Kosova në alarm, Vuçiç jep dorëheqjen nga presidenca e SNS, vendin e tij e merr Ministri i Mbrojtjes: Do e ruajmë Prishtinën si pjesë tonën
Millosh Vuçeviç zë vendin e Vuçiç: Do ruajmë Kosovën si pjesë e Serbisë 27 Maj, 14:50 ...
Millosh Vuçeviç zë vendin e Vuçiç: Do ruajmë Kosovën si pjesë e Serbisë 27 Maj, 14:50 ...
Arrestimet për RRJETIN e kanabisit në Krujë, lirohet i moshuari 27 Maj, 13:08 Zbardhet dosja/ Kultivonin drog&e...
Rusia kryen sërish sulme të reja në Bahkmut dhe Kharkiv 27 Maj, 13:53 ...
Mbyllet seanca e Këshillit të sigurisë në Serbi/ Konkluzioni: NATO nuk ka përmbushur misionin 27 Maj, 11:38 ...
•Dy ministra raportuan ditën e sotme para gazetarëve vendimet e marra në mbledhjen e Këshillit të Ministrave. •Ministrja e Shëndetësisë Ogerta Manastirliu deklaroi se qeveria ka miratuar fondin prej 240 milionë lekësh për periudhën 2023-2025 për të integruar dhe punësuar individët e ndërmarrjeve sociale. •Ministri Niko Peleshi bëri të ditur se do ketë një plan të ri për emergjencat Civile për vlerësimin e riskut nga fatkeqësitë. •I pyetur në lidhje me interesin e të rinjve për tu bërë pjesë e ushtrisë, Peleshi u shpreh se tashmë ushtria ka një imazh të ri, ndërsa paralajmëroi se do të ketë një projekt fantastik për strehimin e ushtarakëve. •Peleshi, tha se satelitët që Shqipëria ka dërguar në hapësirë mund të sigurojnë informacion edhe për kompanitë private që do të shfaqin interes.• Ai shtoi se imazhet më pas përpunohen më gjuhën e kuptueshme nga çdo institucion, por gjithsesi sipas tij procesi i edukimit të këtyre institucioneve për të kuptuar dhe vënë në përdorim të dhënat satelitore kërkon kohë. •I pyetur për ish-ministrin Arben Ahmetaj, Peleshi tha se dje ishte në Kuvend, por nuk e zgjati më tej përgjigjen e tij.
4 artikuj për këtë temë.
TIRANË- Ministri Niko Peleshi refuzoi të komentojë zhvillimet e fundit që po ndodhin me kolegun e tij, ish-ministrin Arben Ahmetaj. Pas përfundimit të mbledhjes së Këshillit të Ministrave, ai u shpreh se nuk është etike të pyetet për këtë çështje, por shtoi se dje Ahmetaj ka qënë prezent në Kuvend.
Pyetja: A keni komunikuar me kolegun tuaj, Ahmetajn?
Peleshi: Nuk është etike që të më pyesni për një koleg tjetër, dje për shembull ka qënë në Kuvend.
Ish-zv.kryeministri Arben Ahmetaj është vënë zyrtarisht nën hetim nga Prokuroria e Posaçme kundër Korrupsionit dhe Krimit të Organizuar. Pas disa muajsh verifikime, SPAK i ka nisur hetimet dhe ka marrë nën hetim Ahmetajn për veprat penale: “korrupsion”, “shpërdorim detyre”, “fshehje e pasurisë” dhe “pastrim parash”.
Hetimi ndaj socialistit ka nisur si pasojë e bashkimit të dy procedimeve penale, një nga të cilët është procedim i ndarë nga hetimi i SPAK për çështjen e inceneratorit të Elbasanit; e këtij të fundit i është shtuar edhe kallëzimi i bërë nga gazetari Adriatik Doçi, i cili ngrinte dyshime për disa shkelje nga ish-zv.kryeministri. Për çështjen e parë, Ahmetaj po akuzohet për procedurën e ndjekur nga Ahmetaj për dërgimin për miratim në Këshillin e Ministrave të projektit të ndërtimit të inceneratorit dhe dakordësinë e Ministrisë së Financave për ta ndërtuar përmes negocimit pa shpallje./Dosja.al
TIRANË- Shqipëria ka marrë imazhet e para nga dy satelitët e lëshuar. Kështu deklaroi ditën e sotme ministri Niko Peleshi, përballë gazetarëve. Ai u shpreh se kanë marrë fotografi nga agjensia për informacionin gjeohapësinor, si dhe bëri të ditur se po punojnë për të përditësuar imazhin vjetor të Shqipërisë.
"Është fillimi, natyrisht nga janari, sapo ato janë lançuar kemi filluar të marrim imazhet e para. Në marrin çdo javë imazhe. Marrim imazh nga dy satelitët, të cilat përpunohen nga ASIG. Aty kemi një staf të specializuar, që po dedikohet për përpunimin e iamzherisë. Do shtohen në numër dhe trajtimi me pagë do shtohen. Kjo merr imazhet satelitore dhe I përpunon ato me gjuhën e përdorshme dhe të kuptueshme nga çdo institucion. Bashkitë mund të përdorin imazhienrinë në një të afërme të afërt. Puna ka nisur, imazhet vijnë vazhdimisht. Është ASIG që po i përpunon ato dhe është edhe në varësi edhe të motit, por imazhet janë periodike. Katër herë në javë marrim imazhe"
Peleshi shpjegoi se në punën rutinë, fotografohet një shirit prej 5 kilometrash nga veriu në jug derisa të mbulohet me fotografim i gjithë territori i vendit.
“Kemi dy korsi pune. Një korsi është puna rutinë që do të thotë, çdo ditë bëjmë nga një segment të Shqipërisë fotografi. Teknikisht po e shpjegojmë. Fotografohet një shirit që i bie nga veriu në jug të Shqipërisë, prej 5 kilometrash. Puna rutinë është që marrim një 5 kilometërsh po themi në çdo fotografim derisa të mbulojmë të gjithë Shqipërinë. Pra ne vazhdimisht do të punojmë për imazhin vjetor, po e them kështu, të Shqipërisë, i cili është i përdorshëm nga kushdo, por edhe me detyra specifike. Pra nëse në një zonë të caktuar, gjatë gushtit, Ministria e Mbrojtjes s’ka nevojë të monitorojë Karaburunin, jugun e Shqipërisë, çdo ditë dhe ditë pas dite, ne do ta bëjmë këtë në mënyrë të posaçme. Korsia tjetër janë me porosi nga institucione të ndryshme”, tha Peleshi.
Satelitët “Albania 1” dhe “Albania 2” u lëshuan në hapësirë në fillim të këtij viti. Nisja e tyre u bë nga Spache Launch Complex nëpërmjet Falcon 9. Kontrata e Shërbimit Satelitor u nënshkrua në fund të muajit Shtator të vitit 2022.
TIRANË- Ministri i Mbrojtjes Niko Peleshi ka deklaruar se Këshilli i Ministrave ka Miratuar një projektvendim sot për mbështetje në rast emegjencash. Gjatë një deklarate për gazetarët, pas mbledhjes, Peleshi ka theksuar se ky projektvendim mbulon 6 risqe kryesore, por ndihmon dhe pjesën ekonomike, pasi ul kostot.
"Sot është miratuar një projektvendimi i propozuar nga Ministria e Mbrojtjes. Është një projektvendim dhe na sjell jo vetëm mbështetje në rast emergjencash, por edhe gjetje shkencore se si përballohen emergjencat. Në këtë projektvendim janë 6 risqe kryesore, kjo na ndihmon edhe për ekonominë. Duke shtuar edhe databazën që do të shtohet, do të kemi një big data ku të përmblidhen të gjitha. Me pak burime do ti kemi të gjitha. Kjo është një futje në një fazë të re, Ky do të jetë viti i Mbrojtjes Civile," tha Peleshi.
TIRANË-Ministria e Shëndetësisë, Ogerta Manastirliu, bëri të ditur pas përfundimit të mbledhjes se qeverisë, vendimet që kanë të bëjnë me politikat e e mbrojtjes dhe përfshirjes sociale për kategoritë në nevojë.
Manastirliu tha se me anë të subvencionit, do të bëhet e mundur që kategoritë në nevojë të punësohen në këto ndërmarrje dhe të paguhen nga shteti me një rrogë minimale, po ashtu edhe sigurimet shëndetësore dhe shoqërore për 3 vitet e arshme.
“Sot kemi miratuar një seri vendimesh të rëndësishme. Kemi miratuar vendimin për ndërmarrjet socialë dhe përcakton format e mbështetjes për ndërmarrjen sociale. Ky vendim krijon për të disatën herë fondin e mbështetjes së ndërmarrjeve sociale në vlerën 240 milionë lekë për periudhën 2023-2025. Format e mbështetjes përmes subvencionin do bëjnë të mundur që individë që janë pjesë e programeve të papunësisë të mund të punësohen në mënyrë që shteti të subvencionojë pagën minimale për ta. Kjo formë e re vjen për të mbështetur organizatat jofitimprurëse. Një ndër elementet përveç kritereve që duhet të plotësojnë është që deri në 50% e të punësuarve do të jenë individë që janë pjesë e skemave të mbrojtjeve sociale. Këto forma mbështetje vijnë në kuadër të fuqizimit ekonomik të personave që janë në moshë aktive pune, pjesë e programeve të ndihmës ekonomike por tashmë kanë mundësi të riintegrohen në tregun e punës. Ne kemi punuar fort për të bërë të mundur integrimin dhe riintegrimin e familjeve që janë pjesë e programeve tona sociale”, tha Manastirliu.
