperaturave të nxehta verore do të vijojë.
Ndërsa autoritetet do të qëndrojnë në gatishmëri të lartë për rrezikun që pritet të paraqesin kushtet atmosferike, më disa gradë plus në termometër. Ministria ka bërë thirrje ndaj qytetarëve që të kufizojnë lëvizjet gjatë orëve kritike.
Siç raportojnë mediat e huaja, vapa intensive do të regjistrohet kryesisht në rajonet qendrore dhe jugore të vendit, ndërsa në veri të Italisë temperaturat e larta do të fillojnë të ulen. Zonat më të prekura janë Bari, Firence, Katania në Siçili, Rigios në Kalabri dhe Roma.
Sipas parashikimeve meteorologjike, temperatura më e lartë do të regjistrohet në Sardenjë, sot merkuri arriti në 47.7 gradë.
KROACI- Merr kthesë moti në Kroaci. Vendi është përfshirë nga stuhi dhe reshje të dendura shiu, duke shkaktuar dëme materiale në disa banesa. Siç raportojnë mediat vendase, në Karlovac ka rënë breshër në madhësinë e arrës. Në Zagreb, qielli u errësua për pak çaste dhe një erë e fortë çoi gjithçka përpara. Pemë të shumta u rrëzuan, era i largoi çatitë nga ndërtesat. Shumë rrugë janë përmbytur, ndërsa një pjesë e qendrës së qytetit ka mbetur pa energji elektrike.
OMG, ëhat an apocalypse back home in Zagreb ???????? pic.tëitter.com/9i9hYkB3JB
— Annamaria ???????? (@AnnamariaCRO) July 19, 2023
Sirenat gjëmojnë nëpër qytet, ndërsa banorët e Zagrebit, të cilët nuk e mbajnë mend një stuhi si kjo, llogaritin dëmet.
TURQI- Një ngjarje e rëndëështë shënuar në Turqi, teksa 3 të mitur të moshave 5, 6 dhe 10 vjeç shkuan për të notuar, për t'i shpëtuar temperaturave të larta dhe nuk u kthyen më. Siç raportojnë mediat e huaja ngjarja ka ndodhur në orët kritike të temperatuave të nxehta verore në vend.
Trupi i 10 vjeçarit u zbulua nga babai i tij, emri i të cilit nuk bëhet i ditur. Ai u dërgua me urgjencë në spital me ambulancë, ku u konstatua i vdekur.
Më pas u gjetën trupat e pajetë të dy djemve më të vegjël. Mediat vendase thanë se familja janë shtetas të huaj, por nuk specifikuan se nga ishin.
TIRANË- Shqipëria prej ditësh po përjeton temperatura ekstermisht të larta. Sipas meteoalb, termometri sot shënon 42 gradë në disa qarqe të vendit.
Temperaturat më të larta pritet të jenë në qarkun e Elbasanit, Beratit dhe të Gjirokastrës. Gjithashtu Kopliku, Kukësi dhe Hasi do të kapin temperaturat 39 gradë celsius, ndërsa në Korçë vlerat maksimale janë 36.
Ndërkohë, nga parashikimi i motit nesër në Tiranë do të shënohen temperatura maksimale prej 42 gradësh.
SHBA- OBSH ka paralajmëruar se njerëzit janë në një rrezik të shtuar të vdekjes për shkak të nxehtësisë ekstreme.
Drejtori rajonal i Organizatës Botërore të Shëndetësisë për Evropën, Hans Kluge, tha se bota duhet të shikojë përpara ndërsa përshtatet me "realitetin e ri" të valëve të të nxehtit vrasës dhe motit tjetër ekstrem, shkruajnë mediat e huaja.
"Ekziston një nevojë e dëshpëruar dhe urgjente për veprim rajonal dhe global për të trajtuar në mënyrë efektive krizën klimatike, e cila përbën një kërcënim ekzistencial për racën njerëzore,"-tha Kluge.
Vala e të nxehtit ka prekur gjithë botën dhe deri tani janë regjistruar gati 61,000 vdekje.
EUROPË- Vala e të nxehtit po vazhdon në Evropën Jugore, ndërsa temperaturat në Mesdheun qendror pritet të arrijnë kulmin gjatë ditës së sotme.
Ishulli italian i Sardenjës pritet të shohë një temperaturë maksimale prej 46C (114.8F). Ekspertët kanë paralajmëruar se nxehtësia ekstreme mund të vazhdojë edhe për 10 ditë të tjera në disa zona të Italisë.
Në imazhet e siguruara nga BBC njerëzit shihen duke gjetur mënyra për të përballuar temperaturat e larta.
View this post on Instagram
SHBA- Një shkencëtar i NASA-s paralajmëroi se kjo 'do të jetë vera më e freskët për pjesën tjetër të jetës së njerëzve' për shkak të ndryshimeve klimatike mes frikës se temperaturat mund të thyejnë rekordin dhe të përbëjnë një rrezik serioz për shëndetin e njerëzve në të gjithë Evropën, raporton Dailymail.
"Shumica e njerëzve ende nuk e dinë se në çfarë rreziku janë. Kjo do të jetë vera më e freskët për pjesën tjetër të jetës suaj. E vetmja rrugë për të dalë nga ky makth i nxehtësisë është t'i jepet fund karburanteve fosile sa më shpejt të jetë e mundur'-tha shkencëtari Peter Kalmus.
Ai tha gjithashtu se nëse bota dhe shoqëria “kalojnë në modalitetin e emergjencës klimatike”, do të ishte e mundur që planeti të fillonte të ftohet deri në fund të shekullit.
