Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Paratë për rritjen e pagave, do mblidhen nga rritja e të ardhurave dhe nga rialokimet e brendshme. Kështu deklaroi ditën e sotme ministrja e Ekonomisë Delina Ibrahimaj, e cila tha se synimi i Qeverisë është që të ulet borxhi dhe deficiti. •Nga rritja e pagave do të përfitojnë punonjësit e shëndetësisë, arsimit, punonjësit e Policisë së Shtetit, punonjësit e Policisë së Burgjeve, si edhe Garda e Republikës. •Ministrja e Arsimit, Evis Kushi, pas mbledhjes me qeverinë deklaroi se vitin e ardhshëm, në vitin 2024, do të ketë rritje të pagave për mësuesit dhe pedagogët. •Ajo theksoi se në 2024 do të ketë rritje më të madhe të pagave të bëra ndonjëherë për mësuesit, me 23-36% në varësi të pozicionit. •Rritje pagash do të ketë edhe për punonjësit e policisë dhe zjarrëfikësit. •Ministri Bledi Çuçi tha se tek punonjësit e gardës do të ketë rritje me me 22% për gradën e ulët dhe 7-10 për gradat e larta. •Në polici, do të ketë rritje pagash me 7% për nivelt e larta dhe 25% për Inspektorin e parë dhe të dytë. •Ministrja e Shëndetësisë, Ogerta Manastirliu deklaroi se përveç rritjes për bluzat e bardha do të ketë një rritje edhe për administratën e kujdesit shëndetësor me 25-50 %.
6 artikuj për këtë temë.
TIRANË- Ministri i Drejtësisë Ulsi Manja u pyet ditën e sotme për zaptimin e godinës së Partisë Demokratike dhe hapjen e një tjetër të kryesuar nga deputeti Enkelejd Alibeaj. Manja u shpreh se Qeveria garanton vetëm të drejtën e partive politike që në tre palë zgjedhjet e fundit kanë marrë mbi 1% të votave të qytetarëve për të t'u pajisur me zyra. Po ashtu, ai hoqi përgjegjësinë e Qeverisë për të zgjidhur këtë konflikt, që sipas tij është mes 'foltores dhe vulës'.
Pyetja: Prezantuat një projektvendim për objektet shtetërore që u vihet në përdorim objekteve zgjedhore. Ato që sot drejtojnë zyrtarisht PD kërkojnë ndihmë nga Qeveria nga ato që po e përdorin. A do ketë iniciativë që t'i jepet një zgjidhje zyrtare.
Manja: Qeveria garanton vetëm të drejtën e partive politike që në tre palë zgjedhjet e fundit kanë marrë mbi 1% të votave të qytetarëve për të t'u pajisur me zyra në nivel qëndror dhe vendor. Aty ku nuk ka ambientet publike, Qeveria merr përsipër të pagujë qeranë. Zoti u dhashtë fuqinë të zgjidhin vetë konfliktet që kanë foltorja me vulën, nuk është pjesë dhe as detyrë e Qeverisë./Dosja.al
TIRANË- Ministrja e Arsimit, Evis Kushi deklaroi ditën e sotme se pagat e mësuesve do të rriten me 23 deri në 36% në varësi të pozicioneve të tyre, përvojës dhe kualifikimeve. Kushi sqaroi se paga e mësuesve të shkollave 9-vjeçare do të jenë deri në 95 mijë lekë e 550, ndërsa për arsimin e mesëm, të lartë, do të jenë 106 mijë e 800 lekë. Ministrja po ashtu bëri me dije se janë 36 mijë e 570 mësues që do të përfitojnë nga kjo rritje e pagave.
“Mësuesit në fokus të vëmendjes sonë. Investime në infrastrukturën arsimore dhe shpërblimi, vlerësimi më i mirë ndaj mësuesve. Në fillim të këtij mandati u angazhuam për rritje 40% të pagave.
Vitin e ardhshëm nga 23-36 % rritje e pagave të mësuesve në varësi të pozicioneve të tyre, përvojës dhe kualifikimeve. Paga e një mësuesi të një shkolle 9-vjeccarëe do jetë deri në 95 mijë e 550, për arsimin e mesëm e të lartë do jetë 106 mijë e 800 lekë paga bruto. Janë 36 mijë e 570 mësues në gjithë Shqipërinë që do përfitojnë nga kjo rritje e konsiderueshme e pagave”, tha Kushi, teksa njoftoi gjithashtu dhe rritjen e pagave për pedagogët me 30%.
“Pagat për pedagogët do rriten me 30% ku 20% do mbulohet nga buxheti i shtetit dhe pjesa tjetër nga të ardhurat e vetë institucionit”, tha Kushi./Dosja.al
TIRANË- Ministri i Drejtësisë, Ulsi Manja, njëherazi edhe drejtues politik i PS-së për Qarkun e Lezhës, u pyet ditën e sotme nga gazetarët për vrasjen e Ardian Nikulajt në Shëngjin.
Teksa i bëri thirrje drejtësisë për të çuar autorët para drejtësisë, Manja i ktheu përgjigje edhe akuzave të opozitës se ngjarja ishte politike. Ministria tha se ndjen neveri dhe përçmim për këto deklarata që bëhen për qëllime personale.
“E para dua të shpreh ngushëllimet e mia për familjarët e viktimës së djeshme në Lezhë dhe të shpreh gjithë solidaritetin tim në këtë ngjarje të trishtë që ka ndodhur dje në Lezhë. Në radhë të parë jemi shqiptarë, më pas jemi aleatë apo mund jemi dhe kundërshtarë politikë. Por në rastin konkretë duhet të bashkohemi në një kërkesë. Atë të zbardhjes menjëherë të kësaj ngjarje dhe të vënies së autorëve të këtij krimi të shëmtuar menjëherë përpara drejtësisë. Tani lidhur me akuzat e djeshme, unë kam neveri dhe përçmim sepse janë të njëjtët njerëz që vëllavrasjen, nxitjen e përçarjes dhe përdorimin e viktimave për qëllime të përfitimit politik apo për qëllime personale e kanë pasur pjesë të ADN-së së tyre politike këtu e 32 vjet. Ndjej vetëm neveri dhe përçmim, por është momenti të ftoj edhe njëherë organet ligjzbatuese që një orë e më përpara të zbardhin këtë ngjarje dhe autorët të shkojnë përpara drejtësisë”-u shpreh Manja.
Një ditë më parë, kreu i Partisë Demokratike, Sali Berisha u shpreh se Nikulaj ka marrë kërcënime ditët e fundit nga ata që ai i quajti “mjedisi banditesk i kriminelëve elektoral Manja-Ndreu”.
Çfarë ndodhi dje?
Ardian Nikulaj (Marku) u vra mesditën e djeshme teksa ndodhej në lokalin e tij në Shëngjin. Një person veshur me jelek fosforeshent, i ngjashëm me atë të Policisë Rrugore, u fut brenda dhe qëlloi në drejtim të Nikulajt. Më pas u largua pasi jashtë e priste bashkëpunëtori me motor. Të dy janë zhdukur pa gjurmë dhe nga çfarë raportohet deri më tani, pasi kanë braktisur motorin, kanë hipur në një mjet tip ‘Range Rover’ me ngjyrë të zezë e targa angleze.
51-vjeçari Ardian Nikulaj rezulton se ka disa biznese në zonën e Lezhës dhe ka qenë gjithashtu pjesë e politikës. Aktualisht ai garonte në listën e anëtarëve të Këshillit Bashkiak dhe më parë ka kandiduar për deputet në Lezhë në listën e PSD-së./Dosja.al
TIRANË- Ministri i Brendshëm, Bledi Çuçi, deklaroi se janë marrë vendime për rritjen e pagave për zjarrfikësit, punonjësit e Gardës së Republikës dhe ata të Policisë së Shtetit. Çuçi deklaroi se paga me këtë rritje shkon rreth 14% në nivelet e sektorit të zjarrfikësve, te garda kemi rritje sipas gradave, e ulëta ka rritje 22% e te më të lartat 7 deri në 10%.
"Morëm vendime për rritjen e pagave të të gjithë punonjësve zjarrëfikës, të gardës dhe të Policisë. Kjo ishte rritja pas 8 muajsh. Paga shkon rreth 14% në nivelet e sektorit të zjarrëfikësve, te garda kemi rritje sipas gradave, e ulëta ka rritje 22% e te më të lartat 7 deri në 10%. Te sistemi i Policisë kemi rritje që shkon deri në 25% te inspektori i parë apo i dytë. Do kemi rritje tjetër të këtyre sektorëve. Në 2024 është parashikuar se rritja që do bëhet në tre faza, rritja do bëhet deri në 40%. Janë të rëndësishëm këto sektorë sa i takon mbarvajtjes. Modernizimi në Policinë e shtetit po ecën me ritme të shpejta, do kapim nivele europiane me një kohë shumë të shkurtër"- u shpreh ministri.
TIRANË-Ministrja e Shëndetësisë Ogerta Manastirliu deklaroi ditën e sotme se paga për administratën e kujdesit shëndetësor do të rritet me 25-50 %. Pas përfundimit të mbledhjes së Këshillit të Ministrave, Manastirliu tha se nga kjo rritje page përfitojnë 22 mijë profesionistë të shëndetësisë dhe punonjës të administratës në sektorin shëndetësor.
“Fokusi ynë për fuqizimin e sistemit shëndetësor ka qenë në mbështetjen e profesionistëve të shëndetësisë. Kemi rritur dhe fuqizuar të gjitha aspektet e punës duke nisur nga investime, rritja e pagave, kemi rritur 63 % mbështetjen për mjekët dhe infermieret nga pikënisja dhe me reformën e rritjes së pagave kemi rritjen me 50 mijë lekë në muaj për mjekët specialist që punon në strukturat tona të spitaleve dhe poliklinikave në të gjithë vendin.
Kemi një rritje me 7 % për mjekët dhe do kemi një rritje për të gjithë punonjësit që punojnë në administratën e kujdesit shëndetësor një rritje prej 25-50 % duke krijuar një hierarki të pagave që reflekton rritjen pagave , një rritje historike. Nuk do ndalim këtu, ne kemi një plan konkret për vijimin e rritjes së pagave për shëndetësisë, do të vijojë edhe për 2024 për mjekët e familjes dhe infermierët ku do ketë një rritje page të targetuar për ta , përfitojnë 22 mijë profesionistë të shëndetësisë dhe punonjës të administratës në sektorin shëndetësor ku i shërben motivimit dhe rritjes së dinjitetit të mjekëve tanë. Do të sjellë rritje të cilësisë së shërbimeve”, tha Manastirliu.
TIRANË- Ministrja e Financave dhe Ekonomisë, Delina Ibrahimaj u pyet ditën e sotme nga gazetarët, pas përfundimit të mbledhjes së Këshillit të Ministrave, se ku do gjenden fondet për rritjet e pagave. Ibrahimaj, deklaroi se fondet janë parashikuar që të mblidhen nga rritja e të ardhurave dhe nga rialokime të brendshme.
Pyetje: Ju keni deklaruar një kosto të kësaj reforme për rritjen e pagave. Dy janë mundësitë sepse kjo nuk ka qenë e parashikuar në buxhetin e miratuar në Nëntor. Ose ju keni burime të reja të paparashikuara në buxhet, ose disa para po i hiqni nga diku për t’i çuar diku. Mund të na e sqaroni se kush është burimi i këtyre parave?
Delina Ibrahimaj: Siç kemi anonçuar kjo rritje do të jetë e ndarë në dy faza. Pra projektvendimet që sapo miratuam sot janë projektvendime që lidhen me pagat e vitit 2023 ndërkohë që do të ketë një rritje të mëtejshme të pagave në 2024 kur reforma supozohet që të përfundojë. Kostoja vjetore e cila e plotë do të jetë për vitin 2025 e rritje së pagave është në nivelin 38 miliardë Lekë. Këto fonde janë parashikuar që të mblidhen qoftë nga rritja e të ardhurave, qoftë nga rialokime të brendshme. Pra janë kosto që përballohen brenda kuadrit makrofiskal duke ruajtur të gjitha parametrat e ligjit organik të buxhetit. Që do të thotë ne do të vijojmë të ulim borxhin dhe ne do të vijojmë të ulim deficit duke garantuar qëndrueshmëri fiskale. Për vitin aktual në buxhetin e vitit 2023, që ku u hartua ne kemi parashikuar një politikë të rritjes së pagave dhe ishte një vlerë prej 2.4 miliardë lekësh të parashikuara në buxhet për politikën e rritjes së pagave. Ajo rritje targetonte sistemin e arsimit, të shëndetësisë, por edhe disa kategori të tjera si për shembull sektori i IT. Sigurisht që në projektbuxhetin e këtij viti kishim një fond rezervë për disa politika sociale të cilat planifikonim t’i implementonim gjatë vitit. Rritja e pagave dhe momenti i rritjes së pagave vjen si pasojë e krizës inflacioniste që është duke ndodhur, çmimeve të larta dhe rritjes së kostove të jetesës. Janë disa zëra të parashikuara në buxhetin e vitit 2023 të cilët akomodojnë rritjen e pagave dhe koston shtesë të parashikuar për këtë vit.
